專櫃護膚 推薦好用產品

Myonlyone好用推薦：同你哋分享吓我最近支新寵——Estée Lauder嘅「新生活膚彈活輕盈面霜」。真係堅得！ ✨第一感覺：質地輕盈到冇朋友 一打開就係陣好舒服嘅高級花香。舊式滋潤面霜成日話「笠」，呢隻完全唔會！佢係嗰種好幼滑嘅乳霜，一掂到皮膚就好似化開咗咁，「咻」一聲就吸晒，唔黐立立，亦都唔會油光滿面。朝早趕住出門口搽完，再上防曬同粉底都唔會「搓泥」，正！ 💧水潤感係咁樣㗎 我係混合肌，T字位好易出油但面頰又會乾到「攝」手。用咗呢隻面霜之後，成塊面嘅水油平衡好似好咗！唔係浮喺面頭嘅「假潤」，係摸落去覺得皮膚底層飲飽水咁，好Q彈。而家就算開成日冷氣，塊面都keep住有光澤，唔會下晝就乾到現細紋。 👍緊緻效果？有料到！ 初初用頭幾日，淨係覺得好舒服好潤。但用夠一個禮拜左右，就開始覺得有啲唔同。最明顯係朝早起身照鏡，成塊面好似冇咁浮腫，個下巴線條出返少少。特別係按完護膚品之後，覺得塊面嘅皮膚好似「實淨」咗、有彈性咗，唔係鬆泡泡。我阿媽仲問我係咪瘦咗，塊面尖咗喎！（我心諗：係呢樽嘢嘅功勞呀！） 📝總結俾你 如果你都係： ➜ 怕面霜「立」，又想夠保濕 ➜ 想塊面睇落冇咁累、冇咁腫 ➜ 需要支早晚都用得、打好

SzeChan好用推薦：🧏🏻‍♀️《Estée Lauder 新生活膚彈活輕盈面霜》 @esteelauder_hk 初老症狀出🙈就特別關注細紋、皺紋甚至頸紋等等問題，呢啲問題真係特別易顯老😣 又想令肌膚每一個細胞充滿彈性《Estée Lauder 新生活膚彈活輕盈面霜》就幫到大家喇❗️ 等等講吓呢盒面霜嘅厲害成份先喇❗️佢有全新成分「芙蓉花-8分子精萃」➕「辣木精華 」➕「仙人掌植物桿細胞萃取物」➕「高濃度透明質酸 」❗️呢啲成份都令肌膚充滿膠原蛋白同鎖緊水分，長效保濕添❗️ 💁🏻‍♀️【功效】 ☀️抵禦初老跡象出現 ☀️令面部輪廓更立體分明 ☀️淡褪皺紋、細紋及頸紋 ☀️深層滋養及鞏固肌膚屏障 ☀️幫助鎖緊水分，長效保濕 💁🏻‍♀️【用後感】 面霜質感細滑，輕輕一推瞬間即時被肌膚吸收❗️好多用家使用後都有顯著功效，而我都唔例外。使用了大概1星期多後，下顎緊緻咗、蘋果肌飽滿咗、仲有笑紋都減淡埋添❗️現已持續使用咗一個月了，肌膚更水潤又有彈性❗️即使面臨現時較乾燥情況下，肌膚仍變得水潤透亮、細滑緊致、有彈性、有光澤感❗️係一盒超高CP值嘅面霜❗️

莓莓好用推薦：🌿 Kiehl's亞瑪遜白泥毛孔深層清潔面膜 🌿毛孔吸塵機・黑頭剋星 講到深層清潔，十個有九個都會諗起Kiehl's呢支 #白泥大神！幾乎個個護膚達人嘅浴室都有一樽，今次就同大家做個真實測評，講清佢嘅質地、效果，仲有唔少人會忽略嘅優點同缺點！ 🌸質地與香味： 質地係好幼滑嘅灰白色泥狀，好似好濃稠嘅希臘乳酪，好容易推勻。佢嘅香味好天然樸素，冇加咩人工香精，就係一陣好淡好淡嘅泥土礦物味，聞落好安心，唔會攻鼻。 🌟 清潔效果實測： • #黑頭白頭大掃除 ：敷大概8分鐘，等到佢乾咗七八成，用溫水打圈按摩沖洗，特別係鼻翼同下巴位，真係會見到啲黑頭粉刺浮咗上嚟，用棉花棒輕輕一刮就清走好多！ • #油光拜拜 ：用完之後個鼻同額頭嘅油光真係即刻收斂咗，成塊面感覺好乾淨清爽，毛孔好似識得呼吸咁！ • #毛孔視覺縮細 ：因為毛孔入面嘅污糟嘢被清理走，所以睇落去毛孔冇咁顯眼，皮膚即刻光滑咗。 💡 優點缺點逐個數： ✅ 優點： ▸ 清潔力強：對付黑頭白頭真有一手，係「功效型」產品。 ▸ 成分天然：主打亞瑪遜白泥，溫和唔刺激，大部分肌膚都適用。 ▸ 一樽用好久：用量好省，每星期用一两次，一樽可以用

