修護屏障 推薦好用產品

Katrina好用推薦：呢款body lotion 質地比較水潤。保濕度不錯但唔會好笠。冇香料，敏感皮膚都可以用。

JuneL好用推薦：呢款乳液質地比較水潤，質感輕透，容易推開，滋潤得嚟唔會好lup, 易吸收之餘肌膚用時得到保濕，效果唔錯。

YiN好用推薦：呢罐已經係我買過嘅第二罐。首先Factiv係香港品牌我已經覺得要支持吓，同埋我好鍾意佢有清楚講明佢嘅產品主要有效成份係咩，等我知道自己用緊啲咩，可以做多啲research。呢盒CRM3主要加咗3% 神經酰胺複合物，可以幫補返流失嘅皮膚屏障脂質，強化角質層，減少水分流失。同埋加咗Tripeptide，有助膠原蛋白生成、撫平細紋。按真空按壓樽設計，免除咗平時廣口瓶面霜要另外搵匙羹同埋容易接觸空氣氧化嘅問題，我上一樽用晒嘅空樽都拎咗嚟裝其他面霜，真心鍾意呢種樽。係超級濃厚滋潤嘅質地，搽完覺得喺皮膚留咗一層潤嘅膜，但又唔係有一層油黐笠笠嘅感覺。我自己覺得好適合喺搽完精華之後，搽一層喺面封住啲水份同營養喺皮膚。 我本身係混合性乾肌，喺香港潮濕悶熱嘅夏天用係會覺得焗，但秋冬用就覺得唔錯，之前有一段時間住喺日本，佢都幫到我頂住日本超級乾燥嘅天氣。當我搽A酸嗰陣皮膚屏障有啲受損，有啲紅同甩皮嘅時候，我就會搽佢去修護返皮膚。

Desse好用推薦：Factiv CRM3紓敏修復面霜 香港品牌出品，就梗係要試啦😗 精華就已經用完，去補貨前就一於試曬上次送嘅sample, 睇吓一唔一齊入手😗 成份含3%神經酰胺複合物同Tripeptide，幫補充皮膚流失嘅屏障脂質，強化角質層，減少水分流失 質地就偏厚身但唔難推，搽完有層潤膜感但唔油笠，比較適合秋冬或乾敏肌用，尤其用完精華後封住水份超有感👍🏻 🧏🏻‍♀️🧏🏻‍♀️實試之後呢… 水潤感覺算幾強 我醫美後嘅敏感泛紅都有改善 但夏天會覺得稍焗 秋天再試 會考慮入手😏

HYL好用推薦：精華水都是屬於比較粘稠的質地，會相對更濃稠點，上臉之後會更有存在感。偏乾性肌膚可以選擇這一款。瓶口是敞開式的，不太好控制量，但水非常好吸收，塗完後臉軟軟滑滑的

popocarcar好用推薦：玫瑰化妝水有淡淡嘅香味。 質地近乎啫喱狀，油肌人士上面清爽唔油膩。 #火熱新品

Karman28好用推薦：係皮膚有敏感果陣會使用，有保濕，滋潤效果，以免敏感情況再惡化。

shadow影子好用推薦：這款日霜質地比較厚身，而且冇特別香味，冇添加香料，敏感肌人士用得放心。自己覺得都有一定嘅滋潤作用，感覺都有少少修復皮膚屏障嘅功效。

格仔餅公主好用推薦：質地水潤偏向清爽，可以令到皮膚係無負擔既情況下保濕又唔油。特別係香港而家呢種唔熱又唔凍、一係就突然好凍既天氣情況下佢都唔會令皮膚乾爭爭，同會飽滿啲，睇落會無咁嚡

