爽膚柔膚 推薦好用產品

Hellen好用推薦：不錯的保濕水，但香味似係人工香料的香氣。乾燥皮膚適合使用，過敏性皮膚就自己試下先再大量使用

麥精好用推薦：趁早前消費券優惠購買了Avane幾樣產品，先用左保濕水，用黎做濕敷感覺好好，好潤澤，有少少立，不過乾肌很ok啊！另外亦會每朝洗面後，拍兩次里枝潤膚水，保濕效果好似用左精華液甘(*๓´╰╯`๓)♡用完冇敏感冇痕癢，安心！

dor.r好用推薦：呢支皇后水聲稱可以緊緻毛孔、去黃同保濕，仲可以定妝！淨係聽到收毛孔已經好想試😆首先佢面頭有一層薄薄嘅精油，噴之前要搖勻，噴霧都幾均勻細緻，有清淡嘅玫瑰同少少薄荷香味，噴上面嗰下幾冰涼幾舒服，不過跟住就嚟料喇🙈🙈🙈 幾秒之後就feel到唔對路，塊面冰涼得好過份，而且眼周皮膚好乸！好攻眼！好刺鼻！感覺就好似搽咗白花油喺眼邊咁😭😭😭跟住我眼水鼻水直出，立即衝去洗面，但係用咗兩次洗面泡都洗唔走啲「涼爽」嘅感覺，不過稍為好少少冇再標眼水，但塊面都係keep住咁「涼」，大約10分鐘後感覺先慢慢減退…我一向都唔係敏感皮膚，好少會對護膚品有咁大反應🙈唔知有冇人用過都有同樣感覺呢🤔可唔可以分享下🫶🏻 其實撇除咗佢乸眼嘅感覺，呢支噴霧保濕效果都算唔錯，可能有精油成份噴完皮膚好滑溜好水潤💧至於收毛孔同去黃功效我就冇辦法試到喇🥹因為真係太刺激用唔到，不過夏天用來噴身應該會幾舒服😅

mssylviaa好用推薦：一開始係俾呢枝皇后水嘅漸變色樽吸引，聽完店員推介話呢枝係明星產品，係爽膚水融合天然精油，補濕之餘多一份護膚功效，份外鎖水，我就買咗一枝放公司枱頭。 爽膚水最面有一層薄薄精油，用前要先搖勻，隔30cm左右嘅距離噴於面上。噴出嚟嘅水霧比同牌子另一枝補濕噴霧，相對再微細啲。噴時有涼涼的舒適感，味道都好好聞，份外醒神。噴完好快就吸收晒，立即覺得乾到繃緊嘅皮膚得到舒緩。 不過我只係用嚟做office嘅補濕，如果用作洗完面嘅toner，補濕力未必足夠～

natanatalie好用推薦：乳液的質地非常輕盈，能夠舒緩生暗瘡期間的泛紅和紅腫症狀，非常易推，一點也不黏。

綺羅香好用推薦：繼base之後再share lotion 嘅使用感受，倒出嚟係透明無香味嘅水狀液體，似化妝水多過lotion，可能我唔屬於乾性皮膚，未覺好保濕，不過吸收快，唔笠，雖然未見會促進暗瘡凋謝，但至少唔會生新嘅暗瘡，整體不過不失，未特別出眾

robinsbk好用推薦：幾年前已經開始好鍾意用fresh啲wash off mask 尤其係紅茶mask!!!! 因為不嬲都對Fresh有好感 加上佢哋之前搵咗柳應廷賣廣告 再推special offer😍😍😍真係shut up and take my money😚就係咁就買咗呢枝精華水～ 味道：淡淡signature嘅紅茶味 用落真係好舒服 質地：同一般toner一樣水狀 但搽落就覺得佢唔會一嘢就蒸發咗咁 會覺得真係搽咗嘢上面 會慢慢吸收 但係唔會黏笠 效果：我塊面一向都幾乾 坦白講一開頭用好似無咩感覺 但用落之後覺得皮膚係有穩定到 好似減少咗乾燥引起嘅粒粒 都幾俾到我一種安心嘅感覺 因為佢定位始終係toner 就算叫精華水都唔應該expect佢有精華嘅作用～ 所以整體來講我覺得都唔錯 轉季有少少泛紅敏感我都會濕敷一陣 都有降紅同穩定返皮膚嘅作用 如果佢之後都出呢啲Special package或者再搵柳柳賣廣告就一定會再買🤓

