修護面膜 推薦好用產品

Emily Leung好用推薦：Kiehl's 牛油果面膜 真．用家測評 一打開個罐，嘩！真係好似將啲新鮮牛油果撻爛咗咁，係好濃稠、好實在嘅膏狀，一啲都唔流質。顏色就係靚靚嘅牛油果綠色，睇落幾天然。 · 優點： 質地夠「杰身」，敷上臉唔會滴到周圍都係。 · 缺點： 好難挖！用手指挖嘅時候，感覺有啲「韌」，要好用力。而且唔係咁易推開。 使用方法： 呢個係成個過程嘅關鍵！如果你就咁搽上塊面，你會覺得「黐孱孱」，一嚿嚿咁，仲會扯住塊面好唔舒服。 正確步驟係： 1. 用隻乾淨嘅手（或者附送嘅小刮棒）挖取適量，放入掌心。 2. 用兩隻手指（手指公唔該）將佢慢慢「捽」，利用掌心溫度同少少力度，將佢乳化。 3. 你會見到佢由一嚿嚿綠色膏體，慢慢變成幼滑、帶少少油潤感嘅乳霜狀。呢個時候先好上臉！ 4. 均勻敷上臉，厚度大概遮到本身膚色就OK。 使用感受： · 上臉時： 乳化之後上臉，感覺即刻順滑好多，好推唔拉扯。有陣好清淡嘅牛油果/植物味，唔係好人工嗰種。 · 敷緊時： 感覺好滋潤，但唔會焗身。如果你塊面好乾，初頭可能會有少少「拮拮地」嘅感覺，好正常，表示你塊面真係好缺水。 · 沖洗時： 呢個又係另一個難點

莓莓好用推薦：Kiehl's牛油果面膜🥑 轉季皮膚突然變「碎紙機」？呢罐牛油果膏絕對係急救專家！ 質地好玩到上癮 挖出嚟似黏土，搓兩下即刻化開成絲絨cream！ 我鍾意厚敷十分鐘，個過程似幫塊面做spa～ 換季實測威力 上個月轉天氣鼻翼甩皮到似壁畫剝落， 用佢連續敷三晚，竟然馴服到啲死皮！ 保濕力似飲龜苓膏咁「涼浸浸」又潤澤， 仲要係天然植萃配方，敏感肌都安心攬實。 暗藏驚喜位 ✔️ 洗嗰陣用濕化妝棉抹走，順便帶走埋角質 ✔️ 凍藏後用即刻降紅，夏天暴曬後必備 ✔️ 乾到繃緊時敷完，毛孔睇落飽滿咗 溫馨提示 ✿ 油痘肌敷完要認真洗淨，避免閉口 ✿ 一週用2次夠哂，過度修護會膩 #轉季牛油果療法 #Kiehl's面膜實測 #換季脫皮救贖 #廣東話護膚手帳 🥑

Jeniel好用推薦：見兩件75折即入手Quality First呢款專攻夜晚修復嘅視黃醇面膜！ 佢最出名果隻金色款用得多，今次試呢款都好期待！ 同樣每次敷3-5分鐘就夠，啱晒懶人同趕時間嘅夜晚。 敷完之後皮膚即刻有補濕咗嘅感覺，有水潤感！摸落去光滑咗，光澤感亦明顯提升。持續用咗一星期左右，膚色睇落均勻咗，特別係鼻翼同嘴角嘅暗沉位置有所改善，輪廓都有輕微緊緻嘅效果。 算係入門級產品！可以間唔中用下！ 緊緻效果： ★★★★☆ 提亮光澤： ★★★★☆ 方便度： ★★★★★（短時敷用） 性價比： ★★★★☆

