頭髮造型 推薦好用產品

Kuma醬好用推薦：Sabon 的Patchouli Lavender Vanilla 廣藿香薰衣草香草香味是一個既高貴又療癒的香味，是Sabon最經典亦是獨一無二的香味。 揉合廣藿香、薰衣草、香蘭三種氣息，以獨特廣藿香喚醒感官，紫色薰衣草淡雅花香鎮靜放鬆心情，香蘭調和平衡，提振精神。 我覺得我以後都會購入呢隻香味嘅產品，請千萬不要停產啊！ 這個香氛雙重修護亮肌美髮油，可塗抹在皮膚和頭髮上，香港比較潮濕，很少機會可以塗在皮膚上，但我每天都會用來做頭髮護理，質感輕盈的護膚油能迅速被吸收，具瞬間滋養的功效，香味也後持久。 產品最大的缺點是瓶身的噴嘴不好噴油，不但油體難噴出，份量難控制，噴完後，噴嘴和瓶身滿是油，如果容器不改進，我下次未必再購入這個護膚油的產品了。

lovemon222好用推薦：我使用的是茉莉味，味道不會香精的味道，有別於平時聞到的茉莉味道，它帶有一點點香草的感覺。質地方面，流動性很強，有一點點像水劑，不會黏膩。冬天皮膚太乾燥，我平時是配合身體乳全身使用，按壓兩下已經很足夠，圖片可見，塗抹均勻後，皮膚光澤度很高，吸收很快。 因為護膚油可以供頭髮使用，個人用過兩次，覺得還是使用頭髮專用的護髮油會比較好，由於它油份比較多，潤澤度是有的，但若然份量控制不好，容易令頭髮過油。

Fng好用推薦：呢排成日喺冷氣房，加上之前染燙完一輪，髮尾乾到好似禾稈草。諗起當年讀書成日用嘅Fino髮膜，見到佢出咗呢支升級版髮油就買嚟試，估唔到有驚喜！相比Panetene 3秒奇蹟髮油嘅水感超輕薄，Fino呢支明顯走「重裝修護」路線，更加滋養，質地杰身啲，但依然keep到清爽唔笠，好適合我呢啲乾旱受損髮質。 🧴 質地：透明凝露，滋養但輕盈 · 擠出嚟係透明凝露狀，流動性高，但比一般水感髮油「杰」少少，有少少厚度，不過上面一啲都唔會覺得立。 · 中長髮按壓1下份量就夠，好快就被髮絲吸收，用完雙手都唔會油淋淋。 · 頭髮乾咗之後，條條都係清爽嘅，睇落飽滿有光澤，完全冇「一束束」嘅油膩感，keep到輕盈空氣感～✨ 🌸 優雅花香：留香一整天 · 佢嘅香氣係好舒服、優雅嘅淡雅花香，唔係嗰種俗氣嘅廉價味，聞落仲有少少高級沙龍感！🤍 · 留香度超有驚喜，朝早用完到夜晚都仲聞到淡淡髮香～ 啱晒鍾意頭髮自帶香氣嘅你！ ✨ 效果實測：毛躁拜拜，天然光澤UP · 即時柔順修護：用完吹完頭，毛躁髮絲即刻貼服哂，頭髮變得勁順滑，條條都唔會打結。 · 健康光澤感：唔似傳統髮油「反光」咁假，係自然水潤嘅光澤感～💧

Chloeincosme好用推薦：（有冇人好似我咁會下意識不斷囤髮尾油但其實永遠用唔晒😂🤣） 最近試咗 Fino呢款髮尾修護油，佢嘅質地流動性高，用落比平時需要多唧少少先夠做（太好了可以用得快d😂）不過用完即時光澤感同順滑度都唔錯～ 🤍 即時柔順：4/5 吹乾後頭髮明顯順滑咗，毛躁即刻撫平，光澤感自然唔浮誇～ 🤍 持久度：3/5 秋冬天維持時間較短，半日左右就打回原形。 🤍 質地清爽：4/5 油質輕薄唔黏膩，吸收後唔會令頭髮扁塌，適合喜歡空氣感嘅人～ 🤍 香味體驗：4.5/5 喜歡！淡雅花香好舒服，用完成個人都有種優雅氣息～ 總結： Fino呢支髮油雖然持久度普通，但作為日常快速整理都不錯！因為質地唔厚，亦都可以吹頭/ 夾頭前打底用！推薦給髮質偏乾又怕厚重嘅你！

