特色長處 推薦好用產品

takemyokane好用推薦：用到空瓶才發現忘記拍照！講到夏天護膚一定會提起這個 Clinique 的皇牌水嫩補濕啫喱，它的質地是粉紅色的啫喱，主打蘆薈生物發酵精華及玻尿酸成分，強調極致補水與長效鎖水。 在香港潮濕悶熱的夏日，最怕面霜太過黏笠和厚重而誘發暗粒。那就是這款爆水啫喱出場的時候了！我習慣放雪櫃，冰凍啫喱敷臉超舒服，吸收後表面沒有油膩膜感，觸感清爽無負擔。晚上開冷氣睡覺後，醒來臉部依然維持飽滿水潤感。 由於成分主打 Oil-free，到了秋冬就未必合用，但對於在香港夏天追求清爽無負擔的混油肌而言，滋潤度拿捏得剛剛好👍🏻

Blooming好用推薦：是啫喱質地的面霜，比起其他啫喱質地嘅面霜，這個面霜保濕度做得出色。喺春夏天用，好易推開、好快吸收。推薦！

Fng好用推薦：CeraVe 清爽泡沫潔膚露 CeraVe 清爽泡沫潔膚露（Foaming Cleanser）係一支專為「中性至油性肌」設計嘅弱酸性潔面，主打清潔力夠之餘，又唔破壞皮膚屏障，用法同感受都幾簡單直接。 💟 產品重點（成份／功效） - 主要適合：中性、混合偏油、油性肌，如果你係成熟偏乾肌，就要小心用或只限夏天。 - 成份重點： - 3 種 Ceramides 神經醯胺，幫皮膚維持屏障。 - 透明質酸，提供基本保濕。 - Niacinamide（煙醯胺）有助舒緩、輕微調理油脂。 - 特點： - 無香料、弱酸性（約 pH 5.7），敏感肌一般都可以試（但非常乾或極敏感要先做局部測試）。 - 可用於面部同身體，一支可以當洗面＋沐浴露用，CP 值高。 💟質地同清潔力 - 泡沫：凝露質地，加水後易起細緻泡泡，沖洗得好快、唔痴面。 - 清潔力： - 洗得好乾淨、去油力幾強，夏天、運動後用會特別舒服。 - T 字位唔易再好快出油，洗完係「舒服嘅乾爽」，唔係滑到好似洗唔乾淨。 💟乾不乾？適合邊種膚質？ - 混合肌用家： - 正

Mei_pk好用推薦：這款洗面奶，適合敏感肌，潔淨力ok，但是我個人比較喜歡用藍色的水楊酸。

Noel好用推薦：個人是 Rainbath 長期用家，由讀完書出來做野開始，就一直用 Rainbath 沖涼💕 當時還是社會新鮮人，容易受工作壓力影響，入眠相當困難！後來了解到舒緩的香氣有助睡眠，於是選用了 Rainbath shower gel，沖涼後香味會在身體停留約兩小時，晚上使用絕對係享受❣️最近發現貪靚老公會偷用我的 Rainbath 添呀 lol 😆

Marcus好用推薦：自購的 用咗幾日，成個背出咗好多粒粒，即刻吾敢再用，跟住用番其他沐浴露，啲粒粒無晒。

Luvty好用推薦：Caudalie 葡萄蔓極緻亮白精華液是溫和美白精華嘅好選擇，獨家成分葡萄蔓萃取液有助減淡皮膚黑色素，質地輕盈，搽上皮膚後清爽無負擔。 使用一段時間後，可以感覺到膚質變得亮白，對於改善暗沉、均勻整體膚色有顯著幫助，尤其適合敏感的肌膚。淡淡的天然草本香氣令人心情放鬆。雖然針對頑固深色斑點需要更長時間觀察，但作為日常亮白保養，我會推薦呢個精華。

Kathy Wai好用推薦：《Caudalie 白管精華用後感 — 唔係快，但係穩陣嘅變白》 我本身係混合肌，T字位油，兩邊面頰偏乾，最大困擾係暗啞同埋以前暗瘡印留低嘅啡色痘印。見呢支Caudalie Vinoperfect精華號稱「溫和到孕婦都用得」，就膽粗粗買嚟試。 質地＆膚感（★★★★☆） 佢係流質嘅乳液狀，好水，一推開就化開，完全唔笠。我通常按兩下搽全臉，吸收速度算快，之後再上保濕面霜都冇打架（起擦膠碎）。對混合肌嚟講，春夏用啱啱好，秋冬就略嫌唔夠潤，要加多層保濕精華打底。 重點效果 — 淡印 vs 美白（★★★☆☆） 用咗將近兩個月，一支就快見底，我可以好老實講： · 淡暗瘡印：有效！ 新嗰啲紅印褪得快咗，舊嘅啡印就明顯變淡，化妝唔使再特登用遮瑕膏死蓋。 · 整體提亮：有，但唔係漂白。 皮膚係會飽滿啲、有光澤，望落乾淨咗。但如果你追求「白兩度」或者「即時變白」，呢支唔會做到，佢係幫你「還原」返你本身膚色嘅透亮感，而唔係漂白水。 最大優點：真係好溫和（★★★★★） 我試過用其他維C精華會「拿」同敏感，呢支完全冇事。佢冇酸類、冇A醇，轉季皮膚唔穩定嗰陣用，完全冇投訴。如果你係敏感底但又想美白，呢支係