Kmggigi好用推薦：Quality First 抗衰老緊緻視黃醇100夜間面膜 — 夜晚修護，重拾光澤緊緻！✨ 「早C晚A」護膚法則大家聽得多， 呢款面膜就係專為夜晚使用嘅視黃醇 (Vitamin A)面膜， 主打修復肌膚、抗衰老同提升緊緻度， 敷3-5分鐘就搞掂，非常方便！ 面膜內含豐富精華， 敷完幾日後，會明顯見到肌膚更有光澤， 輪廓亦更加緊緻，非常適合晚間修護！ 唯一要注意嘅係包裝設計有啲容易側漏， 擺放時要小心，否則啲精華可能會流出嚟，幾麻煩。 另外，敷完面膜後皮膚會有少少黏笠感， 但滋潤效果依然值得讚！ 總結：夜間修護必備，輕鬆提亮抗老 Quality First 抗衰老緊緻視黃醇100夜間面膜係一款高效修護嘅夜用面膜， 敷短短幾分鐘就可以幫助肌膚提亮光澤同提升緊緻度， 雖然包裝有小缺點，但效果完全值得一試！💛

mandy好用推薦：innisfree Jeju Root Energy Mask #Kohlrabi 濟州根莖真萃活力面膜-大頭菜   功效: 緊緻、亮澤 質地: 安瓶   大頭菜成分具有抗氧化功效。 保濕力強, 精華量滿滿, 而且不會多到滴出來。 惟我的嘴不夠細, 面膜的嘴巴洞實在不太夠位。 使用感極優秀, 敷面膜時令人放鬆心情, 靜心休息, 感到源源不絕的保濕注水。 肌膚收緊的感覺及效果不太明顯。 使用後, 肌膚瞬間變水潤及富光澤的水光肌, 整個人看上去更有精神。 含保濕成分: 甘油, 雙丙甘醇, 甘油醇26, 丁二醇, 甜菜鹼, 海藻醣,  維生素原B5, 精氨酸, 乙基己基甘油, 玻尿酸鈉, 甘油丙烯酸/丙烯酸共聚物, 透明質酸鈉交聯聚合物, 水解葡糖氨基聚糖, 水解透明質酸 及 玻尿酸 肌膚修復成分: 甘油, 玻尿酸鈉, 水解透明質酸 及 玻尿酸 鎖水成分: 甘油, 玻尿酸鈉, 透明質酸鈉交聯聚合物, 水解透明質酸 及 玻尿酸 抗氧化成分: 葵花籽油, 精氨酸, 積雪草萃取, 玻尿酸鈉,  牡丹根萃取, 德國洋甘菊花萃取, 擘藍提取物(大頭菜), 水解透明質酸

zetalhc好用推薦：呢個係innisfree嘅緊緻面膜，可以令到皮膚更有彈性同埋令皮膚補充水份，敷完第二日上妝都貼咗好多

Ah223好用推薦：我最愛既美白面膜，偏冷門屬於貴婦入門品牌，牌子主打白松露珍貴成份。我屬於混合偏乾性皮膚，有小小色素沉澱，前排生左幾粒石頭瘡，有暗瘡印！ 全靠連續敷左三日呢塊光透鑽肌面膜，光澤感up up up之於，亦提升肌膚透明感，暗瘡印減淡，膚色變均勻，抑制黑色素，同時吸走毛孔內既皮脂，還原肌膚原生肌！ 面膜紙呈一粒粒連接住既波點紋，有足夠空間讓肌膚抖氣，好貼面，好舒服；滿滿精華，做到吸收得好快，但面膜紙唔會乾😍 質素真係對得起個價錢，對得起面膜個名呀！ 連續敷左三日，前後對比🆚圖： 1️⃣膚色變白，透明感🆙 2️⃣抑制黑色素能力強 3️⃣暗瘡印明顯減淡六至七成 質地 ⭐️⭐️⭐️⭐️⭐️ 保濕 ⭐️⭐️⭐️⭐️🌟 光澤 ⭐️⭐️⭐️⭐️⭐️ 溫和 ⭐️⭐️⭐️⭐️🌟 修護 ⭐️⭐️⭐️⭐️⭐️ (⭐⭐️⭐️️⭐️⭐️滿分，⭐️為1分，🌟為0.5分) #XOVE #光透鑽肌面膜 #提升肌膚透明感 #美白修護去印

Chami好用推薦：第一次入手係因為見到XOVE買一送一 平時$480得5塊 唔捨得買 今次見到promotion $480有10塊😍 即刻同fd share 按指示敷15-20分鐘 我幾鐘意佢呢款既面膜纖維 非常貼面 下巴位都可以好貼 完全唔需要擔心面膜精華周圍滴~~ 仲有敷完即刻睇得出白左一度!!! 以美白面膜黎講 佢既效果令我十分滿意！ 唯一缺點係...貴 唔可以成日敷 要等有promotion先捨得買🥲

