專櫃洗面乳 推薦好用產品

TsuenMa好用推薦：#Clé de Peau 鉑鑽淨膚潔面泡沫 一支出嚟就會見到佢乳白色偏Gel狀嘅、但係有閃閃亮亮嘅成份喺入邊，無虧欠咗佢個產品名「鉑鑽」，配搭住淡淡嘅香氣，高級感爆燈！ 篇膠狀嘅洗面乳，推開個黏性比較強，會感受到佢將你毛孔入邊嘅污糟嘢帶走。深層清潔好皮膚，先可以俾返你皮膚原有嘅光澤度，令皮膚更加光澤從細滑。但由於呢款清潔力比較強，乾性皮膚或許會有些少繃緊的感覺，我自己就局部地方會有些微繃緊嘅感覺，所以用完佢之後我都會即刻用返啲保濕度較高嘅產品去做保護，等皮膚keep住水份。 產品含有覆盆子精華，主要係抗氧化功效，令皮膚透亮光澤，製造柔滑嘅膚質。 淡雅香味縈繞，舒適潔面體驗，綻放明亮光澤。淨化肌膚表層，觸感平滑柔軟，令肌膚透亮白皙! 我呢個都差唔多用完一支，可能都會去繼續試吓發掘有冇其他更加高性價比、更加好嘅product。

TinaWongLK好用推薦：潔面乳篇 面上嘅污糟嘢佢可以好輕易吸走， 用水沖一沖就乾淨曬， 沖完感覺仲好水潤，唔會有緊繃嘅感覺❤️ 深層清潔嘅同時又可以滋潤肌膚💦 佢質地似雪糕一樣creamy， 對肌膚比較溫和💓 每次用唔洗擠太多，大概一粒黃豆大小 適合人群：混合/偏油肌❣️

mandy好用推薦：Sulwhasoo Gentle Cleansing Foam 順行潔顏泡沫 $280 / 200ml 功效：潔淨肌膚+保濕 早已聽聞順行潔顏泡沫十分好用， 用過果然立即變忠粉，天天按時使用， 還想回購常備家中呢。 即使順行潔顏泡沫只是潔面產品， 也添加了不少美肌成分， 比不少開架品牌的潔面產品蘊含更多美肌成分， 以抗氧化、抗衰老及保濕成分為主。 順行潔顏泡沫可以輕易起出海量豐盈的泡沫， 能徹底潔淨肌膚，而且不會引致乾燥緊繃。 潔面後，肌膚變得潔淨水潤，而且觸感柔滑。 含保濕成分: 戊二醇, 丁二醇, 乙基己基甘油, 春榆根萃取, 草綠鹽角草萃取 抗氧化成分: 川穀籽萃取, 可哥萃取, 覆盆子果萃取, 春榆根萃取, 草綠鹽角草萃取, 桑葉萃取, 濱海當歸萃取 及 維他命E 抗衰老成分: 川穀籽萃取, 可哥萃取, 覆盆子果萃取, 春榆根萃取, 草綠鹽角草萃取, 桑葉萃取 及 維他命E 美白成分: 川穀籽萃取, 草綠鹽角草萃取, 桑葉萃取 及 維他命E 控油成分: 糊精 鎮靜消炎成分: 覆盆子果萃取, 春榆根萃取 及 維他命E 去斑成分: 草綠鹽角草萃取 及 桑葉萃取

royu3好用推薦：如何在潔面時去除污垢，又能保持肌膚水潤， 一直是乾性肌膚最大的課題。 試過各類型的潔面產品，兩者很難兼得。 直到遇上這枝雪花秀的順行潔面泡沫！(*'▽'*) 潔面時揼出約2泵的份量， 起泡前為焦糖色的透明液體、帶點草藥清香。 （很療癒的氣味，個人很喜歡！） 我習慣使用起泡網， 只需2泵就能打出豐盈順滑的泡沫！ 綿密泡泡敷在臉上十分舒適(˶‾᷄ ⁻̫ ‾᷅˵)潔面後感覺乾淨，毫無繃緊感， 而且比潔面前更柔滑！ 它的成分天然，蘊含韓國傳統草藥萃取，能溫和潔淨肌膚。 不單只是乾肌，還適合任何性質的皮膚， 一年四季都適用！推薦👍🏻