Emily Leung好用推薦：凡士林蘆薈潤膚露測評 話時話，一支幾十蚊嘅潤膚露，到底有冇可能又清爽又保濕？今次就同你開箱呢支凡士林蘆薈潤膚露，睇下佢係咪真係咁打得？ 質地：乳液狀，推開化水，吸收快唔黏膩，夏天用超舒服！ 香味：清新蘆薈味，似青瓜加少少花香，唔濃唔俗氣，聞落乾淨清爽。 滋潤效果： · 保濕力中等，皮膚即時變軟滑 · 乾燥手腳用咗會明顯柔潤，但極乾燥部位可能要補多層 · 持久度一般，冷氣房大概頂到4-5個鐘 總結：$50樓下大支裝，清爽度同香味夠晒加分，適合日常簡單保濕，追求輕盈感嘅人必試！

Shirlin Ho好用推薦：Vaseline蘆薈舒緩潤膚露非常適合香港夏天又熱又潮濕嘅天氣用,佢質地非常清爽,揸咗都唔會有黏笠感,而且有可以穩定肌膚,用後唔會有乾燥感,因為熱天經常都係冷氣房,所以夏天定會買一支係屋企每晚都用佢。

Miranda好用推薦：質感 講到呢支唇膏嘅質感，真係好有驚喜。佢係「Hazy Matte」柔霧效果，同傳統嗰啲乾到裂開嘅霧面唇膏完全唔同。膏體摸落去好滑，好似絲絨布面咁，唔會一畫就卡住。上面之後，嘴唇表面會有一層好薄好薄嘅絨毛感，望落唔係死實實嗰種啞光，而係有少少空氣感、好似filter咁柔焦咗唇紋。最正係佢完全唔會拉扯嘴唇，就算來回塗幾層都仲係好順滑。我試過冇打底直接搽，嘴唇都唔會覺得乾或者繃緊，仲要唔顯死皮。對於成日覺得霧面唇膏好難handle嘅朋友，呢支絕對會令你改觀。 使用感 #908 呢個顏色叫 HAZY MATTE，實際係一隻帶少少棕調嘅玫瑰木色，或者可以話係「煙燻乾燥玫瑰」。呢類色對亞洲人膚色極之友好，黃皮用即刻顯白，白皮用更顯氣質。我自己係黃一白，搽上去成塊面即刻溫柔晒，唔會太紅太誇張，但又唔會似病。最鍾意佢素顏都carry到，返工趕時間輕輕印一層，已經有好自然嘅好氣息。上嘴嗰下好順滑，唔使照鏡都畫得靚。佢嘅氣味係淡淡嘅雲呢拿香，唔會太濃，搽嗰陣好舒服。包裝係磨砂管身，細細支放喺手袋唔阻掟，磁石吸蓋設計好有質感，啪一聲就閂實，唔怕喺袋入面鬆開。 持久度 持久度方面，以柔霧唇膏嚟講算係中上水

chewyfruit好用推薦：#火熱新品 【MAC 輕吻雲霧保濕唇膏實測】 講起 MAC唇膏，大家可能第一時間諗起子彈頭或者好乾。但今次呢條 「輕吻雲霧」 系列，真係同以前好唔同！佢個名話自己保濕，仲要係雲霧妝感，咁到底係咪咁堅？等我同大家試真啲！ 💄包裝 & 第一印象 一拎上手，同經典子彈頭唔同，係霧面軟管包裝，扭開個蓋，個咀係斜角平口設計，幾貼心，可以直接就咁搽，唔使用唇掃，好方便就手。 💄質地有幾「輕吻」？ 一搽上嘴，第一個感覺係：嘩，好滑！ 佢質地係好輕盈嘅乳霜狀，唔係傳統嗰種「揩唔郁」嘅霧面唇膏。搽嘅過程超順滑，完全唔會卡唇紋，好似有層好薄好薄嘅油包住咁，個觸感真係對得住個「輕吻」嘅名。 💄妝感：雲霧效果係點？ 完妝之後，佢唔係死實實嘅全啞緻，而係一個好柔和嘅柔焦效果。好似俾咗一層好薄嘅霧面濾鏡你塊嘴，但又隱約見到嘴唇本身嘅紋理，好自然。坊間有人叫佢做「屁屁唇」效果，就係嗰種好柔軟、好似俾 BB 咬過嘅 feel。 💄重點：保濕度得唔得？ 呢個係大家最關心嘅point！我可以話，喺霧面唇膏嚟講，佢嘅保濕度絕對係高分。 因為佢入面有滋潤精華，搽咗幾個鐘，嘴唇都唔會 feel 到乾爭爭或者

