特色分類 推薦好用產品

Emily Leung好用推薦：日日敷面都唔肉赤！Kanebo平衡煥妍精華水，混合肌嘅「還魂水」？ 近排天氣又濕又焗，搞到我塊面成日都處於「外油內乾」嘅狀態。朝早起身，T字位可以煎蛋，但兩邊面珠又乾到緊繃繃，上粉底仲要卡粉，真係燥到爆！ 老實講，我本身對「精華水」呢家嘢又愛又恨，驚佢太杰話「餾」住皮膚，但太稀又好似「嘥氣」冇料到。點知見到Kanebo呢支平衡煥妍精華水喺社交平台好多人討論，話佢「平衡油脂」有一手，把心一橫買嚟試下。 點知一用，真係有啲驚喜！ 首先講個質地： 佢唔係清水咁稀，係有少少「滑捋捋」嘅水狀質地，但一推開就即刻變得好清爽。我試過就咁用手拍，同埋用化妝棉輕抹。 · 用手拍： 吸收快過打針，拍兩下已經「索」晒入皮膚，塊面即時有種飲飽水嘅脹卜卜感覺。 · 用化妝棉抹： 呢個方法我強烈推薦俾油肌或者混合肌嘅朋友！抹完之後，你會望到化妝棉有少少黃黃地嘅角質，即係幫你溫和地「捽」走老廢角質。抹完塊面係「令立立」嘅光澤，而唔係「油淋淋」嘅反光。 效果： 我用咗大約兩個禮拜，最明顯嘅改變係個「水油平衡」好咗好多！ 以前返到公司下半晝，個鼻已經出晒油要拍碎粉。而家用咗佢，就算喺冷氣房坐到收工，塊面都仲

Sarah好用推薦：呢支水最特別就係油水雙層設計，用之前一定要大力搖勻，先會變成奶白色嘅均勻狀態。 搖勻之後質地好清爽，係水水潤潤嘅流動感，唔會有油膩感，搽上臉好快就吸收咗，唔會立體面有黏笠笠嘅感覺，夏天用都零負擔。 搽完皮膚摸落係滑溜溜、軟軟地嘅，唔會有乾到繃緊嘅情況，反而有種好舒服嘅潤澤感。 我有時會選擇濕敷，出油多嘅位置，用咗之後毛孔睇落冇咁粗大，出油量都減少咗。 我覺得缺點係含有酒精，敏感皮膚要注意，另外一定要搖勻先得，每次用都要大力搖幾十秒，有時候趕時間真係幾麻煩，而且如果搖得唔夠均勻，用落就冇咁好效果。

wingbks好用推薦：要換啲滋潤啲嘅唇膏嚟迎接秋冬，轉季咀仔比較乾，YSL一定係其中一個品牌我放手袋👜嘅唇膏，咁多年嚟出嘅「夾心唇膏」，外層係護唇精華，中間圖案係晶透亮色粒子，隨嘴唇溫度轉換釋放護唇精華，越搽越水潤，高滋潤度又唔會顯唇紋！

🌸好用推薦： 今次試用嘅產品係YSL LOVESHINE CANDY GLAZE情迷凝亮唇蜜（右邊），係固體狀嘅lipgloss，對於嘴唇長期乾燥嘅我嚟講絕對係福音！ 呢個係我喺素顏狀態之下嘅試色: 使用前：使用後： 我呢隻色係15 SHOWCASING NUDE奶茶裸色，係一隻比較百搭嘅顏色，冇拎着深、淺色衫，返工定係去街，乜嘢場合都啱用。 唇蜜啫喱狀嘅質地，但口陣陣清香。搽上去之後有豐富嘅水光感，觸感絲滑、水凝。用咗之後有唇部睇落豐盈、有彈性。顯色度高，可以完全遮蓋原有唇色，對唇色較深嘅用家相當友好。由於佢滋潤度非常高，感覺上秋冬天都會好舒服。而且卸妝好方便，一抹就甩，食嘢之前唔使擔心會唔小心食咗唇膏。 睇返資料，原來呢隻唇蜜含有78%唇部修護基底配方，仲有透明質酸和石榴萃取，所以做到長效水潤感，強化唇部肌膚鎖水屏障。唇膏既有修護唇膏嘅效果，又能夠提高唇部嘅血色感同豐盈感，包裝又相當美觀，完全係內外兼備嘅代表作。 #火熱新品

Emily Leung好用推薦：Avene再生修護精華簡潔白色樽身，泵出嚟係輕盈嘅乳液狀。 我用咗呢支精華大概一個月，真係好鍾意！ · 溫和唔刺激：我皮膚容易敏感，用呢支完全冇問題。 · 質地舒服：搽上面好快吸收，唔黏立，保濕度夠。 · 退紅有效：面頰泛紅真係減淡咗，皮膚睇落穩定咗同平滑咗。 一支好可靠嘅修護精華，尤其係當皮膚唔穩定或者敏感嘅時候用，效果最明顯。會繼續用落去！