JuneL好用推薦：它質地呈奶白色凝乳狀，質感輕盈易推，清爽唔黏笠，用後肌膚會感保濕。

維他他好用推薦：朋友送的禮物，呢隻話係佢哋牌子嘅王牌產品，係面霜嚟嘅，都幾香，而且香味怡人，面霜滋潤度不錯，搽上面有一定嘅厚度，但係又唔會黏住，保濕力很好，到第二日朝早都唔會乾燥。 都用咗一段時間，喺抗衰老方面又唔係好見功效，不過作為保濕面霜嘅話係OK嘅，中規中矩啦

timetohaveacupoftea好用推薦：真心推介！我已經用咗三年！ 好保濕！好保濕！好保濕！ 一點也不油膩！完全冇敏感，無起油脂粒同粉刺！ 乾性肌全年救星,油性肌膚冬天都要用佢😂！ 價錢：$ 300/50ml @ Sasa

choichoi好用推薦：擁有卓越的保濕感，柔滑質地有點像奶油均般，很易推勻伸展，稍加按摩已完全吸收，強烈推薦秋冬或脫皮時使用

Emily Leung好用推薦：油皮的救星🌟金盞花爆水面霜 🔻質地 這款質地非常的清爽，很快的就吸收了，裡面融合了百餘片的金盞花瓣微粒，所以面霜會呈現出啞光的顏色，可以給肌膚帶來十分順滑的體驗，在推開塗抹的瞬間會進化為清爽爆水質地💦所以肌膚能快速的吸收 🔻膚質 雖然說是大油皮的救星，但是這款實際上是任何肌膚都可以用的，因為是爆水霜，裡面富含著豐富的金盞花精華，所以長期使用可以改善肌膚出油的症狀，而且解決泛紅起皮等不適症狀，給皮膚平衡水油強效補水修復。 🔻使用效果 塗上去很快就吸收了沒有大家說的會很油，而且有淡淡的檸檬香味也比較喜歡🍋用了一周後發現皮膚比較滋潤還有對我的痘痘舒緩了很多！

YYeman好用推薦：空瓶記之顏氏金盞花精華爆水霜 強推強推，本人混油皮，面霜補水效果很好，晚上厚厚的抹一層，第二天早上臉上很清爽，平衡水油效果很好！ 使用方法：一定要在手上水化後，在上臉，就不會油油的！ 會無限回購的一款面霜！

lonia好用推薦：Laneige Water Bank呢個系列個人都幾喜歡，補水得嚟感覺好清爽，冇乜黏笠感。 呢款係水庫補濕微質酸紓緩啫喱，佢係透明gel狀質地，裡面有啲白色珠，不過一推開就會唔見晒。搽完即時有睇得見嘅水潤感，好似啱啱敷完補濕mask嘅狀態，帶有光澤感。等皮膚慢慢吸收之後，感覺好清爽，唔會覺得黏笠笠，而補濕效果可以維持到第二朝。 個人覺得好啱春夏季使用嘅補濕面霜。

Kelvin好用推薦：Laneige皇牌爆水面霜，佢有三款比唔同膚質人士使用，呢款係最輕盈Gel cream🍋‍🟩 因為喺jelly質地關係，超級清爽，補水效果好強勁，而且唔會有黏立感，方便疊加其他功效性精華使用。 作為護膚嘅，最後一步容易吸收，就算搽多咗都只有水潤感，唔會有油光殘留👍🏻 不挑皮膚任何年紀都好啱用，更加推薦油性肌膚使用，包裝轉左Baby Blue嘅設計少女感🩵

