保濕 推薦好用產品

GinGin好用推薦：質地清爽一D都唔笠，容易推開，而且好香，我係混合性皮膚偏油都唔會敏感，仲係許廷鏗，STEPHY做代言人, 一定要買

Hamiii好用推薦：同支toner一樣既問題.. 太黏立啦… 保濕度亦唔夠… 可能唔係好岩我用😥😥

natanatalie好用推薦：我的咀唇屬於一年四季都咁乾嘅咀唇。。。🥺 最近香港濕度得返3x%，咀唇就更加乾到甩皮！呢款潤唇膏係唧狀，唔係筒狀，對於我呢啲夜晚需要厚敷嘅人嚟講更方便更好用！🙆🏻‍♀️ 溫和而無香料嘅潤唇膏可以深層滋潤到咀唇，用完第二日咀唇會無曬死皮，亦唔會甩皮，仲會好嫩！推薦🥰

mysecretgarden好用推薦：包裝係用唧裝，非常衛生方便，完全唔會浪費亦唔會污染到支唇膏，帶出街用都好方便。 質地方面，佢係一種好柔滑嘅膏體，搽上嘴唔會過厚或黏膩，用後有滋潤感。沒有味道，用落好安心，唔會因為香料而引起敏感，能夠有效舒緩同修復乾燥嘅唇部，作為日常護理同妝前打底都非常適合。不過打底嘅話要預留多少少時間俾佢吸收先上唇膏，如果唔係望落去就會好油同埋唔上色。

Milo101好用推薦：Lancome 最近新出的Longevity逆齡面霜是以前金色面霜的升級版。之前購物時有一瓶15ml的（都有半盒貨裝份量），用左幾個星期都差不多用完了，所以記錄一下～ 首先，氣味方面是清香的玫瑰香氣，不會濃俗。其次質地方面，絲滑質感，非常易推，可以推到薄薄一層滋潤層。塗上後會有持久的細潤感覺，所以比較喜歡晚上使用，即使開冷氣訓，都可以保持皮膚不會乾。 至於效果方面，升級版成份更優質，塗抹式PDRN標榜可以促進膠原再生，自己用左幾星期（晚上用居多），比較明顯感覺到鼻翼旁邊的法令紋無咁深。如果用開Lancome金色系列的，呢個升級版面霜的效果算係比較快見效的。 #火熱新品

lonia好用推薦：試用Lancome呢款極緻完美玫瑰逆齡面霜，佢嘅質地好柔滑，好容易就可以推開被皮膚吸收。呢款面霜帶有淡雅嘅玫瑰花香，臨瞓前搽感覺好抒壓～ 搽完之後感覺到皮膚嘅彈性同水潤度好咗，用咗幾次之後，覺得皮膚細緻度都有改善，毛孔、細紋都冇咁明顯，仲多咗份水光澤感。鐘意佢潤而不笠嘅質地，一年四季都合用。而且功效都算幾全面，適合三十幾歲嘅初熟肌。

Luna好用推薦：#火熱新品 講真！年紀大咗之後，塊面真係比以前易乾易缺水 加上我又好鍾意熬夜，搞到自由基喺塊面度亂咁嚟 塊面睇落好乾、好粗糙又黃，仲成日泛紅、脫皮咁 之前都試過好多抗衰老面霜，總覺得只係表面潤 第二日起身塊面都係一樣咁乾 Farmacy蜂蜜雲朵保濕修護面霜係乾燥肌嘅救星！ 但其實佢對付熟齡乾燥敏感肌真係好有一手 真係俾佢嗰種緊致感折服到 仲有佢嘅補水保濕力 絲滑芝士質地，膏體望落比較厚身 但係！真係！上面嗰陣勁絲滑細緻 一推開就俾皮膚吸收晒，完全唔黏 仲帶住淡淡嘅蜜糖香味，勁好聞！ 每次用完塊面都覺得俾人滋潤住咁！ 熬夜黨真係好容易屏障受損，入面油出面乾+乾燥鬆弛 佢哋主打嘅長壽蜂膠原科技 可以幫塊面修復+促進膠原生長 令塊面想唔嫩都難 照鏡覺得鬆弛嘅地方都漲返飽滿晒！ 應有嘅輪廓緊致感都出返嚟 面上各種細紋都撫平晒 再加埋細胞修護因子+神經酰胺滲透科技 可以話係將修復+提亮安排得清清楚楚 堅持用落，熬夜引起嘅假性鬆弛都改善咗好多 塊面望落成個又穩定又透亮！ 一樽兩用！性價比真係拉到爆！