Kitty 好用推薦：呢隻泥膜去黑頭同深層清潔好有效，想同大家分享下用後感先～ ✨質地同味道： 灰白色膏狀質地，推開唔算好厚重，有少少涼涼哋嘅感覺。聞落有陣淡淡嘅泥土味，唔會好濃，感覺幾天然。 ✨使用過程： 我通常洗完面之後，薄薄敷一層喺T字位同鼻翼兩側（呢兩個位我最多黑頭同毛孔問題）。等大概10-15分鐘，見到面膜乾咗，有少少緊繃感，就用溫水打圈按摩沖洗。呢個時候會感覺到有細細粒嘅顆粒，輕輕磨砂咁幫手去走啲死皮同污糟嘢！ ✨用後效果： 沖完水之後真係覺得塊面乾淨咗好多！最明顯係鼻頭嘅黑頭同白頭浮咗出嚟，可以用粉刺針輕輕刮走，感覺好治癒～毛孔望落去冇咁明顯，而且皮膚摸落去滑溜咗，冇咁粗糙。仲有呀，敷完之後塊面有種清爽感，唔會繃到扯住咁，後續護膚品都吸收得快啲！ ✨個人心得： 我覺得呢支面膜幾適合混合性同油性肌膚，尤其是夏天出油多嘅時候用，控油效果唔錯。乾肌就可能要留意唔好敷太耐，同埋之後要做好保濕。我通常一星期用1-2次，每次用完都覺得皮膚呼吸返咁～ 總括來講，Kiehl's呢隻白泥面膜確實係幾出色嘅深層清潔產品，值得推薦俾各位姊妹！😊

YiN好用推薦：係買潔面套裝送嘅卸妝膏細盒裝，拎去旅行啱啱好。細盒裝唔似貨裝有送匙羹，所以我每次都係拎大概嘅份量嚟用。佢係水凝霜狀，唔似我平日用開balm狀嘅卸妝膏要等佢用體溫嚟溶，搽上面即刻推得開，好滑有啲卸妝油嘅感覺。帶有嘅花香味都幾濃，沖水之後都仲有香味殘留，我自己習慣會再用洗面膏洗面，所以唔太介意。基本嘅粉底眼線唇膏都卸得到，不過需要花多啲時間用少少力捽，感覺係屬於溫和型，唔係速戰速決型。我另外試過搽咗防水睫毛膏嘅日子用，佢就冇辦法卸到太強嘅防水產品，要另外用眼唇卸妝液。 想讚嘅位係，沖水洗乾淨之後，完全唔會覺得乾，皮膚有清爽感得來又滑滑地，洗出嚟感覺係好舒服嘅。

Milo101好用推薦：🌟霜狀卸妝膏，非常柔滑 🌟塗上後，利用手指按摩推開的動作，可以帶動卸妝，所以要持續打圈按摩 🌟卸妝效果乾淨，不會油膩

Sophia好用推薦：Clinique 這款淡斑精華都算幾出名，用完1支正貨感覺還好👀 * 質地清爽好吸收👍，溫和不刺激🥰，適合敏感肌 * 提亮膚色✨，有保濕效果💧 * 淡斑效果：新痘印淡化效果明顯✅；陳年斑點暫未見有效 * 總結：有效提亮膚色✨、淡化斑點可能需耐心持續使用⏳️

SammyN好用推薦：香味甜甜的，手感稍油，因此塗抹之後皮膚有一部份感覺較滑。使用後冇感受到淡斑，可能不適合我🥹

YYeman好用推薦：終於俾我搵到妝前救星！MAC白芍面霜 卡粉甩皮嘅姊妹集合！我唔准仲有人未用過MAC呢支白芍面霜，真係完美掌握咗妝前保濕嘅精髓，簡直就係底妝嘅神級助攻！ 質地係輕盈嘅雪糕感，一推就開，潤得嚟唔油膩，完全唔會對皮膚造成負擔。每次用佢，都覺得似同塊面做緊豪華SPA，皮膚即刻被水潤包住。 核心成分係珍稀雪域白芍，再加煙酰胺、神經酰胺同霍霍巴籽油，組成Pro4修護矩陣。唔單止可以由底層提亮膚色，仲可以平衡、重塑同加強皮膚屏障，等塊面由內到外散發健康光澤。即使帶妝成日，個底妝都依然乾淨透亮，暗沈卡粉全部消失！ 用咗佢之後，上妝超順滑，粉底好似同皮膚融合咗一樣，毛孔、乾紋統統隱形，鼻翼同嘴角呢啲易卡粉位都變得貼服。無論你係乾皮、油皮定混油皮，佢都輕鬆駕馭，真係全膚質通用嘅寶藏面霜！ 一支搞掂妝前保濕、提亮同養膚，MAC白芍面霜簡直就係底妝界嘅「全能王」，邊個用都會愛上！未試過嘅寶貝一定要試，絕對會成為你嘅妝前新寵！ -

Nicole 好用推薦： 質地比較厚身，但都算容易推開，自帶淡淡香味。 我通常天氣比較乾燥時才會用它，只針對局部位置，不會全面都用（本身混油皮）不用塗太厚，不要塗完馬上上粉底，給它一點時間吸收，後續底妝會更服貼和不卡粉。

