開架護膚 推薦好用產品

Julianna好用推薦：認真佢係我用過嘅眼唇液入面唔算特別好 每次都要用足幾次先卸乾淨 仲不如直接用卸妝油 但就係一支幾普通嘅眼唇卸妝 新手可以入嘅 唯一優點就係比較平

Kura好用推薦：呢款眼唇卸妝液真係一流，因為我用防水眼線筆，同埋唇釉都好難卸，但用呢款卸妝液就完全無難度，用完清潔得好乾淨，同埋價錢非常平，值得繼續回購

bibubibu好用推薦：只要我有化妝嘅日子都一定會用睫毛膏，令到睫毛更加濃密更加纖長，但係持久嘅睫毛膏好多時有一個問題，就係佢會比較難卸除 即使係聲稱溫水可卸嘅睫毛膏，有時用卸妝油都係落唔乾淨 我非常推介呢一個落睫毛膏專用嘅產品 已經回購過唔知幾多支 喺日常落妝程序之前只要將呢個精華搽喺用咗睫毛膏嘅位置 然後照正常落妝咁樣去清洗面上其他彩妝 呢個精華好快就會溶咗睫毛膏，無論係幾持久嘅睫毛膏，佢都可以好輕易咁樣溶解 用帶有卸妝水嘅卸妝棉輕輕一抹，又或者係有卸妝油嘅手輕輕抹一下 所有睫毛膏都可以輕易帶走 佢仲會溶埋眼周嘅眼妝 用佢再配上卸妝水，連眼唇卸妝液都唔需要特登買 而且佢冇難聞嘅氣味 梳頭嘅設計可以令每一條眼睫毛都沾上精華 價錢好相宜 一支可以用好耐 非常推介大家使用

jas2468f好用推薦：能有效乾淨地卸除睫毛液，小頭非常好掃，但還是會有少許容易掉入眼睛，但不會太拿

natanatalie好用推薦：乳液的質地非常輕盈，能夠舒緩生暗瘡期間的泛紅和紅腫症狀，非常易推，一點也不黏。

sscxy好用推薦：難得看到有混合肌也適用的防敏感乳液，效果很好，有少許控油效果亦很溫和，連夏天也適合使用，非常喜愛

綺羅香好用推薦：就嚟踏入4字頭大關，照鏡見到自己眼底下出現凹陷，而且多咗皺紋，真係嚇一大跳😱，最衰都係有段時間懶咗，無搽眼霜，搞到啲眼紋出晒嚟，所以做女人真係唔懶得😩 係藥妝揀眼霜時聽到左右隔離係度話L’Oréal 紫熨斗好好用，以前有用開同牌面膜，知佢哋唔少product 都有加入專利成分普拉斯鏈pro，的確可以改善皺紋，就入手一支 唧出嚟係白色乳霜，易推開，管咀設計成好似熨斗咁嘅三角形，可以一路搽一路按摩眼部周圍，幫助吸收，又唔駛用手直接掂到眼霜，非常衛生，搽咗兩三個月，覺得眼底下凹陷無咁嚴重，眼紋都淡返🥰，真係好好用

Rin好用推薦：相比起紅金，我認為他更滋潤一點 所以用量要適當 太多的話，很容易有粒粒 當然每個人的體質也有不一樣，所以一開始嘗試的時候還是要適量適當 而且要按摩多一點點時間才吸收 如同他的名字 有去皺淡紋的效果，除了眼紋他還可以去頸紋 波色因亦比上一代多了一倍效果應該是會更好的

Candy Ng好用推薦：直接感覺清爽不油膩。 尤其喜歡夏天使用，如果大汗，容易出油的人士使用，會更加感覺到它的清爽。即使出汗了，不會覺得臉上印出來的汗水混合油感💗 而且，在購買它之前，我在網上睇過它的成份，多是綠色，安全的成份佔多數。即使敏感性皮膚都可以放心使用😁 網上網紅都講它是沒有微塑膠粒，即使排放到海洋，都不會使海洋受到污染。有些做左環保的感覺🤭🤭🤭