Mformomo好用推薦：超推薦 Perfectly Clean 全效深層淨肌潔面泡沫/面膜 我通常會當面膜咁敷～洗完就會覺得啲皮膚好乾淨 真係好好用～我每星期都會敷一次..但我敷完當晚一定要敷個保濕面膜～唔係嘅話 起身我個鼻同 鼻翼位就會出好多油～所以一定要敷保濕面膜

Hamiii好用推薦：日日化妝，實唔多唔少有d殘留卸唔淨， 呢支洗面我習慣當面膜用， 一星期1-2次， 沖涼前搽一層， 洗完個頭就沖走， 洗完感覺非常清爽👍🏻 價錢真係唔貴，值得入手

Rachel好用推薦：加水起泡用 清潔力夠之餘又滋潤 完全冇繃緊嘅感覺 味道清新舒服 但性價比唔高 有預算可試試

popocarcar好用推薦：價錢唔便宜，但其實容量好大枝。 易起泡，洗面後唔繃緊。 會再回購。

Emily Leung好用推薦： 前陣子入手了Kanebo家的洗面奶，效果真的很有驚喜！ 作為一個混油皮，我覺得清潔效果都很不錯，毛孔都洗得乾淨。就算泛紅過敏、長痘痘，我用後也沒有加重炎症。 這是新升級版，裡面加入了美容液，在潔臉的同時達到鎖💧！濃稠到能拉絲！擠點點就能起好多泡沫！ 清潔到這麼乾淨後 不但不拔乾還水潤水潤的！ 後續的保💦護膚也更易吸收！ 也好喜歡它的味道，是淡淡的茶樹花香味！ 只需要一點點，打出超級濃密的泡泡，好用好聞，保濕滋潤，就泡泡這一點，絕對是在我心目中排很高！買一支可以用大半年！性價比超高！

Fng好用推薦：Kanebo呢支貴價潔面霜💚💚💚 清潔力與膚感：👍👍👍👍👍 (無可挑剔) 只需用好少份量，就能搓出極緻濃密、似鮮奶油一樣嘅豐盈泡沫，呢種觸感真係一流！泡沫溫柔包裹住塊面，清潔力非常足夠，能徹底帶走防晒同油脂污垢，沖水後個刻，皮膚係一種極致乾淨、零殘留嘅感覺，絕唔會滑潺潺。 用後緊繃度：🤔 (僅限夏日合格) 對於混合偏乾肌，喺香港夏天潮濕環境下，用完完全冇即時繃緊感，皮膚保持軟滑。但必須強調⚠️，呢種感覺係建基於高濕度！如果係在乾燥冷氣房或用於秋冬季，兩頰絕對會覺得唔夠力，需要即刻補水。 去黃光澤感：👍👍 (短暫效果) 洗完當下，可能因為皮膚乾淨兼帶水份，視覺上確有瞬間亮白咗、通透咗嘅感覺，但呢種效果唔會話好持久⛔️，主要都係歸功於佢優秀嘅潔淨力。 總結： 一支儀式感滿分、潔淨力卓越嘅貴婦級潔面。佢能提供頂級嘅洗臉享受同徹底清潔，非常適合混合肌在夏日潮濕晚間用作深層清潔，享受嗰種乾淨軟滑感💯💘。但對於追求性價比或極致保濕嘅乾肌來講，就可能覺得唔夠潤⁉️