Paris merci 好用推薦：草本療法修護洗髮水，聞落係非常大自然嘅味道，與平時買到嘅草本洗頭水嘅味係截然不同，成份入邊有添加薰衣草和甜橙油。而且薰衣草本味道入睡，都可以聞到，非常舒適。 偏淡黃色洗頭水，起泡力及清潔力都足夠。比想像中嘅修護洗頭水冇咁滋潤，頭髮較為清新，用完頭髮係輕盈而順滑。染髮之後使用，頭髮可以維持順滑，長期嚟講有修復效果💕

TsuenMa好用推薦：#L’Occitane en Provence 草本護髮洗頭水 本身有染開頭髮，前嗰年仲做埋漂染，基本上對頭髮都造成咗一定嘅傷害，髮質偏乾同埋硬，如果淨係用洗頭水嘅話啲頭髮會更乾更硬，所以一定要用護髮素。但係如果用咗呢一隻洗頭水嘅話，其實都已經夠晒滋潤，如果加埋護髮素用嘅話，把頭髮嘅順滑程度會令到人感到好舒暢、開心。💓 雖然係草本成份，但係呢隻洗頭水唧出嚟，唔會係奇怪嘅綠色，而係淡淡嘅黃色，偏少少啡調，獨特嘅香味，令人哋覺得好清爽舒服。 對於受損法則嘅人，都推薦試吓用吓呢隻洗頭水！🧏🏾‍♀️

Ice好用推薦：佢嘅味道好香好好聞亦都好清新 咁夏天嚟啦，頭髮容易出油，本來諗住用呢支可以令到頭髮冇咁油 。洗完頭嗰刻確實係好乾爽，但係過咗一晚就開始出油。覺得比起同系列嘅其他洗頭水用完之後更加容易出油，而且多咗啲頭皮。

Water好用推薦：潔淨力強，容易起泡，使用時有冰涼感覺，非常適合夏天使用。屬於油頭皮嘅我每次用完都覺得非常清爽！ 但用完髮質會比較乾，要用番啲滋潤啲嘅護髮素先得。

lingbb好用推薦：係好香嘅藥草味，係呢個品牌獨有香味，加水易起泡，洗完頭吹乾後頭皮好乾爽蓬鬆，可惜愈用甩髮愈多，所以唔係好適合我

葉子🍃好用推薦：微黃色，人蔘味唔算濃，可能加左綠茶關係，有清新感覺，泡泡唔多，但幾綿密，鐘意佢頭髮、頭皮都洗得好乾淨，頭髮又強韌左，梳頭同吹頭係有減少甩髮，無甘打結，易打理左，本身自己有染髮，都有返光澤感無甘旱，會繼續回購

Giselle 好用推薦：Taubaki 山茶花極致水潤亮澤護髮素 *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 好耐之前購入過⸜( ´ ꒳ ` )⸝♡︎雖然佢係主打水潤亮澤，但用完後我嘅乾性頭髮唔會變得有水潤咗( ･᷄-･᷅ )最多只係變滑咗少少(✿︎´ ꒳ ` )♡︎屬於中規中矩嘅護髮素₍ᐢ ›̥̥̥ ༝ ‹̥̥̥ ᐢ₎不過佢陣山茶花味好香而且算係幾持久( ˶ˆ꒳ˆ˵ )

natanatalie好用推薦：非常好用，尤其秋冬天氣使用，髮質有光澤又有滋潤感，而且髮絲很柔順。

Rachel Hui好用推薦：這款L'Oréal Paris ELSEVE Extraordinary Oil真的很滋潤，使用後髮絲變得柔順且充滿光澤，一梳到底毫無阻礙。香氣怡人，令人愛不釋手，持久度也令人驚喜，一整天都能維持秀髮的柔順與光澤。最棒的是，它成功拯救了我乾燥如稻草的頭髮，讓髮質回復健康柔軟，效果十分驚艷！

