開架唇膏 推薦好用產品

lingbb好用推薦：- 感謝cosme早前嘅禮物，opera lip tint真係久仰大名，屋企唇膏亦太難用完一枝，今次真係忍唔住開，結論係：我終於明點解咁受歡迎，我都受感染了！！ - 呢隻色號係09，就咁睇以為好深色，我本身咀冇乜色，一上咀係令我驚訝，圖為疊加咗兩層，顯色度好明顯，由無血色變得天生好血色，我未試過用咁滑嘅唇膏，就好似將啲油塗上咀一樣咁舒服，上完咀會有層食完炸雞髀嘅無味油份係咀，完全唔黏笠，秋冬天用佢薄薄一層打底已經好夠潤。 - 發現顏色同唇膏色完全唔同，我咀係有種自然偽素顏，元氣滿滿嘅感覺，當時間耐啲顏色會更明顯，成個使用感100分 - 真係好大愛啊，乾咀人士一大恩物！

sylsylsyl好用推薦：細細枝 好方便帶住周圍去 一貫日系風格顏色清透 質地足夠自然，然後有少少染色嘅感覺 佢唔係不脫色果種但就係甩咗都仲會有紅潤感 好適合我平時想有d血色日常用

Nicnic好用推薦： 03 暖陽奶茶 04 南瓜烈酒 05 乾燥無花果 持久度：🌕🌕🌕🌕🌑 妝感：glossy 閃粉：❌ 佢個質地係潤但又持久嘅，打破平時潤就一定唔持久嘅定律😂。佢甩嘅先甩光澤、潤嗰part，但係顏色仲係stay喺嘴喥💋即使印落紙巾喥，都無乜色，好神奇！🤣🤣唇紋方面，唇紋深嘅人表示唔覺有好明顯嘅修唇紋效果，不過都冇加深嘅～☺️ 不過佢有染色效果，所以愈補唇膏，個顏色會愈濃郁。而且都要比啲心機卸妝～ 03 暖陽奶茶 我最鍾意嘅色，淺淺嘅奶茶色，任何時候唔想用腦諗搽乜之選，好白搭，基本日常妝都襯到。因為佢色號淺，愈補愈深色嘅情況唔明顯。 喜愛度：❤️❤️❤️❤️❤️ 04 南瓜烈酒 南瓜色底調嘅紅色，薄搽好顯氣色、精神，厚搽好顯膚色同牙白。呢隻色嘅妝感比較明顯，素顏搽就會有啲奇怪。 喜愛度：❤️❤️❤️❤️ 05 乾燥無花果 顏色係無花果色，有少少紫調嘅紅色，薄搽，厚搽會成熟啲，有機會顯老😗。潤澤嘅質地令佢喺陽光下閃閃發光✨✨ 喜愛度：❤️❤️❤️💕

A&R好用推薦：見到@cosme推薦的唇膏，毫不猶豫就走去買了一支試吓，怪獸級數顏色持久，兼且滋潤，呢個名都真係幾特別，買咗02號淺色推薦的顏色，易襯唔會太誇張，搽上嘴之後好自然，令人精神很多，滋潤嗰層甩咗之後顏色都依然喺度，比其他有顏色的唇膏印在杯上邊紙巾上淺色很多。

KDing好用推薦：比我想像中更好既唇膏，我用既色號係16號色，佢係奶茶色，有啲似Estee Lauder 524色，都係偏向溫柔既色，新年去另一半屋企拜年，有氣乖之餘又唔會令人覺得誇張。 佢質地相對係透薄少少，唔會好實色，都幾岩淺唇色既人用，但深唇色既人用就會唔太顯色。同時佢滋潤度都幾高，用佢之前都唔一定要打底，單用佢都唔會顯唇紋。 不過要注意佢持久度唔算高，飲水都易甩，要間唔時要補唇膏，但當有色潤唇膏用都ok 顯色度：3/5 滋潤度：4/5 適用場合：斯文場合

poonpoon好用推薦：多話@cosme禮物🩷即刻開嚟用 Canmake 持久豐盈水潤唇膏💄09 酒紅色，但其實唔會好深色。第一層自然，第二層顏色更突出。 豐唇效果好好，再上光澤感，顯年青👧🏻筆狀唇膏貼合唇形，潤滑顯色，而且唔會拔乾。 唔貴，學生黨/或者唔常化妝既人都可買， 當日常唇膏用都得，尤其而家冬天需要滋潤度高既唇膏💄 完全做到提升個人氣質，襯落新年着紅色衣服好搭👍🏻新年去唔同地方拜年，好多時傾計傾到口乾，或者食賀年零食，依枝唇膏甩得嚟唔會一撻撻🤙🏻就算打緊麻雀🀄️唔拎塊鏡出嚟照都可以補唇膏💄

