開架彩妝 推薦好用產品

cchristy好用推薦：Kate既眼線筆聽講好好用，今次試左陰影，都唔錯，盒入面連埋掃，不過個掃冇分開一格擺，所以每次都會掂到啲粉。陰影既色都幾岀，唔會太淺或深，對我黎講啱啱好。另外仲有一隻珠光款，不過我唔太中意閃所以就冇試。

bibubibu好用推薦：啡色陰影無閃粉 白色打亮部份有閃 妝效相當低調，用好多都好似冇用過咁 不過佢送嘅掃幾舒服 適合用做打陰影用途 整體唔算太推介 除非閣下嘅膚色比較白淨就可以一試

Noel好用推薦：因為玫瑰壓紋入手的！難得 KATE 走型格路線，也會偶爾少女心，於是入手了這盒玫瑰三色眼影🌹色號為 #OR-1，很日常的橘色調眼影粉，三色分別為：啡、橘、香檳。 因為這盒只有三色，已經係 no brainner，打底色，眼尾色等，都一目了然，零出錯👌 美妝入門，或眼影新手，都能輕鬆駕馭❗眼影粉質幼滑，不會有顆粒，質感良好，亦沒有飛粉問題👍（唯一，拼色上比較悶，也不能畫出另一眼妝。但這個問題，購買前已經明白。） 顯色 🌟🌟🌟🌟🌟🌟 粉質 🌟🌟🌟🌟🌟🌟 持久 🌟🌟🌟🌟🌟 價格 🌟🌟🌟🌟🌟

橘子貓好用推薦：Dark Rose Shadow #OR-1 眼影外形設計滿分！三色眼影壓成一整片玫瑰花圖案，很特別。 粉質來說，細緻度、飛粉程度、易取粉、顯色度、暈染力等各方面表現都理想，屬於不太需要技巧就可以輕易畫出一個簡單的眼妝。 至於持久度和氧化程度方面，跟大部分開架品牌眼影表現一樣：一般。 唯一使用上要留意的便是最深色那一邊的棕色，過度暈染會容易令橙色變髒。 如很喜歡玫瑰壓花，可以考慮入手。

Fng好用推薦：602號色， 橙色裸粉， 適合黃皮使用，夠顯白， 掃毛柔軟，唔會吉面，細細盒方便攜帶去旅行。

Verna好用推薦：這美顏胭脂的粉質很幼細，很貼服自然，它總共有5個顏色，而我這款的色號是270玫瑰紅，顏色很自然，一抹，氣色立即變好了，就算我疊加了幾層，顏色仍然很自然，沒有粉感，反而有種自身透出來的紅潤感 它細細盒，價錢又親民，cp值很高呢👍

mavis好用推薦：顯色度非常高，搽一層已經好足夠，滋潤度都好足夠，唔會令到個嘴好乾，冬天都啱用

iliya 好用推薦：真我水潤唇膏非常水潤一啲都唔乾，保濕力十足，而且顏色都比較百搭，配搭唔同妝容都得，特別係日系妝容！

LorraineTsung好用推薦：Visee既眼影我真係好鐘意💕 眼色好靚之餘仲好顯色又百搭👈🏻 而且質地好滑唔飛粉👍🏻 . 我今次入手既係 GR-7 但我相中無用到綠色！用左橙色做主色😉 感覺即刻好日系🥰又唔會顯眼腫👍🏻

Noel好用推薦：Visee 四色眼影，係個人覺得最欠買既日本開架眼影組合❗顏色組合超實用，顯色度，持久度等等既表現，都很理想，而且價格親民，非常值得推介❣ 先分享購買主因，係因為：電視廣告超級燒🔥 睇了廣告之後，就燃起必須要入手的購買慾🤣 我手上的顏色係 #PK-3 正正就係 Model色號❣ #PK-3 係偏紅既大地色系，日常翻工超好配搭，個人可以用這盒，化出2個眼妝 👌 產品本身而言，四色眼影中，最淺色，左上角有點Cream 狀，包裝上亦註明了 “glossy base” 值得一讚👍 講求快速上妝時，有了這一格做打底，就唔需要再找眼影底膏🤗 另外三色眼影均為粉質，很soft，手指或者眼影掃，都能輕易沾取眼影😍 配色方面，右上近玫瑰金色既眼影深得我❤ 無論眼尾色配暗紅色 / 深啡色，都超級襯💕 如要挑剔，就係顯色度，同歐美眼影比較，日系眼影顯色度略低一點~

