開架保養 推薦好用產品

Emily Leung好用推薦：日本Freeplus洗面奶，敏感肌最愛的洗面奶！ 這款日本氨基酸洗面奶，讓肌膚感受真正的潔淨體驗，用後肌膚細膩水潤，零刺激。深層清潔的同時，讓肌膚補充水分。洗後一點都不繃緊，毛孔清透，皮膚水潤通透！ 🫧氣味：不含香精和酒精，沒有很刺激的味道，淡淡的味道。 🫧泡沫：輕輕搓揉就能打出細膩泡沫，霜狀質地很綿密。 🫧清潔度：洗得乾淨，洗完臉上是潤潤的，沒有油感。 🫧乾澀：洗後不乾澀，很舒服的。 混油敏感肌用這支真的很安心！臉洗乾淨了，且不會過度清潔。用了半年狀態變好，不長痘痘了，肌膚敏感的狀態也好轉許多，十分推薦！😘😘😘

楊壯碩好用推薦：「Freeplus mild soap」產品測評： 包裝：5/5 ▶️Squeeze tube包裝走極簡風，較為輕盈，使用時方便控制用量。 ▶️每支100克的容量可以直接帶上飛機，不需要托運，它的travel friendly也是我喜歡的一點，不需要再買旅行裝。 效果：4/5 ▶️可以溫和有效地清潔面部皮膚。 ▶️用它洗面後，面部皮膚不會感到乾燥或受到刺激。 ▶️清潔力度較弱，可以用來洗去皮膚上出的汗和油以及沾到的灰塵等污染物，但不能洗掉防水防曬及彩妝，需要額外使用卸妝產品。 成分及配方：5/5 ▶️它使用的主要表面活性劑是Potassium Cocoyl Glycinate，一種氨基酸起泡劑，非常溫和，比較少會刺激皮膚，敏感性膚質的人也可以使用。 ▶️不含香精等致敏成分，更為安全。 ▶️我用pH值試紙測試了其酸鹼度，可見它的pH值在5到6之間（如上圖所示），屬於弱酸性，與人類皮膚天然的pH水平（約5.5左右）相近，這會對皮膚的健康和生態比較友好，因為太酸性和太鹼性的清潔劑都可能會有誘發過敏及炎症反應的風險。 綜合評分：4.7/5

Angie好用推薦：平時通常都係卸妝水就可以卸晒成個妝，但係有時眼妝化濃咗都幾難卸，呢支眼部卸妝液就卸得又化又乾淨

Noel好用推薦：這款眼唇卸妝液，個人可算是長期用家，初時只能在美國 Drugstore 購買，現在就容易多了，大部份 Neutrogena 的架上都有備就枝。個人很推介這個產品，容量夠多，價格實惠，清潔力不俗👍 產品與同類形的相近，都係分成上下2層，使用時搖勻，倒到化妝棉上使用。不過，這枝就有標明是 oil-free 的，個人認為對眼周皮膚更好，亦能避免出油脂粒❣ 卸妝力方面，沒有什麼可以挑剔。沾了卸妝液的化妝棉敷到眼皮 15-20秒，再慢慢按壓抹走。眼影，防水眼線和睫毛液都能卸除。雖然，間中會貪新鮮轉用其他品牌，但最後還是用回 Neutrogena 😍

迪迪好用推薦：Bio-Essence水感舒緩B5無油卸妝水 400毫升 一般倒落落妝棉抹兩次就乾淨。 但個人鐘意徹底卸妝，會抹三次，見到棉花完全冇化妝品先開始洗面。 鐘意佢嘅水感質地，清爽一啲都唔油，暗瘡肌都適合用，用後都唔會乾。 CP值高，$138一大枝。不過個蓋好緊好難開，所以轉左個細嘅按壓樽，方便使用。

choichoi好用推薦：眼影也可以抹個7-8成乾淨（但當然是間中偷懶而已，建議用專用眼唇卸妝），用有潤色功效的防曬也抹一次就可以乾乾淨淨了，但挑剔位是抹後皮膚的感覺，帶點點油潤的，不過因為用後我都習慣過水問題不大；就看個人喜好或季節而選用吧