KK好用推薦：質地清爽水潤、延展性佳，上臉後能快速補水並降低乾繃。吸收後不黏膩，膚觸較柔嫩；整體偏舒緩保濕路線，適合敏感或乾燥時期日常使用。

Poyobb好用推薦：之前工作，因為壓力大手踭長出了乾廯，持續好多年都冇改善，時好時壞🥲試過市面上多個濕疹牌子嘅護膚霜，都不能治癒，而且對抗痕癢嘅功能也平平無奇。 反而呢支新出嘅新加坡牌子suubalm試咗佢哋嘅保濕霜同埋噴霧 ，雖然不能夠令到皮膚治癒，但止痕非常見效，搽咗保濕霜上痕癢位置，即時有涼浸浸薄荷嘅效果，唔會令我有好想r感覺，而且保濕護膚功效很好。 雖然而家仲未好返晒，但痕癢問題已經逐漸改善，乾廯範圍縮小咗，唔會再不停r爛皮膚位置。對於一個有濕疹或者皮膚出現問題嘅人搵到一隻對自己有效既產品好開心，建議有需要嘅人可以去試一試🤗

dordor910好用推薦： 每逢轉季、皮膚又痕又繃緊,朋友介紹用呢支塗抹後約 5分鐘內有明顯清涼感，能即時舒緩痕癢。而且質地清爽：不黏膩，沒有一般濕疹乳霜的厚重感。性質溫和 無類固醇、無香料、無防腐劑，適合全年齡（包括濕疹及敏感肌）。

powerpuffgirl好用推薦：夜晚我就會用呢枝C&AHA 煥膚亮肌精華凝乳專門對付粗糙同顆粒感同埋我手上既疤痕，佢雖然含有 AHA 果酸，但質地依然易推好吸收。除咗維他命 C，仲加咗穀胱甘肽同 B3，呢啲成分組合比一般美白產品更高效，係針對性嘅修復。 如果你同我一樣，手踭、手臂甚至背部有啲黑色素沉澱或者「雞皮膚」抓印，一定要重點厚查。用咗 14 日，我覺得啲粗糙顆粒感明顯平滑咗好多，原本比較深嘅疤痕、暗沉嘅位置都開始回亮同埋淡左，肌膚摸落去柔滑咗成個層次，真係係粗糙肌嘅救星！

Fongfong好用推薦：夜間果萃雙效C&AHHA煥膚肌精華凝乳 質地比較實一點,但容易推而且立刻深入肌膚全身立即吸收亮澤,而且佢能夠有防蘐效果及不得不提,有淡淡青瓜🥒香味令我精神舒服👍🏻成個人都放鬆晒😌 同埋我本身手、手踭及手臂位置比較非常粗糙及暗沉，但當我連續搽咗夜間果萃C&AHA煥膚亮肌精華凝乳之後,真的明顯感覺到手踭及手臂💪🏼位置多咗水份及非常光澤,真的感受到比一般美白身體乳更快融入肌膚吸收及明顯保濕有效. 自傱每晚用咗夜間果萃雙效C&AHA煥膚亮肌膚精華凝乳後皮膚明顯光滑及細緻咗而且佢淡淡青瓜🥒味訓得入睡🛌咗人都精神晒😙⋯⋯

Hellobeauty 好用推薦： CHARLOTTE TILBURY AIRBRUSH FLAWLESS FINISH 輕盈無瑕蜜粉 自然色調#2 試用咗呢個產品之後,我終於明白佢點解叫磨皮界始祖 我一直知道呢個品牌嘅產品非常受歡迎但係自己一直唔敢試,因為一直覺得歐美品牌嘅產品未必適合自己,因為擔心妝感太重；加上自己膚質容易缺水,所以所以一直唔敢試； 試咗之後,令我改觀了； 近期天氣乾燥,我皮膚處於「乾性肌」狀態,但佢嘅質感非常幼滑舒服緊貼住我嘅皮膚而且唔會出現卡粉嘅情況，輕易打做霧面磨皮嘅效果,仲要係輕輕一抹已經可以輕鬆柔化細紋、皺紋與毛孔； 而今次我選用2號自然色系,非常適合亞洲人黃皮膚嘅膚色,完全沒有色差,完全做到打造新肌膚一樣；

Paris merci 好用推薦： 網上勁hit既粉餅，加上小紅書帶推想試好耐。 本身皮膚偏乾，試過淨係base+foundation 再直接用CT做定妝。粉質好細緻，上完無毛孔。粉嘅顏色都好自然，無粉感。超級滑，好高質！ 平日都係帶呢盒出去補妝，即使面部出咗少少油光，再加底妝有少少溶，補妝多無同底妝打交，直接補粉餅都無斑博情況。補完妝好似啱啱上完妝嘅一樣咁靚，無毛孔，好正。 控油度ok補一次都好夠，就算查多陣都唔會好厚粉。坐Office用唔會過分乾燥。 我會回購！完全我需要嘅效果！但佢光滑玫瑰金表面好易跣手，另外上網嘅人話用到hit pan好易碎。入返落啲細袋仔帶出街就安全啲，依樣要小心💕