Poyobb好用推薦：佢叫做金盞花潔面泡沫，但其實係透明gel狀，茶花味，佢嘅味道令我洗面時感到好relax🛁 起泡量適中，輕盈質地泡沫，洗面溫和，沖乾淨後唔會啜手，溫和嘅潔面產品都有類似嘅效果🥚 比同系列嘅爽膚水好用好多。保濕度好，用完感到皮膚嫩滑，任何季節都啱用。就算敏感泛紅皮膚都用得。 成熟皮膚開始注重穩定皮膚狀態，温和產品更適合，依枝潔面相信會再回購😊

dor.r好用推薦：一直都幾鍾意Kiehl’s呢個品牌，身邊嘅朋友都覺得佢哋嘅產品係幾有效果的👍🏻今次講吓呢支金盞花潔面泡沫🌼產品不含肥皂同酒精，可以舒緩泛紅敏感，保護皮膚屏障，不過我本身唔係敏感皮膚，所以呢方面感覺不大🫢佢有少少好天然嘅金盞花香味，我用大概五毫子嘅份量加水起泡，雖然不含肥皂但起嘅泡泡都算多，泡沫不算綿密🫧好容易沖洗乾淨，至於清潔同保濕功效都做得好唔錯，洗完面皮膚好爽但又唔會覺得繃繃緊，感覺幾舒服，我覺得混油肌係好適合用的，值得推薦👍🏻

YYeman好用推薦：🌱Fresh大豆精華溫和卸妝潔面乳🌸 我對潔面嘅要求：要卸到淡妝、要溫和、洗完面唔可以乾繃繃...Fresh呢支大豆潔面，居然全部做得到！ 試用之後發現，日常嘅唇膏、粉底，用佢都洗得乾淨，清潔力夠曬強！最緊要系洗完塊面系潤嘅，完全冇嗰種乾澀感，就算系皮膚狀態唔好嘅時期用都唔會有負擔。 初頭用嗰陣有啲困惑：用手搓真系一啲泡都冇㗎！後尾摷返個封緊塵嘅起泡網出嚟試，正到爆！啲泡沫幼細到好似打發得啱啱好嘅蛋白霜，搽上塊面超舒服！原來呢個先系正確嘅打開方式。 唔起泡系特點而唔系缺點，配返個起泡網就用得溫柔又乾淨，完美體驗～

Kpl6be6好用推薦：擠出嚟有淡淡清香～性質幾溫和～感覺用嚟缷除日常防曬都足夠～但如果有化妝～個人覺得額外要再用卸妝水再抹多次至夠乾淨～

Heychauchau 好用推薦：這個潔面乳標榜是以溫和為主打，而且建議使用對象是中性至乾性肌。我本身肌膚是混合性偏乾，常常會處於缺水狀態，有些清潔力較強的洗面產品，用完後會覺得皮膚很乾很緊繃，而這個潔面乳不止沒有濃郁的香精味，使用後皮膚感覺到有水潤感，不緊繃，同時配合洗臉機使用，能夠有效清潔臉上妝容和髒污。有別於其他洗面乳會乳化，CLARINS溫和洗面乳碰水後可以產生綿密泡沫，可以仔細洗淨每一寸肌膚。由於配方是加入有機金龍膽根及檸檬香蜂草萃取，潔淨同時能夠維持肌膚的水潤度，因此不用擔心會過度清潔，適合那些追求溫和、中性/乾性肌膚，想要潔淨同時保留肌膚水潤度的人，會是作為我會回購的洗面乳的候選名單之一。

Kura好用推薦：呢款洗臉膏真係非常適合秋冬季節用，用完皮膚會變到好滑嫩，但又可以清潔走日常油污，令到皮膚變得好乾淨，用完皮膚會覺得好清爽，但又唔會覺得乾緊，呢款洗面膏加水可以起到好綿密嘅泡泡，味道非常好聞，價錢非常實惠，用黎做日常清潔一流，我通常用黎清潔防曬日常妝容都清潔得非常乾淨，推薦俾所有肌膚性質嘅朋友，產地係法國 @cosme

Milo101好用推薦：（專門店取得試用包，淺層體驗一下～） 🌟潔臉泥只需用量很少，就可以搓出大量泡沫 （官網稱每次2cm，像圖中的份量減半） 🌟成份有摩洛哥熔岩泥，洗臉時會感受到磨砂粒，經按壓會化成粉泥狀，挺有趣 🌟洗完臉清爽又不至於繃緊，體驗感覺不錯，會考慮回購～

nicolebuzz好用推薦：網上見到有好評這款洗面，男生女生都很適合用，估唔到真係幾適合夏天使用。 我是混合肌膚油性肌膚，即使洗了臉都不會很乾，反而很清爽很乾淨，洗面乳裡面含有顆粒，可以慢慢按摩並帶走臉上髒污。 如果你今天粉刺痘痘特別多，洗澡前可以在臉上薄敷5分鐘內洗掉就可以了！每天洗皮膚也不會越洗越乾，適合每天使用，推薦大家買來用！ #火熱新品 🔥🔥