Fng好用推薦：Hada Labo 雪芭冰感霜 ❄️ 優點： · 瞬降3℃冰感：一推即化水降溫，香港夏天戶外返屋企厚敷5分鐘，即刻鎮靜泛紅同燥熱感 · 滲透力驚人：含多重玻尿酸，補水唔浮面，熟齡偏乾肌用後毛孔即時飽滿，唔會悶出粒粒 · 百元價位王者：同價位（$150以下）保濕霜中，唯一做到「降溫+深層補水」，性價比贏盡Curel、NIVEA水感凝霜 ⚠️ 缺點： · 保濕續航力短：冷氣房瞓覺的話，半夜會覺得乾，要疊加保濕精華 · 功效單一：純補水降溫，無抗老/美白成分，熟齡肌要額外搭抗老產品 · 酒精促滲：敏感肌可能輕微刺痛，極敏感者不建議試用 🌞 香港夏天表現： 混合偏乾肌日間薄塗一層夠爽又保濕，晚間要厚敷先夠力。出汗後無化白汗，降溫效果實測比Biore冰感防曬更持久！ 💡 總結： 百元級降溫補水神器！適合香港夏天追求瞬間降溫同深層補水的熟齡混合肌，但極乾肌同抗老需求者要疊加其他產品～❄️ #HadaLabo #夏日降霜 #開架保濕

lingbb好用推薦：穩定夏日肌膚我有計！香港天氣太熱，熱到塊面紅卜卜，又好易熱到泛紅敏感，見到snow dew就覺得必須要入手，見到雪葩質地既面霜真係好開心，面霜配有一個小勺，質地係非常滑身嘅雪葩狀，非常易推，有種冰涼感覺好舒服，摸落皮膚好柔軟順滑，有即時blur毛孔效果，上面冇黏笠不適，上妝都冇問題，保濕度我覺得幾好，如果天氣太熱，皮膚局部灼熱都好適合用呢種質地既面霜厚敷，我覺得可以放埋係雪櫃用應該會更冰涼！

Desse好用推薦：Innisfree彈力緊緻輕盈面霜 Collagen Green Tea Ceramide Bounce Cream ⭐️含600億海藻膠原蛋白同綠茶神經醯胺，主打提升肌膚彈性同持續72小時補水💧 質地輕盈但滋潤，推開好順滑 好快吸收，唔油膩，適合乾性同混合肌用💓 🧏🏻‍♀️🧏🏻‍♀️ 用咗幾日就感覺毛孔細緻咗，肌膚彈潤飽滿，細紋亦有少少淡化❤️ 保濕得好又唔會黏笠，冬天用特別幫到乾燥脫皮情況 🔔🔔唯一要留意係，質地偏濃厚，夏天可能會較悶厚，秋冬用最啱💪🏻

Lumi Kwan好用推薦：佢個花名真係好吸引，叫做ballon cream，一聽就知係為咗撐起肌膚而設。最令我吸引嘅，就係佢賣點係可以重拾心形面，蘋果肌膠原流失，係好多女人都會經歷嘅問題。 先講個質感，感覺好輕盈，同一般嘅膠原面霜唔同，唔會有好厚實嘅感覺，佢非常之容易吸收，而且冇香料，仲要係vegan認證，呢一點已經好吸引我。 至於保濕力方面，當然佢會比一般聲稱保濕為主嘅產品較弱，但香港嘅天氣絕對可以接受。我用咗兩個星期，皮膚好明顯有向上提拉嘅感覺，而且蘋果肌都有飽滿嘅效果，非常之推薦大家使用。