Carmen好用推薦：大家睇相係咪認唔出係咩呢～ 其實係Shiseido既終極再生乳霜！ 平日唔鐘意用面霜既我，一試愛上呢個面霜！ 用完唔笠仲皮膚好嫩！必定回購！🤍🤍🤍 至於點解個包裝會變成咁？ 因為呢個面霜唯一既缺點就係個包裝好大舊，好難拎上手！ 我就拆左個外殼啦，原來都好易拆，只要撕左底既貼紙，用一蚊銀扭一扭，拆左個底，之後開蓋就可以拆埋中間部分，好易整。如果大家都係儲存係櫃內，不妨可以拆左佢，會更加愛上呢個面霜🤍

noputa00好用推薦：Shiseido Bio Performance真係好啱香港秋冬用！我混合乾肌，夜晚用完第朝啲皮膚即刻潤晒，唔會笠黐黐。已經空瓶咗兩罐，冬天真係必備！質地夠潤但吸收快，就算夏天開住冷氣瞓都唔怕乾到繃緊。唯一缺點係價錢有啲貴，但保濕力真心無得輸，會繼續回購！

Emily Leung好用推薦：呢支MAC煥顏精華真係幾有驚喜！ 質地係奶白色乳液狀 推開好似絲絨咁滑 吸收完個面係乾爽嘅 但摸落去又夠潤 後續搽防曬/化妝都唔會搓泥 用咗兩個禮拜最大感受係： ✅ 皮膚穩定咗好多 ✅ 鼻翼兩邊啲粗大毛孔睇落冇咁顯眼 ✅ 成塊面有種『喝飽水』嘅光澤感 （唔係油光個隻喔！） 特別鍾意佢陣淡淡花香味 好高級嘅感覺 每次用都覺得自己好似去咗做facial咁 雖然價錢有少少貴 但一支做到保濕+修護+煥亮 計返都算抵！會想回購～」 #MAC精華 #清透煥顏 #毛孔救星 #底妝貼服秘訣

Also melon好用推薦：我皮膚係混合偏乾，唔係好鍾意用太滋潤嘅護膚品，只要有適合嘅水潤感，而唔會令之後化妝乾燥就足夠。 MAC煥顏精華嘅質地好似濃郁嘅精華，半透明狀偏淡黃，推開之後吸收得好快。推開之後好絲滑，帶有水感，過幾秒後，面上的乾燥感就冇咗，亦唔會有油油的感覺。可以令到面部係有一種水光肌，而不是出油肌。作為日常護膚絕對冇問題，但因為佢有香味嘅關係，我都係比較鍾意化妝之前用佢，用完之後粉底液係好貼服。 對於皮膚偏乾嘅人來講，可能滋潤度唔夠，但對混合肌嚟講就啱啱好。

Bchonfrise 好用推薦：好開心Cosme抽中我參加Decorte WHITELOGIST 1.8倍高濃度截黑美白精華既試用活動！😆😆😆我本身有濕疹同玫瑰痤瘡，皮膚比較敏感，所以唔係好夠膽試美白嘅產品！但今次用完Decrote既美白精華都完全冇敏感，而且真係有效果，所以真係好開心呀！我好怕啲skincare好笠，但皮膚又比較缺水，所以想skincare夠保濕，但係質地又唔可以太笠。今次Decorte完全做到！精華嘅質地比較流質，質地輕盈，但係唔黏笠，保濕效果係冬天都夠足夠，只需要喺精華後加面霜，第二日皮膚都依然水嫩！毛孔整體都細咗好多，而且個膚感都好柔軟！除咗保濕之外，美白嘅效果都非常明顯！照片可以見到使用前，肌膚比較黃同暗沉，而且面都會有之前生暗瘡留低嘅豆印，泛紅同埋膚色不均，毛孔都比較粗大🥲 第一次我係晚上使用，提亮同保濕既效果都可以保持到第二日！蠟黃感少咗好多！毛孔細啲膚感都柔軟好多😝 而且持續使用14天後，皮膚黃氣同埋暗沉有明顯改善，更加白淨透亮，光澤感都有更加明顯🥰而痘印同埋泛紅方面都有減淡到，皮膚睇落去因為毛孔細咗，所以感覺更加柔嫩冇咁粗糙，亦都飽滿好多！好似真係飲飽水咁！配合埋WHITELOGI