Kathy Wai好用推薦： Hello大家好！～今日同大家實測呢支「D Program 保濕精華」，敏感肌朋友應該唔陌生，佢係日本資生堂旗下專攻敏感肌嘅牌子，主打零酒精、無香料、無添加。等我由質地到保濕力逐樣同你拆解！ （質地） 唧出嚟係半透明嘅凝露狀，流動性中等，但推開嗰下「嗦」一聲就化開，好似水咁薄身～ 唔會漿住皮膚，吸收後零油膜感，夏天用都無負擔。 （氣味） 完全無味！真係一丁點香料都無，湊到鼻窿聞都係原材料嗰種好淡嘅「原材料氣息」，敏感肌朋友可以鬆一口氣。 （上面效果） 上面推兩下已經吸晒，望落係自然嘅水光感，唔會反光變「油頭」。最驚喜係舒緩效果——我有少少轉季泛紅，搽完即刻降溫退紅，摸落去軟軟糯糯，無痕癢或刺痛。 （保濕力） 實測冷氣房訓醒，皮膚仲係飽滿唔繃緊。用皮膚水分測試儀： 🔹 用前：34% 🔹 用後即時：51% 🔹 4小時後：47% 鎖水力中上，乾肌可能要做多層封閉，但混合肌/敏感肌絕對夠。 （評分） 滿分5分俾💧💧💧💧 (4/5) 扣半分因為價錢偏中高（約$300/40ml），同埋極乾肌冬天可能唔夠力。但安全度、舒適感滿分！ （總結） 總結係「溫泉水般嘅安全感」！如果你係敏感肌、

Fng好用推薦：d program 5X酵母益生元保濕強韌精華 用後感（香港春季・熟齡偏乾肌） 🌸✨ 我係熟齡偏乾肌，每逢轉天氣皮膚就反覆敏感泛紅，嚴重起上嚟仲會脫皮，真係好困擾😕 見d program呢支 Intense Enriching Serum（約HK$295 / 45ml）專為敏感肌而設，就跟朋友推薦買嚟試下 🧴 質地：濃稠但易推，吸收快 · 精華質地有少少濃稠，似杰身啲嘅gel，唔係水狀 · 但推開算易吸收，1 pump足夠全面用 · ⚠️ 用後有少少黏立感，尤其潮濕天會感覺到 · 不過等一陣吸收完之後，塊面係爽身唔立嘅 🔬 成份：敏感肌友善，無添加 · 5倍高濃酵母益生元精華：滲透角質深層，改善肌膚微生態 · 有效成分傳明酸 + 甘草酸二鉀：舒緩敏感、防粗糙、改善暗沉 · 七葉樹萃取 + 海藻糖 + 山竹萃取：提升鎖水力，令角質回復豐盈 · 無香料、無酒精、無Paraben，低刺激設計 🌸 熟齡偏乾肌實測：保濕夠力，敏感改善明顯 · 用咗一個月，最明顯係泛紅少咗好多，皮膚穩定咗，冇再無啦啦痕癢 · 保濕力春天夠用：偏乾肌日間單用都ok，唔會乾 · ⚠️ 夜晚開冷氣瞓：要疊多

Emily Leung好用推薦：哈嘍～今日同大家開心share下植村秀小方瓶2.0嘅新色號 #784 用後感！😉 ✨ 首先講吓色號： #784 係黃調一白，好適合追求自然白皙感嘅亞洲肌膚！我本身係黃二白，用佢有少少提亮效果，但唔會假面，同頸部色差好細，出街好自然～ 如果你中意啲粉底同膚色融合得好，呢隻色真係好靚！ 💁🏻‍♀️ 質地同妝感： · 質地水潤，推開好順滑，上臉係半霧面啞光妝效，睇落好高級！ · 遮瑕度中等偏上，普通毛孔同暗瘡印一層基本上蓋到七八成，反覆疊加都唔會厚重。 · 因為係持久型粉底，乾得比較快，建議分區上妝，快速拍開！ 🌞 持久度： 廣東天氣咁悶熱，佢真係挺得住！我帶妝8個鐘，T位有少少出油，但冇溶妝，反而同皮膚油分融合後更有光澤感。口罩都只係沾到少少，表現唔錯～ ⚠️ 小貼士： 皮膚偏乾嘅姐妹，妝前保濕要做好！如果唔係鼻翼同眼底可能會有少少卡粉。油肌同混合肌應該會好愛佢～ 總體來講，小方瓶2.0嘅 #784 係隻好百搭嘅色號，妝感自然又持久，好適合日常返工或者出去玩用！推薦大家去專櫃試吓色，睇吓夾唔夾自己膚質啦～ 💕

Suki好用推薦：#火熱新品 我自己一直都有用開舊版嘅小方瓶，之前嘅幾個版本都有試過（圖片最左嗰支係2.0），舊版用落整體感覺穩定，遮瑕度同持妝力都算唔錯。但今次新版本小方瓶 2.0用落嘅感覺就有啲唔同，妝感的確係輕透左，但遮瑕度明顯唔夠，對於有瑕疵或者膚色唔均嘅情況就未必太適合。 另外，新版本嘅質地偏乾，尤其係秋冬天氣用落會比較顯乾燥，卡粉嘅情況喺鼻翼或者嘴角位特別明顯。如果你係乾皮或者混合皮嘅話，妝前一定要做足保濕工夫先會比較好，但即使咁，持妝效果都未算特別突出。 色號方面，764色算係比較貼膚，顏色自然，唔會過黃或者過粉紅，呢點係值得讚嘅，但整體對比舊版，感覺係少咗啲實用性，反而更適合膚質狀態本身比較好、追求輕薄裸妝效果嘅朋友。