Blueblueblue好用推薦：面膜出咗好多種款式，簡直花多眼亂，可以針對肌膚所需。 精華萃取自天然原料，面膜紙質地貼面。

Kelvin好用推薦：白色半透明的精華流質狀，有一點點嘅稠度，我一次會用2-3泵擠喺手心，直接拍上面使用，整體感覺保濕舒緩，吸收後會有一層輕薄嘅滋潤感。因為吸收後的滋潤感不算太清爽，沒有作二次清潔使用。 白米提取嘅精華水，帶有少少淡淡嘅酒味，但一定未去到神仙水嘅平替。作為基底液？精華原液？定位有少少模糊。對我嚟講屬於保濕類型嘅精華水，用後皮膚柔軟舒適，但美白功效就不見，用完一支都冇話特別透亮。 一年四季任何膚質都可以使用。

mysecretgarden好用推薦：肌研糀潤精華呢支精華用咗一段時間，趁住天氣開始轉涼，同大家分享下用後感。 質地係帶點流動性偏稀嘅半透明凝露狀，推開個下好順滑，有足夠嘅流動感幫你延展到成塊面，但又未至於好似水狀精華咁一秒就吸收晒。佢個種潤度係慢慢滲入去嘅，搽完之後塊面有層好薄好薄嘅保湿膜感，摸落去係軟滑的。 保濕力對我呢個乾肌嚟講真係唔錯。尤其係入秋之後，朝早洗完面搽完佢，個底妝會貼服啲，唔會因為皮膚乾而起碎粉。試過夜晚開冷氣瞓，淨係搽呢支精華再加層好薄嘅乳液，第二朝起身塊面都唔會繃緊，依然保持到彈性。不過夏天，如果潮濕悶熱嘅日子，或者油肌朋友就可能覺得有少少太lup了，未必想日日用。 成分方面睇過下，無加香料同酒精，主要係用咗米發酵精華，感覺幾溫和。我皮膚間中會敏感，但用佢期間都無出過粒粒或者泛紅，幾安心。 總括來講，肌研糀潤精華係一支幾稱職嘅基礎保濕精華。如果你係乾性至混合肌，搵緊一支成分簡單、保濕力足夠又唔算貴嘅精華，特別係用嚟迎接秋冬，呢支值得考慮下。

Emily Leung好用推薦：Cosme最值得回購的卸妝油 Attenir卸妝油是我回購最多的卸妝產品了！因為它真的卸的乾淨又溫和！而且膚感清爽巨好清洗，上臉幾乎沒有油膜感！洗完還不拔乾很水潤！ 清潔力也不輸任何大牌，無所謂淡妝還是濃妝，就連難卸的眼部彩妝也能卸得乾乾淨淨，親測塗了防水很強的睫毛打底+睫毛膏+眼線，也能快速溶妝，卸的非常乾淨，最重要是完全不刺激眼睛！ 味道也好聞，最喜歡柑橘香，其次是玫瑰！每次卸妝都感到很治癒！

Circlecyy20好用推薦：Attenir 呢款卸妝油帶有柑橘嘅香氣，用起嚟嘅時候就好似將精油按摩喺面上，使用感相當之舒服。 至於卸妝力方面，佢可以輕易地將面上嘅彩妝卸下，喺面上打圈按摩時候，有一啲嘅黑頭都被按咗出嚟，清潔力都不錯。清洗之後皮膚不會緊繃，反而佢有小小嘅滋潤又不笠。

貓餅好用推薦：夏天用呢一款曼秀雷敦嘅面膜真係好舒服，呢一隻係山茶花亮白淨化酵素面膜，首先面膜嘅質地好柔軟，敷上面非常舒服，然後剪裁都好好，面膜好貼面，補水好足夠 呢塊面膜可以提亮，夏天好容易曬黑，呢塊面膜就好適合啦，佢入面山茶花精華嘅成份，仲可以令水油平衡，美白嫩膚，保濕鎖水，淨化毛孔。 面膜敷上面之後，個袋仲有好多精華液，可以再搽喺面上面或者頸度，等我哋嘅皮膚盡情吸收精華  重點係曼秀雷敦嘅面膜一啲都唔貴，買多啲都唔會心痛，性價比好高 敷15分鐘啱啱好，夏天建議可以擺雪櫃，仲可以同時收細埋毛孔，一舉兩得  #面膜