Suki好用推薦：#火熱新品 之前染髮染傷咗頭皮，甩好多頭，見網上多評價，所以就買咗嚟試吓。用咗一段時間之後，真係感覺到效果幾唔錯！首先，佢嘅質地唔會太油膩，塗喺頭皮上好清爽，完全唔會有黏笠嘅感覺。而且味道都幾天然，唔會有嗰啲化學刺鼻味，聞落舒服放鬆。 至於修護效果，真心覺得有改善。用咗幾次之後，感覺頭皮冇之前咁緊繃，甩頭皮嘅情況都減少咗。而且頭髮狀態似乎健康咗，唔再咁乾燥或者脆弱。用落覺得頭皮變得好似平衡咗，唔會太乾或者太油。

Sandy好用推薦：因染髮染傷咗頭皮，一直甩好多 頭髮 見網上多評價 就買咗嚟試吓。 用咗2個月時間之後，真係感覺到效果 ， 終於見到毛毛頭髮生返出嚟😍 質地唔會太油膩， 塗喺頭皮上好清爽， 完全唔會有黏笠嘅感覺。味道都幾天然， 好聞👍 洗頭後用 舒服放鬆😍覺得有改善。感覺頭皮冇之前咁緊繃，甩頭皮嘅情況都減少咗。而且頭髮狀態似乎健康咗，唔再咁乾燥或者脆弱。用落覺得頭皮變得好似平衡咗，唔會太乾或者太油。 頭髮係第二張面所以大家需要小心呵護😀

jhope0725好用推薦：雖然踏入❄️冬天，但係煥膚一定唔可以偷懶！ 冬季天氣乾燥、肌膚相對敏感，好多人都會忽略咗去除角質嘅重要性，只係着重保濕。 呢枝含有18%杏仁酸嘅產品，不但一年四季都可以用，喺冬天更加能夠進一步協助已經乾死咗嘅皮膚、以及角質層加快去除，加速新陳代謝，令皮膚重新變得嫩滑！👆🏼產品相當流質，用完唔會覺得好油膩，完全冇負擔感 一開始使用嘅時候會感覺到輕微刺痛，我嘅偏油性皮膚大約用咗兩星期適應，雖然產品說明教一星期用兩至三次就已經可以，不過基於我皮膚已經適應產品，現在一星期七日使用都冇問題~ 大約一星期後，就會明顯見到角質層開始脫落，大約兩至三星期，新一層皮膚就會浮面，變得乾淨嫩滑~ 👆🏼剛剛開始脫皮嘅時候，就會出現呢種情況，見到白色嘅皮屑 相比一般磨砂膏，利用酸性去除角質，自己覺得效果更顯著！不過產品特別之處係需要喺爽膚水之前使用，否則的話，保濕產品同杏仁酸結合，就未能夠發揮最好嘅作用。 冬季要有好皮膚，不能只靠保濕，去除角質都好重要~ 呢個系列另外有較溫和嘅版本，含有8%嘅杏仁酸，適合乾性肌膚，如果較易敏感或者皮膚比較乾嘅朋友可以考慮~

Emily Leung好用推薦：DR.WU杏仁酸精華用後感｜溫和刷酸！暗粒閉口拜拜！ 忍唔住要同大家分享呢支寶藏精華——DR.WU 18%杏仁酸亮白煥膚精華！對於成生暗粒、閉口嘅我嚟講，真係相見恨晚！ 簡約專業嘅樽身，滴管設計好容易控制分量，衛生又方便。 點解揀佢？ 聽講杏仁酸相比其他酸類溫和好多，而且呢支專為亞洲肌膚設計。我係混合敏感肌，用咗之後覺得真係唔會點刺激，好安心！ 質地係透明水狀，非常清爽，搽上臉好快吸收，唔會黏膩，油皮用都零負擔。 效果點樣？ 最驚喜係用咗大概兩星期，額頭同下巴啲「磨砂感」暗粒平伏咗好多！皮膚摸落去滑溜咗，冇咁易阻塞出暗瘡。而且膚色睇落均勻咗、有光澤感！ 用之前皮膚有啲暗啞同細細粒嘅閉口，用咗一段時間後，皮膚平滑咗同光亮咗！ 使用心得同注意事項： · 頻率好緊要！ 新手建議由隔晚開始，等皮膚建立耐受性。 · 一定要加強保濕！ 用完之後我會搽保濕力強嘅面霜。 · 日頭必須防曬！ 刷酸後唔做防曬好易反黑，切記！ 總括來講： ✅ 優點： 溫和去角質、有效對付閉口暗粒、膚色更亮白 ❌ 缺點： 要建立耐受性、必須配合保濕防曬 咩人最啱用？ ➡️ 成日有暗粒、閉口煩惱嘅