Sanna Cher好用推薦：多年前於海外購入，色調是orange和灰藍色，本來眼線筆所呈現的顏色已帶點透明感。觸感方面，適合描繪幼細線條，用手輕輕抹走可重畫，有妝感但色調較輕，是我心目中非常切合日系妝容的產品。使用產品前後分別，見眼線效果不會太明顯，而有妝容感。完妝的照片，非常適合淡色感的妝容。

Samantha228好用推薦：​呢支 UZU 眼線液一直都好hit，我自己都用過 5-6 支。因為去日本買成日都斷貨買唔到，所以我一直都係喺香港買。雖然以開架品牌嚟講佢價錢算偏貴，但因為好用我都一直回購。我本身係內雙加油眼，平時用好多牌子嘅眼線液都會溶，唯獨呢支可以 keep 得好好、唔會溶，而且佢隻Brown Black 啡黑色夠深，隻啡色調得最靚！ ​不過我近 2 年買嘅新版本真係唔同左。雖然用起來一樣咁持妝，但近年用個2支，都係用咗個幾月左右就開始變乾，跟住直頭唔點出墨，變得好難畫！依家對佢有少少失望，已經轉咗用其他牌子，但如果佢之後改善左呢個問題，為咗呢隻最靚嘅啡色我依然會想用返佢。

Mabel好用推薦：YVES ROCHER 木莓水漾亮澤護髮醋 質地水狀，味道清新，用落都幾舒服。 我會先用洗頭水洗一次➡️ 滴幾滴喺頭皮+按摩一下➡️ 等1 分鐘左右用清水沖乾淨➡️ 再用護髮素 一星期用2-3次 我本身頭皮狀態比較易出油，掉髮量都多，有時仲會生頭瘡。 用髮醋已經大概2個幾月，用後最明顯嘅感覺係頭皮清爽咗，冇以前咁易出油。仲甩少咗頭髮，同冇再生過頭瘡👍🏻👍🏻會持續用落去✌🏻 用後感：（5💖為滿分） •功效 💖💖💖 •舒適度 💖💖💖💖 •性價比 💖💖💖 •回購率 💖💖💖💖💖

Kelvin好用推薦：屋企有枝新野，拎黎試下👉🏻 Yves Rocher木莓水漾亮澤護髮醋 資料話有效徹底淨化傷害頭髮的有害殘留物，同時幫助淨化頭皮及平衡頭部油脂分泌，延長頭髮的生命力。 我長期日日gel頭，洗完頭頭皮毛孔有機會有殘留物。我用完洗頭水之後幾滴髮醋，冇泡泡嘅，喺頭皮輕輕捽下，等幾分鐘。 香香甜甜，唔刺激。用完頭髮柔順咗，感覺頭皮乾淨咗咁。冬天頭皮冇咩大問題。夏天易出油，出頭瘡，依枝野應該夏天用有效果。 新年見人，由頭到尾必定保持最好狀態，當然頭髮都要清爽乾淨。全個人沖大吉水，頭髮都要深層清潔，去拜年就sharp 曬⭐️

Kathy Wai好用推薦：呢罐 CeraVe 水楊酸煥膚潔膚露，質地真係幾特別。 佢唧出嚟係透明啫喱狀，冇乜香味，加水之後唔會話勁多泡，只係有少少好微細、好柔和嘅泡泡（想多泡可以用起泡網）。沖水嘅時候會有一種「滑潺潺但又唔係洗唔乾淨」嘅感覺，好舒服。 我自己用後感分享： · 第一週最見效：鼻翼兩邊同下巴原本有一粒粒鞋十十嘅顆粒（即係閉鎖性粉刺），摸落去平滑咗好多！化妝都冇咁易浮粉。 · 最驚喜嘅地方：雖然有水楊酸，但完全唔乾唔繃緊。因為佢有 CeraVe 招牌保濕成分，洗完塊面係保水、少少透光嘅狀態。 · 身體都用得：攞嚟洗背脊嘅暗瘡效果好好。 要留意嘅小地方： · 如果慣咗洗完面要「澀澀乾乾」嘅感覺，呢罐你會覺得好似洗唔乾淨，但其實佢已經清潔完㗎喇。 · 建議一個禮拜用 2-3 次就好（尤其係頭幾次），唔好日日用，免得過度去角質。日頭一定要做好防曬。 ✅ 優點 1. 溫和唔繃緊 有三重神經醯胺，洗完面摸落去係保水、柔軟嘅觸感，唔似一般酸類洗面乳會乾到脫皮。 2. 粉刺顆粒感明顯減少 持續用一個禮拜左右，鼻翼、下巴嘅閉鎖性粉刺會變平滑，摸落去唔再一粒粒。 3. 身體都用得，CP值高 攞嚟洗背脊暗

