專櫃護膚 推薦好用產品

Fish Tse好用推薦：#秋冬護膚神隊友 之前用過同系列既精華都要試下哩款乳霜，我比較中意用dior產品，因為大致上都好香，令我用既時候都感覺到好放鬆 哩個系列主打係抗衰老當中有4種花妍同有導入成分，除左令肌膚滲透力更好之外，仲會令肌膚更加細緻、光采、柔滑 如圖所見係呈現粉色，雖然佢係乳霜但即使係夏天使用都唔會覺得好厚重，令肌膚既負擔變重，延展性都唔錯，用完之後會感到肌膚好似注滿水分一樣 持續使用真係可以見到明顯既效果，而且係適合各種肌膚使用唔揀皮膚 2025年我一定會再次回購

TsuenMa好用推薦：#DIOR CAPTURE TOTALE Cell Energy 總是喜歡Dior嘅護膚品，因為佢有一陣獨特淡淡嘅香氣🌹 呢隻面霜可以令到肌膚柔滑、緊緻，更顯年輕強韌，綻放健康光采。質感豐潤細膩的乳化面霜，發揮重啟活能功效及深層滋養肌膚，但最surprise嘅係佢真係吾會有好笠痴痴嘅感覺，搽左上面好容易比皮膚吸收！ 不過價錢真係偏貴🥺一甖大概應該都可以用到兩、三個月（淨係夜晚搽）。

Yty好用推薦：POLA B.A 碧艾重塑緊緻潔面霜試用裝 🖤 用後感： 質地極之豐潤綿密，上臉輕柔按摩嗰陣好似精華霜咁順滑，完全唔會拉扯到嬌嫩嘅肌膚，仲帶有非常療癒嘅高級花香。 獨家嘅抗糖化卸妝技術極之神奇，按摩過程之中能溫和融入肌膚，將厚重底妝、防曬同埋毛孔內嘅深層污垢通通溶解掉。 乳化速度非常順暢，沖水後完全無任何油膜感或者殘留，肌膚即時變得超乾淨清爽，連難搞嘅黑頭同毛孔雜質都修飾得好好。 卸完妝之後嘅膚觸簡直令人驚艷，肌膚完全唔會乾澀或繃緊，反而呈現出一種極之柔嫩、透亮同埋飽滿爆水嘅狀態，好似剛做完頂級美容 Spa 咁奢華。 #卸妝部門

Also melon好用推薦：同為貴婦級卸妝乳霜，比Shu uemura 琥珀卸妝油更加貴，好似洗面膏咁嘅size。 BA卸妝乳霜好方便，直接上臉按摩就可以，而且唔需要喺手心溶化卸妝霜。乳化按摩都好舒服，可以揉出面部好多死皮粒粒出嚟，之後乾手按摩洗淨，建議最後用返BA洗面膏。 如果唔係化太濃妝嘅話，卸妝力足夠，眼唇都一次過落乾淨，用完之後皮膚係會有保濕度，有剩餘嘅油潤感。雖然我混合性皮膚用完都冇起粒粒，如果係乾性皮膚就應該好鍾意。

Heychauchau 好用推薦：這個潔面乳標榜是以溫和為主打，而且建議使用對象是中性至乾性肌。我本身肌膚是混合性偏乾，常常會處於缺水狀態，有些清潔力較強的洗面產品，用完後會覺得皮膚很乾很緊繃，而這個潔面乳不止沒有濃郁的香精味，使用後皮膚感覺到有水潤感，不緊繃，同時配合洗臉機使用，能夠有效清潔臉上妝容和髒污。有別於其他洗面乳會乳化，CLARINS溫和洗面乳碰水後可以產生綿密泡沫，可以仔細洗淨每一寸肌膚。由於配方是加入有機金龍膽根及檸檬香蜂草萃取，潔淨同時能夠維持肌膚的水潤度，因此不用擔心會過度清潔，適合那些追求溫和、中性/乾性肌膚，想要潔淨同時保留肌膚水潤度的人，會是作為我會回購的洗面乳的候選名單之一。