A&R好用推薦：曼秀雷敦面膜口碑一直都不錯，這款也不例外，大減價時買一送一，一盒6片用一個禮拜，性價比很高，粗用日日敷面膜都沒有問題，凍呼仲舒服，呢款面膜質地很絲滑，剪裁很貼面，水份精華份量充足，早上呼一次之後，保濕可以維持一整天，美白唔多覺，化妝更加貼服，味道也很溫和，不含酒精不會刺激皮膚。

YY好用推薦：UVMUNE 400 全效廣譜輕盈隔離乳液 SPF50+ PA++++防曬是最高配置💯 成份有效抵禦「極長波 400nm UVA9」 全方位抵禦UVA、UVB、及紅外線引起之氧化侵害！最緊要係配方安全，經過皮膚科專家測試，低敏及低致粉刺性，無添加香精及Paraben防腐劑，適合所有皮膚使用👯‍♀️ 乳液質地而推開，用起上嚟冇刺激感，亦都冇防曬霜的泛白。最方便係用完toner直接上防曬乳液，佢已經有保濕功效，水潤提亮咗，不用再疊加防曬👙 不過，如果當做base用，控油力不足。因為始終係乳液關係，有點柔潤感。比較推薦唔需要化妝嘅日子使用。

Fng好用推薦：La Roche-Posay Anthelios全效廣譜輕盈隔離乳液絕對係香港夏天混合偏乾肌嘅防曬救星！質地輕薄如水乳液，推開後瞬間吸收零黏膩，仲有微微啞緻效果，後續上粉底完全唔會搓泥✨ 防曬力毋庸置疑，SPF50+ PA++++足夠應付烈日戶外活動。最驚喜係持久度——試過30℃濕熱天帶妝8小時，無泛白、無溶出白汗，甚至無抽乾面珠墩！T位出油量明顯減少，同時偏乾位無繃緊，真正做到水油平衡。 唯一要注意係成膜速度較快，建議分區快速推開。性價比高，一支結合防曬+控油+輕保濕，懶人必備！ 推薦給：✔️ 混合偏乾肌找高係數輕透防曬 ✔️ 怕防曬黏膩影響妝容 ✔️ 需要長時間戶外活動人士！

Sally好用推薦：已購入乳霜和使用一段時間，不得不提它的大容量，性價比高。每天早上用作護膚最後一步，不泛白並有少許保濕效果，可用普通潔面產品洗淨，一年四季適用。

msthea好用推薦：呢個係我最喜歡搽喺面部嘅防曬 佢本身帶少少白色 但搽咗上面之後唔會覺得塊面白得奇怪 好自然，但又有少少提亮效果 搽完又唔會黐立立，防曬度數又理想 超級推薦呀！

Karman28好用推薦：呢支係第二支既Q10眼霜。性價比非常高，眼部開始有眼紋，使用呢個眼霜後，眼紋無特別加深。

Nana好用推薦：本身有黑眼圈同細紋，Nivea呢支眼霜消委會評分高同有唔少好評，所以對它有好高期望😺 眼霜似較稠的乳液，白色無味。搽左上眼都快吸收，但我覺得唔夠保濕，成份雖然有Q10，但暫時唔覺減淡黑眼圈同有抗皺效果🤔 #逆齡護膚品分享

Candy Ng好用推薦：最喜歡用蜂蜜面膜就在自己係屋企，多手整黑頭、粉刺、暗瘡之後，臉仔開始泛紅及傷口，就用它。 大家會覺得那些對臉仔刺激之後的情況，會減少左。尤其係，如果正到有傷口及爆瘡，修復能力係會比起用其他成份的面膜，或者咩都吾用，來得快癒合的😊 我近日爆瘡，就隔日敷左它2次，我係見到瘡瘡位開始凋謝了💗😍 ⭐️好喜歡用完它之後，再用 AVÈNE 再生修護精華 + 極速舒敏修護霜，明顯著見到降紅能力顯著 

