開架洗面乳 推薦好用產品

Ceccinmydin好用推薦：呢支洗面係平時AHA洗臉乳嘅acne版本，除咗AHA果酸成分之外，仲加入左抗暗瘡成分，去角質之餘幫助控制暗瘡生長，適合油皮或者有暗瘡嘅皮膚 用後感：氣味上唔太鍾意，有浸人工檸檬味，效果同同系列差唔多，暫時未見到有改善暗瘡效果 適用膚質：油肌/暗瘡肌

Verna好用推薦：這支潔面乳是我在逛個人護理店時買的，我見到它的價錢親民，而且這品牌的產品質素又不錯，就買來試試 我沒有用起泡網來幫助起泡，但它也很容易起泡，泡沫豐盈，用它來洗面很舒服，洗完面後，皮膚很乾淨，也沒有繃繃緊的感覺 整體感覺良好，但沒有很驚豔的感覺，差不多質素的潔面乳有很多選擇，所以用完之後，我未必會回購，反而想試試其他品牌的產品

Lalaleia 好用推薦：普通一支潔面乳，清潔力OK，用完冇話會特別乾，但亦無話皮膚會潤滑，勝在價錢親民。

橘子貓好用推薦：完完全全不起泡的洗面奶。流動性好高，跟lotion一樣。洗完臉好似用了乳液般，清潔度一般，不太適合混油肌。因為是買B5 Cream套裝內贈送的，我留待醫美術後使用，勉勉強強用完了一枝試用裝。不適合我的膚質，不考慮回購。

Sarah好用推薦：當初是買套裝送的，所以有用一段時間。這支是潔面乳，但佢係免沖洗配方，個人不太理解，總之每次用完都沖水。個人覺得佢質地比較厚，唔會喺太多泡，非常油潤。感覺上唔似洗面乳，而係似潤膚乳多啲。

GinGin好用推薦：起泡型洗面膏，質地好保濕，而且用完唔會繃緊，T字位亦洗得好乾淨，已經買左超過5支了

羅小白好用推薦：用完之後塊面唔會好乾爭，用緊嗰陣有浸淡淡嘅豆乳味，用完之後個人都幾放鬆，同埋都洗得幾乾淨，同埋用緊嗰陣塊面都冇刺痛嘅感覺，成份都幾溫和，再加埋性價比，有興趣嘅話可以一戰

Sakura醬好用推薦：日本Rosette海泥洗面膏用後感！！ 呢支綠色管嘅洗面膏真係我用過咁多隻之中，清潔力同滋潤度最好嘅洗面膏！ 拎到手之後，支嘢嘅包裝管身揑落去軟淋淋，仲好有彈性添！ 擠出嚟嘅膏體係灰色，聞落有陣淡淡嘅泥味（證明真係海泥嚟㗎～），不過整體都算幾清新！ 將啲膏擠喺手度，加足夠嘅水，慢慢捽，就會出超多泡沫，而且仲要好細密！！！！ 我通常會重點捽個鼻哥位，一來我T字位好易出油，二來我鼻哥嘅黑頭好多。 好喇，重點嚟喇，洗完塊面之後我神奇咁發現，鼻哥上面啲黑頭同毛孔裏面嘅污糟嘢真係少咗好多！而且一摸自己塊面，奇蹟般咁滑溜，好似BB嘅皮膚咁！ 連續用咗幾日之後，塊面基本上冇乜痘痘啦！皮膚前所未有咁透亮！ 真係超級鍾意！實會再回購！！！！

zetalhc好用推薦：喺日本藥妝店購入，清潔能力同潔淨毛孔嘅能力都普普通通，但係就勝在性價比好高，長期用可能會覺得洗得唔夠乾淨會堆積角質

貓餅好用推薦：學生時期的恩物，便宜又好用，按出來就是泡泡，能夠保濕皮膚，溫和不刺激，用完不會繃緊，好用

Karman28好用推薦：因為懶，所以買左支一唧就係泡泡既洗面，真心唔太鐘意，唔夠同款洗面膏起泡棉密，使用感無洗面膏咁好。

Sandy好用推薦：日本洗面乳 我用去洗埋頸 溫和配方無香味😄 一大支好抵用 喜愛佢原因 😁 用完之後皮膚冇掹掹緊 購自專門店😄

Hamiii好用推薦：洗完面有點乾 夏天用還好 乾燥天氣就免啦 呢個價位既洗面我唔會揀佢，用完就算啦

iliya 好用推薦：呢款潔面泡沫方便使用，一擠出嚟就係豐盈嘅泡沫，唔使再自己慢慢打起泡沫，但係用完後有繃緊嘅感覺🤦🏻‍♀️

格仔餅公主好用推薦：泡泡洗面好方便不過好快用哂一支，洗完塊面有好乾淨既感覺，建議夏天用因為佢保濕感普普通通

Rooibos tea好用推薦：又係因為平所以求其買嘅，呢支清潔力唔差，但係有陣怪味同埋洗完會乾，夏天用還可以，其他時間都太乾

jas2468f好用推薦：呢一支冇其他顏色咁乾，真係灰灰地泥質嘅感覺，濕潤既泥土味好臭，唔鍾意個味，但又唔係特別乾淨

TinaWongLK好用推薦：日本超人氣洗面膏！SANA 豆乳潔面乳 足足有150g 添加高純度豆乳異黃酮 ， 潔淨同時養膚， 洗完臉超乾淨 一啲都唔乾（奶白泡沫狀）， 每次洗臉都好enjoy～ *敏感肌放心用 ✅清潔力✅柔滑感✅溫和不刺激 #火熱新品

Chloeincosme好用推薦：曾幾何時好Hit嘅洗面奶， 對我嚟講就麻麻地🥲 洗完面一秒有一種乾澀感😢要即刻加強保濕！ 雖然介紹話佢有美白效果，不過預左洗面產品都冇咩可能可以幫手美白，所以冇效果係預左🤣 應該不會回購了。

Cy好用推薦：呢支洗面奶特色係含6種保濕植物精華又不含Paraben防腐劑、香料、色素、酒精、礦物油等成分，任何膚質都用得擠出來是白色膏狀物，能用手心輕鬆搓出泡沫，起泡後我會由T字位開始劃圓按摩，最後先到面頰2邊，過程大概10幾秒雖然泡沫不算多都算夠綿密，如果想要綿密啲可用起泡網 。 使用感受：洗完臉後感覺臉部幾乾淨清爽，洗淨力都唔錯，日常毛孔內嘅污垢都可以輕鬆洗淨，就算係用完冇防水性嘅防曬都洗得好乾淨，洗完面後即使冇即刻擦護膚品，依然有保濕感👍🏻完全係冇繃緊嘅感覺～推介

Hamiii好用推薦：種草好耐既洗面 果然唔錯 呢個牌子既賣點係無酒精 無防腐劑 低敏👍🏻 搓幾下就起到好綿密既泡 洗完又唔會覺得皮膚乾 價錢亦唔貴👍🏻 用完呢支會買新版繼續用👍🏻👍🏻

Hazel好用推薦：見佢好得意，所以買來試，其實佢似磨砂膏，多過日常用嘅洗面膏，佢有磨砂粒子，好似係紅豆咁，粒子都幾大，所以按摩面部嘅時候要輕力，我通常一星期用一至兩次，唔會日日用，好可惜已經停產．

格仔餅公主好用推薦：好耐之前見到有間舖頭清貨大平賣，見到係綠茶咪試吓囉，佢個綠茶味幾清新唔會好假，洗完唔乾，驚喜！