Georgia好用推薦：首先感謝 @cosme 抽中我試用DECORTÉ WHITELOGIST 1.8倍高濃度截黑美白精華❤️🤗 呢款新產品日本2026年1月16號先發售，好開心可以喺日本推出嘅時候，就已經可以喺香港同步試用！！心情真係十分之興奮🥹💃🏻 平時我唔敢亂試美白產品，因為我本身係乾燥敏感肌，好怕會刺激皮膚，所以一開始用呢支高濃度美白精華都有d擔心，但用落之後，完全無刺激感，反而好溫和！質地清爽得黎但唔油，同時又可以滋潤到肌膚，推開好快就吸收晒，完全無厚重感💧 質地清爽，非常容易推開✨ 用咗大約半個月時間，每日都早晚使用，效果我覺得係幾明顯，蠟黃暗沉減少，膚色均勻咗好多，照鏡時覺得自己皮膚白淨咗一級✨。而皮膚摸落柔滑細緻，整體膚況更健康透亮🌸，而且完全無刺激感，乾敏肌用落都好安心😌😌 我覺得最吸引嘅係佢唔止抑制黑色素，仲可以強化皮膚屏障。對我呢種容易乾燥敏感嘅肌膚真係好有用，特別係最近乾燥低溫嘅天氣情況下，用落皮膚更穩定，比較淺嘅色斑有慢慢淡化，膚色愈嚟愈透亮。呢支美白精華真係好驚豔，效果超出我預期，好鍾意🥰❤️同埋我都想讚吓佢個包裝，係十分之高級，拎上手亦都好有份量感。 呢支美白精

Water好用推薦：係Caudalie嘅皇牌系列，帶有淡淡香味，令人感覺舒緩；膏狀質地，容易推開之前冬天帶去旅行用，好夠保濕；夏天喺香港當埋面霜用，都唔會令到塊面好笠唔舒服，好評！

Blooming好用推薦：Caudalie 白藜蘆醇提昇緊緻精華，質地好滑，用完皮膚都好軟滑，好易推好快吸收，可幫助膠原蛋白自己增生，抗衰老的一款精華。

Kitty 好用推薦：呢款經典面霜質地係豐潤嘅霜狀，要係掌心搓揉乳化㗎！我通常加爽膚水搓到變半透明再輕輕印上塊面，一掂到皮膚就知唔同啲～即刻有種被滋養嘅感覺，但完全唔黐立立👌 💧水潤保濕度真係無得彈！ 朝早瞓醒摸落去依然軟嫩，好似有一層保護膜鎖住水份。以前轉季鼻翼會甩皮，今年居然平安過渡，妝容都貼服好多！ 緊緻效果呢，就真係要讚👍 我本身有少少baby fat，易浮腫，輪廓唔算好明顯。連續用咗幾星期，發現下巴同顴骨位有種被托住嘅感覺，睇落線條精神咗！唔係即時變V面嗰種，而係皮膚好似實淨咗、有彈性咗，搽嘅時候順便按摩埋頸部，連頸紋都覺得淺色少少～ 最驚喜係修復力！ 有一次敏感泛紅，厚敷一晚第二朝就退紅七八成，果然係急救面霜之王👑 皮膚狀態穩定咗，毛孔都感覺細緻d～ 雖然價錢真係肉赤，但對於需要修復、抗初老嘅乾肌/混合肌來說，確係值得投資。記住乳化步驟好關鍵，同埋晚間用效果最明顯～ 想皮膚有水潤光澤同緊緻感嘅朋友，可以試試佢！🌟

TsuenMa好用推薦：#LA MER MOISTURIZING CREAM #深層水潤 #修復乾燥 乳白色嘅cream狀，有一陣好香嘅雪花膏味，摸上手好Creamy，質地好結實，但比想像中嘅容易推開，亦都可以好快咁被皮膚吸收😳 主要成份係一種專利叫做Miracle Broth™活膚精華同埋可以用嚟抗氧化嘅酸橙茶精華，呢兩大成份可以為皮膚帶嚟水潤嘅感覺，幫助皮膚自我修復。 官方建議嘅使用方法係以手指尖取適量，然後搓暖佢之後先再上面，目的係令到皮膚更加容易吸收到佢，達到預期中嘅功效。 本身對於佢呢一種質地嘅cream ，有少許抗拒，下意識覺得佢同娥羅納英嘅味道、質感都好相似，但用落就知會少咗佢嗰份嘅黏脷感，基本上推開之後就可以比皮膚吸收咗，的確係好適合秋冬季皮膚乾燥嘅時候使用，比皮膚補更加多嘅水份💦

Fng好用推薦：Giorgio Armani 黑钥匙面霜✨ 這罐傳奇面霜猶如護膚界的高級訂製禮服，以南非鳳凰草復活精萃織就極致修護力，卻也需要與之匹配的使用智慧： 🌋 岩漿質地的儀式感 需在手心溫熱乳化至透明，輕拍上臉的瞬間彷彿啟動時光倒流鍵——乾癟的蘋果肌像被注入氣墊般嘭起，連最頑固的法令紋溝壑都被溫柔填平。這種「觸膚化油」的質地變幻，讓它在香港轉季時節展現驚人適應力🍂 ⚡ 三維抗老實測 • 即時修護：熬夜後厚敷當睡眠面膜，翌日毛孔整齊度堪比美圖秀秀一鍵磨皮 • 長期逆轉：連續使用28天，下顎線清晰度提升30%，肌膚彈性質感接近年輕狀態 • 環境防禦：在冷氣房與戶外污染間切換時，膚況穩定得如同擁有專屬微氣候🌪️ 💸 現實考驗 1. 乳化技術門檻：未充分乳化的霜體可能導致悶痘，油肌夏季需減至米粒用量 2. 價格錨定效應：每罐相當於往返東京的機票價，讓日常保養背負經濟壓力✈️ 3. 功效依賴循環：停用後肌膚雖不會斷崖式崩壞，但那種被捧在掌心的光澤感會逐步消散 🔬 成分辨證法 鳳凰草專利組合作為核心，搭配鼠李糖促進膠原生成，但部分敏感肌反映初次使用有微刺感。建議先從每週3次建立耐受，搭配同系列綠