FishYu好用推薦：一撕開包裝就俾天然蜂蜜香氣包圍🍯冇廉價甜膩味而係清新花香，好似做緊SPA咁~ 精華份量非常充足，乾冷冬天敷20分鐘面膜紙依然濕潤，可以順便用黎敷頸，再搾d精華液出黎搽下手，全身都充份補水😂 面膜紙既質地柔軟纖細，吸到大量精華同時緊貼肌膚。比起歐美品牌偏大尺寸，呢款面膜更貼合香港女仔既面型，眼角/鼻翼死角位都覆蓋到。 敷完有摸得到既水潤感，亦肉眼可見地變得白滑。戶外活動後皮膚繃緊、鼻翼甩皮、又曬到紅腫發熱，訓覺前緊急敷一片，第二朝起身皮膚依然軟嫩💧唯一不足既係敷完少少黏笠，後續上妝需要輕輕清潔下先。 特價既時候買$90 12塊，性格比超高。同系列既金盞花面膜都好適合敏感泛紅個陣用。

Emily Leung好用推薦：日本 花王SOFINA iP 面霜 真實使用感受～ 膚質：油皮 不愧是日本賣到💥的面霜，確實有點東西！ 換季的時候皮膚特別容易乾燥，這款面霜簡直是救星～ 💗 質地：剛好介於水潤和厚重之間，有輕微的拉絲感，非常好推開，延展性很棒！上臉吸收速度很好，滋潤但不黏膩，保濕力很強。 💗 氣味：味道很治癒！個人感覺有點像小時候吃的泡泡糖，甜甜的但不會膩，用的時候心情都會變好～ 💗 使用感受：剛塗上臉，會有一點點精油感，但完全不會厚重悶痘，反而很快就被皮膚吃進去，第二天起床，皮膚像喝飽了水一樣Q彈細膩，化妝也不容易卡粉。 💗 使用小技巧：這款面霜本身滋潤度很高，不需要疊塗太多護膚品～ 洗完臉→化妝水→直接用它，稍微厚塗一點，第二天醒來皮膚會超級水嫩！ 價格很香，對於學生黨也很友好～強烈推薦！ 

Fng好用推薦：日本Sofina嘅角質層滋潤修護晚霜係品牌皇牌護膚產品，聲稱可以深層滲透角質層、鎖水72小時、修復肌膚屏障。 💁🏻‍♀️ 個人膚質係混合性偏乾肌：T字位少少出油，兩頰偏乾，冷氣房瞓醒會繃緊 用法：保濕噴霧→精華→薄擦sofina面霜，鎖水效果更持久！ ✨ 用後感 ✅ 優點 1. 鎖水能力超強 - 質地似奶油慕絲，推開後會形成保濕膜，開成晚冷氣第二朝面頰都仲係軟嫩，冇乾到扯住嘅感覺！ 2. 修復角質層明顯 - 試過用A酸後，連續用3晚已經退紅，鼻翼甩皮位平滑返～ 3. 吸收快唔黏枕頭 - 雖然滋潤但唔會黐笠笠，側瞓都唔會成塊面黐實個枕頭套！ 4. 油分平衡得宜 - T字位冇因為太潤而生粒粒，兩頰又夠保濕，混合肌難得唔使分區搽～ ❌ 缺點 1. 香味少少濃 - 有淡淡花香味，對香味敏感嘅人可能覺得太強～ 📢 總結 Sofina角質層修護晚霜絕對係冷氣房過夜神器！尤其適合 香港夏天開足晚冷氣抽濕 嘅混合性乾肌人，修復+鎖水二合一，第二朝上妝仲特別貼服～雖然價錢中上，但效果拍得住專櫃，值得投資！ #日糸護膚