mandy好用推薦：Fresh Kombucha Anti-Pollution Cleansing Treatment 紅茶酵素抗污染淨膚水 $ 200/ 75ml; 390/ 200ml 紅茶酵素抗污染淨膚水是一款結合卸妝及潔面的卸妝水， 跟Bioderma的紅水一樣不需要沖水，就能還您一張乾淨的面， 用法簡單。去旅行有一瓶紅茶酵素抗污染淨膚水會很快捷方便， 讓您隨時想卸妝就可卸妝。 紅茶酵素抗污染淨膚水質地水感，保濕力強， 使用感清爽舒適，不油不笠，非常適合用來卸除淡妝。 雖然含有香料，但香味很淡，成分簡單， 而且沒有酒精/色素成分，相信不會造成敏感或乾燥。 紅茶酵素抗污染淨膚水是一款品質不錯的卸妝水， 然而價位真的比較走貴婦路線，性價比實在不太高。 市面上可以作為代替品而且優質的卸妝水也不少， 對比起深入民心的紅水及某些品牌的卸妝水， 紅茶酵素抗污染淨膚水的性價比明顯差一些。 可能要調整價位才可以吸引更多用家回購， 不竟卸妝水天天都要使用，使用量大， 有多少人願意負擔這個價位，並且不斷回購呢? 含保濕成分 : 甘油, 戊二醇, 菊粉 及 果糖 抗衰老成分:

葉子🍃好用推薦：有橙花露水同香薰油成份，香甜味舒服提神，做野都精神，用係生暗瘡皮膚會好得更快，感覺消炎，有d涼涼地，保濕同控油亦不錯，只是噴頭太大，噴出黎不是太好

Kpl6be6好用推薦：橙味淡淡甜甜香氣用落令人有refresh感覺～氣味十分討好～噴上後有感出少咗油～水油平衡嘅功效顯注～

Becca好用推薦：對呢支toner有相見恨晚感覺 之前買過一支30ml 細嘅試用，用左兩個星期，感覺膚質真係逐漸變好，額頭粉刺少左，平滑同細緻左，滋潤度高，吸收快。 之後即刻入手一支200ml, 我通常早上用，因為早上其他護膚品相對清爽啲，加上用防曬會控油皮膚會乾啲，用佢滋潤度比較好，皮膚冇咁乾。 習慣配搭化妝棉用，因為可以推到黃色污糟嘢。 個人額頭好容易出暗粒粉刺，神奇地每次用原生液啲暗粒好快會冇左，會繼續keep住用 專櫃買比較貴，sogo thankful week特價買就好抵 推介俾有上以皮膚煩惱嘅朋友

Tobimak好用推薦：呢支原生液質地好快被吸收，用後唔覺得繃緊，雖然有啲貴，但係都值得。

hellolulu好用推薦：Curel 化妝水分三種滋潤度，這款是中間的深層保濕化妝水II，無色無味，流動性極高。早晚潔面後按2-3泵輕拍上面，質感對乾性肌顯得非常清爽輕薄，春夏季使用亦不多夠力，要後續加強保濕。優點是貫徹品牌的質素保證，敏感肌能安心使用，雖然沒有驚豔之處，但使用期間膚況尚算穩定。特別喜歡它的泵頭，比一般倒出式化妝水方便，較易控制份量👍

劉肥貓好用推薦：呢隻化妝水原來係有分號數 購買時睇清楚 無色素香料 用上面唔會敏感，但保濕效果比我想像中較清爽 可能較適合春夏天使田或喜歡清爽嘅朋友使用

Ressie14好用推薦： 今次試用Lancôme 溫和保濕水，呢隻化妝水出咗好多年，人稱「粉水」，佢質地半濃稠啦，都有流動性的，有少少香味，呈淡淡的粉紅色。 呢兩支溫和保濕水係喺專櫃買正裝嘅贈品之一，一送就送咗兩支50 mL，相繼有成100 mL，所以完全唔心痛咁使用！ 值得一提係，呢隻溫和保濕水有好多翻版！！！所以各位美女入手時要小心產品來源！Lancôme呢個品牌勝在出手闊綽，只要你喺專門店買產品，多數有sample送，到時真係試啱先買正裝都唔遲。翻查過呢件產品嘅資料，佢保濕能力極佳，有時我鼻尖嘅毛孔比較粗大（可能係水份流失、保濕力不夠）我會用溫和保濕水於潔面後濕敷鼻尖；肌膚即刻被之用，毛孔變細，有潤達，保濕力真係無暇可止～ 另外日常使用時我會用化妝棉輕輕擦上臉蛋，然後輕輕用手掌按開，整塊面都容易吸收，亦沒有殘餘的黏笠感覺。 所以呢隻溫和保濕水我會用喺濕敷+閒時替換吓，主要嚟講我都係用緊YSL保濕產品。

