專櫃護膚 推薦好用產品

Kelvin好用推薦：以男士中性肌膚寫測評👦🏻 Clinique無油面霜 Clinique王牌面霜有三個款式，全部都係綠色盒裝住，但其實適合唔同膚質使用，亦都可以跟返字體分辨，以後就唔會買錯喇😉 1️⃣清爽 粗體jelly 字，質地係透明啫喱 2️⃣中度保濕 粗體gel字，係我而家用緊呢支無油面霜 3️⃣高保濕 有+符號，係添加咗油成份面霜 ⭐️質地 好似成支牛油嘅顏色🧈🧈🧈 無油面霜比平常乳液稀身。官方話需要蜿豆大小，我男士面部較大，需要搽多少少。啱啱搽上面好滑仲未吸收到既，吸收咗之後就冇黏感，亦無假滑。 ⭐️效果 無油面霜比平常乳液稀身，水感更重💦清爽唔油膩。上面舒服，即係保濕效果幾好！ 試過皮膚好乾燥，甩皮泛紅，查無油面霜都冇刺痛感。Keep住用皮膚會慢慢好返修復，雖然佢只係純補水保濕，但可以修復肌底維持皮膚屏障，令皮膚健康狀態。 ⭐️心得 我將佢朝早溝防曬用，晚上溝vc 精華用，溝咗都唔會打交，好方便！ 無油面霜算係超強保濕面霜，萬能，但建議要添加其他功效其他serum，例如抗老精華，尤其25歲以上嘅女士。 我最鍾意依支無油面霜係秋季時候使用，夏天更喜歡用更清爽嘅啫喱版本。 三款

Sanna Cher好用推薦：產品是水融性甚強的乳霜，每次大概使用兩泵，使用於妝前護膚的最後一個步驟。使用產品前的肌膚狀態使用產品後的肌膚狀態，膚色有比較均勻。

Candy Ng好用推薦：在一間藥妝舖見到有Lancome 的試用，見價錢都唔貴，就買回來試下🤭🤭🤭 卸妝能力高，只要敷在眼在位置一陣，輕輕抹走，就可以見到好多化妝品被帶走了。 用這些卸妝液去卸眼部，用完後，會有些油膩感積聚係眼仔，想快些用水清洗它，避免眼仔會因為咁樣生油脂粒。但係，Lancome 這款眼仔卸妝液，係唔會令你有這樣感覺，是很清爽的。💗 而且溫和，不會"那"眼。

Hamiii好用推薦：卸眼唇妝能力唔錯，溫和唔刺激，輕輕一敷一抺就乾淨🫶🏻 但就再無其他特別😵‍💫 呢個價位黎講有小小唔值🤫 都係買番佢既其他產品啦🌷

Fng好用推薦：Kiehl's 金盞花蘆薈保濕凍膜 🌼 優點： · 雙重鎮靜配方：金盞花+蘆薈組合，曬後厚敷10分鐘即時降紅降溫，舒緩效果比單用蘆薈膠更持久！熟齡肌洗面後泛紅敷完明顯平靜 · 水凝質地輕盈：一推化水唔黏笠，香港夏天薄塗過夜或厚敷急救都得，吸收後成保護膜但零悶感 · 急救百搭：可以當睡眠面膜、妝前保濕打底（冰鎮後用更爽），甚至局部敷暗瘡位消炎 ⚠️ 缺點： · 保濕續航力弱：冷氣房過夜的話，偏乾肌凌晨會覺得唔夠潤，要疊加保濕精華 · 功能單一：主要係鎮靜功效，無抗老成分，熟齡肌要額外搭抗老產品 · 性價比一般 ($390/100ml)，同價位可選功能性更強嘅面膜 🌞 香港夏天表現： 濕熱天放雪櫃後使用簡直救星！厚敷15分鐘即可退紅，用完皮膚水潤但表面乾爽，後續防曬同底妝更貼服。 💡 同類產品比較： vs Laneige睡美人水庫面膜：Kiehl's更清爽溫和，但Laneige保濕力更持久 vs Origin品木宣言一飲而盡面膜：Kiehl's鎮靜效果更突出，Origin滋潤度更高但不適合油肌 vs Innisfree蘆薈面膜：Kiehl's功效更全面，但Innisfree價格更