Kura好用推薦：夏日美白必備，呢款面膜好細個就睇大s介紹過，咁啱我最近曬黑咗就買黎試下，佢嘅精華有33g，面膜紙嘅質地係生物纖維，類似軟膠，面膜嘅精華係奶白色，好似水咁流質，面膜有兩層膠紙包住，一層係硬膠紙，一層係軟紙膜，面膜剪裁貼服，大細都係啱啱好，無香味，無酒精，用完無過敏，我每次會敷20分鐘，敷完一盒感覺白咗一度，敷完過咗兩日膚色都唔會變返黑，整體皮膚好似識發光咁，痘印都有淡到小小，唯一就係價錢一直都偏貴小小，整體我都幾鍾意，我會繼續回購，推薦俾想美白嘅朋友，產地係台灣 #夏日必備保養

格仔餅公主好用推薦：剪裁貼面質地都好柔軟，用左幾次都無美白感覺，所以只係當佢保濕mask，用完保濕感覺高過美白感，因為見美白先買所以有少少比人呃左咁嘅感覺

kameari好用推薦：不錯的一款，雖然懶但會輕輕按摩，質地易推，感覺滋潤保濕因為會洗掉所以不會太過滋潤，挺好

cyanLeung好用推薦：好用，面膜來說它很快捷方便， 打圈按摩再敷一分鐘洗掉 用它可以代替潔面乳使用， 感覺像是肌底面膜， 用完不會很乾澀，皮膚變得亮白

Circlecyy20好用推薦：滋潤度好高效果相當唔錯，用完之後有即時急救嘅效果膚質有變平滑同埋柔軟

Pinky好用推薦：偏厚身少少既面膜質地，但都算貼面，下巴有兩塊痴返上嚟，有少少拉提效果， 精華係乳液狀，敷嘅時候唔會水落流流，但精華量都算足夠，敷10至15分鐘之後，官方話唔使過水，但我都會用礦泉水噴霧噴下塊面，再用爽膚水抹下，再查返平時嘅護膚品，敷完感覺皮膚飽滿啲，補水滋潤嘅感覺都有，雖然價錢唔算平，但比起開架面膜係好用啲

chasiutung好用推薦：夏天最怕化妝搽太多前護膚品會溶妝 又怕只搽爽膚水吾夠保濕 所以我化妝前一定會先用saborino 懶人早晨面膜 有盒有32片夠用一個月 揭蓋密封設計每一片都方便取出 用到最後一片都有滿滿嘅美容液 👍只需敷上60秒就能一次過達到清潔肌膚、修護滋潤和隔離底妝的功效 保濕同時去除過多嘅油脂 清爽不黏笠 冰冰涼涼咁敷完皮膚有光澤同去浮腫 之後搽防曬都吾會起擦子膠碎 粉底更貼服 👍 #夏日必備保養

Nicole 好用推薦：通常當我早上面上皮膚有點乾的情況下會用它，短敷幾分鐘，迅速幫皮膚補點水分，然後上妝會比較容易和服貼。 面膜紙面積對我來說小了一點，不能cover整張面😂膚感涼涼的，順道幫自己提提神！

Jeniel好用推薦：麗珠蘭面膜真實用後感： 見到網上好多人推薦呢款韓國大熱嘅麗珠蘭面膜，話PDRN成分可以修復細胞同刺激膠原蛋白，忍唔住跟風入手試試！不過價錢真係唔平，平均要成廿幾三十蚊一塊，期待都幾高。 🥲敷感普通，面膜紙質偏硬 首先，面膜紙質地比我預期硬身，唔算好柔軟貼面，尤其鼻翼同下巴位好難貼服，要自己動手剪開調整先勉強敷到全面。精華量係足夠，但感覺面膜紙吸收得唔太好，敷嘅時候有少少滴漏。 🥲效果未如預期，性價比低 敷咗大約15分鐘，拎走面膜後，皮膚係有即時水潤感，但同普通保濕面膜效果差唔多，甚至覺得其他平價面膜嘅保濕同亮膚效果更明顯。至於佢主打嘅修復同促進膠原蛋白效果，用咗一塊真係睇唔出分別，可能要多用幾次先有感覺，但以呢個價錢，我覺得有更多好選擇。 整體評價： 如果純粹為好奇心同想試新產品，可以買一兩塊試下。但如果你追求明顯效果同高性價比，呢款面膜未必係首選。 貼服度： ★★☆☆☆ 保濕效果： ★★★☆☆ 即時修復感： ★★☆☆☆ 性價比： ★★☆☆☆ #火熱新品 #緊緻 #水潤