Karman28好用推薦：由Majolica 係香港撤櫃果陣買，用到依家都未用完。 係一隻好顯色既胭脂，本身就帶有粉撲，容易使用。而且佢係帶有閃粉，令個妝更加靚。同埋佢真係好襟用，已經係成日化妝既人，但都用到好耐。

格仔餅公主好用推薦：一盒細細盒方便帶出街補妝，不過粉質就真係普通啦，會顯毛孔，叫做顏色同埋包裝好甜美比較吸引女仔買

Karlie好用推薦：旅行時購入！ 帶點香檳金色的光影，很適合亞洲人偏黃的膚色 粉質幼細，顯色度高 最重要係價錢平，cp值很高

Hamiii好用推薦：好簡單既香檳金色highlight 我多數拎黎畫卧蠶 搵眼影掃輕輕帶一帶過就收工 每次用量勁少 用左成年都未用完🫣

Noel好用推薦：ColourPop 暖調的4色高光盤，黑五優惠時購入，一盤四色，每色都是大大的 regular size OMG❗超有誠意的高CP化妝品。高光包括了帶黃色、粉色、珊瑚色 undertone，基本上一年四季都可以用這般走天漄❣ 高光粉壓得很實，不易飛粉，手指觸感很滑👍而且顯色度高，屬於高調的 highlighter，喜歡低調高光的，請避開。唯獨帶粉色的高光有一點點顯毛孔，沒有另外三個好用啊！ #我的秋冬愛用彩妝

zzzhelen好用推薦：lunch money係一款好啱一般偏白膚色用，有少少香檳色，好自然。我幾鍾意佢有少少濕潤既感覺，唔會飛粉。少少就夠哂閃，可以用好耐

Cosmeemee好用推薦：係我第一款用嘅唇膏🤣 有少少香味，幾好聞 我認為呢款唇膏比較Creamy 用得耐就會有少少乾， 建議用之前可以搽咗潤唇膏打底先🤭

格仔餅公主好用推薦：有少少香味既唇膏，如果本身嘴仔乾建議搽潤唇膏打底，佢唔係好保濕，如果有死皮會幾顯眼添㗎，顯色度就麻麻哋唔係好實色個種

shadow影子好用推薦：去韓國旅行嗰陣時買嘅，鍾意佢顯色度很高，可以打造雅致嘅唇色，輕鬆打造性格妝容，超適合秋冬天使用。詢問度很高喔。

yykk88好用推薦：#夏季戀愛感妝容 雖然係戴住口罩，但同男朋友約會個陣唔少得會有去沙灘、去餐廳食野無戴口罩既情況出現，所以我夏季依然會用唇膏（同埋買左唔好浪費嘛haha!）～ 之前睇facebook廣告就睇中左Clio既唇膏顏色，於是就係佢到一買買左4支！自己中意查啲自然啲既coral色！查完之後個人望落都精神左！男朋友都忍唔住錫多幾啖，仲話呢個色睇落白啲同自然💕 我有咬嘴皮同搣嘴皮既壞習慣，所以個嘴成日好乾同有嘴唇紋～用左clio既唇膏可以幫我修飾返啲唇紋，睇落無咁乾～用左靚靚唇膏就忍左手唔搣唔咬嘴皮！推介大家試下clio既唇膏，價錢都好相宜 非常適合我呢啲小資女成日換色🥰先至一次過買4支！ 總括而言：| (• ◡•)| 質 地：♥︎♥︎♥︎♥︎♡︎ 價 格：♥︎♥︎♥︎♥︎♥︎ 保濕度：♥︎♥︎♥︎♥︎♡︎ 顯色度：♥︎♥︎♥︎♥︎♡︎ 持久度：♥︎♥︎♥︎♥︎♡︎ 推薦度：♥︎♥︎♥︎♥︎♡︎

