養膚粉底 推薦好用產品

AngelC好用推薦：上面後透簿之餘又有少少遮蓋到面上斑斑、 最重要一點係不用上碎粉定妝都唔會有笠感覺、好鐘意

wintonggg好用推薦：專櫃買的，遮瑕力幾強，夏天都頗持妝，不過對比nars嘅粉底液，厚重左小小，同埋色號比較少選擇，但整體來講對得住價位，同埋cushion都方便返學返工一族，會再回購！

sammiimelda好用推薦：特登買來夏天用嘅一款粉底 質地比較輕盈 上面都清爽 遮瑕冇其他粉底高 但主要睇中佢夠輕薄 持久度都足夠全日 延展性亦都高 容量少少就夠用全面

Beautyfish好用推薦：第一次使用Make Up For Ever的粉底~ 那天逛街時無意中看到，試了一點在手背上發現質地非常貼薄，水狀的質地很好推。而最吸引我的是它標榜不易脫妝，不會甩色落口罩上；咁啱最近天氣開始熱又潮濕，加埋帶mask個妝真係好易溶，所以忍唔住就買了，發覺佢真係幾好用❤️ 這隻粉底液的成份天然，而且相對簡單，對皮膚的負擔不會那麼大。親身試用過之後真係發覺佢比其他粉底貼面而且持久，妝感好自然，薄薄上一層已經可以令全面膚色均勻，semi-matt 嘅妝感幾靚，同埋持妝得嚟唔乾，呢點對於混合性偏乾皮膚嘅我來講就好好😍 要留意返佢嘅遮瑕度屬於低至中，需要多啲coverage嘅地方可以輕輕上多一層而唔會厚粉；不過對於喜歡多啲遮瑕力嘅朋友可能會嫌佢薄得滯，而且佢唔算控油。 總結：我覺得呢隻粉底同MAC嘅Studio Fix Fluid有啲相似，都係long-lasting同貼面；不過呢一隻會更加適合乾性皮膚；如果要控油同高啲coverage嘅話應該MAC會好啲😉

Bendict好用推薦：我十幾年前開始用MAC 嘅產品 當時mac嘅色號 男仔好難揀得啱 因為當時mac嘅產品顏色對於亞洲人嚟講一般偏黃 到呢兩年再重新試用mac 粉底嘅色號改善咗好多 色號我用NC25 粉底遮瑕能力高 但粉體細緻度一般 修飾毛孔效果高 但始終有一個問題 就係texture偏乾 我用170s 粉底刷上妝 推得比較薄 但因為男士嘅色號選擇仍然比較少 上咗妝終仍然覺得有少少偏黃😿 試過NC20 顏色太過白😅 如果用其他方法上妝 處理得唔好好容易會有面具感 持妝能力高 夏天用持妝可以超過八個鐘 但男士如果買要試清楚色號👍 下圖： 上邊為 植村秀unlimited 674 下邊為 MAC Studio Fix NC25

Florence好用推薦：M.a.c[升級版] 專業無瑕霧鏡粉底 第一次用m.a.c粉底液，粉底液屬於霧面質感，推開較為容易，亦都唔會感覺好乾，妝同遮瑕度都ok，上面都唔會有種厚重感，上妝一整天塊面都係乾爽冇甩妝。共購入了兩枝， 持妝度很好，不卡毛孔，暫時出街都係用呢款粉底液。至於m.a.c另一款粉底液肌輕透精華粉底 畀我感覺係 粉底嘅比較閃亮， 可能想要畀人給予閃亮肌嘅質感，感覺太閃亮好似塗上閃粉咁，不太適合。

mandy好用推薦：Excel Featherize On Powder 絲感輕羽美肌粉餅 SPF35 PA+++ #FO01 粉餅連盒及海綿 $209/ 粉餅 Refill $149 Excel 的3合1眉筆及4色眼影盤都是名品及熱銷產品，而本次試用的絲感輕羽美肌粉餅也很好用。 Sana 旗下的開架化妝品牌Excel 在一眾開架品牌之中，是定價最高的粉餅，這難免令人有更高的期望。 Excel 絲感輕羽美肌粉餅的粉盒設計非常簡約優雅高質，跟其他的可愛系開架化妝品牌完全走不一樣的路線。 Excel 絲感輕羽美肌粉餅 有著令人喜愛的超柔滑質地，我試過其他的開架粉餅，粉質都真的不夠Excel的滑嫩。 Excel 的確是貴一點, 但卻是真的很有實力! 但如果大家對價位比較執著，那也可以嘗試具口碑的Cezanne 及 Visee。 Excel 絲感輕羽美肌粉餅 共推出4色供大家選擇, 分別是較淺色明亮的FO01，標準色FO02，標準色(偏粉調)FO03 及較深色的FO04。基本上淺膚色選FO01，中間色選FO02 或 FO03，看那種色號較適合，較深膚色選FO04。 Excel 絲感輕羽美肌粉