Water好用推薦：質地滋潤得黎唔笠，立即修護改善毛燥，只係用咗髮油而冇特別吹整，效果好，性價比高，一枝可以用大半年

Suidan好用推薦：好多謝@cosme 及 Fusari抽中我試用速染蓬髮粉撲。我本身髮質偏幼，而且人愈大，就發現頭髮分界愈來愈闊，望落好顯老。以前都有諗過買其他牌子既髮粉來遮蓋分界，但都礙於擔心遇到以下狀況而卻步。 1️⃣造形型不自然 2️⃣會令頭髮變得油膩及頭皮發炎 3️⃣遇到雨水便會脫色 而在試用了此產品一段時間後，我發現呢個Fusari既速染蓬髮粉撲就完全沒有以上既問題出現。 首先，佢既使用方法很容易及方便，我每天出門口上班前都會用呢個髮粉撲在分界線上印幾下，會發現份量很容易控制，而且唔會有重手左既情況出現，好輕鬆就可以打造澎湃髮量的視覺效果，而髮粉的顏色與我本身的頭髮顏色完全融合左，望落超級自然！ 其次，我已經連續使用此產品14天，每一天的髮粉都可以留在頭皮超過10小時。經我細心觀察後，留意到並沒有因用了髮粉而令髮絲變得油膩，頭皮亦沒有受刺激而變得紅腫或發炎等情況。 此外，我在家中試過用水噴灑在已使用髮粉的手上以模仿下雨之情況，發現髮粉仍然不易脫色，不過加上洗頭水的話仍能容易洗淨。 總括而言，我十分推薦大家選購Fusari既速染蓬髮粉撲，因為佢能輕鬆解決我髮型的煩惱。

Kaufmann好用推薦：很高興@@cosme 抽中試用Fusarium速染蓬鬆粉撲！ 本身的法則較纖幼、髮色是棕黑色。由於頭髮偏幼，所以平時會使用一啲類似爽身粉的粉末去洒在頭髮上，使頭髮看起來厚一些，但不能有染色！ 使用這產品時，我覺得產品粉質好有幼細、冇乜氣味、包裝簡單，去旅行容易帶備、使用好方便。只需要將粉撲印在分明的髮界上會，便快速染到髮、有蓬髮嘅效果。 使用產品後，效果很自然，能好好與髮色融合。這產品不易脫色，很持久而且能防水！特別在夏季這樣天氣潮濕下，我覺得很好用，加上這產品我覺得係不刺激，不會引起頭皮敏感。我現在一外出就會用，值得推介！

GinGin好用推薦：用完頭髮容易梳理，不會容易掉髮，而且洗頭水好香，泡沫豐富，因為係長頭髮，份量用好少就夠，但冇特價時價錢偏貴

Beautygirl好用推薦：頭髮乾旱，未用護髮素，就咁用呢款洗頭水，用完頭髮已經好柔順，又唔會覺得油笠笠

Ice好用推薦：唔建議購買。  試過買呢支同埋同同品牌嘅其他洗頭水用，都係起mannings 或者屈臣氏買，用咗半支都冇就開始頭痕，同埋好多頭皮屑甩落嚟。 可能唔啱我用啊，我用清爽呢一支，佢的確洗完之後嗰下好蓬鬆，好有空氣感好靚，係我想要嘅效果，但係都的確好快就出油。講緊我平時夜晚黑洗完頭去到第二日可能8、9點個頭先開始油，我用完佢之後可能三四點已經好油。 而且一開始用嘅時候仲以為係咁啱身體唔好又或者其他原因，過咗一段時間再買多支嚟用，都係咁嘅情況。同朋友出街朋友甚至問我點解你個頭皮咁紅好似生咗一粒粒嘢咁。真係好痕。 而家仲有半支洗頭水，都唔知可以點算好？

Giselle 好用推薦：Essential Purify 鎖水淨化系列 - 速乾空氣感洗髮露 *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* Essential呢個牌子算係平價洗頭水牌子入面其中一個比較出名嘅( •̀∀︎•́ )✧︎呢隻係佢呢幾年推出嘅一個新嘅系列，主打係增加頭髮嘅空氣感，令到平時洗完頭吹頭髮嘅時間可以減少( ˶ˆ꒳ˆ˵ ) 我自己覺得洗完頭之後頭髮係有變得蓬鬆咗( ˘͈ ᵕ ˘͈ )但係吹頭嘅時間都好似同以前差唔多，唔會話特別少咗好多時間₍ᐢ ›̥̥̥ ༝ ‹̥̥̥ ᐢ₎可能係因為我頭髮比較長嘅關係，所以對於佢標榜嘅速乾效果冇乜感覺(´._.｀)

JuneL好用推薦：這洗髮乳含有 44種天然萃取物, 且內含10,000ppm 的蜂蜜與夏威夷果仁油萃取物, 能幫助維持頭皮與髮絲的 pH 值平衡, 其植物性表面活性劑溫和清潔頭皮與毛髮!  最初買它是因為它的香味而買, 沒想到用後令我有驚喜, 我頭絲比較粗糙, 所以我定期都需要用髮膜為頭髮補濕順滑及滋潤, 不然頭髮會變得乾旱及毛躁! 而這款洗頭乳及護髮素, 不但香味是我喜歡, 連帶洗完後頭髮都變得順滑易梳, 也令我少用了髮膜!