Haha Kim好用推薦：去旅行的時候購買的試用裝，以為會10分滋潤，但是比想像中的10分清爽，非常適合夏天使用，無論是油性肌膚也適合！

Hellobeauty 好用推薦：YSL 的年輕賦活乳霜,係我護膚品中又愛又狠。 鍾意佢嘅地方係有淡淡嘅橙香花味，塗上面之後，感覺就好似有一陣陣香薰圍繞住自己，感覺好舒服好放鬆；另外，除咗淡淡嘅淺珍珠黃色面霜吸引外，最重要係上面貼服，易吸收，滋潤程度滿分；加上面霜自帶珍珠色效果，塗上面之後有明顯水光機效果。每次用完之後都令自己心情舒暢。我平時最鍾意用佢愛嚟作為妝前打第傷，裝容更加透亮貼服。 我對佢恨嘅地方係價格方面，如果價格偏向大眾假就好了。

Tszki好用推薦：YSL Pure Shots Perfect Plumper Cream (年輕賦活乳霜 / 彈潤豐盈面霜)  質地獨特，介於豐潤和清新之間，如啫喱般彈潤，能迅速被肌膚吸收，不黏膩。它蘊含摩洛哥橙花精萃和抗衰老核糖成分，有助於活化細胞能量。它能讓肌膚一夜之間變得光滑、容光煥發。

Cole Cole 好用推薦：眼霜效果唔錯，一擦落去好快吸收，好絲滑。第二日已見到有效果，冇出油脂粒。會買正貨繼續用。

維他他好用推薦：成日覺得眼霜可有可無，因為搽面霜嗰陣我會搽埋，冇咁細分眼同面，而且之前試好多眼霜都覺得冇乜效，但今次Kiehls呢個有驚喜，用左一段時間眼紋真係少左，淡左，而且吸收好快唔會有油脂粒，唔錯

msthea好用推薦：見到Kiehl’s官網介紹《超級再生精華》對肌膚唔同嘅問題都有顯著效果，例如缺水、暗啞、細紋、粗糙等都有效改善 而sales姐姐更加介紹可以同時使用兩隻精華，咁今次佢就教咗我每日晚上先用《超級再生精華》，等皮膚吸收後再搽上《 醫學雙維他命C精華》，咁樣可以提高精華效果，更加減輕細紋同埋暗啞情況 💁🏻‍♀️咁我今次就集中講《超級再生精華》，試吓淨係用單一產品咩效果🎈精華係比較偏向水質，質地容易推開搽勻 🎈皮膚好快就吸收完，亦都冇特別味道 🎈減紋方面，我用咗14日都未有睇到顯著效果 🎈皮膚暗啞係有改善嘅，感覺成塊面都提亮咗 🎈但老實講，我單用呢個精華，其實轉個頭就已經覺得好乾燥缺水，所以我覺得佢嘅補水效果係唔得嘅！ 總結而言，我覺得如果想要提亮效果嘅話，都會推薦呢個精華，但係如果希望佢做到多功能，包括保濕嘅話，以佢嘅價錢嚟講就唔係太理想啦 5星為滿分 提高 ⭐️⭐️⭐️⭐️ 保濕 ⭐️ 減紋 ⭐️ 質感 ⭐️⭐️⭐️⭐️⭐️ 性價比 ⭐️⭐️ 

maylam好用推薦：屋企有一堆sample 用咗一段時間 覺得平平無奇冇乜特別 唔會買正裝

Kelvin好用推薦：我用過ipsa 洗面泡及洗面乳，兩款都有舒緩嘅柚子香味。ipsa嘅洗面乳倒出嚟係一啲有反光嘅流質狀。喺掌心溝水都容易起泡，簡單沖水就可以洗乾淨，份量用好少都已經起到好多泡。 相比之下洗面泡嚟講，洗面乳用後會令皮膚比較滑，甚至有少少假滑，好似BB感，好想摸多幾下。而且有保濕度，冬天都岩用。就算而家天氣好乾燥，洗完面未搽護膚品之前皮膚都唔會好乾。 我建議大家都可以去ipsa做護膚測試，可以測到你嘅皮膚屬於佢哋嘅幾多型號嘅護膚品👍🏻