Camilalkw好用推薦：溫和 保濕力不錯 好好沖洗 唔會有殘留感 但唯一缺點係無乜泡泡 另外佢都有添加經典既Sk2 PITERA™成分 可以調理肌膚平衡

Noel好用推薦：SK-II 的 Gentle Cleanser 由於單價比較高，所以個人對這件產品有很高期望。潔面乳呈白色膏狀，只有一粒黃豆多dd 的份量，就能起泡，泡泡多而且綿密，使用時很舒服👍用量又省，算是可以接受。而且用後清爽，沒有繃緊，我這個大乾肌用也覺得 ok❗ 缺點方面： 1️⃣ SK-II 價格比較高，我會選擇能達到差不多效果，但相對便宜的 Decorte AQ系列 2️⃣ 花香味很重，鼻敏感人士千萬留意

YiN好用推薦：因為同屋企人share用，佢係我屋企已經回購過無數枝嘅潔面產品。包裝都係一般洗面膏嘅tube裝，用到尾都係要剪一半挖出嚟用嗰種。 本身帶有專櫃品牌上常有嘅香味，唔算非常濃，洗完都唔會殘留喺皮膚。唧出嚟係白色膏狀質地，唔會好流質，相比起液體狀嘅洗面奶，我覺得膏狀用起嚟方便啲，唔會未起泡就喺手指罅流晒出嚟。 單純用手都可以搓出好綿密嘅泡沫，再俾多啲心機慢慢搓，可以出到更加多泡。 唔知係咪因為咁強嘅起泡力，佢嘅清潔力亦都非常強。我作為混合性乾肌，佢可以輕易洗走我T字部位嘅油分，不過洗完會覺得有啲乾，我之後會搽返護膚品所以唔會好困擾。而我出油量更高嘅屋企人用就愛不釋手，所以推薦俾油肌嘅朋友們。

TsuenMa好用推薦：潔淨肌膚同時鎖水補濕！ 唧出嚟嘅洗面奶，乳白色入面有少許閃令令嘅成份，相信就係微米亮白粉末，粉末能清除氧化皮脂、老化細胞同污垢，令到皮膚煥然一新✨ 成份包括胚芽油，於潔面後留於皮膚表面，可以增添補濕成效，更能形成保護膜，為肌膚做更高嘅防禦力💪🏾 產品起泡能力很高，上面好舒服，洗面後能有感地覺得皮膚潔文清爽左許多😆 真係有煥然一新嘅感覺。基本上只需要取少量就可以起到足夠嘅泡泡清潔全面😙 雖然定價少貴，但一枝應該都可以用到好耐。同埋以佢嘅清潔力同保濕防禦力，我覺得佢係值得入手🤲🏾

葉子🍃好用推薦：洗面膏偏橙色，好香既漢方味道，容易起泡，泡沫好濃密細緻，係比較溫和唔刺激既洗面、夠乾淨保濕，鐘意洗完面都唔乾，越用越好，逐漸調理皮膚，均勻膚色、皮膚光澤度增強，想再試下其他款

lingbb好用推薦：用得后既都唔會抗拒佢既中藥味， 聲稱蘊含多種韓方草藥，能減緩各種導致肌膚老化的外在因素，保持肌膚健康。 擠出黎係好杰身嘅膏狀，帶有濃郁既人參味，用豆仔份量加水出黎既泡沫就唔係話好細膩同豐盈，尚算可以。用後無刺激敏感！我覺得個優點係佢既味，清潔能力等等都無太大特別。佢價錢較高，所以未必會買了

iliya 好用推薦：潔面泡沫嘅清潔力都幾好，洗完面之後唔會有乾燥嘅感覺，而且有淡淡嘅香味，令每晚心情更靚😍

chymiaaa好用推薦：用完之後塊面會好乾 而且整少少出嚟就已經可以起到好多泡 用完之後會聞到一陣香味 又唔會話太濃 我自己來講就覺得幾唔錯

Soda soda好用推薦：呢款係好溫和嘅潔面乳，敏感肌都岩用 洗完面都保持到濕潤，乾肌位置感覺良好，T字位油亦都唔會覺得有厚重既感覺，春夏季用都OK 一揼就可以搓到好多泡泡，所以一支都用好耐