Fng好用推薦：保濕度ok， 乾肌都啱用，搽完之後好快乾，成膜， 同埋易推勻，不會泛白。

Chloeincosme好用推薦：呢排用緊 La Roche-Posay 卸妝水 🤍 性質溫和，卸日常防曬同淡妝夠晒用，敏感肌用落零刺激感～ 🤍 清潔力：3.5/5 卸防曬、氣墊粉底同眉毛完全冇問題 🤍 溫和度：5/5 配方簡單安全，入眼都唔會刺痛，用完皮膚冇泛紅或繃緊，真正為敏感肌設計！ 🤍 使用感：4/5 水狀質地清爽，配合化妝棉一抹就乾淨，唔會留低黏膩感～ 總結： 如果你係敏感肌，平時只化淡妝或主要卸防曬，La Roche-Posay呢支卸妝水係穩陣之選～溫和抵用又方便，會繼續回購！

lhyying1128好用推薦：本人係痘敏肌(´Д` )對卸妝產品既要求會好高，呢款溫泉舒緩卸妝潔膚水係無香料無酒精嘅，而且係敏感皮膚專用品牌，用起黎好安心(o^^o)

dor.r好用推薦：無印嘅護膚品性價比一直都好高，呢支for敏感肌嘅洗泡唔止價錢平仲大大支👍🏻用天然水製成，冇香料色素酒精等至敏成分，低刺激性，唧出來啲泡沫都算細緻🫧兩泵已經夠用全面，洗完面幾清爽乾淨，但保濕度差少少塊面有啲繃緊，個人覺得夏天用會適合啲😉

mandy好用推薦：Muji Sensitive Skin Face Soap Foam 敏感肌潔面泡沫 $68/ 200ml 成分簡單，不含酒精、香料及色素，適合敏感肌使用。 敏感肌潔面泡沫是可以一按即出泡沫的設計， 非常適合早上趕時間的都市人及不喜歡自己起泡的用家使用。 敏感肌潔面泡沫可以起出豐盈泡沫，不過泡沫比較軟身， 而不是一般較企身的泡沫。 主要添加了保濕成分，潔面時感到很溫和舒適， 潔面後肌膚很乾淨，也不會感到乾燥。 敏感肌潔面泡沫價位便宜，一按即出泡沫的設計，方便省時， 而且敏感肌及不同膚質都可以使用，可說是沒有什麼缺點， 是一款性價比高的潔面產品。 含保濕成分: 雙丙甘醇, 醣基海藻糖, 聚季銨鹽-51, 丁二醇 及 甘油 抗衰老成分: 甘油 肌膚修復成分: 甘油

Akassoo好用推薦：用開藍色嗰隻，呢排轉試下粉紅色呢隻，主打比藍色更保濕。 藍色嗰隻本身用完之後塊面會好乾，粉紅色呢隻用完之後其實都會乾，但係比起藍色嗰隻會好啲，而粉紅色呢隻亦有膠原蛋白成份。 用開SENKA系列洗面嘅原因就係因為佢性價比高，唔貴但係洗得乾淨。

Shirlin Ho好用推薦： SENKA膠原彈潤洗顏泡泡真係好好用 CP非常高 咁嘅價錢有咁嘅效果非常好 只要份量少少 就可以有好豐富嘅泡泡🫧🫧洗完面之後塊面都唔會好繃緊 都已經唔止買過一支啦 我會推薦俾身邊嘅朋友用👍🏻👍🏻

Hamiii好用推薦：AHC一向都係cp值高既品牌，價錢平，效果唔錯，唔太乾既天氣用係唔錯既選擇🫶🏻Ahc既眼霜到而家已經出到第12代，而呢支係第9代🌷 官方既成份係： ◼ 注入『逆時空原生緊緻因子』，啟動逆時般的自然彈潤！ • 蘊含膠原蛋白＋彈力蛋白＋高機能左旋肌肽，結構近似人體原生成分，賦予原生肌膚逆時般的極致緊實感！ • 強效緊緻成分－含7種EGF撫紋修護因子，對抗細紋， • 賦活眼周彈亮－添加35種胜肽抗老成分，改善眼周暗沉 • 深層保濕能量－注入10重玻尿酸＋17種胺基酸，深層補水 補水，潤澤既感覺係有既，而且質地cream狀，好易推開，亦都可以好快被皮膚吸收🫶🏻 至於我自己，會將佢搽埋去抬頭紋位置，幫手減淡下d細紋🫶🏻 對於幾十蚊一支既眼霜，性價比很高👍🏻