Kura好用推薦：呢款洗臉膏真係非常適合秋冬季節用，用完皮膚會變到好滑嫩，但又可以清潔走日常油污，令到皮膚變得好乾淨，用完皮膚會覺得好清爽，但又唔會覺得乾緊，呢款洗面膏加水可以起到好綿密嘅泡泡，味道非常好聞，價錢非常實惠，用黎做日常清潔一流，我通常用黎清潔防曬日常妝容都清潔得非常乾淨，推薦俾所有肌膚性質嘅朋友，產地係法國 @cosme

natanatalie好用推薦：🫶🏻專櫃高級防曬🫶🏻 今次帶左呢一支Clarins專櫃防曬去旅行用。效果都幾滿意！🥰 首先講講呢枝防曬嘅價錢，50ml價錢$600，價錢比較貴，不過主打升級UV防護，防曬之餘仲抗污染，有護膚功效，特價時買仲有好多贈品，計落性價比都算高。🙆🏻‍♀️ 佢嘅質地係白色乳液，唔算好流質，推開會有輕微光澤感，令肌膚帶有一種自然嘅光澤，呢個效果我幾中意，因為有時如果唔想化妝，可以就咁用佢，都可以令皮膚睇落好好多！🤤 呢次去旅行，每日都陽光普照，我先用佢做底霜，再用粉底。質地唔笠，而且可以令粉底抓得更實，亦無流白汗嘅情況。幾日之後，皮膚都無黑左無出斑，防曬效果幾好！🤩

Kura好用推薦：呢款防曬真係好好用，質地係偏厚身嘅cream，搽上臉好水潤貼服，有調整膚色嘅作用，夏天搽佢出街都唔會曬黑，又容易落妝，產地係法國，價錢就偏貴小小，不過我都會繼續回購

Desse好用推薦：喱排中完甲流，成個皮膚狀態差到不得了.. 平時用開嘅product通通唔啱用，又要再試過🫠 唯有打開個櫃咩都用吓🫥 Benefit Cosmetics 的滑溜美肌輕感保濕霜（The POREfessional Smooth Sip Moisturizer） 一款針對毛孔粗大同油光問題嘅輕盈保濕神器，比較適合油性或混合肌，主打撫平毛孔同時全天保濕，係毛孔護理系列嘅產品 質地👉🏻啫喱狀水潤，推開超順滑，吸收好快，幾秒鐘就乾身，唔會黏膩，帶淡淡清新香味 👉🏻維生素 B3 菸鹼醯胺成分幫手平衡油水平衡，用咗幾日，毛孔膠落緊緻咗，膚質更均勻有光澤 👉🏻早晚潔面後用比較理想，夏天可以獨立保濕都夠力 缺點呢… 秋冬唔太啱用，可能係保濕力對乾肌嚟講稍弱，需要配面霜鎖水 油敏肌嚟講比較啱用 🥸總結嚟講，呢款輕感保濕霜係毛孔急救型產品 性價比高，油肌值得入手！

choichoi好用推薦：輕盈的保濕霜像流動的啫喱般透薄，稍稍按摩便被吸收而且臉是滑的不會卡卡的，因此上妝前使用也沒有跟粉底產品打架而起屑，日間晚上保濕也適用

Fng好用推薦：RMK 呢支精華卸妝油（Serum Cleansing Oil），如果以「成熟偏乾肌＋香港冬天」嚟講，我會形容佢係一支好溫和、卸得乾淨、但用法同感受同傳統卸妝油有少少唔同嘅產品。 質地同使用感💛 佢質地係比較輕身嘅油，不係好厚重嗰種膏狀油，推開好滑，好易喺面上面郁開，按幾下已經可以推晒全面。 最大特點係💘： 官方設計係「唔使加水乳化，都可以直接抹走」，即係你可以用乾手乾面按摩開，之後用化妝棉／濕毛巾抹走，再用洗面產品清潔，就已經 OK，對於唔鍾意喺面度搓好耐、驚拉扯皮膚嘅熟齡肌，係幾加分嘅。 用喺冬天、冷氣房之後個面好繃緊嗰啲日子，第一下推上面會有一種「精華油」嘅感覺，多過「純卸妝油」：油膜薄薄一層包住皮膚，按摩幾十秒之後，粉底、遮瑕、胭脂基本上好易溶開，唔需要大力推。官方都強調係為咗減少摩擦、減輕皮膚負擔，呢點對成熟偏乾肌幾貼心🥰。 卸妝力同清爽度以日常妝、足夠份量防曬、一般粉底嚟講，卸妝力夠用，而且眼影、胭脂都溶得幾乾淨。如果係防水睫毛液或者超持久眼線，我會建議你用專用眼唇卸妝先處理，再用 RMK 精華卸妝油做全臉，會保險啲。抹走之後，面上係有一層「好似啱啱搽完輕油精華」嘅潤