Fng好用推薦：🍂 轉季最驚洗面後塊面繃到好似扯緊咗塊皮，即刻話你知呢支ispa洗面乳掂唔掂！✨ 🧴 質地與起泡力：像奶油般綿密！ 一撳出嚟係奶白色嘅乳液狀，帶有淡淡好舒服嘅橙香（唔係人工香料感）。只要加少少水，好輕鬆就可以搓出超豐厚綿密嘅奶油泡！🥛D泡泡質地好堅挺，好似將一舊軟綿綿嘅雲朵揸上塊面咁，手感一流！對於鍾意用泡泡嚟減少摩擦嘅熟齡肌嚟講，呢點非常加分！ 💦 清潔力與緊繃感：完美平衡！ 清潔力絕對足夠，可以輕鬆洗走防曬同日常污垢。最令我驚喜係——過水後真係零繃緊！😲 就算我係兩頰偏乾，洗完面後完全冇嗰種扯住扯住要即刻搽Toner嘅急切感！皮膚摸落去係水潤清爽，而唔係油膩殘留，個種感覺就好似用咗潔面+輕保濕Mask二合一咁！ 🌸 溫和度與保濕感：轉季救星！ 成分含有IPSA獨有嘅保濕成分，果然名不虛傳！用咗大約10日，完全冇引起敏感或不適，眼周位置都唔會刺眼。最明顯係，洗完面後皮膚嘅含水量好似被鎖住咗，就算偶爾唔記得即刻護膚，塊面都唔會乾到出細紋。對於轉季時不穩定嘅肌膚狀態，佢真正做到咗「溫和潔淨」與「保持水潤」之間嘅完美平衡！⚖️ 💎 總結與回購意欲：會！係轉季嘅安心首選！ 總括來講，I

格仔餅公主好用推薦：膏狀上面按摩下之後會開始乳化，成個過程都幾溫和唔刺激，減少到對皮膚既刺激，卸都濃妝完全無問題，回購左第二罐

Sarah好用推薦：近年興起卸妝膏，覺得卸妝膏比卸妝油更方便。這款卸妝膏放在手心一推就會變油，不受氣温影響，方便旅行攜帶使用。佢清潔力強，亦可以順便去黑頭，推薦！

zetalhc好用推薦：呢個眼霜夜晚搽唔會覺得黐立立，搽左一個星期左右覺得黑眼圈同埋眼部周圍嘅細紋都少咗。唯一係覺得質感有少少厚重，朝早搽可能會覺得有啲難推開。

劉肥貓好用推薦：只需用約一粒米嘅份量就足夠 㨲對眼 我會建議係秋冬天用 因為佢滋潤度比較高 比較 傑身

Emma W好用推薦：啫喱能迅速滲透肌膚，提供持久的保濕效果，特別適合乾燥季節使用。其質地輕盈，不油膩。一搽上面上，水潤感足，容易吸收，雖然一開始有少少gel 狀係面上，會感覺有一層保護膜，但使用後肌膚感覺清爽舒適的。 加上Gel 能有效舒緩敏感肌膚，減少紅腫和刺激感，特別適合秋冬天，因極乾燥而脫皮的皮膚。 適合肌膚：任何，特別有脫皮現象的人士 成效度：4/5 保濕度：4/5 吸收度：4.5/5 質地：啫喱狀

whTsoi好用推薦：目前已經快用完一瓶 個人覺得它因為不含油份 所以使用起來很清爽 很適合油性或敏感性肌膚 因為它能補水 成分也不算複雜 不用怕引起過敏（起碼我個人用它沒有這問題）而且在夏天塗太多東西上臉 出門十分鐘臉上就會出汗 會對皮膚造成負擔容易長痘 所以在夏天會很好用 我在白天會用它代替精華 之後上面霜就夠了 而在包裝方面我十分喜歡這種按壓式設計 既衛生又方便

sammiimelda好用推薦：方便衛生嘅美白泥膜 用完之後有明顯提亮美白效果 一次用一粒 通常一個禮拜用一次 之後再上返個保濕面膜就可以

mavis好用推薦：好方便嘅cream mask 一粒係一次嘅份量 唔會有平時一大樽cream mask嘅衛生問題 推介

Ressie14好用推薦：情迷凝亮唇蜜 係同系列出既「透明」色號, 因為我係YSL fans既關係我入手左一支2023年冰川系列包裝既正裝 （今時售價 $375） 一支用積分換返黎既 + 購物時前前後後獲贈過數支迷你裝， 多到買護唇膏既錢都可以慳返。 重點優點：同YSL CandyGlaze 或 Loveshine 一樣, 佢有一種始終如一既香味, 中意開就會中意, 唔中意亦唔會特別追捧，而且潤澤度好高 ；包裝與時尚時高級～ 然而比較同類型相似產品如某G品牌KISS KISS系列，前者號稱以石榴萃取注入、後者號稱以蜂蜜注入，潤澤度相若（純使用感受而言）我認為後者更是優勝，因為G品牌有微量染唇功效，單搽KISS KISS護唇膏有潤澤+自然提亮唇色功效，但YSL就沒有。