Kathy Wai好用推薦：#火熱新品 Farmacy 蜂蜜雲朵保濕修護霜評測 呢罐 Farmacy 蜂蜜雲朵霜，質地好似輕飄飄嘅雲咁☁️ 一打開就已經聞到好香嘅蜂蜜味，但係唔會假甜嗰種🍯 搽上面嗰陣好滑好易推開，吸收速度都算快 最驚喜嘅係——保濕得嚟完全唔會油淋淋，仲好有透氣感💨 用完之後皮膚即時感覺好軟熟，好似飲飽水咁 就算轉季乾燥或者冷氣吹到塊面緊晒，佢都能夠快速舒緩返💧 而且呢罐敏感肌都用得，我用完冇起粒粒或者泛紅🙌 夜晚用完，第二朝起身塊面仲係keep住嫩滑又有光澤✨ 唯一要挑剔嘅係，如果大乾皮冬天用好啱，但夏天用可能覺得少少厚 同埋價錢方面略為貴少少，但效果對得住個價錢✔️ 總結： 中至乾性肌、敏感肌都好啱用 保濕＋修護＋舒緩一次過搞掂，回購意願好高🆙🆙

Noel好用推薦：最近大愛的晚間保養品，超級推！本人對 medicube 產品非常有信心，到了韓國即時購入這枝保濕霜。面霜呈淡粉紅色，非常少女心，是厚厚的凝膠狀質地，沒流動性。塗到皮膚上，相當容易推開，延展性高。無論晚間在冷氣房厚厚地用，還是日間化妝前塗薄薄一層，都可以👍 面霜非常強調PDRN成份，在韓國大熱 (從三文魚精子中提取的DNA箤取) 由於它與人類DNA的高度相容，因此被廣泛應用於保養品及各種醫美療程。因此，無論日常使用，或者使用家用美容儀後，我都會塗上這枝保濕霜守尾門！ 個人已經使用了三星期，保濕效果非常理由，早上醒來皮膚很潤澤，即使睡覺吹了8小時冷氣，皮膚也不乾燥💙 有時不為意塗近了眼周，也沒有刺激👌打算冬季要試試它的進階PDRN膠囊面霜呢💕

peonyiuu好用推薦：已經用到2枝空瓶🙌🏻 之前夏天熱嘅時候 同埋做完運動 返屋企沖涼一定要用佢 清涼感覺好舒服 真係做到即刻降溫🧊 雖然依家天氣變涼 但係洗頭水嘅涼感唔會覺得反感 反而會有清爽嘅感覺 屋企人有頭皮朝痕癢嘅問題用完佢都有好明顯改善唔再頭痕又減低泛紅 因為之前拎到試用裝 所以依家去旅行都會keep住用佢👍🏻

Anna好用推薦：最近轉用咗一隻新的洗頭水叫 Suu Balm 溫和保濕去屑洗髮水，它的功能非常好，用嘅時候非常清爽，有一種食緊薄荷嘅感覺，尤其是現在夏天，又清爽又止痕，用咗兩三次之後，第二天會發現自己的頭皮屑剝落，已經減少到幾乎沒有，再加上佢唔含任何有害成份，總括呢講都係一隻非常之好用嘅洗頭水。