Mo Wong好用推薦：RMK呢款卸妝油係比較輕盈嘅油，有清新柑橘香味，好易推開，最重要係唔需要乳化，好方便，而且卸日常妝都無問題，除左防水防脱嘅睫毛液同眼線，用完後過水好清爽唔乾，啱平日化簡單妝容又想方便快捷時用。 #火熱新品

Emma好用推薦：產品特色：採用溫和的氨基酸配方（Amino Acid-based），並蘊含核心成分 Pitera™ 及白柳樹皮提取物。 質地/氣味： 乳霜狀潔面乳，但只要擠出大約一粒黃豆大小，加水就能搓出非常豐盈、像雲朵般綿密的泡沫。洗臉時觸感極度舒服，清潔力溫和。有玫瑰花香味，個人覺得為令人舒服平靜的花香味。 用後感：洗完臉後皮膚摸起來非常水潤、軟滑，完全沒有一般皂基洗面乳那種「繃緊、乾澀、甚至會澀手」的感覺。對於乾肌人十分適合，但有時候夏天出汗出油嚴重，就清潔力不足，需要用double份量洗面奶（兩粒黃豆size)

Camilalkw好用推薦：溫和 保濕力不錯 好好沖洗 唔會有殘留感 但唯一缺點係無乜泡泡 另外佢都有添加經典既Sk2 PITERA™成分 可以調理肌膚平衡

維他他好用推薦：玫瑰泥面膜，deep clean之餘可以明顯收細毛孔，一星期兩次，用完效果唔錯，塊面都幾乾淨，唔會繃緊，但用之後會敷塊paper mask保濕返，夏天長用呢d clay deep clean mask!

Yuki Chow好用推薦：細微嘅磨砂，針對石頭瘡同下巴位嘅閉口粉刺，敷完可以即時見效果，講咗之後用少少水洗，磨返啲角質層出嚟，會感覺成塊面勁滑，但係需要最後做返一次保濕mask，始終深層清潔面膜會比較乾

YiN好用推薦：因為同屋企人share用，佢係我屋企已經回購過無數枝嘅潔面產品。包裝都係一般洗面膏嘅tube裝，用到尾都係要剪一半挖出嚟用嗰種。 本身帶有專櫃品牌上常有嘅香味，唔算非常濃，洗完都唔會殘留喺皮膚。唧出嚟係白色膏狀質地，唔會好流質，相比起液體狀嘅洗面奶，我覺得膏狀用起嚟方便啲，唔會未起泡就喺手指罅流晒出嚟。 單純用手都可以搓出好綿密嘅泡沫，再俾多啲心機慢慢搓，可以出到更加多泡。 唔知係咪因為咁強嘅起泡力，佢嘅清潔力亦都非常強。我作為混合性乾肌，佢可以輕易洗走我T字部位嘅油分，不過洗完會覺得有啲乾，我之後會搽返護膚品所以唔會好困擾。而我出油量更高嘅屋企人用就愛不釋手，所以推薦俾油肌嘅朋友們。