Kura好用推薦：呢款唇膏係我買俾自己嘅聖誕禮物，顏色非常適合秋冬，價錢唔貴，但係搽上嘴超級靚，非常突顯氣質，唇膏嘅紅色飽和度好高顯色度高，同埋光澤感十足，搽上嘴顯得膚色非常有氣色，令到成個唇妝立體感十足，同埋唇膏係偏潤質地唔會顯唇紋，仲有d豐唇嘅效果，我係非常鍾意呢款唇膏，我會買多幾做禮物送俾朋友一齊試 @cosme #禮物 #禮物 #禮物

Tobimak好用推薦：我買呢隻係#02號色，輕輕搽一層已經十分顯色，滋潤度亦很好，細細支好適合放衫袋手袋隨時拎出嚟補妝。 所以總括而言性價比很高，我很推薦給小資女。

Karlie好用推薦：入手了505號色！ 價錢十分親民，而且包裝好靚 滋潤度不算很高，但亦唔算乾！ 是我喜歡的偏透明感色系！(想飽和度高d可以塗多層) 缺點就是比較易甩色！

bibubibu好用推薦：顏色買咗102號 係一個好靚嘅my lips but better顏色 搽上嘴會顯得氣息好好 質地柔滑 唔會顯唇紋 唔算乾 持久度正常 食完飯都會有少少顏色 唔需要成日補妝 包裝方面都幾可愛 蓋上面嘅金色部份仲可以當鏡用嚟補妝 非常方便 以佢嘅價錢來講係相當抵用 性價比高 

Rchy好用推薦：質地潤滑，有顏色之餘有好好嘅潤唇效果 唔會乾爭爭 係台灣買嘅 香港暫時未見到有 如果唔係一定會回購 見用到凹入去都仲用緊就知道有幾鍾意用🤪

Tobimak好用推薦：呢支既顏色係BE1。我本身唇色比較深，但輕輕搽一層已有亮澤好氣色。而佢質地好潤，連潤唇膏都唔洗搽❤️ 如果果日想偷懶唔化妝，但又唔想望落咁攰既話就用佢啦😗

bibubibu好用推薦：色號517 質地係satin 有少少光澤感而唔算好水潤 搽上嘴幾滑身 又唔顯唇紋 相當顯色 肉眼見到嘅顏色 搽上嘴就係一樣顏色 唔算好持久 食完野就會冇哂 但以佢嘅價錢嚟講係無可挑剔 性價比高 仲可以配上唔同造型嘅唇膏case 可以買多幾隻唔同顏色都唔心痛

Verna好用推薦：我在網上見到有人介紹，這品牌的唇膏是超平價，而且質素不錯，逛商店時見到，就買來試試 原來這唇膏的唇膏芯和唇膏殼是分開賣的，所以可以自選喜歡的唇膏殼花紋顏色，而且下次再買時，就可以環保一點 我看官網介紹，全部總共有22個顏色，分開7個色系，而我選的色號是#553紅色系，我覺得有點似珊瑚色或者豆沙色，很容易carry和配搭 它的質地很柔滑水潤，因為成份有玻尿酸，所以不用潤唇膏打底也可以，塗上咀感覺很滋潤，而且有點點的光澤感，CP值真的很高 不過我覺得它有點容易掉色，這是唯一美中不足

YolandaAuYeung好用推薦：Excel化妝品一向靠譜，打底霜、粉底、乾粉、蜜粉、眼影、眼線筆通通用過了，每樣也十分岀色！第一次試用它的唇膏，果然沒有令我失望！ 唇膏質地幼滑貼服，塗上唇後沒有起皮，而且還帶岀水潤感，光澤感大增，令咀仔十分sexy，誘發岀一股知性美！ 圖中使用色系: GB07 #此生摯愛唇彩

橘子貓好用推薦：#GB06 紅棕色，熱賣斷貨色。唇膏光澤感強，挺滋潤。外型也跟一般開架不同，黑金金屬包裝更有質感。

Verna好用推薦：這品牌的唇膏很經典，我記得我讀書時，偷偷地拿媽媽的唇膏來搽，也是這個品牌🤭 這款麗采唇膏是品牌最經典和皇牌的產品之一，它的質地透薄，搽的時候好像搽奶油般順滑，搽完不會有黏住雙唇的感覺，而且很顯色，雙唇也很滋潤，就算忘記用潤唇膏打底也不會很乾 年末的時候，臨近聖誕節、冬至和元旦，特別多party、聚會和約食飯，當然要打扮得美美地見人，唇妝當然不可少 它的顏色選擇很多，有超過20個顏色，連質感也有4個選擇，包括柔潤、啞緻、珠光和亮澤，總可以選擇到合心水的唇膏。我買了#775 Super Red 和#225 Rosewine，#775 是經典正紅色，適合濃妝和比較正式的場合，而#225就有點像豆沙色，適合日常的自然妝容