貓餅好用推薦：偽素顏的好幫手，開價品牌嚟講算係幾平，粉末好細，質感輕薄，修飾毛孔能力唔錯，但係控油力一般

Wuxx好用推薦：究竟有邊個未買？即刻同我出去買！！！ 我一直都情有獨鍾網面嘅氣墊粉餅底， 因為我覺得網面比起傳統海綿更加可以篩出幼滑嘅粉底， 上面就唔會一撻撻。 而且我唔鍾意用遮瑕膏，所以要買到遮瑕度唔錯，但又唔會有粉感嘅粉底對於我嚟講好難。 而今次我實在太想讚自己嘅衝動消費， 咩”奶油肌”，”水光肌”已經唔夠用黎形容依隻粉底， 直頭要叫”千金肌”先適合！(因為靚得黎好貴🤣) 首先外包裝唔洗講，直頭係行走嘅藝術品， 食完飯係手袋度拎出黎補妝真係心花怒放， 個盒真係好靚好靚好靚！ 雖然佢整體都係用塑膠製造， 但佢咁靚嘅優點可以蓋過佢塑膠嘅缺點🤣 氣墊粉底本身跟嘅粉撲我覺得幾好用， 拍上面feel到氣墊有氣呼出嘅感覺， 好soft，不過有少少食粉， 如果唔介意食粉嘅朋友可以唔洗特登另外搵粉撲上粉~ 而佢嘅遮瑕度唔算好高，但我認為可以疊加嘅，所以問題不大。 最緊要嘅係佢上完好似上左層有色嘅護膚品，咁完全無粉感，好自然！ *質感真係靚到好似無化妝咁 希望依一則分享文可以令佢發揚光大~~ *是次購入色號為LN10

Tszki好用推薦：Prada Reveal Mesh Cushion Foundation (原生光新肌氣墊粉底) 質地輕盈不黏膩。配方注入維他命 E、菸鹼醯胺（Niacinamide）和乳酸桿菌提取物複合物等護膚成分，旨在改善膚色、提升肌膚光澤和水潤度。 24 小時持妝，且具備 SPF 50+ PA+++ 的防曬保護。 提供柔焦啞光妝效和透氣遮瑕力，能瞬間模糊毛孔和細紋，打造現實生活中的「柔焦濾鏡」效果。

Kitty 好用推薦：近排天氣又凍又乾，轉季底妝真係好頭痛🥶 本身係混合偏乾肌，用開嗰啲粉底液一上臉就顯紋、浮粉，仲要兩個鐘後變面具面… 但！最近試咗資生堂呢款養膚修護粉底，真心想寫篇文表揚佢！ 🔸質地＆延展性： 一按出嚟勁易推開～ 似乳液嘅質地，用手指上已經好易推匀，唔使化妝掃都掂！乾肌上臉完全唔厚粉，似第二層皮膚咁貼薄。 🔸妝感： 係嗰種日系天然光澤肌✨ 唔係閃粉嗰種假光，而係皮膚本身飲飽水嘅透亮感。乾肌最怕卡粉，呢款喺鼻翼、眼下完全冇積線，連平時甩皮嘅下巴位都馴服到！ 🔸遮瑕度： 屬於中等遮瑕～ 萬年黑眼圈疊兩層遮到五成，泛紅、暗瘡印加層碎粉都隱形到。最驚喜係佢遮瑕得嚟唔厚重，唔會一撻撻。 🔸持久度： 朝早8點化妝，到下午2-3點妝容仍然健在，對持久度要求高嘅話一定要定妝！到放工前成塊面冇暗沉變灰，越夜越靚嗰種奶油肌效果💯 🔸適合邊類人？ ✅乾肌、混合偏乾必試 ✅鍾意光澤感、自然妝效 ✅追求貼服唔卡粉 ❌大油肌可能要諗諗，或者冬天先用 小總結： 雖然價錢比開架貴少少，但以質素嚟講絕對對得住個價！尤其係乾肌sis，呢個冬天真係要靠佢救返塊面～