Sandy好用推薦：【潔面】產品心得 Shiseido 淨肌防禦潔面泡沫 * 冇香料味道嘅感覺好舒服 *容易起泡，泡沫容易徹底沖洗，潔面後肌膚清爽潔淨，無繃緊或敏感Good👍 潔淨肌膚同時鎖水補濕；微米亮白粉末能清除氧化皮脂、老化細胞及污垢，令肌膚表面重煥清新透亮。 非常適合我肌膚用 讚呀佢哋嘅成分: ‧糅合稻米胚芽油、蠶絲精華及TMG* ‧糅蘊含日本霧島純淨礦物溫泉水 ‧透明質酸乙醯及稻米胚芽油賦予補濕效果

Poyobb好用推薦：冬季護膚❄️ 淡黃色，奶凍質地，本身摸落去嘅時候以為係壞咗。呢種質地容易推開，可以用好少份量已經足夠全面使用，唔會似雪花膏咁厚身，亦都唔需要好似Lamer 乳化先可搽上面，幾方便。 混合性皮膚嚟講小份量已經可以覆蓋全面，質地冇咁厚重。冬天用好岩，夏天嘅話留返晚上開冷氣嘅時候先使用較適合。乳霜補濕度高，入面添加充夠油分。 乳霜主打豐盈淡紋，同時修復皮膚屏障。用耐咗啲皮膚好似細緻咗，皮膚充滿彈性🥰

Tobimak好用推薦：最近用了YSL 的年輕賦活滋潤乳霜試用裝，整體體驗相當不錯。乳霜的質地柔滑細膩，推開時很容易延展，不會有厚重或黏膩的感覺。吸收速度快，用後肌膚感覺柔軟飽滿，乾燥位置明顯改善，尤其在換季時能提供穩定的滋潤效果。 持續使用14日後，皮膚的光澤感和彈性都有提升，妝前使用也能讓底妝更貼服。它的香氣偏高雅柔和，不會過於濃烈，使用過程算是愉悅。 但缺點是價格偏高，雖然效果真係幾好🙈如果追求高效滋潤和質感享受，這款乳霜值得一試~但若是注重性價比，咁就要諗一諗入唔入手了。

Kmggigi好用推薦：Dior Prestige La Crème Texture Essential — 高貴享受，體驗奢華護膚！✨ 呢款Dior Prestige La Crème Texture Essential係喺專櫃購買其他產品時收到嘅一套贈品， 真係令人驚喜，每一個細節都充滿咗高級感！ 首先講下佢嘅包裝設計，真係非常精緻高貴， 完美展現咗Dior一貫嘅優雅風格 仲有經典嘅⭐️細節，整體質感滿滿😆 打開面霜試用嘅時候，發現佢嘅質地真係細膩柔滑，有淡淡嘅高級香氣，滋潤度亦非常到位， 但同時又唔會過於厚重， 用喺肌膚上感覺輕盈舒適，特別適合用喺晚間護膚， 幫助肌膚徹底恢復元氣，第二朝醒嚟皮膚水潤又有光澤。 不過，呢款面霜嘅正貨價錢確實偏高， 對於追求性價比嘅用家而言， 市面上都有其他更具性價比嘅平替產品可以選擇， 效果亦唔會輸蝕太多💎

choichoi好用推薦：去年升級改版，接近拉絲的質地繼續延續下去，很好吸收；味道也是一樣療癒，是甜蜜向的花香味，滋潤度不會令你失望是很濃密的保濕feel，可以直接撫平乾細紋及改善膚質，會長少一點暗粒；但價格也真的是不容忽視（的高），只是女生間中犒賞一下自己也不過分，它能帶給你護膚同時享受充滿花香的me time! #火熱新品

Milo101好用推薦：🌟白色軟膏狀，有淡淡香氣 🌟滋潤度十足，同時吸收力也很強 🌟很適合秋冬天，乾燥天氣使用 對比一下同品牌的moisturizing cream 和soft cream，這瓶soft cream的質地明顯更細軟。 雖然滋潤度強，但吸收能力遠遠比moisturizing cream更快更高，在面上按摩輕推幾下，就能在皮膚表面形成滋潤層。 即使日間使用，外加底霜和粉底液後，也不會太厚重，更不會起擦子膠屑。 晚間使用，經睡眠修復後，翌日早晨有輕提亮作用，皮膚仍然保持柔軟潤澤。