Emily Leung好用推薦：Cerave SA水楊酸煥膚潔膚露 冬季護膚心得分享 ❄️ 身為一個香港人，每逢冬天真係好考驗皮膚！天氣又乾又凍，我本身係混合性肌膚，T字位易出油又有少少暗粒，面頰就偏乾，搞到護膚好頭痛。最近試咗Cerave呢支SA水楊酸煥膚潔膚露，用咗一段時間，同大家分享下喺冬季嘅使用感受～ ✨ 質地同使用感： 透明啫喱狀，唔算好厚身，好容易搓到泡（建議用起泡網，泡泡會更綿密）。上臉感覺好柔滑，唔會過度摩擦皮膚。雖然係水楊酸潔膚產品，但完全冇嗰種「刷緊層皮」嘅乾澀感，沖水後皮膚係濕潤軟滑嘅，冇即時繃緊，呢點對於冬季護膚真係好重要！ 💧 保濕同修復效果（重點！）： 老實講，我一開始都有擔心，冬天用含水楊酸嘅潔面會令皮膚更乾。但呢支嘢驚喜在，佢加入咗Cerave招牌嘅神經酰胺同透明質酸，清潔同時補水同強化皮膚屏障。 用咗之後，我最明顯感覺係： 1. 保濕力足：就算而家咁乾燥嘅天氣，洗完面後皮膚仍然保持水潤感，唔會「拮拮緊」，後續搽toner同精華都吸收得快咗。 2. 修復屏障：我之前因為轉季，面頰有少少泛紅同甩皮。持續用呢支潔膚露（每晚一次），感覺皮膚嘅「抵抗力」好咗，冇咁易因乾燥而痕癢或不適，泛

FishFish好用推薦：La Roche-Posay MELA B3 精華：淡斑去痘印係咪真係咁堅？ 成日熬夜出油＋手多多擠暗瘡，搞到塊面花晒、啲暗瘡印久久唔散？今次同大家實測呢支 La Roche-Posay MELA B3 精華，睇吓佢喺淡斑、去痘印方面，係咪真係咁把炮。 質地＆膚感（第一印象） · 質地：Lotion 狀，輕身、唔杰，一推就開。 · 吸收速度：快過 flash，拍兩拍就入晒，面頰唔會黐立立。 · 氣味：近乎無香料，只有好淡嘅原料味，敏感人表示收貨。 · 滋潤度：中性/混合肌用唔使再疊乳液（冬天乾肌可能要加保濕霜）。 主打成分 & 點解叫 MELA B3？ · Melasyl™（專利成分）：喺黑色素形成前攔截，防止新色斑出現。 · 10% Niacinamide (B3)：控油、抗炎、阻截黑色素傳遞，順手修復皮膚屏障。 · LHA + 水楊酸：溫和代謝角質，幫手推走表面已形成嘅暗啞同舊印。 呢個組合即係：一邊攔截新斑，一邊褪走舊印。 實測 4 星期效果（對比） · 第 1 週：最明顯係 整體膚色均勻咗，黃氣減低，朝早起身塊面冇咁暗沉。 · 第 2 週：新出嘅紅痘印 退紅速度快

布吶吶好用推薦：La Roche-Posay Mela B3 淡斑精華實測 「塊面啲印幾時先肯走？」 呢個問題唔知困擾咗幾多人。暗瘡印、雀斑、色素沉澱好似黐身膏藥咁，搽幾多遮瑕膏都治標唔治本。法國藥妝王牌 La Roche-Posay 推出嘅 Mela B3 淡斑精華，近年成為香港藥妝店熱賣淡斑神器，究竟係咪真係 work？ 【主打功效】 1. 針對色素沉澱：淡化痘印、雀斑、曬斑、暗瘡印 2. 均勻膚色：提亮暗啞肌膚，減黃氣 3. 保濕修護：含維他命B3（煙酰胺）同埋La Roche-Posay溫泉水，舒緩肌膚 【核心成分】 · 維他命B3（煙酰胺）：阻截黑色素轉移，改善膚色不均 · 甘醇酸 + 水楊酸：溫和代謝老廢角質，令皮膚更透亮 · La Roche-Posay溫泉水：抗刺激、保濕，減低酸性成分帶嚟嘅刺激 【使用感受】 1. 質地： 白色乳液狀，推開清爽唔黏膩，吸收得快，油皮同混合皮都唔會覺得厚重。 2. 溫和度： 雖然含酸類成分，但用落唔會刺痛（除非皮膚極度敏感），溫泉水成分有助鎮靜。 3. 效果： · 淡印速度：對於新嘅紅色痘印，大約1-2週見到明顯變淡；

lonia好用推薦：本人係混合油肌，呢個年紀最怕護膚品太滋潤導致T字位容易出暗瘡，但單純補濕又不足以保持皮膚狀態。Lancôme煥活修護精華最令我驚喜嘅係迅速滲透嘅清爽質地，搽喺容易出油的嘅T字位都完全冇黏笠感。搽完之後肌膚有即時飲飽水嘅透亮感。 用咗一段時間，皮膚穩定性得到明顯改善。以前臉頰偶爾會出現容易泛紅、脫皮嘅情況，而家皮膚屏障變得更強韌，肌底力得到改善，膚質感覺細緻、平滑咗好多。 對於三十幾歲開始出現嘅皮膚疲態同暗啞，呢款精華能有效提升皮膚整體嘅剔透感，而且後續上妝亦更為貼服。雖然佢嘅價錢真係唔算平，但佢高修復嘅效能，的確係輕熟肌女生值得考慮入手嘅一支精華。