Emily Leung好用推薦：終於用得啱！bifesta碳酸泡沫潔面真實評價 之前冇洗面乳，喺藥房順手拎咗呢支，心諗平平哋試吓。點知一用⋯⋯嘩，做乜咁難用？！擠出嚟一pat水狀泡沫，又漏到周圍都係，仲以為中伏😅 原來我一直用錯方法！ 有日終於睇真個樽身說明，發現用前必須搖勻！一搖再擠，泡沫即刻變到超綿密Q彈，上臉蓬鬆舒服，先發現之前完全浪費咗支嘢⋯⋯ ✨ 正確用法： 1. 搖勻5-6下 2. 直接按壓（唔好倒轉支裝） 3. 泡沫放掌心，溫柔按摩全臉後沖水 💦 保濕表現： · 標榜「保濕款」，但佢嘅保濕主要係指「洗臉時唔會扯乾皮膚」，而唔係「補水型潔面」。 · 洗完即刻摸塊面係爽身嘅，唔會有「洗極都滑潺潺」嘅假滑感，感覺乾淨。 ✅ 真實優點： · 一按即出泡沫，超適合懶人同趕時間嘅朝早 · 碳酸泡泡有微微「刺刺感」，洗完個面好清爽 · 清潔力足夠卸防曬同淡妝 · 性價比高，一支用到好耐 ⚠️ 要注意： · 乾肌用完可能會覺得有少少緊繃，要即時保濕 · 香味偏淡，追求濃味嘅可能覺得普通 · 一定一定要搖勻！ 唔搖真係難用到喊 💡 個人建議： 適合油性/混合肌，尤其夏天用爽到震～如果你同我一樣怕麻煩、

Kelvin好用推薦：依枝大家都唔陌生，就係Bifesta碳酸潔面泡沫保濕款，一直以來都係用藍色嘅亮白款，因為冬天關係第一次用粉紅色，全個系列價錢都係39.9。本身就係一支好平嘅洗面泡泡🫧 呢支係粉紅色樽身，原來啲泡泡唧出嚟都係粉紅色，綿密到好似cream咁可以企身，實在係太太太好用。其實佢成份都有少少唔同，深層保濕型添加咗乳木果油同可可包油，更加適合乾燥皮膚，每個款式都真係有分別㗎。 之前用亮白型，感覺亮白效果就一般，但膚感唔錯。至於深層保濕型，用後保濕效果係更加強，用完皮膚似用完高級嘅洗面產品，一啲都唔繃緊，同時無假滑。以呢一個咁優惠嘅價錢。亮白型同保濕型我都好滿意，一樣都係方便又好用！ 推介人士💁🏻‍♂️任何皮膚都適合使用，尤其是乾性皮膚

Jayla好用推薦：呢支係黏笠精華嘅救星。 佢本身係水狀好似toner咁，完全冇香味。由於佢本身嘅作用就係鎖水，我會拎嚟撈我覺得笠嘅精華，加埋用就會減低咗黏笠感同時又唔會降低保濕度。超級好用！

Karychung好用推薦：超級大愛哩個牌子 可以修復皮膚屏幕 同埋可以幫助吸收後續化妝品 所以有勁多存貨 😂 已經用咗好多支 大推 

Kit wong好用推薦：喺屈臣氏買，最初見到個包裝好靚（顏色搶眼）就俾佢吸引左目光，之後都search過評價好似OK，所以就買一盒試下。一盒5塊要百五咁上下，平均一塊30蚊到，係有少少貴🥲所以唔會日日用！但只要用一塊，都的確有即時見效嘅感覺，好似前排轉季兩邊面出暗粒，下巴又有泛紅，敷左mask之後真係有緩和到，而且暗痘都無再出現！幾有效！有幾次覺得乾/有出瘡瘡/有泛紅，都會用佢，用完之後唔可以話完全好返晒，但有感覺係慢慢好返，好似幫皮膚調理返咁👍🏻 我覺得雖然一盒唔算平，但屋企常備一盒，久唔久拎嚟急救其實都OK ☺️題外話 第一次用嘅時候，差啲唔識開，以為要用較剪剪咁麻煩😂 原來佢有個超隱藏嘅開口😂😂 我覺得可以整得明顯啲囉……分享面膜實際個樣，某啲部位有兩層，主打嗰幾個位「密集修護」，有兩層嘅嗰幾個位包括鼻同雙頰，有感覺到貼啲、包得好啲，所以會有精華吸收得更好嘅感覺，但以效果而言係咪特別有用，就無好大感覺（似gimmick 多啲LOL😂) 但重申一次，其實成塊都好用，只係無佢講嘅針對壓力位有特別效果，急救都始終係一流的！