維他他好用推薦：買set裝送的旅行裝，都幾多容量，幾mild的洗面，重點洗完感覺潔淨同水潤，保到濕，泡泡都多，幾好

Hamiii好用推薦：免稅店見到套裝入手 本身expect佢會比較潤 但最後竟然偏乾🤨 起泡正常 清潔度唔錯 但洗完少少乾 可能天氣乾燥？！ 功能上不過不失 唔係非佢不可咁🫥

Milo101好用推薦：🌟潔面霜不錯，著重水油平衡 🌟泡泡易起而且綿密，清潔效果很好

葉子🍃好用推薦：之前用過THE WHOO橙色洗面幾好用，所以試下其他款，呢支主打水潤保濕，有花香味，質地係凝膠狀，泡泡唔算多，但清潔到深層，用完好乾淨、水潤，用左幾日皮膚狀態一路變好，會想再購買

呆呆的槑好用推薦：透明jelly狀，洗完乾淨之如不緊繃，皮膚比起用其他洗面更加水潤🥰 雖然價錢有d貴，但它一次擠一點點(比1毫子細)就夠用，而且十分起泡，所以可能它1支=人哋2支🤣

MaggieWong好用推薦：正正常常無特別的感覺，很普通的洗面，冇任何出眾位，油皮膚可以洗乾淨，但以呢個價錢可以有更好的選擇。

Heychauchau 好用推薦：有使用過同系列的精華和乳液，補濕效果還可以。這款號稱也是保濕系列的洗面乳，乳化效果不錯，洗完臉後會有清爽感，感覺有把皮膚的污垢帶走，但不會覺得皮膚很緊繃，只是略嫌有點乾，後續使用保濕類產品加強保濕就可以了。

Tobimak好用推薦：呢支洗面乳既清潔力唔係好強，用後沒有敏感和沒有覺得乾。對我黎講就只適合朝頭早起身洗走前一晚多餘的護膚品用，因為夏天用佢去油又唔夠力，冬天用佢又唔夠滋潤咁。買左佢又唔算踩雷既，只係呢個價錢既話可以揀其他更好的產品。

Lumi Kwan好用推薦：每次份量都要多少少先叫洗到。用後唔乾，感覺到有清潔，但又唔會係好舒服，覺得可有可無

choichoi好用推薦：於資生堂云云的洗面產品當中深得我心的其中之一（笑）不刺激也不令肌膚緊繃，容易洗淨而且臉頰的質感會變得比較Q彈

Abbie好用推薦：洗得超乾淨 ！！我自己係有時皮膚乾嘅人， but sometimes 我塊面係出油出得勁, 果個時候我就會用呢一隻， 因為佢嘅清潔能力好高！

Kura好用推薦：Clarins嘅植萃溫和潔面泡沫係我轉季最鍾意用嘅洗臉，質地係膏狀但會有藍色嘅磨砂粒粒，但加水就可以起到好濃密嘅泡泡，同埋藍色嘅粒粒上臉都好舒服，清潔力好好，用完皮膚唔會覺得乾，又帶有自然嘅香味，價錢又唔貴，適合混血性同埋乾性皮膚用，用完一段時間皮膚會變到好細緻，痘痘都會變少d，我會繼續回購 @cosme

SKY好用推薦：買精華送的試用裝。極度濃烈的香味，令人不適。使用時不小心入眼會很痛，感覺不溫和。洗完面後感到面部極乾，而這款洗面乳是標榜給中性至乾性皮膚使用的，但我混合性皮膚使用已經感到這般繃緊，不安。