JessicaB好用推薦：爽身粉香 🤍爽身粉香係熟悉嘅BB味道，每次聞到都感覺舒服、柔軟、係可愛嘅香氣，而KUNDAL蜂蜜&澳洲堅果天然洗髮乳（爽身粉香)溫和清潔頭皮與毛髮，洗頭時Relax同時又Refresh 香氣仲好持久🥰

candykandy好用推薦：用完個頭冇咁容易出油，執陰可以保持到唔太油，氣味都唔錯，不過如果有多啲味簡會更好

Katrina好用推薦：用左3個幾月，頭皮出油量有明顯減少到。以往訓醒個頭就開始油，尤其後腦位置開始變笠。依家出左一日街都仲保持到乾爽感覺。配合埋同系列既護髮素頭髮有變得比較柔順，而且味道唔刺鼻，應該係原料味，聞落幾舒服。 但個人認為佢做唔到防脫髮效果，表示無感。

YolandaAuYeung好用推薦：一向用開紅色瓶身的，發現新産品，所以貪生忘舊了😅。香味隨和治癒，但效果並不及前者般絲滑易梳。

brenda好用推薦：洗完頭後很乾，很難梳，一點都唔柔順

Miaomiao好用推薦：頭髮屬於易出油，細軟易塌。次次洗頭吹頭都甩好多頭髮，中間既分間線明顯。 50惠既養潤豐盈洗髮露加埋都過10枝左右，用完之後沖涼去水位明顯見到掉髮少左，屋企吸塵都見到少左掉髮。缺點係用完既髮質會偏笠，特別係夏天，出全日街既下晝d頭髮會笠到撻埋一束束咁，髮根位置會有油味。 試過轉用各種防掉髮洗頭水，雖然控油好d但係防脫效果冇50惠咁好。亦有轉用過50惠藍色話清爽d個款，洗既時候多左薄荷感覺但係一樣咁笠。

FishYu好用推薦：斷斷續續都用左5枝以上，用完真係甩少左頭髮。之前電爛左把頭髮，用呢套滋潤型既頭髮水加護髮素，覺得有逐漸修復緊。不過滋潤既代價係去油表現麻麻，洗完頭髮會比較塌，夏天既時候會易有頭油味。

Haidy好用推薦：SOGO 感謝祭買的~ 和防脫髮洗頭水一起買！這款護髮素用起來不會有明顯的矽靈感覺！櫃姐說可以塗上頭皮的~只要沖乾淨也不會長暗瘡！ 氣味和防脫髮洗頭水一樣！兩樣配搭起上來，不錯，不錯。不過感覺防脫髮洗頭水更有用！ 使用了大概一個月，感覺頭髮強硬了很多！真的缺少了很多！

YolandaAuYeung好用推薦：質地略帶淺黃色乳液狀，由於蘊含輕盈的植物油複合物有助於護髮，所以帶點滋潤感，流動性佳。氣味怡人，帶有微微果香的草本香氣。 使用時，立即感受到髮尾被滋潤，撫平不貼服的毛躁。 使用一段時間後，令我的頭髮變得更強韌不易折斷，亦更易梳理，打結開叉的情況大大改善。最令我十分驚訝的是髮量有所增厚！髮根帶點稀疏的部位，開始生長岀幼嫩的毛髮來！ 雖然價格有點昂貴，但保育秀髮是值得的！

Cole Cole 好用推薦：Dove 輕潤滋潤洗髮水，味道好香，洗完頭之後頭髮唔會好乾燥，好清爽，洗完頭第二日頭髮都好香，唔會好塌，可以去頭油，可以去頭油嘅味道，頭髮好柔順，減少開叉。性價比高。

Karman28好用推薦：都係因為用同系列既洗頭水而轉用呢支護髮素。護髮素黎講，暫時真係覺得古支都差唔多，無特別功效。不過不失。

A&R好用推薦：日本買嘅髮尾油，啱平時頭髮容易乾燥、毛躁嘅人用。質地輕盈，唔會笠笠哋，推開好快吸收，搽喺髮尾即刻覺得柔順咗。用完之後頭髮冇咁翹，減少靜電，提升光澤感。 香味方面都幾清新，可以遮蓋頭油味。日常用完全唔覺得膩。 平時洗完頭吹乾之前會搽一泵，髮尾唔會乾到開叉。包裝細支方便攜帶，價錢親民，性價比高。

