韓國彩妝 推薦好用產品

Desse好用推薦：Play Color Eyes 4色眼影盤 Kisses 🛑先講！化妝新手雷區🛑 原因： 極 顯 色！ Play Color Eyes 4色眼影盤 Kisses是韓國品牌 Etude House嘅一款 #眼影 盤 包裝好似一粒kisses嘅朱古力🍫 連眼影都有朱古力味嫁💓 💡顏色方面 我手上嘅金色Kisses 眼影盤有4種唔同感覺嘅橙金色🧅 可以輕鬆混搭出日常同派對妝容 如果懶少少. 我有時淨上右邊隻橙啡色就算🤣 有漸層得嚟又有少少閃粉.. 隻色都幾消腫 💡質地方面 眼影的質地比較幼細…非常顯色💓 珠光或閃粉就比較大粒.. 但整體嚟講比較易飛粉 🔔小小tips🔔 係上眼影前.. 先喺下眼皮先上一層碎粉 就算飛粉.. 都可以輕鬆印走 值得留意嘅係…. 🏮閃粉狀態唔持久 帶有閃粉嘅顏顆粒比較大.. 都幾容易掉粉.. 最好配搭吓閃粉液用 🏮包裝盒比較大 包裝盒雖然好靚… 但size比較大 一般嘅化妝袋裝唔落😥 帶出街用比較唔方便 🧏🏻‍♀️🧏🏻‍♀️🧏🏻‍♀️總結吓 Play Color Eyes 4色眼影盤 Kisses係一款適合日常妝容嘅眼影盤 特別適合鐘意化妝用同一色調

WinWin好用推薦：一年四季都啱用嘅百搭眼影，大地色系用於平日嘅妝容，非常好看！！！

Akassoo好用推薦：自己平時化眼妝係用WAKEMAKE 嘅皇牌百變眼妝16色眼影盤，用嘅係 05 Mute Coral Blurring，佢係粉棕色組合，適合溫暖嘅柔和秋季同深秋膚色。本身都擔心粉棕色會顯眼腫，但只要識配搭嘅話效果都幾好同自然。 一盤16色眼影盤除咗有唔同層次嘅顏色之外，仲有唔同質地，例如霧面、閃爍同閃粉，可以創造出各種妝容效果。而且佢仲包含底色、突出色、閃爍色，甚至係眼線色。 最特別嘅係，我用呢盤眼影盤嘅粉紅色（左邊打直向下數第三格）做埋胭脂色，都幾自然。 唯一唔好處就係一盤有16隻色，唔係隻隻顏色都會用得着。

Fng好用推薦：wakemake 01 啡tone大地色糸列， 由眼線深色去到打亮 眼底臥蠶 都可以一盤眼影搞掂曬，有少少飛粉情況，顏色都last到大半日，啲細閃珠光色好靚好貼服， 唯一唔好處🤣有幾格顏色差不多🧐其實上到眼皮上面都分唔清 自己用緊邊格嘅顏色。

Kitty 好用推薦：講真，Innisfree 支眉筆真係開架入面嘅平靚正之選，好多人都係回購再回購㗎！佢最正係雙頭設計，有筆有刷，畫完眉頭一梳，個妝效即刻自然晒，唔會一嚿嚿咁。 支筆嘅筆芯係扁扁地嘅，輕輕一畫就上到色，又順滑，對於想快速畫返條眉出街嘅人嚟講，真係好方便。顏色又唔會話一畫就好深色，可以慢慢疊加，唔怕失手變蠟筆小新😂。 不過都要講句公道話🤫，佢有個死穴，就係唔係好持久！如果你係好易出油出汗嘅體質，個眉尾好有可能撐唔到半日就消失咗一截。所以呢，大熱天時或者要去運動，就真係要加多層眉毛雨衣先穩陣。 總括嚟講，如果你係新手想學畫眉、預算唔多，或者只係求其畫下出街買個餸，佢絕對係高CP值之選！但對持久度有要求嘅油肌姐妹，就要諗清楚，或者搭多件防水產品啦！

