抗氧化 推薦好用產品

lingbb好用推薦：- 好喜歡佢地嘅維他命A精華, 亦好喜歡cream狀面膜就試埋 - 而且面膜功效有好多，改善肌膚血液循環、去角質、提亮、均勻膚色、抗氧、 增加角質層的密度、改善粗糙及暗粒問題、提亮及均勻膚色，仲可以去水腫 - 香味幾舒服， 每次敷10 分鐘按摩過水，皮膚緊緻明亮 - 有特價先會再入購

wintonggg好用推薦：雪絨花day cream質地係乳狀，但搽上面都唔會笠！保濕度五分比三分，可能因為唔係主打保濕😂個人覺得似係修復性面霜，要長期用皮膚先會feel到慢慢冇咁暗沉，同埋我個人比較注重氣味，依款產品嘅味道都比較淡，唔會話好濃郁，所以都唔錯！用左好多，會回購！

Kitty 好用推薦：CPB黃金系列嘅新品，之前同系列有隻黃金塗抹面膜，我用落都幾OK。新出嘅精華膚感超正，質地裏面有黃金細閃，吸收得勁快，搽上臉真係好舒服！不過講到效果就冇乜特別感覺，淨係覺得皮膚軟熟咗同埋好潤，其他功效唔多覺。整體性價比唔算高，但用個陣嘅體驗真係冇得彈！ #火熱新品

mint好用推薦：CPB呢支黃金賦活精華真係幾啱混合肌用！質地輕薄又有黃金細閃，撈落臉吸收得快到癲，完全唔會黐笠笠，T位出油位都冇負擔。轉季用簡直一流，春夏天氣濕笠笠，但佢保濕得嚟又夠清爽，面頰唔會乾到繃緊。不過講到抗老同緊緻效果就真係要打個問號，用咗成個月都冇乜特別變化，淨係覺得皮膚摸落去軟熟咗同有光澤咁囉。千九蚊得40ml性價比真係一般，但個使用感真係無得輸，貪靚嘅話可以一試，但追求明顯功效就可能要諗諗先啦！

popocarcar好用推薦：原來Cle de peau 有出身體防曬。 質地好順滑，仲好防水，見到汗水一粒粒咗留咗係皮膚表面，有驚喜。 #火熱新品

Hana0125好用推薦：Paul & Joe 底妝同貓咪唇膏都好出名，無諗過連護膚品原來都好好用。本身皮膚易敏感，冬天會乾到甩皮上唔到妝。先講呢枝精華嘅包裝，磨砂玻璃好有質感。主要成份為蜂蜜，淡淡嘅甜味聞落好舒服，較滋潤同補濕，好適合乾肌嘅秋冬精華之一！

kk好用推薦：精華有淡淡香味，我幾鍾意，開落幾舒服不刺鼻，質地感覺有點油，用多了感覺會塞毛孔，另外被皮膚吸收速度較慢，用嘅份量要小心，用後感覺滋潤，但有點黏

格仔餅公主好用推薦：去痘印效果幾好，舊左黑灰個啲會淡小小，但新既痘印淡化效果梗係會明顯過舊既，同埋搽左呢支野個位感覺無咁易再生痘 如果想成臉美白呢佢可能就唔太岩你啦同埋佢有啲油唔好大大撻撻上臉呀油到爆呀，提埋你開封左就快啲用唔好等因為佢會氧化到時你見佢變哂色以為佢壞左就唔好啦

Kammy1209好用推薦：近年a醇這個成份真的很紅，就是有醫學證明抗衰老很有效果的一個成份。各大品牌都推出了含這個成份的產品，花多眼亂，稍為做了一點research後就選了Paula’s Choice這個品牌試試。 用量不腸很多，只需要2泵便足夠搽全面+頸 它沒有香味(硬要說的話是一種原料味)🤔 顏色和質地可以參考下圖⬇️⬇️⬇️用了一段時間，覺得皮膚好像有細緻一點，至於去紋方面，因為我暫時沒有太明顯的紋，所以沒辦法comment，會用它也是預防勝於治療的心態🤫 🌟總結: 抗老入門不錯的選擇👍🏻

lingbb好用推薦：- 晚霜質地上比較厚同杰身，我覺得佢唔算笠 - 比起其他真係好滋潤既面霜佢唔算好潤，吸收得快，做成一個保護膜。 - 有時我會係皮膚比較乾時用黎當面霜用。 - 而且真係唔會敏感同不適，特別針對乾燥敏弱肌，非常適合敏感肌用 -火熱新品 產品資訊： Defensive Technology 配方，針對敏感反應源頭，改善發炎及敏弱情況，強化肌膚保護屏障 丹參花萃取精華成分：緩減肌膚神經對外來刺激的過度反應 肌肽及維他命E成分：減少肌膚因「氧化壓力」所致的敏感；抗糖抗氧化，延緩肌膚衰老 含甘油‧角鯊烯及植物滋潤成分，長效滋養保濕12小時 低致敏性