Jo好用推薦：呢款係去韓國旅行時買嘅面膜 近期麗珠蘭大熱 入面嘅PDRN成份話可以幫助促進細胞再生 刺激膠原蛋白再生，又可以保濕等等等等。。。 講到無數咁多好處但用後感真係麻麻地 首先面膜紙質好硬，唔貼面 紙質好似唔係好吸到精華 要靠自己再剪裁塊面膜先勉強貼到面 另外用完同冇用過冇分別 唔知係咪我期望太高 以為用完應該會睇得岀明顯分別 但係我覺得我普通用保濕面膜都效果明顯過呢塊 而且價錢亦唔平 差唔多30蚊塊 Cp值略低

Emily Leung好用推薦：ELIXIR 美白睡眠面膜測評 講到懶人恩物，睡眠面膜一定上榜！尤其係ELIXIR呢支美白睡眠面膜，號稱「瞓覺都可以美白」，咁吸引，點可以唔試下！等我同大家做個不專業測評啦！ 第一印象：開箱已經心心眼！ 個包裝簡約得嚟又唔失貴氣，粉色樽仔望落好乾淨清爽。打開蓋，淡淡嘅花香飄出嚟，唔會太濃，聞落好放鬆，啱晒訓覺前用。 最驚喜係佢入面一粒粒白色嘅維他命C微粒，望落好似星空咁，靚靚地又感覺好專業！ 質地：清爽定黏笠？ 好多人怕睡眠面膜會"黐立立"，搞到枕頭都污糟晒。等我試上面！ 佢係啫喱狀質地，推開嗰陣好滑好順，嗰啲維他命C微粒輕輕按摩就溶化吸收。吸收速度都算快，唔會話成塊面黐立立。等一陣之後，塊面係滋潤得 嚟清爽，有少少水潤感，但又唔會覺得焗住，掂！ 美白效果：瞓覺真係會變白？ 呢個當然要試一排先知！我用咗大概兩星期左右： · 即時效果： 用完第二朝起身，塊面明顯水潤有光澤，唔會話乾爭爭，上妝都貼服啲。 · 美白效果： 坦白講，要"白到發光"就誇張咗少少，但係膚色均勻咗，暗沉問題改善得幾明顯！尤其係成日捱夜嘅朋友，朝早起身塊面唔會灰灰黃黃，係精神好多㗎！ · 淡斑效果： 暫

🌸好用推薦：日本旅行時買嘅，春日限定櫻花味睡眠凍膜。啫喱嘅質地，上面清涼舒適，曬完太陽之後用可以起到紓緩作用。但我覺得佢太香，有啲頂唔順。雖然冇過敏，但呢part扣咗啲分。我唔慣敷gel mask過夜，所以厚敷一個鐘就洗咗。保濕同軟化角質效果不俗，美白效果就唔多覺。

Kathy Wai好用推薦：🌿 Innisfree 蘆薈能量面膜 冬季真實使用心得 ❄️ 轉季急救必備！ 香港冬天溫差大，皮膚時乾時痕，上星期鼻翼同面頰突然泛紅敏感，即刻摷返呢款蘆薈面膜出嚟急救！ 鎮靜保濕一敷見效 打開係滿滿嘅蘆薈精華液，質地清爽唔黏笠。面膜紙剪裁夠貼面，敷上臉一陣就有種「降溫感」。試過喺暖氣房焗完面紅紅哋敷15分鐘： ✔️ 即時鎮靜泛紅部位 ✔️ 補水力足夠但唔膩，適合怕黏笠嘅人 ✔️ 敷完皮膚觸感明顯柔軟咗 冬季護膚程序點夾？ 我通常會咁用： 1. 冬天夜晚沖完涼，毛孔打開時敷 2. 敷完將剩餘精華按摩吸收，直接上面霜鎖水 3. 每星期1-2次，作為保濕滋潤加強步驟 同其他季節嘅分別 夏天用覺得純粹補濕，但冬季皮膚不穩定時，佢嘅蘆薈成分真正發揮到鎮靜+補水雙重效果。特別係突然轉凍嗰幾日，敷完即時解決繃緊感！ 性價比小評 ✨ 保濕力：7.5/10（日常維持夠用，極乾肌可能要疊加護膚油） ✨ 溫和度：9/10（敏感期用都冇刺痛） ✨ 便利度：8/10（開袋即敷，5分鐘快速補水） 總結 如果唔追求功能性抗老美白，純粹想搵一款冬季日常保濕、成分溫和嘅面膜，呢款蘆薈能量面膜係穩陣之選。一盒