Anson好用推薦：終於搵到最岩我用嘅粉底！本人食完A酸療程之後係今年嘅6月開始化妝，原來療程後已經變左混乾肌都懵然不知，買左啲霧面妝效嘅持妝粉底，結果唔到5個鐘係冷氣房下，個下爬同唇邊已經大乾裂。決定由持妝霧面粉底鬼轉到光澤型粉底，選擇左愛用嘅護膚品牌shiseido🥰 呢支粉底流動性強，專櫃員工話可以用手上妝，亦都的而且確用手上都ok，唔會有粉痕/一撻撻。遮瑕度唔算好勁，如果想妝感好無瑕要用遮瑕膏，輕輕上一層蜜粉定妝，水亮嘅感覺都仲係咁靚！ 下圖係某日持妝六個鐘後，中間時間都係出街行黎行去，中途有壓過T位油，妝感依然令我滿意，如果係日常返工係冷氣房更加冇問題！ 真係超級推呢一隻粉底，會有人主動讚我皮膚好！推薦俾瑕疵不多嘅乾肌/混乾/混油肌（配合唔同控油力度嘅蜜粉），想要自然透亮妝感嘅人用，同乾裂say bye bye🤣🤣🤣

helloapap好用推薦：❌ 方便度 喺網上搜尋SOFINA呢盒粉底，會見到好多個碌碌既負評😂自己親身用過之後，的確係唔好用。個海綿碌碌既設計，令鼻翼兩側、嘴角、眼角呢啲細微位置好難精準上妝，通常我都用手指撩少少粉補角位。而且個碌根本掂唔到盒粉底既邊角位置。加埋本身啫喱狀好易痴墊，用一陣已經係肉眼可見既污糟。呢個設計真係好扣分。 ✨ 妝感 雖然上妝過程係幾伏，但係妝感自然貼服，柔焦毛孔嘅同時冇厚重粉感，睇落膚質健康又精緻，適合鍾意霧面妝既人。 ⏳ 持妝效果 Primavista系列最令我欣賞嘅，係佢嘅持妝能力。對我呢個混合肌嚟講，佢嘅控油能力幾好，T字位出油速度明顯慢咗，但兩頰又唔會因為咁而覺得繃緊或者乾。正常情況下，帶妝一整日只有鼻翼有輕微脫妝，成個妝容完整性好高，唔會暗沉或者斑駁。 特別要提嘅係，佢好適合轉季嘅時候用。喺天氣唔穩定、皮膚容易敏感或者乾癢嘅春秋兩季，佢既可以提供足夠保濕度避免乾紋出現，又可以有效控制因為溫度變化而失衡嘅油脂分泌，令個妝容喺轉季期間都可以保持穩定靚仔嘅狀態。

inkitsung好用推薦：以Lancôme咁多支粉底液嚟講，absolue 系列呢支最好用！ 佢好滑好滋潤，質地亦都透薄～ 就算化完成日妝，落妝個下你都係覺得自己皮膚好左，完全唔傷皮膚～

Tsyyy好用推薦：色號130 係自然調 圖係舊包裝 係一個好滿意嘅粉底 有一種自然光澤感 遮暇中上 又可以持久 不過疫情下點都要做好定妝 個效果係令人覺得天生皮膚好好 跟粉底會送一個掃 不過唔好用的