Yingc好用推薦：我挑選的是04號色很適合日常妝容，大熱色號😆 怕掉色的話可能另外加上唇膏雨衣

Vivian好用推薦：包裝靚小羊皮設計，但唇膏屬於半透色光澤，遮蓋唇色及上色度一般，只適合用作有色唇膏，同時滋潤度也不高，性價比低，只有包裝取勝

mandy好用推薦：Givenchy Beauty LE ROSE PERFECTO BEAUTIFYING LIP BALM#03 Sparkling Pink                                                                           $295 結合潤唇膏的功能及唇膏的色澤而成, 是Givenchy Beauty 的熱賣產品, 可說是有色的潤唇膏。 潤唇膏的粉紅色皮管身非常獨特又高雅, 是帶點柔美風的設計。 MADE-TO-MEASURE SHADES 共4色 01 Perfect Pink  非常淡的粉色 02 Intense Pink 較深的粉色 03 Sparkling Pink  帶閃粉的柔和粉色 04 Blue Pink 帶閃粉、有點接近紫的粉色 擦上03 Sparkling Pink 時 只塗1-2次在唇部已很顯色, 而且是會對肌膚酸鹼值產生反應的變色唇膏,  帶Givenchy 的經典淡雅花香。 十分喜歡03 Sparkling Pink, 微閃的粉紅色不會太淡或太鮮色, 帶點透明感, 含乳木果油和

mandy好用推薦：Sulwhasoo 雪花秀 Concentrated Ginseng Rejuvenating Ampoule 滋陰生人參煥顏高效精華液 $880/ 20ml 功效: 提亮+緊緻+抗皺+舒緩 滋陰生人參煥顏高效精華液蘊含不少美肌成分，包括：保濕成分、抗衰老成分、抗氧化成分、鎮靜消炎成分及美白等成分。 由於滋陰生人參煥顏高效精華液的質地比較水感清爽，所以我在秋冬季使用時會混合美肌油或美肌膠囊一起使用，使滋潤度可以有所提昇。延展性極佳，可以輕易在全面均勻推開。 滋陰生人參煥顏高效精華液帶明顯人蔘香味，聞慣了覺得也不會不喜歡。 使用了差不多一整瓶，覺得膚況比較使用前更穩定，而且保濕力也有進步(做肌膚測試有改進)。使用後，提亮效果明顯，肌膚更是散發自然水光光澤。抗皺方面，雖然法令紋沒有完全消失，但也保持在較淡的狀態，並沒有加深。配合由下而上的按摩手法，肌膚漸漸變得更緊緻。 滋陰生人參煥顏高效精華液是早前用生日優惠半價購入，如果是要用正價入手(1瓶只有20ml 很快就用完)，會覺得太貴了，不可能一直長期使用，看來我還是比較在乎性價比。 (Formula 1)

Emma W好用推薦：其人參換顏精華露，感覺唔錯。一唧出嚟，有濃濃嘅人參味。質地輕盈，但偏有少少油質，適合秋冬天時使用。用左一個月左右，面部皮膚緊緻有光澤，起碼唔會洗完面後好乾燥。感覺唔錯。 適合肌膚：任何 成效度：4/5 保濕度：4/5 吸收度：4.5/5 值得推薦度：4/5

葉子🍃好用推薦：洗面膏偏橙色，好香既漢方味道，容易起泡，泡沫好濃密細緻，係比較溫和唔刺激既洗面、夠乾淨保濕，鐘意洗完面都唔乾，越用越好，逐漸調理皮膚，均勻膚色、皮膚光澤度增強，想再試下其他款

lingbb好用推薦：用得后既都唔會抗拒佢既中藥味， 聲稱蘊含多種韓方草藥，能減緩各種導致肌膚老化的外在因素，保持肌膚健康。 擠出黎係好杰身嘅膏狀，帶有濃郁既人參味，用豆仔份量加水出黎既泡沫就唔係話好細膩同豐盈，尚算可以。用後無刺激敏感！我覺得個優點係佢既味，清潔能力等等都無太大特別。佢價錢較高，所以未必會買了

LenaC好用推薦：ALLIE UV防曬 玫瑰水凝乳 燦爛光澤薔肌 除咗防曬之外 仲有護膚同粧前飾底效果 防曬+護膚+隔離 3效合1防曬霜 一枝搞定 💕防曬度為極高既SPF50 高效隔離UVA 阻擋陽光紫外線 仲添加左美容液護膚等成分 有助保濕唔會太乾起晒紋 亦無添加Paraben防腐劑 將皮膚負擔減至最低🌝 質地係帶粉紅色嘅乳液狀質感水潤 好容易推開 塗抹時聞到淡淡既優雅玫瑰香擠小小份量都好足夠 打圈按至薄薄一層 相比起其他防曬度同樣高既防曬乳液 佢絕對係零厚重感 一啲都唔黐立抹開後肌膚平滑光亮 滋潤均勻 略有粉紅既色調亦輕鬆打造出健康紅潤好氣色而且佢嘅無油GEL配方 有助持久清爽控油 適合夏天使用使用 防曬 護膚 修飾 一枝KO 推！