Miranda好用推薦：Lancôme小黑瓶真係我回購咗好多次嘅精華！質地好輕盈，似水狀但又有少少滑捋捋，一抹就吸收晒，完全唔黏笠。我最鍾意佢用完之後皮膚好穩定，就算轉季或者捱夜，都冇咁易出粒粒或者泛紅。用咗一排，明顯覺得皮膚細緻咗，毛孔望落細咗，上妝都貼服好多。佢仲可以幫助後續護膚品吸收，我通常喺佢之後再搽保濕霜，效果更加好。雖然價錢唔平，但皮膚狀態好咗，值回票價。總括嚟講，如果想搵一支全能精華，穩定、修復、細緻皮膚，呢支真心推介！

ying好用推薦：💙 Vaseline Derma Ultra Moisturizing Body Cream 高保濕身體乳霜 一家大細都啱用 連老公都唔抗拒！ 💬 我嘅真實用後感 用咗一段時間 真心覺得呢支係我屋企嘅「常駐軍」 ✔️ 保濕感：真係有，唔係表面嗰種 搽完之後皮膚即刻feel到滋潤 唔係淨係滑咗表面 而係真係滲入去嗰種 乾到起紋嘅位，搽完即刻舒緩晒 ✔️ 續航力：keep到第二朝 呢點我最驚喜 好多body cream搽完第二朝就打回原形 皮膚乾到又起紋 但呢支起身仲係潤嘅 慳返好多時間（唔使朝早又搽多次） ✔️ 質地：唔黐立，呢點好重要 我最怕嗰啲黐立立嘅body cream 搽完黐衫黐被，瞓覺都唔舒服 呢支搽完好快吸收 唔會黐立，可以安心瞓覺 ✔️ 一家大細都啱用 呢點係我回購嘅最大原因 唔使分開幾支唔同嘅cream 一支搞掂晒全家 ✔️ 連老公都唔抗拒！ 呢點真係要講！ 我老公平時最憎搽cream 覺得立、覺得麻煩 但呢支佢肯搽！ 仲會主動問「支

Elaine好用推薦：最近一直在尋覓一款不粘膩又夠保濕的身體乳霜，無意間在屈臣氏看到「凡士林特潤修護精華雪融霜」$89.9/罐 兩件75折，於是就直接帶兩罐走！質地是偏硬的膏體，用手指其實不太好挖起來，如果自己有小挖勺可以放在裡面會方便很多官方介紹： 7大膚緩:乾燥、繃緊、粗糙、泛紅、刺癢、脆弱肌膚屏障、脫屑 四重修護科技: 5% 複合Pro-Ceramide修護精萃：強化皮膚屏障，維持肌膚所需水分 4D玻尿酸°：增強肌膚保濕力/高效浸潤肌膚/層層補水不間斷 益生元精華：幫助促進皮膚表面生態平衡，修護肌膚天然屏障 復活草萃取: 幫助回復肌膚彈性，感覺肌膚充盈飽滿 目前使用三天心得： 很好推開且帶有輕微油潤感但不會粘膩，擦完也很快吸收 💗 如果想要能夠按摩一下的人建議多加保養油混合使用 冬天容易手腳乾裂的也滿適合抹完就睡覺💤 今天氣溫大約15度，下午擦完雪融霜後出門4個小時回到家腿摸起來還是嫩嫩的～ 保濕持久力不錯！ 官方是說臉也可以使用，但我臉上皮膚敏感泛紅時比較會用Cerave乳霜，所以凡士林這款對於泛紅修護的效果暫時不給評價～ 有興趣的朋友可以嘗試看看

TsuenMa好用推薦：HEAVY ROTATION #自然眉妝 #日系 09號色Natural Brown✅標榜係吾會失敗嘅顏色 呢隻色應該係無論染深啡色定啡色都可以搭配得到💖 一條無甘黑甘實色嘅眉，可以令到整體嘅氣場溫和吾少，增添日系妹子嘅氛圍🌸 一枝大概60-80蚊左右，但一枝細細枝就算日日用都可以用到好耐，性價比好高，推薦盲入手，吾洗多諗試試佢😙 我諗我會想試埋佢其他色，襯吾同嘅裝感同髮型，但呢枝色會係化妝包入面嘅常駐item 🥰 效果圖：

natanatalie好用推薦：必買的開架眉彩產品👍🏻 這一款眉彩正面評價有很多，價錢非常相宜，這次我買了棕色這款，效果非常滿意。😝 首先，顏色非常大眾化，你能夠輕易找到配合你髮色的眉彩顏色。掃頭也是非常容易操作，你很容易便可以把眉毛染成你想要的顏色。🥰 而且眉彩的質地不會容易結痂結塊，用後效果非常自然。用了它之後，整條眉毛都像很自然，像原生眉那樣，妝感非常自然，而且效果非常持久，通常我化了八至十個小時，眉毛都不會變色。有了這款眉彩，整個妝感都會提升一個層次，無論是影相打卡或是約會都是非常適合的。💋