Kura好用推薦：呢款粉底液遮瑕度都算高，冬天好凍用都算滋潤，但價錢偏貴，顏色都算貼合我嘅膚色，唔會溶妝

Noel好用推薦：乾性肌膚的偽素顏好拍檔：YSL All in one 粉底❗由於不少歐美 YouTuber 都有推介過這一款粉底，而且大部份都屬於乾肌，加上YSL 亦大力宣傳粉底有多水潤 (MADE WITH 70% WATER AND HYDRATING AGENTS.)令我不自覺被燒到了🔥 個人入手的色號係 #B30 Almond，淺膚色帶 yellow undertone ，這個系列的色號名稱都較深色啊！B50 已經是 Honey 😂 產品包裝比較簡約，膠管泵裝，方便衞生；不過快要用完，剪開這個管，用手指取出 foundation 較麻煩。 產品係 cream狀，沒有流動性，就像 BB Cream 的質地。不過，這枝 All in one 推開很容易，具有超高的延展性👍塗到面上，感覺好滋潤同時又 lightweight，算係個人用過最舒服➕0負擔的粉底❣這枝帶有優雅的花香，好喜歡💕 使用時，不用特別留意防曬 / 妝前產品的配搭，方便❗乾肌而言，全年可用，冬天會尤其感到讚嘆！ 妝效方面，妝容非常自然，清透底妝 No.1❗光澤感亦高，對於喜歡奶油肌既朋友，可以一試。不過，產品只有很低遮瑕力，約3

Fng好用推薦：ysl serum foundation 喺外國旅行時免稅店買，br20色號， 妝偏光澤， 唔係matte 同埋 透薄，遮瑕度一般 ，要落多啲 碎粉定妝， 才可維持一整天，護膚效果都有，落妝之後都覺得皮膚滑咗。

katrina523好用推薦：這款含精華成分，保濕力不錯，用了以後皮膚細膩光澤，面部輪廓顯得更加立體。不傷皮膚，卸妝後皮膚不暗沈。 主打：護膚，光澤。適合季節：秋冬，質地偏稠，基本沒有流動性。比較不錯的是能完美調和 暗黃膚色，皮膚自然透亮，用後皮膚舒適無負擔。 很好推開塗抹，質地比較水潤 在瓶子里的流動性就不錯 適合秋冬，夏天的話會略 厚重，如果不小心用的多了也會品得妝感有點重，遮瑕度還行 小瑕疵沒問題。持久度還成 但是時間長也 會浮粉（這是不可避免） 推薦人群：皮膚偏乾，追求輕薄，光澤妝容 保濕力度：3粒星！

iliya 好用推薦：#火熱新品 Bobbi Brown新版蟲華抗氧修護精華底霜真係不得了❤️ 一支有齊multiple functions，集提亮、潤色、保濕仲有防曬於一身，SPF25 PA++足夠平日出街日常使用，而全新嘅玫瑰粉色色調修正膚色，有效去黃提亮，改善暗啞倦肌膚色，帶有微微粉嫩珠光嘅光澤感，提升紅潤感，肌膚即時煥然一新，充滿活力，而且兼顧化妝同時抗氧護膚，蘊含冬蟲夏草、植萃醣、紅海藻、甘草根及維他命E成份，扮靚靚都可以錫住啲皮膚，帶有微微嘅玫瑰香味，就keep住成日都有好心情啦，真係唔可以唔推介俾大家！！！💕🙌🏻 #火熱新品

Mo Wong好用推薦：今次試用bobbi brown呢款精華底霜，佢有新色~rosy玫瑰粉色，佢係粉紅色液狀，上面易推同快吸收，唔使等就可以再上粉底，佢因帶粉紅色上面有光澤同潤色效果，望落氣色好D，而且佢有滋潤感但完全唔焗唔笠，乾肌都啱用。 #火熱新品

Fng好用推薦：冬日實測MUJI 碎粉｜ 香港冬天又濕又凍，室外大風，室內暖氣抽乾，搞到塊面時油時乾，仲要戴口罩！MUJI呢盒平價碎粉，意外成為今個冬天嘅定妝救星～ ❄️ 粉質與觸感： 打開係超級幼細嘅透明粉末，摸落去似絲綢咁滑。MUJI嘅粉質一向出名細膩，呢盒碎粉絕對對得住「性價比之王」個名！無香料無色素，對冬天易敏感嘅熟齡肌好友好。 ✨ 冬日實測表現： · 暖氣房抗乾：最驚喜係無抽乾皮膚水分！以往用控油碎粉，暖氣房坐兩小時就乾到繃緊，但MUJI呢隻做到定妝同時keep住舒適感 · 口罩防摩擦：薄薄掃一層，口罩內嘅摩擦感大減，無再出現「口罩痕」 · 防泛油光：T位出油速度減慢，但又唔會令兩頰更乾，平衡度做得幾好 💡 冬日獨家用法： 1. 「局部定妝法」：只掃T字位同下巴，保留兩頰自然光澤，避免全臉粉感 2. 「噴霧定妝術」：掃粉後再噴一層保濕噴霧，打造微光澤「偽素顏」 3. 「頭皮去油急救」：冬天戴帽令髮根易油，用碎粉掃髮根，立即變乾爽（要用專用粉撲！） 🌟 與其他碎粉比較： • vs Innisfree薄荷碎粉：MUJI更保濕，無薄荷嘅涼感刺激 • vs Laura Mercier透明