zetalhc好用推薦：性價比好高，十分推介俾學生！個人覺得呢支眉筆算容易控制，而家畫兩三下已經好顯色，最緊要係附送嘅刷頭好好用，可以令到眉型更加自然！

WSY好用推薦：遮瑕度一般，上面不卡粉。但嚴重明顯的瑕疵還是需要多上一次，才能勉強遮住

KDing好用推薦：質地偏厚 遮下痘印都幾岩用 效果幾好但係遮暗沉地方就差咁D 要少量上

Tsoi Pik Ying Iris好用推薦：本人為油性敏感肌膚，因為呢款產品相對比較保濕，所以比較適合係冬天使用。 冬天使用既話因為太乾而導致既泛紅同甩皮問題會減少 但如果夏天使用相對就會比較厚重，同埋容易出油

lucrezianoin好用推薦：冇色既conditioning cream, 素顏必備! 有防曬效果, 而且仲好保濕. 價錢又唔貴, 已經回購咗兩次 :-)

jaye好用推薦：呢個礦物粉餅細細盒，方便攜帶，自己係用黎搽完粉底液後定妝用，買之前都有問過sales碎粉定粉餅好，sales解釋成份一樣，甘就買左粉餅黎試。佢既成份係天然礦物質及天然薄荷萃取物，可以調節水油平衡。夏天用舒緩左個人口罩肌問題，肌膚自然乾爽，定妝效果不錯！冬天不太合適，真係會有啲乾。

LenaC好用推薦：Innisfree 既控油粉餅係我宜家手袋入面必備品佢呢個餅狀版有埋鏡同小粉撲 易於攜帶及非常方便使用 佢既控油礦物粉係濟州天然礦物粉 擁有超強吸油力 仲蘊含天然薄荷精華 有效調節水油平衡 而且雖然佢既粉餅無調色 但都有少少美白作用 唔得閒補妝只靠佢都可以維持妝容 #出遊不能沒有它

Hamiii好用推薦：的確係有效均勻膚色既👍🏻 但稍稍比較乾.. 要配個比較保濕既底妝會比較好 我自己就只會用在眼周，鼻側，咀角同斑點位 用完基本上都唔需要再上遮瑕.. 直接用有遮瑕度既bb cream/ 氣墊粉餅就夠 都幾方便👍🏻

zetalhc好用推薦：呢個係etude house舊版嘅glow primer，帶微微珠光感，同埋可以開皮膚調色，後續上粉底會覺得順滑同貼服左，總括嚟講唔錯

chasiutung好用推薦：etudehouse 依支唇釉 質地輕薄吾會杰撻撻 顯色度高 但我買嘅色 顏色會有點螢光 同埋會顯唇紋 不易掉色

jellybeanyay好用推薦：幾顯色但又自然，似搽咗比較顯色嘅lip gloss，有啲似lip tint咁持久同有啲食色，但又唔會好乾同甩色甩到一撻撻咁，上色都好均勻。

Fng好用推薦：六格修容入面，有2格適合暖tone皮膚作面頰陰影使用，持久度last大半天，開架品牌算不錯了。

chasiutung好用推薦：左上顏色適合畫臥蠶 顴骨光影 上面中間可以做眼影打底色 右上顏色用黎打陰影(左上右下混合顏色比較適合我) 左下可以用嚟遮淚溝光 鼻梁 用作啞光高光使用 下面中間 係灰棕色 畫鼻影比較自然 右下可以用黎打陰影(左上右下混合顏色比較適合我) 都可以當眼影盤使用 但不太顯示 適合用嚟化淡妝 粉質一般 會有飛粉 顯色度一般 但一盒多用嘅修容盤 真係幾吾錯 👍