Kitty 好用推薦：Dior 唇膏嘅包裝一向無得輸，拿上手沉甸甸嘅，經典嘅深藍色配銀邊，個感覺已經贏咗！帶出街補妝個陣，虛榮心即刻飆升，哈哈！ 🎨 顏色：超靚木玫瑰豆沙色🎨 #720色號係一隻好微妙嘅顏色！佢係一隻帶住少少啡調同粉棕調嘅豆沙色，但唔會好似普通豆沙色咁悶，裡面仲有微微嘅玫瑰色調，所以佢有個咁詩意嘅名叫做木玫瑰。 - 對黃皮超級友好！我本身係黃二白，搽上嘴完全唔會顯黑或者顯黃，反而即刻睇落個人好精神、好溫柔。 - 顯色度：遮蓋力好好，我本身唇色偏深，薄薄搽一層已經能夠還原到唇膏本身嘅顏色，仲好均勻。 - 場合百搭：呢隻色真係唔挑場合！平日返工、見客，佢低調得嚟又有品味；周末去Cafe打卡、或者夜晚去食飯，佢又顯得你好有氣質，絕對係一支唔會出錯嘅萬能唇膏！ 💋 質地：絲絨啞緻，高級感之選 💋 呢支係柔霧啞緻質地，但係！佢一啲都唔乾！ - 順滑度：搽上嘴個下好似絲絨咁順滑，完全唔會拉扯到嘴唇。 - 滋潤度：雖然係啞緻，但裡面應該加咗保濕成分，我唔打底直接搽都唔會覺得繃緊，亦唔會顯唇紋（當然，如果本身唇況好差，點都要做返個基本護理啦）。 - 持久度：食嘢飲水當然會甩少少，但唔會成層甩到冇晒，底

KDing好用推薦：我用既色號係720號既玫瑰色，搽上嘴好顯色，上嘴顏色都幾深色，搽上嘴好係紅噹噹，絕對係招財嘅顏色，所以好適合去朋友屋企拜年嘅時候，打牌嘅時候贏到開巷🤓 同埋有啲好重要，就係呢支唇膏拎出嚟補妝嘅時候都覺得貴氣十足，顏值已經拉滿咗。本身支唇膏嘅質地都係偏向matt身，所以都要用少少潤唇膏嚟打底，咁樣冇咁容易起死皮。 唇膏嘅持久力都算幾高普通飲嘢飲咗幾次之後嘴唇嘅顏色都唔會話甩得好嚴重，補妝嘅次數唔需要太多。 顯色度：4/5 啞面唇膏

　peg好用推薦：用咗之後最明顯係佢嗰種精華水注入嘅感覺，上臉好涼爽，而且貼服度真係好高。佢唔似一般氣墊咁厚粉，反而係好透薄、好有嗰種高級水光感，好似飲飽水咁，望落去皮膚質素即刻提升咗。對於我呢啲有時會乾燥泛紅嘅皮膚嚟講，佢嘅保濕力好夠，唔會話上妝耐咗就出現乾紋或者卡粉。 遮瑕力方面，佢屬於中等程度，普通嘅暗瘡印或者膚色暗沉都遮到，但如果係好深嘅黑眼圈可能仲要加少少遮瑕膏。不過最驚艷係佢嘅光澤度可以維持得好耐，唔會話過咗幾個鐘就變到好暗沉，反而係出咗少少油之後，嗰種水光變到更加自然、更加貼面。 雖然佢個價位稍微高啲，但係個包裝真係太靚，攞出嚟補妝都覺得好治癒。唯一要注意嘅係，因為佢主打保濕同水光，如果係大油田嘅話，夏天用可能要加多啲定妝粉。