　peg好用推薦：呢個碎粉冇香味，同埋佢係有少少肉色，上多咗都唔會白咗一澾，不過佢啲粉唔算幼細，所以要上得輕手啲，如果唔係睇上去會有啲厚粉。 控油方面佢都可以做到，係T字位5-6個鐘之後會出少少油，但都唔係大嘅問題，再輕輕上多層喺T字位就可以解決到。 佢呢個價錢有咁大盒碎粉，可以用好耐，性價比算高。

Milo101好用推薦：之前在外國生活很愛用的開架牌子，粉底液按出來比較有流動性，上妝很好控制又貼服

KDing好用推薦：粉底好水潤 唔太岩油肌 會好似推極都仲搽完粉底 遮瑕度算唔錯

Nicole 好用推薦：質地是柔滑的乳霜狀，帶有自然的膚色潤色效果，推開時非常水潤好延展，不會卡紋或起屑。最讓我喜歡的是它能立即均勻膚色，提亮暗沉，呈現出自然透亮的光澤感，就像天生的好膚質，不會厚重或假白。同時具備SPF30/PA++的防曬係數，日常通勤防護很安心。雖然遮瑕力不高，但修飾毛孔和膚色不均的效果很不錯。我的使用方法是基礎保養後，取適量點在額頭、兩頰、鼻子和下巴，用手指或海綿快速拍勻全臉，作為妝前打底或直接當作輕底妝使用。後續搭配蜜粉定妝，就能擁有持久清爽的偽素顏妝感，非常適合趕時間或追求自然妝效的日子。

Milo101好用推薦：🌟底霜使用感不錯，均勻膚色 🌟看似膏狀乳霜，推開後質感輕潤，不立不焗 🌟夏天用都很適合，有防曬系數SPF30 PA++ #火熱新品 🌟以下是用在皮膚比較粗糙的額頭近鏡： （乳霜質地） （推開） （推均勻後，有提亮、撫平毛孔效果）

lingbb好用推薦：- 當時買這款粉餅完全是被顏值吸引，呢種啡啡白白珠光閃閃零抗拒感😆 - 粉餅一共六格，四格啞光，兩格珠光細閃，我買2號色，屬於自然偏白，上臉非常自然。粉餅壓得好實，唔易飛粉 - 我用黎當高光或散粉， 專櫃價但一物兩用CP值算高🥹 - 剛開始使用時候我係用掃上，粉質細膩輕薄，而且有一點點控油效果，粉跟很均勻的貼在臉上，有微微珠光感，唔會好浮誇，膚色即時提亮，提升妝後光澤度，呈現一種自然霧面感覺。 - 鐘意裸妝效果嘅應該好鐘意。 - 鐘意用閃粉定妝都適合，持久度都幾耐 - 如果想有金光燦燦嘅效果可以配合美妝蛋，局部按壓上妝，就會打造高調啲嘅高光效果。

choichoi好用推薦：能夠打造富柔焦感的妝容，但又不會帶來面具與粉感，非常自然，定妝效果亦理想

Frances Kong好用推薦：本來是PJ 會員，有預購刻名服務此產品一早從廣告得知客服朋友介紹粉很貼服持久並好幼滑⋯⋯意想不到的收穫！大愛會再買及介紹此產品比朋友超值得推薦，很少粉餅我會很喜歡，今次質感真的超好，是用PJ以來最好！