mysecretgarden好用推薦： 對於我哋呢啲濕疹皮膚來講，揀潤膚露真係好大嘅學問。好多時唔係太黐笠笠，就係保濕力唔夠，最慘係一用錯嘢，即刻起粒粒、發紅，分分鐘成個月先好返，好長手尾。尤其係對手，自從疫情之後洗多咗手，皮膚屏障變得好脆弱，一般坊間嘅Hand Cream又多香料，完全唔敢用。 苦苦物色咗好耐，終於遇到Nivea呢支75小時修護保濕身體乳。首先，佢完全通過咗我皮膚嘅敏感測試！用落完全無引起任何痕癢或者粒粒，成份溫和呢一點，對濕疹人來講真係最重要。其次係佢嘅質地係乳液狀，推開好水感，吸收得又快。用完之後對手係有種實在嘅保濕感，但就完全唔會「立」。就算即時要拎嘢或者打字，都唔會有黏膩感，呢個平衡點做得好好。 我而家主要係拎佢來當Hand Cream用，因為一支大大支，價錢又平，用得多都唔會肉痛。每次洗手後用，都可以即時補充返被洗走嘅油脂同水份，長時間保持雙手軟滑，唔會再因為乾而繃緊。 Nivea呢支身體乳絕對係一個「平、靚、正」之選。佢未必係神奇特效藥，發緊濕疹嘅時候用都唔會好返，但係好返之後作為一支日常基礎保濕、穩定皮膚狀態嘅產品，佢交足功課，令人用得安心。

frogfrogtina好用推薦：Nivea呢支潤膚乳好好用，尤其冬天的乾燥天氣，敏感肌嘅我使用完全無問題。效果持久，唔笠身，質地清爽，吸收速度快，適合在香港使用

Kitty 好用推薦：如果你同我一樣，天生睫毛又直又短，搵一支堅挺、捲翹、持久嘅睫毛膏好似尋寶咁難，咁呢篇心得一定要睇落去！講緊嘅就係美寶蓮呢支飛天翹防水睫毛膏，最近真係成為我個化妝袋嘅新寵！ 首先，個刷頭已經好有驚喜！ 支刷係弧形嘅設計，好貼合眼形，由上睫毛根部Z字形咁掃上去，好輕易就沾到每根睫毛，連眼頭、眼尾啲死角位都掃到，完全唔會一舊舊或者結塊，對於我啲手殘人士來講，真係救星！ 效果：真係飛天咁翹！ 最誇張嘅係，我夾完睫毛再搽，佢真係可以將個捲度定到成日都唔落嚟！平時用開其他牌子，可能晏晝就開始塌，但呢支真係堅挺，到收工對眼都依然精靈，好似識講嘢咁！而且佢唔會好似啲假睫毛咁硬掘掘，係自然向上揚嘅弧度，好有精神。 防水防油力掂唔掂？ 講到防水呢個功能，我真心俾滿分！前排打風落雨，把遮都吹反埋，成塊面濕晒，但對眼一啲事都冇，完全冇變熊貓！至於油眼嘅問題，我係混合肌，T-字位會出油，但佢都頂到七、八個鐘，只係眼尾有少少溶，但絕對唔會暈開一撻黑，已經收貨！ 有冇缺點？ 唯一要講嘅就係，因為佢咁防水，落妝嘅時候就要花多少少心機，一定要用眼唇專用卸妝液，敷多幾秒先抹得乾淨。如果唔係，會扯甩幾條睫毛，好心痛㗎

Kpl6be6好用推薦：平時化完個妝覺得仲係差咁啲嘢嘅時候～就應該使出呢支bling bling眼神器啦👀輕輕一夾睫毛～再用佢掃一掃～就能輕易擁有捲翹持久睫毛一雙✌🏻能夠使睫毛做到根根分明效果！而且真係全日唔塌！即時為眼妝大加分！(成個人精靈哂😂)難怪連化妝師友人都讚口不絕❤️

ying好用推薦：✨ IPSA ULTIMATE ESSENCE LOTION 極致精華水 皮膚唔穩定用佢一流‼️ 無擔心・有安全感 大大話話都用咗好幾支保濕。有時候唔知用咩，用佢最穩陣。都會令到皮膚有種透明感。由其皮膚唔穩定用佢一流，無擔心，會有安全感。大大話話都用咗好幾支，呢啲細嘅都係買太多BA姐姐送比我✅ 保濕 最基本但最重要嘅功能。 用完之後， 皮膚係飲飽水嘅感覺， 唔係表面嗰種， 而係滲透入去嘅滋潤。 ✅ 皮膚唔穩定用佢一流‼️ 呢句係精髓！ 皮膚敏感嗰陣： ▸ 好多產品唔敢用 ▸ 怕刺痛、怕紅、怕生粒粒 但呢支： ▸ 用完唔會刺激 ▸ 反而舒緩到皮膚 ▸ 敏感期都用得 ✅ 無擔心，會有安全感 「安全感」呢個詞， 喺護膚入面係好高嘅評價。 你知： ▸ 用完一定唔會出事 ▸ 一定會保濕 ▸ 一定會穩定 所以你唔使擔心， 可以安心用。 ✅ 令皮膚有透明感 用完之後， 皮膚由內而外透出光澤， 望落乾淨、健康、有精神。 唔係死白， 而係「皮膚好靚」嗰種透。 ✅ 大大話話都用咗好幾支 呢句係最有力嘅證明。 唔係「試過一次」， 而係「用咗好幾支」。 即係長期回購， 真心覺得好用。 ✅