Kmggigi好用推薦：SK‑II SKINPOWER 煥顏能量精華霜 — 水潤好推，用幾日已感覺到緊緻提升✨ 質地: 呢款精華霜質地偏固體，但一抹都算容易推開， 延展性高，搽上面好快吸收， 用完皮膚感覺舒服又有彈性。 效果: >持續用咗幾日之後，明顯感覺到肌膚變得更緊緻， 輪廓有少少提升效果，皮膚摸落都實淨咗， 有返彈力嗰種感覺。 除咗緊緻之外，皮膚狀態都穩定咗， 用完有光澤但唔笠，日頭夜晚用都無負擔。 總結：想要彈力同緊緻感，呢樽真係值得投資 SK‑II SKINPOWER 煥顏能量精華霜質地清爽又有效，用得舒服之餘又見到變化，想改善鬆弛同提升肌膚彈力嘅可以考慮入手✨ #火熱新品

Camilalkw好用推薦：上個月去日本買神仙水嘅時候 買得多送咗呢盒面霜俾我 返到香港即刻開嚟用 好鍾意浸味 用咗一個星期 感覺真係有緊致到 不過保濕就差啲啲 建議可以喺夜晚重點位置揸 上面冇想像中咁好推 我認為應該會會適合啲年紀around 30尾🫶🏻 建議如果想滋潤啲可以買返舊版 下次分享舊版有咩特別😝

whTsoi好用推薦：之前看到很多youtuber都推薦它 說是安全的物理性防曬 成分對海洋也很友善諸如此類的 然後我就好奇在官網買下來 結果還真讓我十分驚艷 它的質地看似是黏稠的霜狀 但實際上擦上去非常容易推開 擦完皮膚也非常清爽 物理性防曬肯定會呈現的泛白我覺得也很自然（本人拍攝技巧太爛 可能看不太出差異 請見諒） 這是我用過最滿意的防曬霜沒有之一 絕對會回購

Desse好用推薦：代購度見到有caudalie 3件套.. 即時買黎試.. 但可能是天氣的錯… 體驗效果唔太好⚖️ 葡萄籽保濕雪芭面霜 並沒有出現預想中嘅葡萄籽味.. 擠出嚟有點似豆腐渣.. 醜醜哋🪻 捽開揸上臉.. 質地似描述嘅雪芭..輕薄易推 🪻🪻🪻🪻🪻🪻🪻 🪻面霜保濕度不足 秋天天氣下.. 只能有效保濕1-2個鐘.. 🪻明顯泛油 2個鐘嘅保濕時間後會見到明顯泛油.. 愈乾嘅時候出現得愈快 日本室內暖氣下.. 1個鐘就要出動面油紙🪻 秋/冬不值得考慮🪻

mandy好用推薦：CAUDALIE VINOSOURCE  MOISTURIZING SORBET  葡萄籽雪芭保濕面霜 葡萄籽雪芭保濕面霜是主打保濕的面霜，具有不錯的保濕力，是清爽型保濕，所以滋潤度不高。雖然葡萄籽雪芭保濕面霜可以早晚使用，個人推薦早上使用，因為其輕盈質地好吸收，即使之後上妝，也不會起屑。晚上適合改用較滋潤的晚霜，加強保濕及修復肌膚。 葡萄籽雪芭保濕面霜的質地水感輕盈如雪芭，非常易於推開，而且很快被肌膚吸收，使用感極為清爽不黏笠，輕到好似沒有在用面霜的感覺，非常適合混合肌、油性肌或是怕笠人士使用。 成分方面添加了不少美肌成分，例如：保濕成分、抗衰老成分、抗氧化成分及鎮靜消炎等成分。 此外，由於葡萄籽雪芭保濕面霜不具防曬效能，早上使用葡萄籽雪芭保濕面霜時請配合防曬一起使用。 含保濕成分：甘油, 牛油果樹果脂萃取, 赤蘚醇,卵燐脂, 木蜜醇, 辛乙二醇, 葵花籽油, 野大豆甾醇類, 丁二醇, 羧甲基 β-葡聚糖鈉, 生物糖膠-1 及 玻尿酸鈉 抗衰老成分：甘油, 牛油果樹果脂萃取, 維他命E, 葵花籽油, 葡萄汁, 野大豆甾醇類, 德國洋甘菊花萃取 及 玻