Circlecyy20好用推薦：買機送的精華 很容易吸收 水潤質地 但效果普普通通 有基本的滋潤度

bearbear246好用推薦：面膜精華係透明水狀 用落質地清爽 敷完有水潤感 容易清洗 精華液充足可以係面碌多一次 適合夏天悶熱天氣使用

Noel好用推薦：希望購買的靚靚，請一定要做功課啊！Foreo 面膜不是平日使用的 sheet mask 形狀，而是一個杯囗大小的圓形棉布，配會 Foreo 潔面儀的導入功能使用啊~ 我就買過一盒 ，包裝也是舊的，就簡單分享一下。面膜精華液很多，包裝袋內的足夠再塗面及頸部👍精華液有淡淡莓子香，保濕效果也很理想。但是要配合儀器使用，不方便帶去 staycation /旅行，加上個人比較懶，和我 lifestyle 不夾，真的沒有動力回購。

bearbear246好用推薦：面膜質地濃稠 覺得比較適合秋冬天氣使用 香味自然 精華足夠 敷完有滋潤效果

natanatalie好用推薦：價錢不是很便宜，而且只有28毫升，美白效果不算十分明顯，有一些較深的痘印也不能完全減退，未必會回購。

chasiutung好用推薦：BANILA CO 卸妝膏 之前係sasa買一盒有四個細細嘅卸妝膏 4個色係俾吾同膚質嘅人士使用 粉色係一般嘅膚質都可以用 混合性皮膚都適合 黃色係乾性皮膚 紫色敏感肌 綠色油性皮膚 豬油膏質地 係手心搓勻塗上面 同卸妝油一樣 需要乳化 洗到無奶白色嘅水先可以 卸得幾乾淨 吾油好清爽 都無繃緊嘅感覺 但我用嘅時候生左好多暗粒 無用一排就無生 我覺得 4個顏色都差吾多 膚感都係好清爽同埋都係會生暗粒

Hamiii好用推薦：粉紅色 藍色 綠色 都試過晒 卸妝力同清潔度分別唔大 只係香味有點唔同 佢外加既function so far無咩特別感覺 不過不失啦

Yanice好用推薦：洗完面第一步用，水狀質地，好快吸收，之後要盡快用其他護膚品，唔係塊面會乾，用左一樽，冇特別明顯既效果，可能用得唔夠耐，都會再購。

Mo Wong好用推薦：呢款係有機低敏嘅面霜，有淡淡燕麥味，質地雖霜狀唔會杰身易推開，上面快吸引唔笠，可能我係乾肌，佢保濕同滋潤度唔太高，比較適合夏天用，冬天乾燥用我應該唔夠。

Milo101好用推薦：好天然的燕麥香氣，用料天然而且無動物測試的，延展度高，好易推開同吸收，溫和滋潤的感覺，唯獨是滋潤持久度不算很高

Kelvin好用推薦：似蜜糖嘅顏色，質地厚薄到啱啱好，將卸妝油上面按摩，之後加水，卸妝油就會起泡泡，佢起嘅泡泡係棉密型，泡泡豐盈程度就好似普通洗面膏一樣，可以做到深層清潔，直接沖洗用完皮膚十分清爽不油膩，唔會令皮膚繃緊，而且好方便二合一，而且味道幾好聞☺️ 成個感覺就好似普通洗面膏洗面咁樣，完全不需要技巧，任何年齡肌膚都可以使用 #火熱新品

Kpl6be6好用推薦：從專門店所得之贈品～可能係抗皺産品所以感覺質地幾杰身～或者比較適合冬季/乾性皮膚人士使用～

Pinky好用推薦：乳液狀質地，有少少香味，但唔會太濃烈，好易推開，但要啲時間吸收，唔係輕盈質地，比較有滋潤感

劉肥貓好用推薦：精華液氣味唔係太好聞 份量適中 面膜紙非常貼面舒服 用後唔會敏感 有美白效果 價錢平 性價比高

Jan好用推薦：草本香味好好聞好舒服 滋潤度高 好易推開 會一層薄膜感 有少少黏膩 慢慢按摩就會好快被皮膚吸收 混合油肌係冬天乾燥用好啱 令皮膚保持穩定同鎖水 夏天用就感覺太過滋潤 容易出痘痘

mandy好用推薦：Canvas Firming Night Care   味道清淡, 質地較厚身的晚霜, 要慢慢均勻在全面推開, 保濕力佳。 滋潤度高，因為肌膚過了三十代會開始減少出油，所以更需要滋潤肌膚。 油性肌最好購買前先試清楚質感再買。 好怕笠的人士最好用啫喱質地的面霜。 含有不少對肌膚有益的成分。 含保濕成分: 菊糖, 玻尿酸, 茶籽油, 天竺葵,甘油, 乳木果,鼠李糖,  PCA 鈉 及 聚谷氨酸  鎮靜消炎成分: 蘆薈, 積雪草, 藥蜀葵根 及 康富利  抗氧化/衰老成分: 油橄欖芽萃取, β胡蘿蔔素, 槲黃素, 白藜蘆醇, 右旋維生素E, 金盞花, 皺  波角叉菜萃取, 藻膠, 氫化橄欖油酸癸醇酯類 及 茶籽油  使用方法: 晚上在潔淨的肌膚使用, 避開眼周。