Nicole 好用推薦：面霜質地很水潤好推，做到潤而不油，既有包裹感又不黏笠，味道也很高級好聞！ 平時作息不規律和經常熬夜等等，很容易面黃、有疲態，用它的這段時間可以感受到早上起來皮膚的狀態是飽滿和嫩滑！

Yty好用推薦：睇張相已經知我屋企長期有嘅貨啊，shiseido美白面膜我同媽咪一樣用咗超過四五年，係我面膜中頭10名內，面膜質地非常貼面，唔容易滑落剪裁好好，精華非常足夠，亦都唔會滴落嚟，用完之後皮膚「透明感」好明顯改善左，作為急救面膜去非常好，長期用我覺得真係有幫助改善膚色，如果追尋一個美白面膜，我非常推薦，大家去買，希望產品能夠一直出產我亦都會一直購買的 # 「透明感」 #美白透亮#【提升肌膚透明感的護膚品】

Lumi Kwan好用推薦：Shiseido美白產品來講，喺日本都相當出名，所以佢嘅美白產品長賣長有，以前讀大學嘅時候我甚至乎係全個美白系列咁用。而家我會選擇性去用唔同品牌嘅產品，但依然有用SHISEIDO嘅美白面膜。但我個人認為，單靠美白面膜唔可以做到美白作用，必定要用足夠嘅防曬產品，先可以抵抗黑色素。我會建議每星期至少用一次，連續用六片作為一個療程，會覺得皮膚真係白淨咗少少。官網話”撕除面膜時，黑色素亦隨之清除，肌膚重現明亮均勻膚色。 “，我唔太敢肯定。 呢款片裝面膜感覺比普通韓牌面膜厚。敷上面部後都幾貼面，唯獨係個下巴，我覺得mask可以再大少少。

YYeman好用推薦：Laneige薰衣草睡眠面膜絕對係我今個冬天嘅「熬夜救星」同「乾燥剋星」！本身已經好鍾意佢哋經典嘅睡眠面膜，今次出嘅薰衣草版本，無論係功效定係療癒感都更上一層樓，成為我冬季護膚routine入面，最期待嘅夜間修護步驟。 保濕同修復效果，係冬天嘅滿分答案： · 質地係淡紫色嘅凝霜狀，一推開就化成水感，好快吸收，唔會黐笠枕頭。最正係陣陣天然薰衣草香，唔係香精味，聞到已經覺得好放鬆，好有助入睡。 · 冬季室內長開暖氣，皮膚真係會「抽乾水」。我用咗呢隻面膜，第二朝起身嘅膚質真係有驚喜！皮膚係飽滿、有光澤嘅，摸上去好柔軟，完全冇平時咁繃緊。佢嘅保濕力係可以「瞓覺充電」嘅感覺。 · 至於修復方面，如果我呢幾日覺得塊面有少少敏感，或者凍親塊面紅卜卜，敷完佢之後嘅鎮靜效果好明顯。我覺得佢唔單止係補水，更係幫皮膚強化屏障，對抗冬天嘅惡劣環境。 冬季護膚心得： · 我會喺爽膚水、精華之後，當作最後一步，厚敷一層（大約一個銀幣份量）就瞓覺。唔使冲洗，超級方便懶人。 · 如果皮膚真係極度乾燥，我會先薄薄搽一層保濕精華，再敷上面膜，咁樣鎖水同修復效果會加倍！ · 一星期用2-3次就已經好足夠，唔需要晚晚用