Tiffany好用推薦：好水，好易吸收。用完同用之前無明顯分別的精華。 但本人覺得性價比不高，一盒只有7枝賣$139，比許多專櫃精華都貴多了。

橘子貓好用推薦：Rejuvenate Deep Hydration Ampoule 朋友贈送的。 第一次見安瓶非玻璃材質，而是塑膠的，挺不錯，不怕打破瓶子。 精華無色無味，質地如水，補水效果還可以。用來敷面膜時作打底還是可以的。暫時未有感覺與普通精華有何分別。

msthea好用推薦：見到Kiehl’s官網介紹《超級再生精華》對肌膚唔同嘅問題都有顯著效果，例如缺水、暗啞、細紋、粗糙等都有效改善 而sales姐姐更加介紹可以同時使用兩隻精華，咁今次佢就教咗我每日晚上先用《超級再生精華》，等皮膚吸收後再搽上《 醫學雙維他命C精華》，咁樣可以提高精華效果，更加減輕細紋同埋暗啞情況 💁🏻‍♀️咁我今次就集中講《超級再生精華》，試吓淨係用單一產品咩效果🎈精華係比較偏向水質，質地容易推開搽勻 🎈皮膚好快就吸收完，亦都冇特別味道 🎈減紋方面，我用咗14日都未有睇到顯著效果 🎈皮膚暗啞係有改善嘅，感覺成塊面都提亮咗 🎈但老實講，我單用呢個精華，其實轉個頭就已經覺得好乾燥缺水，所以我覺得佢嘅補水效果係唔得嘅！ 總結而言，我覺得如果想要提亮效果嘅話，都會推薦呢個精華，但係如果希望佢做到多功能，包括保濕嘅話，以佢嘅價錢嚟講就唔係太理想啦 5星為滿分 提高 ⭐️⭐️⭐️⭐️ 保濕 ⭐️ 減紋 ⭐️ 質感 ⭐️⭐️⭐️⭐️⭐️ 性價比 ⭐️⭐️ 

maylam好用推薦：屋企有一堆sample 用咗一段時間 覺得平平無奇冇乜特別 唔會買正裝

Blooming好用推薦：Fresh 玫瑰深層保濕平衡乳液，有淡淡玫瑰香味，搽上面不會香料敏感，有一定保濕度，但也很快吸收很乾爽。

choichoi好用推薦：之前使用過系列的面霜，質感比較豐厚濃稠；是次新登場的則非常適合春夏這種時間使用，因為其質地輕盈透薄但不失滋潤感。一貫好聞不俗氣的玫瑰清香，早上妝前打底或作為晚上保養也相當理想 #火熱新品

mandy好用推薦：之前我的肌膚因長期戴口罩 變得非常乾燥、敏感及粗糙, 而且長了不少細細粒的紅痘, 是我近年最嚴重的肌膚敏感。 因此，我只能即時轉用較温和的護膚品。 Etude House Soon Jung 系列， 是我很喜歡的系列，專為敏感肌而設， 除了具抗敏功效，也可為肌膚保濕。 如果大家的肌膚因為戴口罩而變得敏感乾燥， 可以嘗試轉用Etude House Soon Jung 系列。 此外, 當肌膚變得敏感脆弱時, 該做的就是保濕+鎮靜, 請務必不能心急, 記住暫時不可亂用美白或是有可能過敏的進取型護膚品, 化妝也最好暫停。 托賴使用Etude House Soon Jung 系列及敷了不少保濕cream mask, 感恩我的過敏總算減輕不少, 而且肌膚也回復嫩滑, 不再粗糙。 總之只要大家不放棄護膚, 好好做好護膚的功課, 慎選適合自己的護膚品, 還是可以改變肌膚的命運。 Etude House Soon Jung 2x Barrier Intensive Cream 紓敏清爽保濕面霜 @$126/ 60ml 紓敏清爽保濕面霜是Soon Jung全系列中 我最愛用的一款護膚品。

Milo101好用推薦：相比起moistful collagen系列，自己比較喜歡這個系列，始終質地不太「立」，比較輕盈水嫩

Yty好用推薦：香港專門店購入，clinique 水嫩補濕晚間面膜，質地偏清爽易吸收，用於晚間護膚流程最後嘅步驟，大大提升肌膚鎖水力，皮膚飲飽水幫助肌膚「透明感」提升，質地亦適合香港天氣使用，亦唔會痴到頭髮同枕頭立黐黐又夠補到水，不錯呀 #「透明感」#睡眠面膜