Cole Cole 好用推薦：個人覺得一半一半，秋冬天氣乾燥時用非常好，好保濕，都唔覺得黐立立，但係如果夏天用，就算開冷氣，都會覺得好油膩，黏黏地，可能防止水份被吸乾，所以有少少保濕的作用，但係並非皮膚深層保濕嘅感覺。用完唔打算再買。

robinsbk好用推薦：見到呢隻sleeping mask評價咁差好想幫佢平反下🥲不過我都明skin care啱唔啱同效用呢啲真係好因人而異 Kiehl’s呢隻sleeping mask我係由2018年開始用，一直回購到而家！急救一流！懶人必備！已經用咗4-5晏🥹 首先講下我膚質：大乾肌！有時係乾到連夏天夜晚敷完mask起身都會甩皮嗰隻乾 我記得第一次用佢，一上面吉到傻以為係敏感，但因為我試過之前好乾嗰陣一搽好保濕嘅嘢都會吉吉哋，咁我就照俾啲時間佢，過咗陣就無咁吉。用咗幾年之後，間唔中一搽都會有好輕微嘅吉吉哋，但就覺得佢係好急救地pump水落我皮膚底層咁🥹 同埋一開頭我都唔識敷sleeping mask，起身嗰陣痴到個枕頭啊頭髮啊周圍都係🤣跟住我上網睇人哋點用，咁所以之後我每次用就會咁：沖完涼➡️Toner➡️厚敷呢隻sleeping mask同時輕輕打圈幫助吸收➡️敷到我臨瞓嗰刻用紙巾輕輕印走多餘嘅product(如果都係驚整污糟可以用紙巾隔住塊面同個枕頭嚟側瞓🤣)➡️第二朝用水洗走就會feel到好保濕好滑！最重要係懶人必備 夜晚可以skip走哂其他skincare routine🤣但唔可以日日都咁，一

Hamiii好用推薦：為左美白入手面膜 用完一大盒 覺得好似真係白淨左小小 最明顯係斑淺色左 但好可惜只係頭一盒有用 再番入手己經無左效果 如果淺色斑可以去入手一試

Blueblueblue好用推薦：面膜紙透薄，剪裁設計貼面。 面膜紙充滿精華液，敷完15分鐘，整塊面保濕度有提升。

Yty好用推薦：Whoo后拱辰享睡眠面膜容量75ml，面膜有拱辰享系列一貫嘅香味好relax，有時夜晚瞓覺前好攰，我會直接敷呢個代替面霜同埋精華，第二日皮膚狀況一樣保持到皮膚「透明感」，水光肌嘅感覺，單用同我平時搽咗精華同面霜唔會話相差好遠，有時好攰精簡用佢都可以，長期都係要全步驟做比較好，放喺屋企已備不時之需都唔錯 #「透明感」#mask

Candy Ng好用推薦：之前買Whoo 眼霜時送的，用完覺得皮膚好水潤。 用它，大家可以明白，點解它賣得吾平，仍然有捧場客，真係一分錢一分貨。 尤其開始初熟的皮膚，經常感到皮膚無光澤，乾旱，容易出細紋，如果用一些滋潤性較強的護膚品，皮膚又容易出油脂粒，沖洗時，總覺得唔乾淨，要洗完又洗，都覺得皮膚上有層油的感覺。 它完全沒有以上的情況，係會明顯覺得皮膚有光澤，水份感，摸上會感覺滑嫩了😊

Bendict好用推薦：見到其他網友分享呢隻面膜 喺藥妝舖買咗返嚟試 夜晚臨瞓前用 唔會好黏笠 第二朝起身洗面 塊面超潤 但我連續用咗一個禮拜 起咗好閉口粉刺😿 可能過敏 敏感肌要小心用 推開咗睇到 好乾爽 唔會太立 有人寫呢一箱面膜可以放喺雪櫃裏面 效果會更加好 但放完雪櫃之後唔可以再放返喺室溫