chewyfruit好用推薦：佢就係你護膚routine裏面嘅「懶人救星」同「睡眠儀式感擔當」！ 第一感覺：顏值爆燈！ · 個樣： 樽身係好靚嘅夢幻薰衣草紫色，睇見已經覺得好療癒，擺喺梳妝枱都開心！ · 香味： 一打開就係陣陣清香嘅薰衣草味，唔會俗氣。聞到即刻覺得成個人放鬆晒，好似同自己講：「喂，係時候瞓覺啦！」 質地同感受：好似搽緊雲朵咁！ · 質地： 係水藍色嘅啫喱狀，好輕盈。挖一啲出嚟，一搽上臉就化開，好似將一朵「補水雲朵」敷上塊面咁，涼浸浸，超舒服！ · 使用感： 唔會黐立立！ 呢點好重要，唔會好似成塊膠水黐住個枕頭。佢好快就形成一層薄薄嘅保濕膜，等你安枕無憂。 · 「宿醉救星」： 即使你夜瞓或者捱夜，第二朝起身照鏡，都會發現塊面冇咗啲「攰樣」，依然保持水潤光澤，摸落去滑捋捋！ · 上妝神器： 化妝前睇一睇，個底妝會特別貼服，完全唔會「打擦膠碎」！ · 用法多變： 你可以跟足說明，薄敷過夜。如果想效果再勁啲，可以厚敷15-20分鐘當急救面膜，然後洗掉，效果一樣正！ 總括嚟講，Laneige呢支薰衣草睡眠面膜，就係一個 「識得變魔法嘅瞓覺伴侶」 ！佢幫你慳時間之餘，又俾到滿滿嘅儀式感同療癒效

Meowmeow 好用推薦：我要反映一下好衰㗎一定要人影相😂萬一人哋用曬冇咗個樽又想寫心得咁點算😂好彩有sample😂 言歸正傳先，佢係需要一個按摩嘅眼霜所以佢質感會厚重少少，眼皮本身比較乾嘅人可以唔使按摩都鍾意個質感。但係呢個眼霜自重新升級版之後，質地雖然差唔多，但去紋效果大大提升👍雖然出面話佢係一個全效眼霜，但真心用落，我覺得針對紋理係最大效果嘅。佢可以唔靜止揸眼，任何有紋理嘅位置都可以用得，例如法令紋，川字紋，抬頭紋，眉心紋。雖然唔會話一兩樽就有好大嘅效果，但係堅持使用會有驚喜。

Also melon好用推薦：Lancome absolute 極緻完美玫瑰眼霜係Lancome嘅高端系列，一盒細細罐眼霜都成千幾蚊。 質地係厚身嘅淡黃色cream，添加咗極致珍貴嘅玫瑰萃取作為成份，可以對眼部周邊嘅皮膚有抗老作用。即使經常化妝嘅話滋潤到足夠，而且滋潤度係有少少笠，晚上用會好啲。貴得嚟去眼紋效果比較明顯，差唔多幾乎用完一罐，有條啱啱長出來嘅眼紋真係淡咗。 雖然昂貴，但係感覺係值得買同可以預防眼紋係好重要的。

Yeonjung好用推薦：YSL細緻煥膚精華水評測 呢枝 YSL細緻煥膚精華水，我連續用咗差唔多一個月，最想重點講嘅係——佢真係做到 提升肌膚透明感！ 先講質地：佢係流動性高嘅水狀精華，帶少少絲滑感，但一推開就吸晒，完全唔黐立立。好啱香港潮濕天氣，無論乾肌定混合肌用都無負擔。 用法方面：我就鍾意早晚潔面後，倒大約五毫子大小，輕拍上面，然後會喺顴骨同下巴位置重點捽多幾下。有時feel到皮膚角質變厚、暗啞嗰排，仲會用化妝棉輕抹當溫和去角質。 效果重點——透明感大爆發！ 用咗一星期左右，最明顯係鼻翼兩側同額頭嘅粗糙粒粒平滑咗，皮膚反射光線變得均勻。之前膚色偏黃偏暗，但用完之後，係望落乾淨、清透嘅嗰種 透明感，唔係死白，而係好似飲飽水、由底層透出光澤嗰種 提升肌膚透明感 嘅效果。就算冇化底妝，淨係搽防曬，塊面都望落精神好多。 至於去黃同均勻膚色，我覺得需要持續用兩星期以上先明顯。不過留意返，佢入面有溫和煥膚成分，如果皮膚好敏感，建議先喺耳後試下。 總括嚟講：如果你係成日覺得塊面暗啞、粗糙、欠缺 透明感，呢枝YSL精華水值得投資。佢唔係暴力去角質，而係溫柔咁幫皮膚新陳代謝，逐步 提升肌膚透明感。以精華水嚟講，性