mandy好用推薦：來自AHC 的第九代青春持久全能眼霜 價位真的很便宜, 而且還大容量30ML, 且含海量對肌膚有益的成分, 實在是非常物超所值的眼霜。 功效: 減少黑眼圈、眼袋及浮腫 增加肌膚彈性 保濕 淡化細紋、去紋 提昇面部輪廓 收毛孔 全面都可使用 AHC 第九代青春持久全能眼霜 質地 介乎滋潤及清爽之間,  完全不黏笠, 而且很好吸收及非常柔滑易於推開。 比起很多日系的抗衰老產品清爽, 日系的抗衰老產品大都非常滋潤, 很少這種比較清爽、保濕又不太潤的產品。 如需上妝, 妝前用這款眼霜就不影響後續上妝。 黑眼圈有淡一點, 但不能天天夜瞓。 有眼袋可使用眼霜頭配合眼霜按摩來減少浮腫。 除了比較大容量, 價位便宜外, 第九代青春持久全能眼霜  不只可用於眼周肌膚, 在全面包括頸部都可使用。 基本上就是可塗於所有皺紋的地方, 如法令紋及頸紋, 非常方便抵用! 大牌的頸霜可不便宜,  有了這款萬能抗皺霜就給大家多一個選擇。 皺紋方面, 個人認為得花多點時間持續使用 才可以有效, 成功沒有捷徑。 近來頗感覺到頸紋變淡了少少。 我都沒有全面使用,

Karman28好用推薦：因來見呢個牌子既洗面幾好用，所以都試下佢支卸妝油，清潔力非常好，而且又唔貴。

Kpl6be6好用推薦：性價比高～通常用嚟卸日常防曬/淡妝都足夠～面上打圈加水都易乳化～用後感算舒爽～

Jane好用推薦：超級適合夏天用既防曬，混油混乾冬天用保濕度都可以，大乾皮冬天要考慮用其他/加強妝前保濕，不泛白，好水好易推開，無香精味，新舊版都用過，重點係平！會一直回購！

Fng好用推薦：防曬度夠高，不泛白，容易推勻， 保濕又透明 ，缺點不防水不防汗，其他一切都好。

Kura好用推薦：呢款洗臉膏嘅清潔力唔錯，無酒精無香味，加水可以起到好濃密嘅泡泡，夏天用去油唔錯，但用完皮膚會有d乾

Zoe好用推薦：價錢合理 正常洗面奶質地 但沒有想像中那麼好用 泡泡還不錯 洗完沒有什麼感覺 可以試一下 對我來說就是普通洗面奶 不要期待太高 不太有美白功效

Chloeincosme好用推薦：呢排用緊 Maybelline 眼唇卸妝液 🤍 清潔力中等，對付防水睫毛膏要濕敷耐少少，再輕輕力抹先可以完全卸得走～ 🤍 清潔力：3.5/5 日常淡妝同防曬可以輕鬆卸除，但遇上強力防水睫毛膏就要多花少少時間同耐心～ 🤍 使用感：4/5 水油雙層質地，搖勻後用化妝棉敷上眼，都算清爽唔油膩～ 🤍 性價比：4/5 開架價錢合理，大大支抵用，適合預算有限嘅學生黨～ 總結： 如果你平時唔係化超強防水妝容，Maybelline呢支眼唇卸妝液都夠用～平價抵用，係穩陣嘅開架選擇！

Fish Tse好用推薦：如果卸唔清化妝品有殘餘係眼到會對眼睛做成傷害，所以揀選眼唇卸妝油既時候必須要好小心 我試過用眼線筆畫係隻手到，然後用普通既油性卸妝油再乳化係卸唔甩，之後再用哩枝Maybelline既眼唇卸妝油倒係棉花到一抺就卸得好乾淨 卸妝油係分開兩層一層油呈現藍色一層水呈透明色，如果要使用之前一定要搖勻佢，之後倒係棉花到敷五秒左右再抺基本上已經卸左大概九成左右，最好就再重複一次以上動作卸兩次就唔怕唔乾淨 溫和配合適合任何肌膚任何狀溶，即使係防水睫毛膏或者假眼睫毛都可以卸得好乾淨，性價比好高 哩個絕對係卸妝既必需品