Blueblueblue好用推薦：日本旅行時係藥妝店買嘅。 ALLIE 防曬水凝乳帶有少少粉紅色光感粒子，可輕微修飾暗沉，不黏膩。

940727.0好用推薦：小妹一向都係kiehl’s粉絲, 唔同嘅產品都試過. 今次就想同大家分享佢哋嘅美白面膜. 只係連續用七日皮膚明顯白左,有淡印效果👍🏻. #kiehl’s #面膜 #美白

Karman28好用推薦：我係連同同系列的精華使用既，面膜唔係超薄身果款，敷上面，覺得精華液很容易吸收。不過美白效果唔算好明顯。

Kitty 好用推薦：支防曬個質地擠出嚟係奶白色嘅乳液狀，易推開，黐立立感覺Zero！ 對於我哋香港咁濕熱嘅天氣嚟講，簡直係救星～💦成膜速度超快，後續上粉底完全唔會搓泥，仲有少少修飾毛孔效果，懶人可以直接當妝前乳用👍 最驚喜係佢唔會泛白唔燜痘！之前用開某牌子成日搞到額頭生粒粒，呢支用落皮膚好似會呼吸咁，好似仲可以抗藍光，對住電腦成日都安心啲啦💻 不過要注意啦，如果去海邊或者暴曬就可能要補密啲，畢竟佸主打輕薄，防曬力日常用絕對夠曬，但大汗嘅話就建議加多層防曬噴霧啦～ 總括嚟講：清爽透薄唔黏腻！

brenda好用推薦：質地輕薄，水潤，不會反白，上面後很舒服不會感覺查左好厚既野係面，這支防曬算是我買過最唔笠但又做到好好保濕效果，我用清光後一定會回購

布吶吶好用推薦：分享一款我勁鍾意嘅面霜，絕對係無限回購款！ 蘭芝嘅水庫系列算係佢哋最有名嘅系列之一，尤其係嗰個鼎鼎大名嘅水庫保濕面霜！但係今日分享嘅呢款唔係嗰款，雖然都係水庫系列，但呢款係啫喱面霜——油皮妹專用款！ 霜如其名，呢款面霜質地係啫喱狀，偏透明少少，質感好清爽，喺塊面度都好容易推開，吸收得又快又好，味道有少少淡淡嘅香！ 佢最大嘅特點就係唔油膩，但又好保濕！對於油皮妹嚟講，水庫保濕面霜太黏太膩，搽完之後塊面會黐住一層薄薄嘅油，但啫喱面霜就唔同喇，佢好輕盈，雖然冇控油嘅效果，但搽完之後真係一啲都唔油，特別適合夏天用！另外，水庫系列嘛，保濕效果都好好，完全唔使擔心會乾！ 親身試過之後有一個小貼士——夏天將雅漾嘅活泉噴霧同蘭芝水庫啫喱面霜一齊用，效果會好好，用咗一排之後皮膚又嫩又滑，絕對係我夏天護膚嘅必備品！

Kura好用推薦：補濕一步到位嘅面霜，我用咗呢款面霜有一段時間，質地好舒服，我通常會用係敷面膜前作為加強保濕打底，呢個面霜加保濕面膜個效果真係無敵，可以達到即時補水，用完皮膚會好滑，大家可以睇下面霜嘅質地好似啫喱咁好水潤，同埋有淡淡嘅香味唔算好濃，產地係韓國，價錢都算合理，我覺得夏天用係冷氣房都唔會覺得乾，同埋搽上臉皮膚都會好快吸收 @cosme

mcosmetics好用推薦：又平又好用！我超級乾唇所以喺英國見到呢隻 ultra conditoning就買左～好潤keep住補搽好方便，味道好好聞，淡淡地蜂蜜薄荷味。但對如軟化死皮冇乜用。搽係唇膏面頭會有光澤而睇落唔油膩👇🏻🩷

AmyAmy好用推薦：性價比高嘅一支潤唇膏，而且容易買到，好多地方都有得賣，滋潤得來唔會太過油膩，而且就蜂蜜味好香