mint好用推薦：我係混合肌，T字位成日出油但面頰又乾到爆，試過好多精華都唔啱用。今次喺官網買咗Declare呢支多元緊緻煥膚精華，真係好驚喜！ 用落超級方便，滴管設計衛生又易控制份量。我通常擠兩滴喺手心，輕輕按壓上臉同頸，吸收得好快，完全唔會黐立立。而且用咗唔夠一星期，毛孔明顯細咗，面頰位冇再甩皮，T區出油情況都好咗！ 秋冬季用真係一流，保濕得嚟又唔笠，仲有陣陣天然植物香味。$760有50ml，計落都幾抵玩，會繼續回購！

Anna好用推薦：一直都有用開 Declare 的多元緊緻煥膚精華液，︀使用非常之方便，用滴管將精華液擠在掌心，塗抹於臉及頸部就可以完成步驟，用完感覺好清爽，效果非常之好，用咗唔夠一個禮拜就已經有好嘅成績，非常之可靠的一款產品。

chewyfruit好用推薦：呢個新出嘅蟲草隔離真係離譜過粉底液萬倍！！！ #火熱新品 Bobbi Brown呢次係咩黑科技嚟㗎？個冷白粉調色啱啱好，塊面啲血色不知不覺升咗幾級，暗沉同黃氣直接消失晒，連鼻翼泛紅都壓到實一實！對住塊鏡睇，成個感覺就係：『我啲皮膚本身係咁靚㗎～』 搽上臉嗰下仲癲，滑到好似絲綢咁，一撻落去就同塊面融合，完全冇嗰啲撻唔勻嘅斑駁尷尬！我塊面乾到似沙漠，轉季仲要脫皮，點知一搽佢即刻滋潤到飛起，之後再上粉底零卡粉！果然加咗蟲草精華，敏感肌都安心用。 最正係朝早趕返工，搽完連防曬都慳返——SPF20 PA++，日常返工出街夠晒用，唔使再疊防曬搞到搓泥！早啲出呢隻色嘛！今次真係比佢嗰種自然透光感食到應一應！！

Fng好用推薦：新版肌研金極潤特濃保濕精華水用後感 ——乾肌嘅「極潤水光彈」 💧✨ 我係熟齡混合偏乾肌，成日覺得皮膚乾到崩緊，但護膚品用得太潤又會黏笠笠；真係好矛盾。見肌研金極潤升級咗（約HK$50-80 / 170ml），就買嚟試，冬季用咗一個月 🧴 質地：濃而不膩，滲透快 · 擠出嚟係 「似稀身啫喱」 ，流動性高但有濃稠感，推開時會感覺到啜住皮膚咁滲入去 · 吸收速度快，10秒內完全吸收，零黏笠！用完皮膚即時有飽水柔軟感 · 只要輕輕拍打就能促進滲透，用完皮膚即時有飽水柔軟感 · 後面再上防曬、粉底，都唔會搓泥，妝感仲有微微光澤感 🔬 成份：8重透明質酸，極致保濕 · 新版採用 「8重透明質酸處方」 ，係肌研系列中含透明質酸種類最多的產品，包括納米透明質酸、高效透明質酸、吸附型透明質酸、3D透明質酸、乳酸發酵透明質酸等 · 新升級添加「乳酸球菌透明質酸發酵液」，世界首創在化妝品中添加這種成分，能持久保濕，提升保濕續航力 · 同時加入高濃度水解膠原蛋白同活性多肽，針對熟齡肌「滋潤抗皺」同「提昇彈性」嘅需要 · 無香料、無色素、無酒精、無防腐劑，敏感肌都用得 ✨ 效果實測：保濕力驚艷，緊緻