GinGin好用推薦：起泡型洗面膏，質地好保濕，而且用完唔會繃緊，T字位亦洗得好乾淨，已經買左超過5支了

羅小白好用推薦：用完之後塊面唔會好乾爭，用緊嗰陣有浸淡淡嘅豆乳味，用完之後個人都幾放鬆，同埋都洗得幾乾淨，同埋用緊嗰陣塊面都冇刺痛嘅感覺，成份都幾溫和，再加埋性價比，有興趣嘅話可以一戰

Ceccinmydin好用推薦：Cetaphil 呢支化妝水我係洗面後用手拍上面，質地似水咁薄，延展好快，唔難吸收，唔黏笠，日間用都唔會有負擔，保濕就唔太夠力，夏天用更加啱。 佢係無香味嘅化妝水，連續用落有穩定膚況嘅感覺，膚況起伏少咗，至於提亮／減淡色斑，短期內未見到好明顯嘅變化，美白效果就感受唔到🙈 成份溫和，有經皮膚科測試，啱敏感肌用，比較適合暗啞、膚色不均及敏感性肌膚 可能會考慮回購大支裝，因為清爽保濕、穩定膚況幾啱我需要，但如果你想短期見到亮白／減斑嘅話，呢支未必係速效型。整體係用得舒服但唔算神級😉

wingche好用推薦：轉天氣皮膚易敏感，易爆拆咁紅紅腫腫，上次買舒特膚精華送咗爽膚水，點知一用愛上，好啱換季時用，價錢唔貴，想紓緩紅，化妝棉濕敷！ 夜晚想清潔啲，用化妝棉加爽膚水抹走作二次清潔；朝早想化妝貼啲，倒係手心拍上面。 望下我一上手就秒速滲透就知係轉季入手一定要有！ 已經用到空瓶諗住入手～

Hchan好用推薦：會入手這條防曬是因為看到消委會推薦，測試結果顯示它的防曬效能高但價格便宜，現時夏天的太陽太毒辣，因不想曬黑我習慣外出前臉部及身體都塗防曬。 它的質地是乳霜狀，有淡淡Nivea經典的香味，因比較稠要慢慢推開，塗開後會有一層包覆感，比較滋潤，不是我喜歡的清爽質地，混合偏油肌的我覺得它塗臉的話，與後續的化妝品不太融洽，妝較易浮，所以我改作塗身體，值得稱讚的是它不會泛白，穿黑衣服的話即使塗過防曬的手腳擦到，也不會有白痕令人尷尬，雖然它標榜涼感但感覺不太明顯。 塗身體用量較兇，已經正在用第3條，一整個夏天都沒有曬黑的情況出現，以前用開Biore那藍色方罐的，清爽是清爽，又便宜，就是一直來有曬黑了一點，這條性價比高，就是瓶身設計不太好擠，但確實有效果會一直回購。

lingbb好用推薦：- 性價比高既防曬 - 呢款防曬消委會高評佢，就吸引咗我去買 - nivea既其他防曬我有用過，呢款個味同其他系列既味都係一樣，一開首個味幾重，但隔一陣就冇味 - 質地cream狀好推，上面唔會有泛白，吸收後會透明咗，一開首塗抹係有點滋潤感唔會太笠，但吸收過後皮膚會有啲乾，建議使用前後都要做好保濕 - 呢枝防曬防水防汗，會用埋黎塗係身，性價比高，補防曬都會落力啲 - 使用呢款有spf50+ PA+++冇曬黑過

Fng好用推薦：肌研白潤美白化妝水｜秋日轉季美白 肌研呢支「白潤水」（百零蚊大大支）一直係開架人氣王，今個秋天轉季專登拎來試真啲，睇下係咪真係好用！ 質地與膚感：👍👍👍👍 (驚喜！) 倒出嚟係帶少少稠度嘅透明液體，初時驚會黏，點知一拍上臉瞬間吸收，完全零黏膩！用完皮膚係水潤柔軟嘅觸感，冇酒精唔刺激，對轉季易敏感嘅混合肌超級友好。 美白效果：🤔 (溫和派) 用咗大半支，最明顯係膚色均勻咗，嘴角同鼻翼嘅暗沉有改善，成塊面睇落冇咁「灰黃」。不過要期望用完白幾個度就諗多咗，佢屬於細水長流型，幫你維持住個亮度同透明感。 秋日保濕力：👍👍👍 (剛剛好) 香港秋天忽冷忽熱，佢嘅保濕力對混合肌來講恰到好處，兩頰夠潤，T位又唔會笠。後續疊加精華同乳液，成個保濕程序完美配合！ 總結： 一支零出錯嘅平價美白打底水！特別適合預算有限、想溫和提亮膚色嘅學生黨同護膚新手。雖然唔會帶來驚天動地嘅美白效果，但作為日常保養，絕對係誠意之作！