Ming好用推薦：Revelon呢支唇膏顏色好自然，搽上口個人即刻精神咗，顏色都last得耐，持久，不過查完之後都係用紙巾印一印會好一點，然後再搽上透明唇蜜效果會更加好。卸妝都好方便好容易。評價中中等等。

inkitsung好用推薦：Crystal Duo Lipstick 系列💄💄 一個透心涼既設計，出面clear層有角鯊烷保濕成份，包住入面發色既color層～ 自然漸變唇色1支就攪掂曬～👍🏻👍🏻 成個系列一共有10色，我今次試既係💋OR260💋橙色 由於主打係"透潤"，個人覺得顯色度唔算好高～ 以我呢d無色唇黎講，一係打底再搽，一係搽2-3層就會效果好d~ 至於講"潤"，普普通通喇～ 但整體都易搽易推，以呢個價錢絕對抵買！👍🏻👍🏻

葉子🍃好用推薦：色號RD464,唇膏出面設計係透明，再包住入面閃粉唇膏，顏色無色差，夠自然，簡單易用，顯色，仲有美容液成份夠滋潤，不顯唇紋，只係持久力一般

Giselle 好用推薦：Ettusais 柔滑水潤唇膏 09號 $125 *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 呢支係前年秋冬嘅新品，一推出就已經被各大日本美妝博主推爆Σ(ﾟﾛﾟﾉ)ﾉ因為佢隻色超級無敵爆炸靚₍ᐢ⸝⸝› ̫ ‹⸝⸝ᐢ₎佢薄塗就係略帶啡色嘅偏粉嘅紅色⸜(๑⃙⃘'ᵕ'๑⃙⃘)⸝⋆︎*隻啡色係有少少似紅茶嘅顏色，超適合秋冬化嘅紅茶妝( ˘͈ ᵕ ˘͈ )厚塗嘅就會加深咗啡色嘅比例，唇色就會變成咖啡嘅啡色⸜( ´ ꒳ ` )⸝♡︎我自己就建議如果係膚色偏黃嘅小夥伴唔好厚塗full lip 因為會比較顯膚色更黃( ･᷄-･᷅ )建議係唇部外圍薄塗然後向內加深咁就會唔凸顯皮膚偏黃同時又可以享受到佢嗰種超靚嘅啡色( ⸝⸝•｡•⸝⸝ )另外因為佢係有染唇效果，所以雖然食飯飲水嗰陣係會hi走咗啡色嘅部分，但嘴唇上會仲有好似偏無花果色嘅紅色(pq*´꒳`*)♥︎♥︎*。因為我屬於懶得食完飯補妝而且唇色偏無血色嘅人，所以佢嘅染唇效果係可以令到我個妝唔會因為食完飯唇膏脫色而搞到整體妝容變到奇奇怪怪咁(* ´ ｪ `*)♥︎雖然話係染唇效果，但佢係屬於容易卸

So Fun好用推薦：自己的面色本身比較黃，經常俾人話唔舒服嘅樣，所以選擇了這個顏色，看上去比較自然又不會誇張，又可以增加血色。 這個牌子的唇膏本身都有足夠的滋潤，但如太乾燥建議再搽潤唇膏打底。

mavis好用推薦：顯色度非常高，搽一層已經好足夠，滋潤度都好足夠，唔會令到個嘴好乾，冬天都啱用

iliya 好用推薦：真我水潤唇膏非常水潤一啲都唔乾，保濕力十足，而且顏色都比較百搭，配搭唔同妝容都得，特別係日系妝容！

shadow影子好用推薦：去韓國旅行嗰陣時買嘅，鍾意佢顯色度很高，可以打造雅致嘅唇色，輕鬆打造性格妝容，超適合秋冬天使用。詢問度很高喔。

yykk88好用推薦：#夏季戀愛感妝容 雖然係戴住口罩，但同男朋友約會個陣唔少得會有去沙灘、去餐廳食野無戴口罩既情況出現，所以我夏季依然會用唇膏（同埋買左唔好浪費嘛haha!）～ 之前睇facebook廣告就睇中左Clio既唇膏顏色，於是就係佢到一買買左4支！自己中意查啲自然啲既coral色！查完之後個人望落都精神左！男朋友都忍唔住錫多幾啖，仲話呢個色睇落白啲同自然💕 我有咬嘴皮同搣嘴皮既壞習慣，所以個嘴成日好乾同有嘴唇紋～用左clio既唇膏可以幫我修飾返啲唇紋，睇落無咁乾～用左靚靚唇膏就忍左手唔搣唔咬嘴皮！推介大家試下clio既唇膏，價錢都好相宜 非常適合我呢啲小資女成日換色🥰先至一次過買4支！ 總括而言：| (• ◡•)| 質 地：♥︎♥︎♥︎♥︎♡︎ 價 格：♥︎♥︎♥︎♥︎♥︎ 保濕度：♥︎♥︎♥︎♥︎♡︎ 顯色度：♥︎♥︎♥︎♥︎♡︎ 持久度：♥︎♥︎♥︎♥︎♡︎ 推薦度：♥︎♥︎♥︎♥︎♡︎