Jessie C好用推薦：作為成熟敏感肌，使用Giorgio Armani Crema Nera Supreme Reviving Cream一週後，感受深刻。 優點： · 極致溫和： 質地豐潤但不刺激，上臉瞬間舒緩，毫無泛紅或刺痛，敏弱肌也能安心使用。 · 修護力強： 獨家「復活濃萃」科技名不虛傳，一夜醒來肌膚觸感明顯更飽滿、穩定，乾燥緊繃感消失。 · 光澤動人： 持續使用後，膚況變得強韌，透出飽水光澤，細紋看起來也淡了些。 總結： 除了價格高昂幾無缺點。是一款能真正「治本」、強韌肌膚的頂級抗老乳霜，值得投資。

Star好用推薦：多謝@cosme的邀請，讓我有機會試用DECORTÉ的WHITELOGIST 截黑美白精華。 今次試用的WHITELOGIST 截黑美白精華，是注入了天然而具有有效美白成分「麴酸」，有效從根源抑制黑色素生成，預防色斑及雀斑的出現，有30 mL同60 mL兩種大小可供選擇。 美白精華的外表都呈現DECORTÉ一貫給人的印象：精緻與優雅。精華是泵裝設計，而每次使用時只需一泵。這樣的好處就是令使用者不用懊惱份量是否正確。 相片中的份量就是一泵，足夠推開全臉。質地屬偏水狀，伸延性高所以比想像中易推，並帶有淡淡的花香味。搽上面後皮膚瞬間吸收，不帶有任何黏膩的感覺。使用後皮膚望落水嫩飽滿。 今次試用的14天內，天氣橫跨潮濕偏熱和乾燥偏凍。不過可以藉此知道此精華是否適合一年四季使用，而結果卻令我大為驚喜。試用期內，有兩三天天氣突然急降約十二度左右，嚴峻的氣溫會令我的皮膚乾燥脫皮。本人皮膚屬於暖色系較黃、混合性偏油，黑眼圈比較嚴重，顴骨位帶有少少色班。而鼻翼附近的毛孔偏大而顯得粗糙。所以在單一使用此精華下，妝後鼻翼位沒有因為太乾燥出現脫皮和浮粉，證明保濕力不錯。而在潮濕悶熱的日子，T字位出油情

Ariel好用推薦：謝謝 @cosme邀請試用 @DECORTE WHITELOGIST截黑美白精華(⁎⁍̴̛ᴗ⁍̴̛⁎) Decorte最新呢款精華主打美白，先講質地，都幾輕盈水潤，無咩香味（對我嚟講係優點），延展性高，好容易推開，亦做到快速吸收，保濕力強但絕對唔會笠！俾大家感受吓個質地先～ 官方建議早晚化妝水後使用，按壓一至兩泵於掌心，輕柔塗抹於面部至吸收～我試用嘅時候係一月冬天，用完唔會覺得乾又唔會覺得笠！塗抹後即時感覺皮膚係有變得彈潤飽滿嘅。我皮膚本身因為成日捱夜而比較暗淡無光，連續試用咗兩個星期之後，膚色有變得均勻，黃氣都退咗好多！而我呢段時間都有做醫美，同埋有用佢，暫時都未見到色班再生😆 我通常每日化妝前用佢，佢都冇同我嘅底妝打交！非常好！！ 如果大家搵緊一支美白精華，我都幾建議入手😭女仔真係要愛自己多啲🗿近排分手個人頹咗好多，但打扮下真係可以好好改變心情🙏🏻同埋用完呢啲精華，成個人嘅氣息都有好咗，建議大家一試無妨👍🏻  好赤裸的原相機效果圖🤣🤣🤣

Vince好用推薦：感謝@cosme邀請本人參與Grown Alchemist 細嫩去角質乳霜試用活動。我膚質粗糙脆弱，容易泛紅，面頰兩邊、下巴和鼻翼兩邊經常缺水脫皮，尤其是在秋冬乾燥的天氣特別嚴重，我十分需要可以溫和去角質的產品，既能去走死皮又不會磨損皮膚。 Grown Alchemist 細嫩去角質乳霜正好符合我的要求。包裝設計簡約，呈乳白lotion 狀，可全面使用，只要慢慢塗抹按摩面部，在角質比較厚的位置重復輕輕打圈，然後過水，就能輕易清洗面上的死皮和角質，肌膚變得光亮。因其質感柔順，磨砂細緻，不會磨損皮膚之餘，還令肌膚變得水潤有彈性，其蘆薈葡萄子油成份更能舒緩面部紅腫不適。我最喜歡它的草本香味，非常治癒，好像享受spa一樣舒服。它成分天然，不會傷害大自然，可放心使用。