Yeonjung好用推薦：反覆愛上YSL粉氣墊係我嘅宿命！！ 真係俾YSL粉氣墊食住咗！ 不愧係長年霸住榜首 乾瑕皮呢個賽道真係搵唔到對手… 分享過無數次年度最愛非佢莫屬 顏值實力都係無可取代 外貌協會一眼就沉船～ 帶出去補妝超有面 超水潤嘅粉霜質地 上妝又快又貼服 滋潤度拉滿、遮瑕力在線、貼膚度封神 乾皮想要嘅嘢佢一次過做齊！ 是但拍兩下 微微透光又貼服自然嘅妝感 好似皮膚入面透出嚟嘅好氣色 呢個無瑕高定粉光肌邊個見到會唔心動… 遮瑕力喺乾皮底妝入面真係搵唔到對手 薄薄一層瑕疵就唔見咗 真正六邊形戰士 不論咩場合 YSL粉氣墊都可以令你隨時隨地保持完美狀態 用過一次呢世就定型咗～

jhope0725好用推薦：Canmake 嘅眼影買過好多次，不過當中都係最喜歡呢款好似梳乎厘質地嘅眼影系列！ 最欣賞係佢嘅產品質地。我覺得佢同眼影膏非常接近，又似眼影霜咁，摸落好滑好幼好易推，帶輕柔感、同時用少少已經非常顯色！有點兒出乎意料，開架品牌可以做到咁高質素嘅效果，甚至可以媲美尊貴嘅眼影霜呢！  而且由於佢嘅質地似膏狀，同眼睛嘅貼合都好高，唔會好容易飛粉，搞到成個妝容花晒。另外由於皮膚有體溫，好容易將眼影融為一體，唔需要用眼影掃來回掃都可以好柔和！淨用手指都blend到，去旅行就最方便~帶少d工具都ok 圖中使用嘅係02號色號~ 呢盒眼影嘅持久度亦都非常唔錯，相信都係由於產品質地透薄，唔需要用好多層都已經顯色，所以冇咁容易出現眼影粉堆積嘅情況。化完妝後五至6小時都可以維持到妝容效果不變。 一盒配色齊全，有齊光影、主色調同陰影顏色，深淺顏色配搭相當明顯。眼底臥蠶、眼眉加深輪廓都做到晒。 尤其是係眼尾嘅陰影顏色，我特別喜歡，因為小麥色肌膚就係要透過眼尾加深顏色，拉遠眼嘅距離同埋突顯眼部輪廓！心水造型容易Get ！ 不過盒中冇附帶鏡子，如果要帶出街補妝嘅朋友就要留意了~

Sanna Cher好用推薦：使用產品色號7，是顯色度高，不算容易延伸，調色方面有點漫畫感的橘色眼影盤，頗為特別。每次塗抹眼影盤，定必使用全部顏色。 底色為橫1左2，只要塗抹一次已甚有效果，可以先散粉再上。眼線陰影使用橫2左1，顏色跟底色相碰後，不會顯得太漫畫感，是頗獨一無二的風格。 使用橫1左1，珠光色劃在眼窩上，淡化邊緣，甚有效果。另外，建議使用橫2右2化濃化粗眼線，令妝容更為完整。完妝照片，是比偽素顏再顯色的眼影盤。

ying好用推薦：✨ YSL All Hours Foundation 恆時啞緻粉底液｜「飯時露光粉底液」 油皮/混合肌・夏天底妝天花板 24H零瑕霧光・會呼吸的底妝 🔬 核心成分｜77%護膚精華 💧 透明質酸複合物 → 全日感覺飽滿水潤 → 幫助肌膚保持水油平衡 🌸 茉莉花瓣萃取 → 有效抗氧化 → 全日持色不暗沉 🌿 植物性牛磺酸 → 胺基酸衍生物 → 有效抗疲勞，提亮膚色 🛡️ 新肌粉末 → 吸收高達自身重量4000倍的油脂 → 超疏水特性分散和蒸發汗水 ✨ 生物親和塗層粉末 → 輕身無重量 → 如第二層肌膚質感 配方特點： ✅ 77%護膚精華成分 ✅ 會呼吸的底妝，不堵塞毛孔 ✅ 防水防汗防沾染 ✅ 特別適合香港潮濕天氣 💬 真實用後感｜乾肌/混合肌角度 ✨ 質地：★★★★☆ 質地偏水感，流動性高 比乳液輕，幾乎是帶粘感的化妝水 唔會太杰身，一推就開 ⚠️ 但乾得快，建議分區上妝 ✨ 好推度：★★★★☆ 順滑易推，延展性好 一粒黃豆份量夠全臉 但需要快手，否則會乾咗推唔勻

Poyobb好用推薦：粉蓋同黑蓋，夏天我一定會推薦係黑蓋，因為香港啲天氣實在太焗太潮濕，如果冬天就粉蓋都適合。即使唔噴定妝噴霧都足夠持久度。如果過咗幾個鐘頭之後鼻翼位會有少少甩，但面頰嘅位置都仲係keep住出咗油嘅奶油肌，呢種妝感好適合香港天氣👍🏻 粉蓋比黑蓋多咗少少光澤感，遮瑕度超好，好似我好多痘印嘅話，我都會推薦用LN4顏色。粉底液唧出嚟嘅時候偏黃，但上面嘅遮瑕都係啱啱好。佢會令到你啲皮膚素做到一種霧面嘅高質奶油肌。 但會少少乾，唔建議再用好乾嘅碎粉，會容易眼下出乾紋。 而且foundation 有一種YSL化妝品嘅獨特香味☺️