Kura好用推薦：呢款唇膏雖然係啞面唇膏，但搽上嘴顏色超靚，完全唔會顯唇紋，價錢好平

kameari好用推薦：顏色上是不錯，也很上色，感覺厚實，但顯唇紋，一定要保濕之後塗。

natanatalie好用推薦：Cp值好高，但我呢個乾唇嘅人嚟講，略略顯唇紋，必須打左底搽左潤唇膏先，以呢個價錢嚟講算幾好

jas2468f好用推薦：超級平，學生黨之選，包裝係嗰種幼身細細支，好好茶，顯色度都高, 但係呢就有少少乾, 一定要打潤唇膏底

chaeselin好用推薦：疫情開始戴口罩後，唇膏就可有可無了，戴口罩已經夠乾還要霧面唇膏就更乾了…… 但之前買春天櫻花系列的顏色（PK013）還不錯，只是真的太乾了

kameari好用推薦：早前好喜歡用霧面唇膏就入手了，因為本身會使用潤唇膏所以都唔算太乾，整體不錯又未去到好突出。

Chi好用推薦：粉質方面：霧面眼影粉質好細滑，摸落去好軟 但可能因為啲粉壓得唔係太實，好容易會起咗少少一堆仔既粉 珠光眼影粉質唔算太細，不過下排第二格嘅粉紅色珠光我好鍾意❤️用嚟點綴眼皮應該唔錯 顏色飽和度適中，唔似平時歐美眼影咁飽和 配色方面：整體顏色偏紫調，cool tone 主要可以化到酒紅 紅棕眼妝 而且上排中間個粒綠棕眼影幾特別 上係眼尾暈開幾靚 唔會奇怪 右下兩格粉紅色珠光可以做點綴 但化唔出以粉紅色為主既眼妝 （似紅酒盤多過玫瑰盤) 我睇咗好耐先睇得出上排頭2個顏色係有少少少少既深淺色分別，咁我就當佢比兩個打底色，唔怕用得多啦 Cp值高 多謝cosme送出呢份禮物：） （活動獎品）

綺羅香好用推薦：感謝 @cosme嘅禮物，已經好耐無入手新眼影，正好呢個巴黎盤係我無嘅粉紅系眼影，9隻色入面有6隻色係霧面，剩低3隻色係緞面，正奇怪無亮片色，粉質細膩，容易上色暈染，因為無亮片色，所以妝效唔會好誇張，比較偏低調，技術好啲應該唔難化出巴黎女人嘅慵懶氣質

Noel好用推薦：Essence 的 rainbow highlighter 🌈 沒有什麼毛病可挑剔，價格優惠，品質不錯，更加係台灣製造，真的很佛心的產品！高光粉做得很細緻，粉質幼滑，高光粉也壓得實，不大會飛粉，讚❗顯色度也有驚喜，每個色的高光都能呈現👍 唯一彩虹高光已退潮流，少見有人使用。另外就是接受程度方面，少有香港女仔會用。不過，這大大一pan 的高光還可以用作眼影的配搭，已經很不錯了👌 #我的秋冬愛用彩妝

Ariel好用推薦：好抵去watsons買野，買3樣產品就送依個高光，之前見到佢好hit,但係無買黎試。終於可以試哈哈。佢好神奇，每個顏色可以做眼影，唔係好顯色，但係絕對見到顏色，但係撈埋又係無色的閃粉。用嚟打光效果都可以，中規中矩。

jellybeanyay好用推薦：價錢真係好平，又有鏡又多顏色，可以化到唔同嘅妝。顯色度十分高，我分別揀咗3種唔同嘅質地試上手比大家睇，分別係淺啞色、深啞色、閃粉色，3隻都係十分上色易推開，唔會飛粉，我會用眼影底霜打底先再上眼影，所以眼妝都會非常持久。性價比超高嘅眼影盤， 如果好似我咁鍾意歐美系妝容嘅可以放心入手。

lkmannn好用推薦：顏色睇落好日常，但顯色度太高，睇落好淺色嘅顏色都好深色，睇落深色啲可以做主色嘅顏色都用唔到，但價錢係好平。

Noel好用推薦：最近某藥妝店八五折購入，這個色號 #05 #Soft Brick 磚紅色。這個產品雖然叫唇彩，但是，它是啞緻 finish的，不會全乾，比較似 mousse 質地。它有微微染唇效果，但不強烈👌 色選不算多，但日常色已齊備。 塗到唇上 creamy，帶滋潤感，並有淡淡雲呢拿味❣#05 的顏色很顯白，我膚色比較自然，用它的話會自覺皮膚變白了少許🤩 這個 WakeMake 唇膏不像 liquid lipstick全乾，還是會沾杯沾囗罩，建議用紙巾壓一壓。