Cosmeemee好用推薦：係我第一款用嘅唇膏🤣 有少少香味，幾好聞 我認為呢款唇膏比較Creamy 用得耐就會有少少乾， 建議用之前可以搽咗潤唇膏打底先🤭

格仔餅公主好用推薦：有少少香味既唇膏，如果本身嘴仔乾建議搽潤唇膏打底，佢唔係好保濕，如果有死皮會幾顯眼添㗎，顯色度就麻麻哋唔係好實色個種

Noelle S好用推薦：絕色絨霧啞光唇膏1299焦糖拿鐵，係萬記先買到。霧面橙紅色，質感柔滑，顯色又唔乾。食野係會脫色的，但價格相宜，設計小巧精緻，係專櫃慢慢揀，試過鍾意就買咗啦。

mandy好用推薦： MAYBELLINE Color Sensational Creamy Mattes Lipstick #660 Kissed 絕色艷麗 柔滑粉緻唇膏                          $95 我在幾年前買過 MAYBELLINE 的 霧面唇膏, 持久度非常好, 顯色零色差, 可是用起來唇部實在容易乾燥, 而且要花很多時間才可把唇妝完全卸掉! 幸而 絕色艷麗 柔滑粉緻唇膏  雖同為 霧面唇膏，質感比較creamy, 滋潤度高，不會令唇部乾燥。Creamy 的質地也令唇膏更易上妝。 如果想用霧面唇膏又怕唇部乾燥，可以考慮用絕色艷麗 柔滑粉緻唇膏，實在是性價比高之選。 購入限量版色號#660 Kissed, 是啞緻的豆沙紅色, 非常漂亮 又不會太突兀。 是每天都可擦上的唇色, 很好搭! 含油性滋潤成分: 芝麻油 保濕成分:    醋酸鹽維他命E 及 蜂蜜 抗氧化成分:   醋酸鹽維他命E ，季戊四醇四（雙-t-丁基羥基氫化肉桂酸）酯 及 蜂蜜 鎮靜消炎成分:   蜂蜜

Noel好用推薦：最近某藥妝店八五折購入，這個色號 #05 #Soft Brick 磚紅色。這個產品雖然叫唇彩，但是，它是啞緻 finish的，不會全乾，比較似 mousse 質地。它有微微染唇效果，但不強烈👌 色選不算多，但日常色已齊備。 塗到唇上 creamy，帶滋潤感，並有淡淡雲呢拿味❣#05 的顏色很顯白，我膚色比較自然，用它的話會自覺皮膚變白了少許🤩 這個 WakeMake 唇膏不像 liquid lipstick全乾，還是會沾杯沾囗罩，建議用紙巾壓一壓。

傻傻小貓好用推薦：本身唇色偏深，佢就遮到我嘅深唇色，加上呢排又成日要戴口罩，啱晒搽tint

Kura好用推薦：呢款唇膏雖然係啞面唇膏，但搽上嘴顏色超靚，完全唔會顯唇紋，價錢好平

kameari好用推薦：顏色上是不錯，也很上色，感覺厚實，但顯唇紋，一定要保濕之後塗。

natanatalie好用推薦：Cp值好高，但我呢個乾唇嘅人嚟講，略略顯唇紋，必須打左底搽左潤唇膏先，以呢個價錢嚟講算幾好

jas2468f好用推薦：超級平，學生黨之選，包裝係嗰種幼身細細支，好好茶，顯色度都高, 但係呢就有少少乾, 一定要打潤唇膏底

chaeselin好用推薦：疫情開始戴口罩後，唇膏就可有可無了，戴口罩已經夠乾還要霧面唇膏就更乾了…… 但之前買春天櫻花系列的顏色（PK013）還不錯，只是真的太乾了

kameari好用推薦：早前好喜歡用霧面唇膏就入手了，因為本身會使用潤唇膏所以都唔算太乾，整體不錯又未去到好突出。

蝦米好用推薦：d色好特別同埋外型好靚 我支係+3 偏粉紫 好自然好靚

jackielai好用推薦：買咗-2嘅啡色，用嚟搭配其他唇膏做漸變嘅效果好靚。唇膏本身質地滋潤顯色，包裝亦都好靚，值得推薦。