Poyobb好用推薦：佢係好厚身嘅粉底膏，好耐之前嘅Canmake粉底膏差唔多，再乾身少少🤏🏻 01色號，自然偏白。質地貼服，好似cream咁，啱啱搽上面嘅時候會有啲偏白，之後會同皮膚融合變返自然。用嘅時候要拎氣墊粉撲拍上面逐少逐少拍上面。唔可以拖，拖會拖甩個底妝，遮瑕力超級好，大部份痘印、瑕疵都遮得晒。 粉底膏入邊有閃粉，可以提亮效果，用完敷感都舒服，唔會覺得好焗皮膚。但香港用嘅話要做好定妝，控油。另外香港夏天室外唔建議使用，一定會溶晒，可能上台or去晚宴嘅妝容用佢比較好。

Yty好用推薦：粉底霜我用00色，適合皮膚比較白的，遮瑕到中等可以疊加上去，秋冬天持久度朝早到傍晚可以不用補妝，適合冬天天氣用，夏天要配搭控油底霜，整體效果不錯，可以配搭海綿或者粉底掃上，通常建議用海綿長比較方便快捷

auntiemuscle好用推薦：係之前cosme活動，聖誕倒數寫reviews時既被獎禮物，估唔到揀中左我，多謝先 excel一路評價都幾高，成日想入手試佢既眼影又覺得開架呢個價錢又略高，一路都冇入手 今次機緣巧合下試佢既底妝，yeah 其實我好少用定妝，春夏先會用，因為皮膚比較乾 其實呢個係蜜粉餅黎，拎出街補妝都好方便啲粉唔會周圍飛 初初見到咁白都有啲驚，因為我都算係偏小麥肌， 粉都幾幼幾滑，跟埋既粉樸都好軟 我都試左幾個配搭，日常如果返工我只係防晒加呢個粉餅，你因為我返工係有款動既上左面都有提亮作用，因為用梗某有色防晒，一到下晝出油個樣暗左，用左呢個粉定妝就冇呢個問題，但如果冬天濕度低，我覺得有啲乾 都試過fdt加呢個粉餅，明顯有霧面感，但唔係啞色實晒果種死白，都保持到大半日清爽 但如果當日肌膚狀態比較乾我都係用掃上，咁樣就薄啲冇咁乾

jellybeanyay好用推薦：呢盒粉餅是從@cosme STORE購入❤初初係比佢個包裝吸引，估唔到有驚喜！ 我買嘅係01色，係一隻淺米色、幾乎透明。包裝好高貴feel，好欣賞佢有粉撲同鏡，可以拎出街補妝！靚粉質非常幼滑，唔會飛粉/結塊。上面後有輕霧面嘅妝感，自然唔會死matte。用喺眼底唔乾，唔會點卡粉令眼紋睇落明顯，好貼服。我皮膚有時會乾到出少少油，呢隻粉餅都兼顧到控油同保濕，不過我出油唔勁所以唔肯定油肌用嘅話夠唔夠力。 So far呢隻係我用過最好用嘅日本開架粉餅！

Tiffany好用推薦：有齊極緻完美精華粉底的優點之餘，更貼妝，妝容看起來更精緻，可能是因為cushion粉撲上妝？

Kitty 好用推薦：呢款粉底嘅遮瑕度ok，薄薄上一層已經可以遮到六七成瑕疵同毛孔，痘印同泛紅都修飾得唔錯。質地好滋潤保濕，就算係秋冬用都唔會覺得乾，唔會卡粉或者顯乾紋，妝感自然貼服。 上完妝之後係一種天然光澤感，好似天生好皮膚咁，有啲似奶油肌🥛。而且佢有SPF35防晒值，返工用都算安心。 至於持妝度，可以Keep到大半日都幾完好，如果放工之後有約會，係T位補一補妝就OK啦。 不過要留意番，夏天或者油性肌膚用就可能會覺得有啲潤，建議去專櫃試真d先決定🛍️。

Sophia好用推薦：雪花秀這款緻美無瑕粉底液剛上臉時妝感都算貼服，遮瑕度中等，呈現輕微的啞光感。可惜的是，這款粉底液乾得很快，皮膚一定要先做足很好的保濕，而且上妝速度要快，不然容易卡粉，而且我的T字部位毛孔較粗大，這款粉底液沒有修飾毛孔的功效，更於毛孔形成了一粒粒芝麻，有點失望。持妝度方面，半天左右就開始溶妝，呈現浮粉的狀態。整體來說，這款粉底液較適合中性肌膚，以及皮膚很平滑的人使用，乾或油性肌膚或毛孔粗大的人要慎選。⚠️