Camilalkw好用推薦：呢枝慢慢治療我的暗瘡肌 係枝幾溫和的A醇 但個人認為適合第一次用A醇的皮膚 因為好低濃度 用幾星期會感覺到毛孔有細緻到 唔算好篣吸收得算快

Ding好用推薦：Kiehl’s醫學淡紋緊緻再生精華 含0.1% A醇，胜肽，細胞間脂質以及透明質酸 質地易推，有少許味道。 Kiehl’s 職員建議初次使用第一個星期使用2次，然後第二個星期使用3次，直至肌膚適應後再增加至每天1次。 第一次使用A醇，先一星期用三次然後加到每天一次，感覺温和，初時只有少許脫皮，但很快適應 使用一個月後，毛孔感覺有少許改善 價錢偏中高，$585 30ml

Kathy Wai好用推薦：Bobbi Brown支維他命營養柔亮精華，即係成日講嘅「檸檬面霜」，真係經典中嘅經典！ 質地同氣味： 佢係淡黃色嘅cream狀，質地好豐潤，推開個下會覺得好柔滑，帶住陣好清新嘅柑橘香味，聞落好舒服療癒。 效果同用法： 佢唔係普通保濕精華，而係一支多功能嘅妝前打底精華。最大感覺係用咗之後，塊面會好柔軟、好有光澤感，之後上粉底會變到好貼服，好似同皮膚融合咗一樣，成日帶妝都好少出現乾燥繃緊或者浮粉嘅情況。 總結： 雖然價錢偏高，但對於乾肌、或者喺秋冬乾燥季節，佢真係一支能救你個妝於水火嘅「神器」，絕對係值得投資嘅高級妝前保養品！

Emily Leung好用推薦：「神奇！佢居然5秒可以叫醒塊面嘅『元氣光采』！ 各位姐妹，Bobbi Brown隻橘子精華真係堅到爆😍 嗰種好似軟身雪糕嘅creamy質地，推開好順滑，一搽就化開，超清爽唔黐立立！有陣好清新嘅柑橘香味，好醒神。 入面有煙酰胺同複合水光果萃，補水+去黃提亮一次過搞掂，仲可以令個粉底貼到不得了，輕鬆做到嘭嘭水光肌 佢最犀利嘅地方係可以即時撫平乾紋同起皮，好似幫塊面飲飽水咁。之後再上粉底，個妝會貼服到不得了，完全解決咗乾肌成日卡粉、浮粉嘅尷尬情況。 對於大乾皮或者轉季嗰陣，佢嘅滋潤度絕對夠力。油性皮膚就可能覺得太潤，建議冬天先用，或者淨係用喺局部乾燥位。 缺點： · 價錢偏貴。 · 如果本身係油性皮膚，夏天用可能會覺得有啲「立」。

Gloria好用推薦： 好開心可以得到Cosme X 毛孔護理專家Benefit PORE CARE毛孔護理系列-毛孔水份導入精華（爆水泡泡珠）嘅試用。佢呢個爆水珠珠，係一個水性嘅啫喱入面有油性嘅珠珠，啫喱狀可以好易推開，滋潤的油就慢慢滲透入皮膚，接摩吸收完，會覺得皮膚有一層精華油嘅膜咁好滋潤，但又清爽不立痴痴。佢呢個啫喱狀接觸到皮膚就開始慢慢溶化，而佢個玻璃樽加上樽口設計，要大力少少先可以倒到出嚟，所以較難控制用量。我T字位容易出油，毛孔好粗大，特別下巴位置有好多粒粒。 試用時覺得出油少咗，不過毛孔無變化，皮膚就變得有光澤又好水潤咁。大概第14日，朝早發現下巴位的粒粒裏面啲污糟野浮晒出嚟。用化妝棉清理浮出嚟嘅污糟之後，下巴即刻光滑咗好多，粒粒減淡咗。 用左兩星期嚟講，我覺得用爆水泡泡珠，對於毛孔粗大嘅情況我覺得冇乜太大幫助，但毛孔會乾淨咗，出油情況係改善好多可以keep到成日，同埋皮膚好光澤，膚色均勻咗，摸落去係滑咗嘅。

Carcar好用推薦：首先多謝@cosme 同Benefit 抽中試用一系列收毛孔新品🥳 好開心因為之前自己買過Benefit 既毛孔細緻乳霜黎用，都覺得好好用。今次可以試下其他野🤩正！ 講下個包裝先，好少讚包裝靚，但佢隻色真係好鬼靚，一打開個內盒係粉紅色，撞得好靚，一路開一路期待試呢支 毛孔水份導入精華（爆水泡泡珠）😍 一拎出黎，嘩，d爆珠睇落閃令令，好靚，即刻試用下先！ 試上手，少少份量已經可以推開全隻手。啫哩質地水潤柔滑，一抹即時補充水份。乾燥既細紋即刻被撫平，用後肌膚明顯感到滋潤同嫩滑❤️❤️ 前後前後搽上面時，會聞到淡淡既玫瑰果清香，感覺舒服😌 持續使用兩星期，配合其他benefit產品（滑溜毛孔去角質粉、緊緻毛孔睡眠面膜），面部肌膚變得柔滑，面頰毛孔變細緻。而且感覺後續護膚品更易吸收👍🏻👍🏻👍🏻 肌膚依家水油平衡，訓醒冇再滿面油光😍返工坐喺冷氣房內，到下午都只係出少少少少油，個妝貼服左好多！好開心好鍾意❤️ 推薦給水油唔平衡，T字位油，面頰乾既混合肌🫶🏻