Clovercc好用推薦：首次使用，之前有朋友都讚好用。這支俗稱是「粉水」，大大支，日間通常會倒在海綿抹面清潔，晚間會直接倒在手心，用手按壓入皮膚。覺得清爽、滲透快、不黏笠，最最最重要是抹到接近眼睛位置，都完全不會澀眼🥹十分重要，令我不用避開眼周，真的是全臉使用。現在還有好大支，未知會否回購😆🍀

Ressie14好用推薦： YSL Pureshot 微精華保濕盈露（極效活萃彈潤亮膚露） 我用左超過兩支，要憶起初初試用感受很朦糊，簡單黎講係好用；次次都係跟set裝買完正裝又送幾個試用裝。 試用裝包裝好過正裝，簡單４—５泵上化妝棉足夠一次份量。 研究過佢既成分有性質溫和既煙酰胺(Nicotinamide), 化學層面上可以美白肌膚、改善暗瘡、保濕抗老；同持肌膚含水量，增進真皮層微循環，人類肌膚又易吸收,定能為肌膚奠定護膚好基礎。 植物成分提煉方面用左摩洛哥苦橙花萃取調理出清爽又滋潤既感受，所以使用感先咁舒適（P.S. 好多Loreal 旗下產品都有添加安全成分既調理劑提升使用感受，只係每個品牌有唔同既選擇）

Vivian好用推薦：專櫃購物時贈送的Travel size，比較水狀的精華水質地，保濕都不錯，滋潤不黏立，配YSL的精華和面霜使用，能有效平滑肌膚，改善膚質，屬於專櫃品牌中性價比不錯的lotion

Hamiii好用推薦：夏天用既濕敷toner 妝前用一用 上妝更服貼 性價比高 如果皮膚無咩特別需求 用呢支都幾抵用

綺羅香好用推薦：日本旅行時發現所帶嘅護膚品量不足，臨時係便利店買，當時怕太滋潤，所以買咗清爽版，但我真係太低估日本乾燥嘅程度，清爽版係當地用時實在唔夠保濕，拎返嚟香港咁潮濕天氣用先啱啱好，唔會過笠

Rosa好用推薦：質地親膚，透明液體狀 我覺得適合轉季或者開空調的情況底下使用感覺為佳，如果夏天使用會覺得比較黏稠 ，我喜歡在晚上厚塗，起身感覺皮膚特別水潤，而且特別透亮有光澤感 性價比亦非常高 大量使用也不會心痛 特別適合皮膚乾燥，容易敏感嘅皮膚

940727.0好用推薦：早前多謝@cosme俾肌研精華水我試用，近排皮膚好乾所以就用左依枝精華水用。質地濃厚，非常滋潤👍🏻毛孔細左

Cy好用推薦：入手原因係呢支當時好hit，加上以佢價錢黎講佢嘅保濕力係幾出色，用量多啲攞黎濕敷全面都唔肉赤，佢係呈乳白色液狀，但用後就有少少笠，味道方面話明日本酒就真係有啲啲酒味🤣但唔會刺激皮膚，保濕效果都唔錯～性價比高完全唔需要慳住用

GinGin好用推薦：#我的最愛化妝水，依款化妝水係我用過最好用又最抵用只係幾十蚊價錢仲好用過大牌子，無論春夏秋冬都適用真係勁高保濕度，而且唔會出油，冬天又好夠保濕，大大力推薦

flower0427好用推薦：這是我的護膚常備好物！沒了就一定會回購的那種！只要感覺皮膚要長痘痘、生暗瘡時，就會用它來濕敷！擦了就感覺安心、皮膚會恢復健康☺️ 我是大乾肌～～ 濕敷後也能感覺到肌膚彈嫩跟很滑，是很神奇的化妝水！