🌸好用推薦：日本旅行時買嘅，夏日限定鼠尾草味睡眠凍膜。啫喱嘅質地，上面清涼舒適，曬完太陽之後用可以起到紓緩作用。鼠尾草嘅香氣令我覺得有洗滌心靈嘅感覺。不過我唔慣敷gel mask過夜，所以厚敷一個鐘就洗咗。保濕同軟化角質效果不俗。

choichoi好用推薦：充滿少女心的包裝，輕鬆按摩就能溶化，相當柔滑，帶有相當討好的清香

LILY好用推薦：好軟滑嘅texture，一按就會溶做油，落妝力強，有草本香，用完皮膚唔會乾，亦無致痘問題。萬寧做特價嘅時侯幾抵，而且入面比埋羮仔好方便🫶🏻

Yty好用推薦：贈品為香港專門店贈送，容量五mL足夠全面查，敷5分鐘後洗，用完之後即時去黃，透明感增加，夜晚黑用完之後洗面再進行護膚程序可以keep到第二日個妝都好貼，一個禮拜敷兩次已經夠了，會考慮購買正裝 # 「透明感」 #美白 #【提升肌膚透明感的護膚品】

Hazel好用推薦：有幸攞到啲samples黎用，一開始以為係噱頭，但真係堅金色，搽上塊面即刻變咗少林寺十八銅人咁🤣，立立令！不過用完之後覺得效果真係非常好，皮膚變得好保濕好細緻，佢的確貴得有原因嘅⋯⋯

Pinky好用推薦：透明淺藍色水啫喱質地，係面上易推開，唔會磨擦，敏感期間敷，有舒緩感覺，可以鎮靜皮膚，急救用幾好

choichoi好用推薦：大推，敏感或感到臉部快要過敏時（如轉天氣、乾燥）的時候能大派用場，保濕舒敏一流

mandy好用推薦：innisfree Jeju Root Energy Mask #Carrot 濟州根莖真萃活力面膜-紅蘿蔔 功效: 美白、保濕 質地: 水感精華  為濟州根莖真萃活力面膜系列熱賣的第一名。 作為innisfree 跟上clean beauty潮流 的面膜系列,  足見品牌的與時並進。 面膜紙的材質更是採用可分解物質, 是品牌繼回收舊瓶以外, 另一愛護環境的措施。   這款面膜可同時美白及保濕, 是非常方便又實用的面膜, 而且完全不會有某些美白產品導致肌膚乾燥的問題。 精華量充足, 沒明顯香味, 而且感覺到正在源源不絕注水保濕。 使用後, 肌膚的透明感及光澤都有所提昇, 而且變得十分水潤。 然而, 恐怕冬天用水感精華面膜有可能會有點不夠給力,  可以夏季才用水感精華面膜, 冬天改為使用面霜質地面膜。 胡蘿蔔根萃取具抗氧化功效。 含保濕成分: 甘油, 雙丙甘醇, 甘油醇26, 丁二醇, 甜菜鹼, 海藻醣,  維生素原B5, 精氨酸, 乙基己基甘油, 玻尿酸鈉, 甘油丙烯酸/丙烯酸共聚物, 透明質酸鈉交聯聚合物, 水解葡糖氨基聚糖, 水解透明質酸 及 玻

Verna好用推薦：Innisfree 這個系列的面膜都是用蔬果做材料，感覺很天然有益，而且用蔬菜做材料也比較少見 這款紅蘿蔔面膜主打保濕提亮，它的面膜紙紙質都算貼面，精華液也足夠（有25ml），敷完之後，我覺得它有做到保濕提亮的效果，皮膚水嫩嫩，有變得亮白的，不過效果不太持久

呆呆的槑好用推薦：香香的，我冇香料敏感所以幾鍾意 質地好水，搽落去即刻吸曬 試過冬天手臂乾到癢，出龜裂紋，一搽上去即刻不癢，而且變返滑 適合肌膚中度乾的人用，嚴重乾的人可能後續要再搽其他野鎖水

KDing好用推薦：用上面會有涼浸感覺，所以鍾意夏天沖完涼時候用會有鎮靜嘅感覺特別驚艷