Ching好用推薦：哇，這款真的是我最近的救星！之前在 @cosme 看到好多好評，終於忍不住買了一瓶（雖然價格有點貴，但值了）。 質地是透明的膠狀，感覺有點濃稠但不黏膩，推開後很快就吸收了，不會悶悶的。原本的細紋有點淡化，保濕效果超好，感覺像被修復了一夜。 總結來說，值得推薦給有抗老需求的朋友，尤其是 30 歲以上或皮膚容易疲勞的。雖然不是神奇藥，但持續用真的有差！下次會考慮回購大瓶的。 #EsteeLauder #小棕瓶 #夜間修復 #抗老精華

Karina Ko好用推薦：Estée Lauder advanced night repair 呢條line 一直都係呢個品牌嘅暢銷產品，但礙於價錢嘅關係一直都未試😂自從踏入30歲，眼尾位置就出現左啲細紋，嚇到即刻買返啲保濕抗老產品，如果衰老咗就好難將肌膚逆轉🙈尤其女仔真係水做嘅，要時時補水先可以達到抗老嘅效果🫶🏻 呢個冬天就買左 Estée Lauder advanced night repair ge eye cream呢款眼箱係gel狀，好易推開，搽嘅時候唔會拉到眼周嘅皮膚，減低再出細紋嘅機會！同埋佢係好水潤，搽完眼同好似飲飽水咁。好適合冬天、或者長期處於冷氣嘅地方，時時都幫皮膚補水，咁就可以減低埋出乾紋嘅機會！佢只有少量香味，感覺上好天然，用落好舒服，亦唔會出油脂粒，難怪一直係呢個品牌嘅王牌產品！ 雖然價錢唔平，但佢嘅效果係值回票價嘅👍🏻

Emily Leung好用推薦：【皮膚救星！✔️一按搞掂泛紅敏感！】 有冇人明每次生理期塊面就紅敏嘅痛苦！！！ M期荷爾蒙搞到個人超敏感 唔生性塊面一捽落去粗過砂紙 搞到個人勁焦慮啊啊啊😭 之前一直用開佢支靈芝水 敷面退紅滅痘真係無得輸 今次入手靈芝精華更加冇令我失望 ✔️抗紅敏鐵三角 赤靈芝+白樺茸+甘草根 組成抗紅敏鐵三角戰隊 3大路線打殘紅敏因子 由根源撲滅泛紅 抑制紅敏出現👍 ✔️獨家仿生屏障科技 又修到屏障又減低敏感 先幫皮膚補窿補罅 再起返座城堡幫塊面擋走外來刺激💪 佢係液體繃帶精華乳質地，真係好特別！ 搽上塊面好似貼多層皮 無形中形成咗層隱形修護膜 雖然成膜但係完全冇黏笠悶熱感✨ 而家經期皮膚敏感泛紅終於有解！ 平時夜晚護膚我都用佢 塊面只要稍微唔聽話好快就鎮壓返 第二朝起身塊面水嫩嫩💦 用多排之後發現 皮膚狀態定過枱腳！！

Catherine 好用推薦：朋友介紹購買，用過之後，自己都覺得幾好用，皮膚有改善，有變白滑，沒有過敏

Sakura醬好用推薦：《極緻保濕過夜修護！Laneige睡眠面膜冬季實測報告》 天氣一轉凍，冬季護膚真係一大挑戰！本身已經用緊保濕精華，但瞓覺開暖氣之後，朝早塊面依然乾到繃緊。直到我將Laneige呢款王牌「睡眠面膜」加入晚間 routine，先真正感受到咩叫「過夜深層修護」！ 💧 質地與使用感： 淺藍色嘅啫喱質地，好似一層水凝啫喱，推開非常輕盈。我習慣喺完成所有護膚步驟（爽膚水、精華）後，薄薄敷上一層，完全唔會黏枕頭！味道好清新，搽上臉有瞬間降溫嘅舒緩感。 ❄️ 深層保濕鎖水，對抗冬季乾燥： 香港冬天雖然唔算極凍，但室內外溫差同濕度驟變，好易抽乾皮膚水分。呢隻面膜嘅厲害之處，在於佢能形成一層保濕膜，鎖住之前護膚品嘅營養同水分，等肌膚喺睡眠中慢慢吸收。 第二朝起身最明顯——皮膚係「飽滿有光澤」嘅，完全冇平時冬季嗰種暗啞同乾紋。洗面後膚質依然好柔軟，上妝變得好貼服，真正解決到底妝因乾燥而浮粉嘅問題！ 🔧 強化修復，舒緩日間壓力： 除咗保濕，我認為佢嘅修復效果更值得一讚！如果我日頭曬得多或者塊面有少少敏感情況，夜晚敷完佢，第二日泛紅同唔舒服嘅感覺會減輕好多。皮膚嘅穩定度明顯提升，冇咁易受冬天嘅環境刺激。