Beautygirl好用推薦：今次好開心有機會試用aio新推出嘅面膜。period前皮膚會變得唔穩定，同埋翻工長期處於冷氣地方，皮膚都偏乾，平時都會膚面膜保濕。呢款aio面膜非常適合穩定皮膚，加強保濕。 呢款4合1面膜嘅設計與別不同，有重點集中修護面部四大壓力區，採用雙層膜布設計，令到皮膚吸收得更好。用完一星期覺得法令紋都有淡左，肌膚更保水！ 用完產品唔會覺得痴立立，做到溫和、低敏及親膚的效果。早排做完醫美pico，塊面特別乾，因為無添加色素，無添加香料及無添加尼泊金脂類防腐劑，做完療程用都唔擔心！用完上妝都貼服好多。

Angie好用推薦：面膜剪裁非常貼面，精華液都好足夠，敷嘅時候完全唔會走位，敷完皮膚好水潤

Catty好用推薦：一打開就聞到蜂蜜的味道，很清香！ 裡面的精華液很多， 可以先倒出一些來按摩臉部， 再敷上面膜， 敷15分鐘都不會乾， 生物纖維面膜像是果凍， 有點厚，不過很服貼！👌🏻 只是有時候會移位，可以躺著敷更適合！😆 敷完後覺得毛孔有縮小🤩 肌膚柔嫩，呈現啞光的好肌膚感， 而且敷完不會粘膩，很快吸收進皮膚， 可以直接擦上平時的保養品，不需清洗！

Water好用推薦：本人係混油肌，角質層都比較厚，黑頭粉刺都比較多，做完facial清完一輪都好快打回原形；所以試吓呢枝gel plus睇吓可唔可以改善上述情況。 Gel plus本身係果酸產品，上面會有少少吉吉地同刺眼，但呢啲感覺好快會消失；佢係好水感嘅gel狀，容易塗抹：搽完之後等15分鐘洗走，我通常會配合磨砂一齊用，用完會feel到真係清走咗啲污糟嘢，但一定要定期keep住用先見到效果。 雖然佢係家用版本比較溫和，但做完之後都要注意保濕同防曬啊！

Miaomiao好用推薦：我係混油皮膚質，下巴、嘴角、鼻翼既位置經常有粉刺，鼻上有黑頭。用後覺效果滿意，大概清到8成粉刺黑頭，雖然未至於針清咁乾淨，但勝在安全得黎又方便易用。一星期敷一次已經有明顯嫩膚去角質效果，亦改善到油脂分泌。 質地係偏流質既啫喱狀、透明。Gel plus主打含有15％甘醇酸，濃度都偏高，有一定刺激性。初次使用建議唔好敷太耐e.g.先試5分鐘，用慣左既我覺得可以敷夠15分鐘，有傷口/生粒粒/泛紅嚴重既時候就唔建議用住啦。 本身我既皮膚都容易敏感，暫時用左咁耐係皮膚健康既情況下搽完全冇"la"既感覺，亦冇試過用後敏感。唯獨係酒精味頗濃烈，特別係搽係鼻周既時候覺得太嗆鼻。雖然好快揮發，但係減少d酒精成份會用得比較舒服。

Jane好用推薦：超級適合夏天用既防曬，混油混乾冬天用保濕度都可以，大乾皮冬天要考慮用其他/加強妝前保濕，不泛白，好水好易推開，無香精味，新舊版都用過，重點係平！會一直回購！

Fng好用推薦：防曬度夠高，不泛白，容易推勻， 保濕又透明 ，缺點不防水不防汗，其他一切都好。