維他他好用推薦：Ipsa呢個產品嘅名好犀利，叫做復活神水，極致再生精華水。佢喺早晚清潔面部同用完爽膚水之後使用，可以促進肌膚底層，激活膠原蛋白，補充返代謝咗流失嘅細胞，令肌膚回復飽滿光澤，仲可以減淡皺紋，提亮肌膚添。 我用嘅係試用裝，用咗幾包之後，發現佢嘅吸收非常之快，因為其實佢係非常水狀，所以搽上面好快就吸收晒，保濕嚟講，係唔錯嘅，皮膚好快就吸收晒啲復活神水，用完皮膚係柔軟咗，但係我用得太短期，未見到佢嘅功效，希望長期使用可以見到佢激活到膠原底層，會考慮買正貨裝嘅。

Vera Violet好用推薦：Laura Mercier 輕粉底霜 LM Skin Tint 已經愛用很多年，由舊版用到新版，多年無限回購！ 質地： 非常絲滑好推開，上面的感覺是水潤透薄，能非常緊貼並融合進肌膚裡 妝效： 打造超完美的無妝服貼感，能即時修飾膚色不均，而且沒有氧化情況！還自帶 SPF 30 UVB/UVA/PA+++ 防曬，出門超省時。 色號： 0N，跟我本身的膚色完全貼合。 正裝是 45ml，我特意選購 2 支 15ml！細細支好方便，可以一支放屋企、一支放手袋。最重要是唔會因為用唔切而變質，用完可以再買新的，強迫症表示極度舒適！ 如果你也是不喜歡厚重妝感、追求極致偽素顏的姊妹，LM 這支真的可以閉眼入，日常出門必備！✨

布吶吶好用推薦：Laura Mercier水光粉底霜 轉季皮膚乾燥，入手了這個粉底霜！ 上臉是水光妝感，很滋潤！ 乾皮用肯定夠了 油皮估計不行 會有點過於滋潤 我是正常膚質 對我來說滋潤度很好不會乾也不會油 遮瑕還是有一丟丟的 不過就真的是一丟丟 只能遮點鼻翼的泛紅和不嚴重的黑眼圈 但它毫無粉感 塑造的是自然好皮的感覺 我覺得這個不需要用粉撲 直接用手擦一擦就搞定 因為我買這個本身的訴求就是不想那麼麻煩擦防曬擦粉底的時候擦一擦就出門 目前用下來非常滿意 我臉上基本沒有瑕疵 所以我覺得這個比較適合本身膚色、皮膚狀態都很好的盆友 是不能指它能有太大的作用的 我用下來沒有悶痘、閉口，兩片卸妝棉就可以擦的很乾淨 我買的顏色是最白色 也不會太白 （我本人很白 色號是櫃姐給我選的 不是我自己要最白色的）擦上很自然 總結一下 皮膚好的小姐姐不想化全妝、想隨意出個門、想氣色看起來好點、像偽素顏可買！ #轉季#換季#水光妝

Belle LUI好用推薦：去旅行、作息亂，皮膚最容易鬧脾氣——時差加飲食影響，搞得我容易長粒粒、又易脫妝。之前就用過他們家的粉底液，很好上妝，但去旅行不想帶太多東西，氣墊就是最方便的選擇。所以我帶上了這顆——Charlotte Tilbury 夢幻柔光粉氣墊，粉粉嫩嫩的超可愛😍。薄薄一層，瑕疵就遮了八九成，泛紅和暗粒修飾很多，毛孔也隱藏了不少。而且它帶有自然光澤感，提亮膚色、看起來很精神，整天下來也不會暗黃，非常自然——完全是為我這種瞎忙的媽媽而設的😂 我是混合偏油肌，鼻翼兩側特別容易出油，所以一定會搭配他們的輕盈無瑕蜜粉。一整天趕行程也不需要特別補妝（要求不高的情況下😆），出油狀況還可以，用紙巾印一下就好，控油表現算不錯了！ 結論：想快速上妝出門、一盒搞定遮瑕＋提亮＋控油，Charlotte Tilbury 夢幻柔光粉氣墊值得入手💖

Chocolateking 好用推薦：我用的是 1N色號，妝感比較水潤，是我很喜歡的類型。它不太會卡粉，上臉有一種水光肌的感覺。 我在 5月的時候用，香港天氣偏潮濕，但上了碎粉後整體也能維持乾爽、不易出油。化妝全日（大概10小時？）都沒有覺得暗沉很多。不過我覺得它的粉撲有點容易吃粉，如果能搭配更好用的粉撲會更完美。