Kathy Wai好用推薦：🛌 Laneige 水亮保濕睡眠面膜 冬日深度實測分享 ❄️ 點解冬天特別需要佢？ 香港嘅冬天雖然唔算極凍，但濕度驟降加上室內暖氣，皮膚好容易「外油內乾」，甚至泛紅繃緊。上年試過好幾款睡眠面膜，唯獨呢支嘅保濕滋潤效果可以頂到成晚，第二朝仍然覺得皮膚飲飽水！ 質地同用法小心得 淡藍色嘅凝霜質地，推開似化水，好快吸收。我嘅用法係： 1. 冬天夜晚洗面後，照常用爽膚水＋精華（如果特別乾會加多層輕爽乳液）。 2. 攞一匙羹左右分量，厚敷全面（避開眼周）。 3. 等15分鐘左右，面膜會慢慢變透明，輕輕按摩剩餘嘅膏體，直接瞓覺就得！ 滋潤度同持久力比較 試過連續用一星期，最大分別係： ✔️ 朝早洗面後皮膚依然柔軟，冇「扯住」嘅感覺 ✔️ 化妝前唔需要再急急敷保濕mask，底妝已經好貼 ✔️ 即使寒流到，面頰冇再出現乾燥細紋 冬季護膚小提醒 如果你係極乾肌，可以試吓「三文治敷法」：薄塗一層面膜 → 輕輕拍上保濕噴霧 → 再薄塗多一層。第二朝效果更驚艷，皮膚好似做完facial咁亮澤水潤！ 個人評價 ✨ 保濕力：9/10（冬天單用足夠，極乾地區可疊加精華） ✨ 便利度：10/10（懶人恩物，

Fng好用推薦：Clé de Peau Beauté 鉑鑽淨膚潔面泡沫 ✨ 🌟 第一印象：貴婦級潔面的儀式感 作為資生堂集團旗下嘅頂級品牌，CDP嘅產品從來都冇令人失望過！呢支「鉑鑽淨膚潔面泡沫」嘅包裝延续咗品牌一貫嘅簡約高級感——拎上手已經覺得自己係貴婦！💎 佢有分滋潤型同清爽型兩種，我作為混合偏乾肌，今次揀咗滋潤型（Softening），等我可以喺轉季時都保持水潤感～💧 ✨ 質地與起泡力：如雲朵般綿密奢華 一擠出嚟，係乳白色帶有微微珠光嘅膏狀質地，入面仲有極細緻嘅閃亮成分，真係無愧鉑鑽之名！🤩 加少少水輕輕搓揉，瞬間起出超豐厚綿密嘅泡沫，好似將一舊軟綿綿嘅雲朵捧喺手心咁！☁️ 泡泡嘅密度極高，完全唔會滴水，上臉按摩時感覺好似俾天鵝絨輕撫，零摩擦感，洗面過程變成咗一種享受～🥰 🧹 清潔力與洗後感：乾淨透亮，不乾不繃 呢支潔面嘅清潔力真係好出色！💪 可以徹底洗走防曬、油脂同埋日間積聚嘅污垢，連鼻翼兩側嘅粉刺同角質都清得乾乾淨淨。最驚喜係，洗完面後完全冇繃緊感，皮膚摸落去係柔軟、水潤、滑溜嘅觸感，仲帶有自然嘅透亮光澤！✨ 黑頭都少咗啲！👃 🌸 香氣與成分：高級花香，護膚級享受 佢散發出淡淡嘅牡丹同

TsuenMa好用推薦：#Clé de Peau 鉑鑽淨膚潔面泡沫 一支出嚟就會見到佢乳白色偏Gel狀嘅、但係有閃閃亮亮嘅成份喺入邊，無虧欠咗佢個產品名「鉑鑽」，配搭住淡淡嘅香氣，高級感爆燈！ 篇膠狀嘅洗面乳，推開個黏性比較強，會感受到佢將你毛孔入邊嘅污糟嘢帶走。深層清潔好皮膚，先可以俾返你皮膚原有嘅光澤度，令皮膚更加光澤從細滑。但由於呢款清潔力比較強，乾性皮膚或許會有些少繃緊的感覺，我自己就局部地方會有些微繃緊嘅感覺，所以用完佢之後我都會即刻用返啲保濕度較高嘅產品去做保護，等皮膚keep住水份。 產品含有覆盆子精華，主要係抗氧化功效，令皮膚透亮光澤，製造柔滑嘅膚質。 淡雅香味縈繞，舒適潔面體驗，綻放明亮光澤。淨化肌膚表層，觸感平滑柔軟，令肌膚透亮白皙! 我呢個都差唔多用完一支，可能都會去繼續試吓發掘有冇其他更加高性價比、更加好嘅product。