Amyloid Li好用推薦：粉質方面我認為係比較粗，沒有這麼細膩，上臉比較明顯的粉狀，控油效果都幾好

Tszki好用推薦：YSL 恆久完美立體高光餅 這是一款粉狀打亮產品，採用極致透氣輕盈粉體比較幼滑，添加保養成分，提供保濕持久的妝效。 光澤細緻，沒有大顆亮片，在自然光下能呈現皮膚由內而外透出的光芒感。

poonpoon好用推薦：Cerave 長效保濕防曬面霜SPF30🧴 😉質地：乳白色乳霜，容易推開唔算特別厚身，推開後要少少時間先會吸收晒。有足夠保濕度同時有防曬力，會偏油膩，但不黏立。 😀功效：保濕度強，保濕度幾乎等同潤膚膏。成份同時溫和，令到皮膚表面不會乾燥，而且曬完用佢可以降紅。成份不致痘，不刺激，無香精，添加了SPF30嘅防曬功效，日間室內足夠防曬度。 ☺️用後感：我屬於乾性皮膚，只要不用化妝嘅日子就會用，一朝早出門口就會用，一支有兩種功能十分方便。我鍾意搽完乳霜之後留有嘅滋潤感，依枝剛足夠，全日足夠保濕。 因為防曬需要搽足夠份量，依支乳液五月開，我大概一星期用五日，用咗一、兩個月就接近用晒。 乳液添加了防曬成份，味道不討好。 😇適合人士：混合皮膚至油性皮膚不太適合，恐防出暗粒，建議用返乳液同防曬分開兩枝 適合敏感肌及乾性皮膚。 🤭Tips:建議官方用法，將乳液擠喺手上語法，然後再按壓上面。或者喺乳液添加精華液，令乳霜更水潤。

FishFish好用推薦：如果你係混合肌/乾肌，夏天想搵一支「防曬＋保濕」二合一嘅面霜，CeraVe長效保濕防曬面霜（SPF 30）會係幾稱職嘅選擇。以下係我用咗一個夏天嘅真實心得： 質地 雖然叫「面霜」，但比佢支經典保濕霜輕盈好多，推開似厚少少嘅乳液，唔會一嚿白。夏天用唔覺得焗，但大油肌可能要諗諗，因為佢有滋潤感，唔係全啞緻。 防曬度 SPF 30 夠應付日常通勤，如果長時間戶外就建議補搽或轉更高防曬。物理+化學防曬結合，唔泛白，但眼周要小心啲，捽到會「淚眼」。 保濕力 含有神經酰胺，呢點係CeraVe強項。夏天成日喺冷氣房，到下午塊面都仲保持到水潤感，唔會乾到繃緊。控油就一般，T字位中午會出少少油，但用紙巾印一印就OK。 舒緩度 轉季或曬後用，冇敏感刺痛，仲有輕微降紅效果。如果搽得厚，會有少少「存在感」，建議薄搽一層就夠。 整體評價 👉 適合：中性至乾性肌、常喺冷氣房、追求簡單護膚（唔想分開搽防曬同面霜） 👉 唔太適合：大油田、追求極清爽、大汗人士（會覺得有層膜） 夏日小貼士：如果覺得偏潤，可以搽完等1分鐘，用紙巾輕印走多餘油光，之後上妝會更貼。 #CeraVe防曬面霜 #夏日護膚必備 #

格仔餅公主好用推薦：泡沫既豐富度岩岩好，洗完成個人感覺好乾淨，留有啲啲清香但唔好expect佢留到勁耐，望打係乾淨既清潔感

Kitty 好用推薦：呢隻精華主要功效針對頭皮乾燥發癢，頭髮缺乏光澤。 主要成分含有： 1. 100%有機蠟菊精華油：強效抗氧，提升頭皮防禦，促進微循環。 2. 精胺酸：滋養、活化功效 3. 維他命E：有助抗氧化、保護肌膚 4. 維他命B5：滋潤保濕、修復同紓緩效果 呢支精華液係有分層嘅，用之前需要搖勻。味道方面係好清新嘅草本香味。搽上頭皮嘅感覺都幾好，但係乾透之後會令到頭髮摸起身一綹綹。雖然睇落唔至於好油膩嘅樣，不過個心囉囉攣😂 所以搽嗰陣要小心唔好掂到啲頭髮，盡量等啲精華留喺頭皮上面。 我個人覺得呢款精華比較適合偏乾嘅頭皮用。喺潮濕翳焗嘅地方可能會覺得有啲笠。我自己都係更鍾意Sisley嗰支頭皮精華多啲。