GinGin好用推薦：質地比較厚，可能因為Creamy原因比較適合秋冬使用，夏天用可能比較油，勝在沒有香味

Sakura醬好用推薦：Origis 晚間深層水份面膜 🌙 包裝同質地： 👀 包裝： 🧴🌙🌙🌙 （簡單乾淨，一支支方便衛生） ✋ 質地： 💧💧💧💧🤍 （Gel狀，推開好水感，唔黏膩，瞓覺唔會黐住個枕頭） 用後感覺： 😴 即時保濕： ☀️💦💦💦💦 （搽上臉好快吸收，皮膚即刻飲飽水，好舒服） 🌙 隔夜效果： 🕒💦💦💦🤏 （第二朝起身塊面依然keep到水潤，唔會乾繃繃） 優點缺點： ✅ Good： 保濕力足、質地清爽、唔黏立立 ❌ Not Good： 純粹補水，其他功效（如美白）唔明顯 一句講晒： 「🌙💤 瞓覺都可以補水，清爽唔黏枕頭！係支穩陣嘅基礎保濕晚霜！👍」

Desse好用推薦：一次過入手皇牌3件套👑 DRINK UP™ INTENSIVE Overnight Hydrating Mask With Avocado 灰白色Cream狀嘅質感.. 好易塗開.. sales建議厚敷.. 盡量避開眼周.. 開頭都幾想敷住照瞓.. But! 敷咗一個鐘左右.. 開始覺得油油哋🙂‍↕️ 為咗唔好整污糟枕頭.. 就洗咗先 洗完後明顯感覺水潤 第二朝訓醒水潤感就差少少..持久度稍稍不足 比較適合春夏天用

choichoi好用推薦：很少接觸此牌的面霜但這罐印象不錯，質感輕盈易吸收不會造成油膩感，可以提供恰到好處的保濕感，亦能同時減淡乾細紋，驚喜

Sally好用推薦：啫喱狀精華容易推開，氣味清香容易接受，亦符合品牌自然原則，薄塗一層已有滋潤緊致效果，適合秋冬季使用。

Milo101好用推薦：🌟偏啫喱流質的精華，有淡淡的香氣，感覺療癒 🌟易推，配合按摩，靜待吸收 🌟效果對個人來說不算太明顯

Tszki好用推薦：雖然是濃縮精華，但質地輕潤不油膩，容易滲透至肌底。針對臉部、頸部和前胸，即時提拉鬆弛，提升肌膚緊緻度。使用7天密集修護後，促進膠原蛋白和透明質酸增生，刺激肌底細胞，膚質更幼滑細緻；連續使用28天，完成整個肌膚更生周期，強化抗皺及緊緻效果，成就看得到、觸得到的青春「肌」密，效果媲美專櫃品牌。 塗抹時香味比較濃，雖然過一段時間會淡化，但對氣味敏感的人建議先試用。

shadow影子好用推薦：一支好細緻，不過真係可以用到七日，而且精華質地水水的，很容易吸收。

ppig714好用推薦：因為用過神經醯胺200覺得好好用，所以買埋呢款乳液試下。 呢款質地輕薄，唔笠，夏天用幾正，冬天用會唔夠滋潤。

wingshan1124好用推薦：剛上面時比起想像中笠少少，但係可以接受到嘅程度，隔多幾分鐘就吸收得到，保濕度可。

Haidy好用推薦：去泰國嘅時候驚曬傷變敏感皮膚所以買入 嗰時曬到紅晒搽上面都幾溫和 保濕能力都唔差 但係又未去到超級補水嗰隻🤣 差唔多效果嘅話 好多平價韓系護膚品都得 係幾好用嘅 但係未必回頭了~

Jane好用推薦：水凝狀質地，一打開有淡淡嘅香味，氣味清新，夏天用好適合，超清爽，夜晚用鎖水力都好夠。