Akassoo好用推薦：我人生第一隻用嘅粉底液係Innisfree嘅極致輕透粉底液（色號21N），主要可以令塊臉冇咁暗啞。 個人認為呢隻粉底液都幾自然，不過其實韓妝嘅顏色不嬲都偏白，所以我通常用少量就已經可以上晒成塊面。 個人覺得遮瑕力一般，如果塊面有瑕疵或者斑嘅話都需要另外上遮瑕膏，但我平時比較懶嘅話通常上完粉底就算。 至於脫妝方面真係冇乜，全日帶妝之後又冇甩得好犀利，所以我覺得呢隻粉底液對於新手化妝嚟講嘅性價比都算幾高。

Fng好用推薦：Jung Saem Mool 氣墊胭脂 ，我揀咗 韓國熱門色號#Carol Hola， 係珊瑚暖色調適合黃皮膚。質地水潤，我會底妝之前用它，如果唔係會印走底妝，上面係淡淡水光感嘅 效果，夠清透，多次疊加，適合偽素顏妝容。 #火熱新品

MaikoAoki好用推薦：買了很久才開箱試用。 不知道是不是快到期的關係，質地有點乾。塗抹的時候有點小碎屑。效果顯色，持久度一般，性價比高。

葉子🍃好用推薦：呢支購物時送贈，色號15 Raspberry souffle ，搽出黎係水蜜桃粉色，絲絨質感，有啲似奶油狀、微香，搽上唇順滑貼服好快乾，不黏笠，可以多層堆疊理想顏色不厚重，出黎霧面效果但一d都唔乾，仲幾保濕同修飾唇紋，自然妝感

Verna好用推薦：這品牌主打天然成份，所以我一向對它也有好感 這款BB霜是無油配方，特別適合油肌，不過在夏天用，我仍然覺得有少許黏笠，所以搽完之後，我通常都會上少少碎粉，但如果在冬天用，就算不上碎粉，也不會感覺黏笠 至於顏色方面，一搽上面時，會覺得膚色明顯白了，但過了一會就會變得自然很多

格仔餅公主好用推薦：唔建議亦唔好用嚟單搽，因為個顏色比較深，同埋唔自然，做妝前嘅打底好啦，比較過搽左佢個妝真係keep得耐左，所以乖乖地做返隔離霜就算啦

wintonggg好用推薦：tune色幾唔錯，唔會同粉底液打交，但係有DD乾，要做好妝前保濕先

Emptiesgoodies好用推薦：當初都係貪得意買黎玩下 上色度都ok 持久度一般般 不過真係太大支 用極都用唔完 同埋佢個掃頭設計 有d唔衛生 寧願好似普通支裝潤唇膏咁就算

iliya 好用推薦：呢支唇膏嘅顏色比較鮮艷亮麗，顯色度高，而且都滋潤嘅，鎖水度OK

格仔餅公主好用推薦：質地偏濕潤唔會好乾，柔滑感好足，唇紋本身多都cover修飾得到

choichoi好用推薦：設有海綿刷頭能進行暈染，非常方便；而眼線筆的質感柔滑，價格亦很親民

Hazel好用推薦：尼支眼線膠筆同kissme有得比，kissme個支幼啲比較難揸，尼支正常好揸手。同樣顯色唔溶妝，不過VDL尼支仲有個海綿頭方便blend開，條眼線畫得自然唔會死實實，

bibubibu好用推薦：呢款遮瑕係三文魚色/蜜桃色 一般來講 呢啲顏色比較適合遮蓋眼底暗沉 我覺得呢款產品嘅遮瑕度一般 唔算好遮到黑眼圈 遮蓋力大約六成 雖然佢係液體妝 但上眼後一定要好快搽好 因為佢乾得好快 乾咗就會一舊黏住推唔開 而且都幾乾 會有眼紋 唔太推介

WSY好用推薦：呢支遮瑕膏嘅遮瑕力一般，搽咗一陣之後啲豆印會出返嚟。可能要上多一兩層先至會好啲

choichoi好用推薦：價格便宜, 顯色度高而且很貼服肌膚 , 帶有淡淡香氣 , 缺點就是飛粉蠻嚴重 , 但整體也是一顆好胭脂來