Sarah好用推薦：買過一枝但唔適合自己皮膚用，好刺鼻的味，用完覺得皮膚好乾，有涼涼地的感覺，唔太喜歡。

JuneL好用推薦：這品牌採用超過30年以上的角質層保水研究結晶「高持續角蛋白保水配方」, 結合「四氫嘧啶」的保濕力, 在角質層細胞中持續地鎖住滋潤, 成就極高效貯水的化妝水, 肌膚持久透潤保濕, 即使在極乾燥的沙漠鹽湖中也不會流失原有的水分!  它質地呈透明水凝露狀, 質感帶少許黏滑感, 一推開已很快滲透入肌膚中, 令肌膚即時回水潤, 平常用可能看不到它的好, 當天氣極乾/肌膚變乾燥時, 只要先用它, 肌膚很快回復水潤, 然後再塗上續後產品, 就會變得很吸收, 怪不得它會有沙漠水之稱, 用後真的很快令肌膚喝飽水份, 用它作Toner Mask 來作急救肌膚之用, 效果同樣很好!  #火熱新品

Milo101好用推薦：🌟非常好用的est沙漠水，質感水感流質 🌟塗上後會即時感到水潤飽滿，可以維持一整天 🌟即使在非常乾燥的澳洲冬天，也可以幫助維持肌膚保濕不脫皮

Noel好用推薦：因為 Curel 品牌安全，低敏感，沒有刺激，所以這個品牌的產品，我基本上可以閉眼入手😆 購買了這套小四裝，而化妝水lll就有30ml，早晚使用及濕敷都夠用👌 化妝水lll 無香無味無酒精，對皮膚沒有負擔。質感方面，化妝水的流動性很高，水狀，不濃不稠。塗到面上很滋潤，而滋潤感會 keep住很長時間，秋冬季用感覺幾好，春天用就會覺得膩了一點。這枝化妝水lll 個人 prefer 濕敷，使用感會好點❗

zetalhc好用推薦：功效雖然單一，但係保濕效果非常好，我會沾濕棉花濕敷敏感泛紅嘅位置，冇幾耐就可以鎮靜皮膚保濕

mavis好用推薦：保濕度一般，但穩定肌膚嘅能力好高 每次用都要上下搖一搖，因為入邊會有少少沉澱物

jojoma123好用推薦：效果不俗,用後肌膚水潤了不少,看起來帶有光澤似的,而且不會覺得黏笠笠,夏天使用也不錯

Milo101好用推薦：🌟🌟保濕水有分清爽型及滋潤型，這個是滋潤型。 🌟🌟滋潤型比較濃淍，倒出來是半透明液體狀的。 🌟🌟有一陣像啫喱的香氣，個人覺得蠻好聞的。 🌟🌟塗在面上會感到水潤滋潤，即時補充皮膚面層水份，比較適合年輕肌膚作基礎保養。

Hamiii好用推薦：Toner黎講算比較杰身..但吸收速度夠快👍🏻 春夏出入冷氣房用無問題， 秋冬就唔太夠， 同牌子另一款牛奶水會好d Laneige純保濕產品一向都唔錯，呢支平平地都值得入手：）

Kura好用推薦：轉季最佳補濕爽膚水，質地係偏濃稠嘅水，但搽上臉勁快吸收，味道有小小似藥材味，無酒精，秋天轉季，我係乾性肌膚超級乾，但用咗呢款水，令到我嘅皮膚得到迅速嘅補水，價錢算中等，做到紓緩皮膚缺水問題，推薦俾同我一樣皮膚缺水嘅朋友，產地係韓國 @cosme

zetalhc好用推薦：質地好水同好滋潤，用完之後覺得皮膚有彈性咗，而且成份唔刺激皮膚，有性皮膚冬天用會覺得好夠保濕同鎖水

Jane好用推薦：質地清爽，吸收快。保濕度唔錯，性價比高，啱夏天使用，亦冇香精味。

KDing好用推薦：呢個美白化妝水我會拎嚟做濕敷，朝早化妝前敷15分鐘，皮膚已經有好透亮㗎喎

A&R好用推薦：貪平買來試吓嘅爽膚水美顏水，用咗之後覺得好刺激皮膚，因為含有酒精，似消毒水多一點，而且味道好奇怪，不太鍾意放咗喺度好耐都用唔晒。

zetalhc好用推薦：因為有酒精比較刺激，我主要用係心口嘅暗瘡度。可以做到消炎嘅效果，但同時都會令皮膚有少少紅腫