Kakar好用推薦：呢支護髮油唔錯，我通常會吱最細的份量，淨係用係髮尾位置。頭髮好容易就吸收到，唔會話用完d頭髮黏埋一條。 有時會夾完頭髮，搽少少，等佢無咁傷，護髮功效都算唔錯。

Emily Leung好用推薦：Hair Recipe 奇異果 + 無花果 去油蓬鬆洗髮露～🥝 夏天返工返學，一出街個頭就『油淋淋塌晒』？ 試過無數控油洗頭水，一係乾到似雜草，一係洗完第二朝又出油？ 今次試呢支 Hair Recipe 奇異果＋無花果， 望落成支奇異果汁咁，好吸引～ 究竟係『控油神器』定係『中伏顏值擔當』？ 實測一星期，同你逐樣數！ 【包裝第一印象】 「成支 綠色磨砂玻璃 feel（其實係膠樽）， 望落好 fresh 好 summer，企喺沖涼間已經覺得涼浸浸～ 泵頭好順，一唧就出，唔使同佢搏鬥。」 【質地 + 起泡度】 「洗髮露係 淡綠色透明啫喱，好薄身，唔係嗰啲漿糊質地。 落水好快起泡，泡泡算 豐富細密，但唔會多到淹死你～ 沖水順暢，唔會覺得『點解仲有啲嘢喺頭髮上面』。」 【洗嘅過程感覺】 「洗嗰陣有陣 清新奇異果＋青蘋果 味，唔會假甜， 似你切開新鮮生果嗰種自然香氣。 涼涼地好舒服，夏天用特別爽。 洗緊嘅時候頭髮有少少乾爽感， 但唔會『澀』到你手指戳唔入。」 【吹頭後效果】 「吹完頭—— 真係蓬鬆咗！ 冇咗平時嗰種『貼頭皮』嘅尷尬， 頭髮係企起身嘅，但唔會乾旱到似草。 控油

YY好用推薦：之前收到@cosme 試用hair receipt生薑個款洗頭水🧴感覺良好，今次買髮之食譜另一系列，味道係奇異果x無花果🥝 依款洗頭水都係無矽，天然食材護髮概念，專for油性頭皮、扁塌髮適用。 起泡力強，感覺清潔度不錯。味道好似糖果🍬，我幾鐘意日系洗頭水既香味。 我嘅髮質偏幼，多頭髮但易甩，易出油易塌。幾年前飄過既頭髮仲有幾吋。我需求洗完頭唔好甩太多頭髮、太乾燥、不要太快笠。 用完幾乾爽，但要落護髮素先順滑，吹完頭有點乾、頭髮毛燥。第二日會少少頭皮，可能而家太乾燥，夏天用比較啱啲！

sscxy好用推薦：Pantene一向是我最喜愛的護髮產品牌子，尤其是他的修護髮膜，對頭髮比較乾的我來說是非常好用👍🏻 一開始購買他的這支髮膜是看到他是有多重修護功效，而且價錢相宜。他的護髮產品一向都有口碑，所以便買來試試。 髮膜的質地是稍為杰身的乳液狀，擠出來搽在頭髮上，輕輕按摩後便放置幾分鐘讓他吸收，對繁忙的現代人來說，非常慳時間和高效率。 幾分鐘輕輕沖水後，頭髮已經變得非常柔滑，吹乾頭髮後亦感覺到變得順滑，效果算幾明顯，長期使用的話效果會疊加。 如果我時間比較多的話，我會用濕毛巾包住後加上熱髮帽，如果沒有熱髮帽的話也可以用熱毛巾包着，效果加倍。非常推薦以上兩種用法。 我幾推薦呢款護髮產品，不單止使用時間短但效果已很好，價錢又便宜，長期使用下來也不心痛。所以我自己已經回購了很多枝。也推薦給頭髮較乾的朋友，使用時用以上的加熱方法，會使效果更加好呢。

poonpoon好用推薦：我啲頭髮髮質幼細，又乾燥，呢個我買咗紫色嘅多厚受損修護款式。用法好簡單洗頭髮之後，塗喺髮尾，3分鐘後沖走。 用完之後，即刻覺得頭髮變得超軟滑。佢嘅護髮香味好重，都停留到幾耐。效果係吹完頭毛躁會減減，頭髮會好滑。而且價錢又唔貴，非常適合大眾使用。 萬寧買通常做第二支半價，$50支？咁平可以Treatment護髮素用，效果係估唔到咁好

choichoi好用推薦：沒有普遍日系洗髮產品容易使髮絲因「滋潤」而太油膩的感覺，本來髮量出不多但用後肉眼看上去有比較豐盈