maylam好用推薦：好用 佢係有少少水油嘅質地 滴到頭皮好舒服 再加以按摩等佢吸收 用咗一段時間有覺得頭皮少咗油同痕癢 

mandy好用推薦：CANVAS ROSE OTTO Multi-intensive HydraEssence Mask 玫瑰高效保濕精華面膜 $425/ 5pcs (after deducting $200 coupon from CANVAS+ $50 coupon from Sogo, paid $175 finally) 玫瑰高效保濕精華面膜是我挺喜歡的急救面膜， 但礙於貴婦價格實在不易入手，只能在特價時才入手。 玫瑰高效保濕精華面膜蘊含眾多護膚成分， 包括: 保濕/抗氧化/美白等成分。 功效: 保濕+提亮+緊緻 面膜厚薄適中，不易撕破，尺寸比我面型大少少。 注: BA建議敷面膜的時間可以延長至20-30分鐘， 因為面膜去到30分鐘都未變乾。 敷面膜時有面部正在收緊的感覺。 玫瑰高效保濕精華面膜精華量充足，保濕力非常好， 帶迷人玫瑰香味，令人心情很放鬆。 使用後肌膚水嫩動人，面部散發出美麗的自然光澤， 並能即時趕走暗啞倦容。 肌膚很乾燥暗啞時，一定要敷玫瑰高效保濕精華 面膜，馬上急救肌膚。此外，如果是重要日子前， 可以連敷面膜2-3天，加強急救效果。 含保濕成分: 甘油, 甜菜鹼

chewyfruit好用推薦：我前排先回購咗兩盒，趁熱辣同你講吓真心話～ 質地： 佢個精華係偏 水感乳液狀，唔會杰撻撻。一敷上面，嘩，好似倒咗成杯水落塊面咁，但係又唔會滴到周圍都係，個 Canvas（嗰塊天絲膜布） 薄到透光，但掛精華能力好強，貼到冇朋友，連鼻翼都服服貼貼。 香味： 好舒服嘅 天然玫瑰味，唔係化學香水嗰種，敷嗰陣真係有放鬆嘅感覺，好似做緊SPA咁～ 用後感（重點！）： 我平時敷15分鐘，揭開嗰下，塊面係 飲飽水嗰種脹卜卜，乾紋即刻淡咗，而且佢唔會淨係得表面濕，係feel到入面都潤潤地。最驚喜係，第二日起床塊面仲係滑溜有光澤，上粉底勁貼，完全唔會彈返轉頭！ 溫提： 如果皮膚好乾，開頭敷可能有少少輕微「拮拮地」，但唔係敏感，係補水嗰種正常反應，敷多兩次就冇事。性價比嚟講，對得住個價錢，係會令人想回購嘅急救好物！ 總括：買得過！ 尤其轉天氣或熬夜後，敷完真係會覺得塊面「翻生」～ 😌🌹

June好用推薦：我用咗 BIODERMAB3 水活保濕精華肌底液一排，我係一個28歲嘅女生，平時本身偏乾，同埋皮膚一到換季就好容易覺得粗粗地、冇咁細滑，所以上肌底液我最想睇嘅就係：佢係咪真係可以令底層狀態穩定，跟住再疊上去嗰啲保養會唔會更實際。 我第一下覺得佢好好用係因為質地好水活、唔厚重，推開之後吸收都算快，唔會黏住你或者悶住塊面。一般我擦肌底液都會跟住接精華同乳霜，佢就好啱，因為唔洗等好耐就可以繼續下一步。之後最有感嘅係保濕鎖水呢部分，用咗之後塊面會即刻覺得舒服啲，乾繃嗰種狀態會降落。至於長效方面，我覺得佢唔係擦完即刻退潮嗰類，而係可以令我之後幾個鐘頭保持到相對水潤嘅狀態，所以皮膚冇咁容易因為乾燥再變得粗糙或者暗沉。 用耐咗之後我覺得皮膚表面有變細滑柔嫩，呢個對我好關鍵。以前我會覺得「角質乾到頂住」咁樣，摸落唔夠滑，視覺上亦會覺得膚色唔夠乾淨。宜家呢種粗糙感有下降咗，皮膚摸落更平滑，膚色方面亦有少少提亮嘅感覺，唔係話即刻變白，但係因為冇咁乾同暗啞，所以整體看起來更精神、更清爽。可能呢支對我嘅「老化角質」改善方式就係：佢唔係靠猛力去角質，而係令皮膚狀態回到水潤、表層比較細緻，所以你見到嘅就係膚感變

yykk88好用推薦：BIODERMA 呢支水活保濕精華肌底液質地好水潤清爽，拍上臉秒速吸收，完全唔會有黏笠感。佢幫 T 字位補足水分，反而令出油情況少咗。平日洗完臉第一步用佢，或者用佢嚟濕敷兩頰容易乾嘅位置，保濕效果都OK，加強返後面嘅精華同面霜吸收嘅效果