Ressie14好用推薦： YSL Pureshot 微精華保濕盈露（極效活萃彈潤亮膚露） 我用左超過兩支，要憶起初初試用感受很朦糊，簡單黎講係好用；次次都係跟set裝買完正裝又送幾個試用裝。 試用裝包裝好過正裝，簡單４—５泵上化妝棉足夠一次份量。 研究過佢既成分有性質溫和既煙酰胺(Nicotinamide), 化學層面上可以美白肌膚、改善暗瘡、保濕抗老；同持肌膚含水量，增進真皮層微循環，人類肌膚又易吸收,定能為肌膚奠定護膚好基礎。 植物成分提煉方面用左摩洛哥苦橙花萃取調理出清爽又滋潤既感受，所以使用感先咁舒適（P.S. 好多Loreal 旗下產品都有添加安全成分既調理劑提升使用感受，只係每個品牌有唔同既選擇）

applepie好用推薦：官網買嘅試用套裝其中一枝，唧出嚟有淡淡人蔘香，搽上面配合埋按摩可以促進精華發揮其緊致功效！用咗一段時間，覺得面部肌膚比之前緊致了，遲啲會回購大size💕

Fng好用推薦：朝早塊面暗啞，搽咗之後明顯去黃， 清爽又夠 保濕 同埋令到肌膚穩定，朝早我用唔會同底妝打交。

In好用推薦：Make a difference呢樽treatment真係好好用 一啲都唔笠身 又唔會起擦子膠碎 一年四季都啱用 如果覺唔夠潤其實可以要加面霜係面 好多年前有段時間不停咁用 之後就轉咗啲能能性大啲 緊致嘅cream用 早排又心思思掛住佢個氣味（好舒服好好聞嘅香氛味）又買返嚟用

Tiffany好用推薦：質地輕盈嘅保濕啫喱面霜，升級版添加左更多植物精華，用落更補水。

TW好用推薦：精華質地絲滑，搽完後好快吸收亦好輕薄不會有油膩感，用後覺得皮膚膚質有彈性，感覺上亦緊致咗，適合冬天乾燥肌膚，搽完馬上覺得有保濕滋潤效果。"冬天" "冬季" "護膚" "冬季護膚"

Hoilly好用推薦：如果你有暗瘡、爛面既煩惱，我真心推介你用佢！ 雖然佢既價格都幾貴，但一分錢一分貨，好用既程度係荷包出緊血都會淘錢出嚟買佢！ 佢既修復功效真係好好，用3日已經好得7788，個時唔捨得買佢，用其他修復產品1個月以上仍然未有轉好，日日都唔想望鏡，所以最後轉多一次護膚品如果都繼續爛面，我就會去join美容院好貴嘅package 最後當然慳返個幾萬蚊facial 錢🙂🙂🫰🏻

lingbb好用推薦： - 我買過專櫃最貴嘅防曬。係數一數二好貴但成份好好嘅防曬 - 質地係白色乳液狀，延展性高，好易推開，極快滲透皮膚唔會泛白，透薄輕盈，往後上妝都無影響。 - 價格高在一枝防曬有埋護膚成分包括保濕同抗衰老成分，一路防曬一路美白減斑 - 使用一段時間後，皮膚整體有亮白到，非常驚喜亦覺得值回票價，白返就暫時唔用住，等黑咗先再用返一段時間🫣 - 為咗美白同靚必須不停發掘更多好選擇俾自己，呢枝冇令我失望 - 推薦俾所有美女👍🏻

綺羅香好用推薦：自上次用過Pola 美白精華之後，對同系列其他產品都好有興趣，就試入呢款美白防曬，質地水潤，好推唔笠，又唔會泛白，但一睇成份表，入面有危害珊瑚嘅成份，為咗想對海洋生態出一份力，唯有忍痛放棄入正裝，希望日後會出海洋友善嘅版本