Jane好用推薦：質地清爽，吸收快。保濕度唔錯，性價比高，啱夏天使用，亦冇香精味。

killkew.b好用推薦：貪平買黎試下😅 對於平日淡妝黎講卸妝力尚算ok, 但用量要夠多(3-4泵)先可以做到乳化效果👍 落眼妝就唔算乾淨 但用完塊臉唔覺得油膩

mandy好用推薦：Senka Perfect Watery Oil 水感保濕卸粧油 這瓶專科 的 卸粧油 是舊版，新版為 All Clear Oil。 質地跟一般卸妝油接近，有點油膩感。 帶點水蜜桃的香味, 能徹底卸除彩妝。 加水乳化再沖洗後，肌膚清爽潔淨不乾燥。 價位便宜，性價比高。 含保濕成分: 礦物油 及 甘油 抗衰老成分: 甘油 及 維他命E 肌膚修復成分: 甘油 抗氧化成分: 二丁基羥基甲苯  及 維他命E 鎮靜消炎成分:  維他命E 美白/均勻膚色成分:  維他命E      

Susu好用推薦：本身冇用開防曬，因為對防曬嘅感覺就係又黐立立又焗悶，但係因為今個夏天太陽真係太曬，所以入手咗呢支防曬，呢支防曬嘅質感幾好，唔會好抗拒，用完佢之後會有少少調色嘅效果，同時都可以令到個底妝更加貼服，個人幾推薦香港嘅天氣用  #底妝升級好物

jaye好用推薦：物理防曬呢點個人十分喜歡，絕對唔係水凝質地，係白色乳霜質地，搽上面係難推開既，好難均勻，同埋都有泛白感，不過即使質地少少厚身都唔覺黏笠既，作為日常用都可以既，但需要時間去搽均勻。的確無刺激到皮膚亦無粉刺問題。使用感一般。

LenaC好用推薦：這是我第一次使用日本”senka 專科“的”保濕化妝水 吸引我試既 係“Senka專科“全系列無酒精、無香料、無色素 啱晒我（敏感肌） 講講佢嘅保濕化妝水 質地水潤偏稠 特別適合乾性皮膚 做到持久長效保濕亦可以沾濕海綿當敷面膜使用 敷完覺得超水嫩 用後感：個人皮膚本身唔算特乾 佢呢隻超級水潤 輕輕多按摩幾下皮膚都好吸收 唔會好黐立立而且佢各種無添加 啱晒敏感皮膚使用 我自己用完呢隻爽膚水會省略之後既乳霜 因為已經夠晒潤 通常係平時week-end - 無街去 - 呆在家中 - 懶洋洋 - 乜都唔想做嘅懶人護膚 “routine“😅😂😂🤣

Noel好用推薦：由於個人屬於大乾肌，但凡日系保養品中分了清爽／滋潤型，我都會毫不猶豫選購滋潤型，這枝專科保濕化妝水亦不例外😉 專科這個品牌值得信賴，使用過旗下多款產品，也沒有敏感或不適，加上價格實惠，超級推薦啊～ Senka Deep Moisture Lotion II (Rich) 呈透明無色，沒有香料，液狀質感，有點像啫喱水／精華水，比較濃郁＋稠。 這款保濕化妝水含： 💧天然絲繭精華 💧雙重透明質酸 整體的保濕力很好，我這個大乾肌 approved ♥ 而且保濕效果幾持久，第二天早上都仍然感覺滋潤👍 Moisture Lotion ll 塗到皮膚上會快快被吸收，使用感良好。就個人護膚習慣而言，我喜歡塗兩至三次化妝水，才上精華素。奇怪的是，多塗這個化妝水的話，吸收速度會變得比較慢，感覺膩了點。 所以使用這枝化妝水時，我會有不同 routine： 1️⃣ 潔面後快快為皮膚補水（拍1次） 2️⃣ 用紙纖化妝棉濕敷全面當作面膜（大量） 以冬日護膚＋補水而言，方法2️⃣非常值得推介，就算濕敷用量大也心痛✔ #冬季保養