傻傻小貓好用推薦：本身唇色偏深，佢就遮到我嘅深唇色，加上呢排又成日要戴口罩，啱晒搽tint

Giselle 好用推薦：Ettusais 柔滑水潤唇膏 09號 $125 *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 呢支係前年秋冬嘅新品，一推出就已經被各大日本美妝博主推爆Σ(ﾟﾛﾟﾉ)ﾉ因為佢隻色超級無敵爆炸靚₍ᐢ⸝⸝› ̫ ‹⸝⸝ᐢ₎佢薄塗就係略帶啡色嘅偏粉嘅紅色⸜(๑⃙⃘'ᵕ'๑⃙⃘)⸝⋆︎*隻啡色係有少少似紅茶嘅顏色，超適合秋冬化嘅紅茶妝( ˘͈ ᵕ ˘͈ )厚塗嘅就會加深咗啡色嘅比例，唇色就會變成咖啡嘅啡色⸜( ´ ꒳ ` )⸝♡︎我自己就建議如果係膚色偏黃嘅小夥伴唔好厚塗full lip 因為會比較顯膚色更黃( ･᷄-･᷅ )建議係唇部外圍薄塗然後向內加深咁就會唔凸顯皮膚偏黃同時又可以享受到佢嗰種超靚嘅啡色( ⸝⸝•｡•⸝⸝ )另外因為佢係有染唇效果，所以雖然食飯飲水嗰陣係會hi走咗啡色嘅部分，但嘴唇上會仲有好似偏無花果色嘅紅色(pq*´꒳`*)♥︎♥︎*。因為我屬於懶得食完飯補妝而且唇色偏無血色嘅人，所以佢嘅染唇效果係可以令到我個妝唔會因為食完飯唇膏脫色而搞到整體妝容變到奇奇怪怪咁(* ´ ｪ `*)♥︎雖然話係染唇效果，但佢係屬於容易卸

LenaC好用推薦：Ettusais 既柔滑水潤唇膏 唇膏質感滋潤柔滑 非常貼服 揉合補濕成分紅花精油 為雙唇補濕唔會顯唇紋 唇色鮮明而透亮 襯咩妝容都好自然諧和 色澤持久 唔易脫妝 玫瑰紅唔太突出 俾雙唇自然紅潤感 同自然光澤感 #夏季戀愛感妝容

royu3好用推薦：visee 出品一向信心保證，這盒30週年的限定眼影盤果沒有令我失望！ 外觀以Unicorn顏色為主，少女感滿滿🎀 盒內印有燙金的字句，不失華麗！試色圖如下： 1-8 為眼影 9為啞色胭脂（個人不喜歡） 10為陰影，適合加深眼窩及鼻樑輪廓3、4、7 為珠光，質感挻幼滑 其他色都含亮片 1、5、6 、8適合點綴眼妝 特別喜歡6黃色、8紫色 少量用作點綴，能改變眼妝的整體感覺， 變得更立體更Blight Blight✨眼影色較適合個人色彩為Warm tone 春季色的朋友，很有氣色，超級可愛！！ 美中不足的是胭脂色，太顯色了很易變成曬紅的感覺⋯ 其他基本上沒癈色，能輕鬆自由地配搭出各種感覺的眼妝💓 近期大愛的一組眼影！ #火熱新品

Verna好用推薦：我第一次用這品牌的眼影，這是30週年紀念限量版，它有10隻顏色，有珠光、啞緻、陰影粉、金屬色，十分多元化，所以就買來試試 但我覺得有些顏色比較少用和難carry，而且粉質不夠細緻 #火熱新品

Circlecyy20好用推薦：使用感不錯 簡單易用 用在眼皮有時間推開而不即時事 而閃度算不錯

lwt14好用推薦：顏色好靚，超服貼，完全不黏， 抹開即刻乾，珠光同亮片好細緻，而且好方便，可以好快化完眼妝。