Cc2016好用推薦：多謝cosme今次嘅邀請🩷 第一次用YHKCare 呢個品牌嘅產品，好開心可以體驗到呢款產品 這款保濕噴霧的噴頭設計幾好，噴霧質地極其細緻，輕輕噴幾下已經可以非常均勻地滋潤全臉，亦不會形成大水珠而弄花妝容它採用了無色無味的純粹配方，沒有任何刺鼻的化學香精，讓人在使用時感到格外的安心與無負擔 喺香港夏天炎熱潮濕的天氣下，這臉部容易泛紅，當從室外暴曬後回到冷氣房，呢個噴霧有助令膚降溫及降紅，保濕鎖水的觸感清爽又舒服 洗完臉之後，亦可以用呢個噴霧幫乾燥的肌膚打底，提升後續保養品的吸收效果 連續使用14天之後，感受到整體皮膚變得更穩定，冇咁容易泛紅敏感，用完呢瓶之後，會考慮再回購於春夏季節使用

iliya 好用推薦：首先要多謝@cosme同@YHKCare 俾我今次試用TeaPep黑茶肽煥活保濕噴霧嘅機會🙇‍♀️🙇‍♀️🙇‍♀️ 孤陋寡聞，第一次聽YHKCare 草研源素呢個品牌，上網一check先知原來係一個香港本土創立嘅科研敏感肌護膚品牌，梗係要支持下本土牌子啦！🙌🏻 YHKCare TeaPep 黑茶肽煥活保濕噴霧嘅設計行簡約風格，磨砂透明嘅瓶身設計大氣，要讚嘅係噴出嚟嘅超細微米噴霧好細緻，範圍廣泛，噴幾下就可以噴晒全面，又唔會產生水珠，好貼心！ 我體驗試用了一連一星期TeaPep 黑茶肽煥活保濕噴霧，最近轉季，我喺夜晚臨瞓之前使用，隨後再搽TeaPep黑茶肽修護潤膚乳，同埋覺得好乾或皮膚泛紅嘅時候使用，結果都幾令我滿意！💕 保濕力及後續保養吸收力得到提升，用完之後嘅再搽潤膚乳好快被皮膚吸收，有滋潤嘅感覺。另外喺日曬後、運動後、喺冷氣房留得耐等等覺得乾或者見到皮膚泛紅嘅時候，噴一噴更加可以即時舒緩退敏，有效降紅降溫止乾癢！堅持用咗一個星期之後，皮膚嘅狀態穩定咗，泛紅減退咗少許，就好似修復及加強咗皮膚屏障咁。另外，TeaPep黑茶肽煥活保濕噴霧不含香料及人造色素、無酒精，任何膚質包括敏感肌

wingche好用推薦：真係非廣告‼️純分享著數 作為慳妹平時鍾意lunch格下價，之前見到呢間 化妝品店 搬遷 全部嘢半價🤩有啲仲3折，抵過萬寧、屈臣氏…不在話下，連ANESSA 支防曬仲平過我日本買~ 所以上星期掃咗一堆洗頭水、護髮素同沐浴露，返到去同我妹分享呢個優惠 對化妝品熟悉嘅佢，即刻話呢支DUP Silky Liquid Eyeliner嘅眼線筆好用，防水唔甩之餘又唔難卸妝，因為之前佢轉過另一個牌子，已經用埋眼唇卸妝液都攪唔掂，捽餐懵～傷皮膚 最重要佢話 SASA 買呢支 D-UP 絲滑特濃防水眼線液特價都要$7X 而家5折完 $47.5💰仲要冇咁多色，所以幫佢買左Milk Cappuccino同Apricot Brown ，不過Chiffon Brown 賣曬 大家啱嘅可以望埋 Canmake 或者護膚品 Curel, MINON…都係半價 ❇️❇️希望贏到shu uemura 植村秀 unlimited 無限輕透持妝粉底液（小方瓶2.0）🤭聽日再努力出post

3寶mamama好用推薦：大家去到日本，真係一定要買這個！ 我化左廿年妝，油眼，會用眼影打底的，用過煲數咁多眼線液🤣 心目中有top 2, 地位不相伯仲！ 一枝係Kissme 果枝眼線液 一枝新寵就係D-UP 易畫度：D-UP勝Kissme 持久度：D-UP勝Kissme 顯色度：D-UP勝Kissme 耐用度：D-UP勝Kissme 價錢度：Kissme勝D-UP 熊貓眼度：兩個都唔會 易買度：兩個都易買 如果budget少d, 買Kissme 如果價錢唔大concern, 試D-UP 最近見到化妝師Yoyo Yip都有推，真係識貨～～ 香港多數人用黑同啡，D-UP有好多好多色揀 去日本平香港一半，閉眼入吧！