WSY好用推薦：綠茶可以幫助皮膚回復水油平衡。用完好清新唔會崩緊。講到卸狀效果都幾好！

Angie好用推薦：係一款比較溫和嘅卸妝水，用落皮膚完全唔會有刺激感，淡淡嘅香味好容易接受，適合日常使用

Mo Wong好用推薦：見Charlotte Tilbury 出新遮暇液，即去試用睇下啱啱用，我今次試遮黑眼圈，無上粉底，只搽cream之後上遮暇液再掃上碎粉，效果自然都遮到七至八成黑眼圈，唔會太乾現眼紋，長時間都無變灰變黃，唔錯。 #火熱新品

Tszki好用推薦：Charlotte Tilbury Beautiful Skin Radiant Concealer (光感柔滑遮瑕液) 這款遮瑕液強調保濕與養膚功效，蘊含透明質酸、維他命C及煙酰胺等成分。 提供中度遮蓋力及自然光澤感，有助提亮膚色，改善膚質，妝效持久達16小時。 

Milo101好用推薦：kanebo新出的極光瓶，質地方面是半透明乳液狀，吸收力真的很不錯，有花香氣，確實為後續的保養品帶來很好的提升作用。 極光瓶的功用主打多功能，聲稱能激活肌膚5項機能 。早晚使用超過一個月了，所以就針對這5項功效淺評一下： ✅增強屏障功能：3.5/5 自己皮膚偶有輕微脆弱敏感或脫皮，使用期間只有極輕微皮膚脆弱狀況，屏障功能尚算可以 ✅提升保濕力：3.5/5 使用時即時有感保濕力提升，滲透能力很好，當然天氣乾燥時需要配合保濕力更強的後續面霜 ✅構建健康角質層：3.5/5 角質層狀況可以，不會過厚導致阻塞或過薄 ✅促生膠原蛋白：4.5/5 （最滿意） 最滿意緊緻肌膚，同時有飽滿效果，整體臉形輪廓更突出之餘不會顯得削陷，更年輕化，連苦惱多時的法令紋都慢慢開始填飽滿，非常驚喜！ ✅增加通透感：3.5/5 維持改善色斑暗沉、輕微提亮光澤感 用完一個月都還有半瓶，緊緻提升飽滿效果不錯，所以都很滿意性價比。建議護膚步驟：用完極光瓶後續搭配更高效或優質的面霜，會有加乘作用～ #火熱新品

Blooming好用推薦：KANEBO 極光瓶，搽完皮膚好柔軟飽滿，淡淡花香，令人好舒服，唔黏笠，吸收得好快。

maylam好用推薦：好用嘅body lotion! 而家係春天 天氣潮濕悶熱 本身擔心搽完會好痴笠笠唔舒服 結果發現呢個係好易吸收！ 唔會好唔舒服 仲要勁保濕 甩皮位即刻舒緩晒 會回購！

Wuxx好用推薦：雖然我好鍾意試新嘢， 但每到冬天我一定會買返韓國品牌嘅護膚品， 因為佢哋嗰邊嘅氣候本身就比較乾燥， 所以我相信佢哋會更清楚點應對乾燥氣候， 係香港冬天嘅時候用佢哋嘅產品會更加適合。 一直都好鍾意韓國呢個品牌， 因為佢崇尚自然發酵嘅品牌理念好好， 特別係依枝肌底精華真係效果顯著， 名副其實肉眼看得見嘅改變。 雖然佢話係精華，但我覺得佢似非常高修護嘅化妝水， 夏天用完佢基本上可以直接搽cream， 但係冬天用佢係有種令後續護膚得到昇華嘅感覺， 有時冬天濕度高唔想用太厚重嘅化妝水我就會揀用佢。**顏色有少少似洗米水，味道好舒服

Paris merci 好用推薦：Decorte AQ平時喺SOGO先會見到，而家喺cosme旗艦店有得試，佢哋介紹有Aq有兩個系列，銀色係美白，淡金色係修復。呢個牌子係主打先乳後水，韓國、日本流行，可以令皮膚更加滋潤。乳液用先，用化妝棉幫助護理角質，之後先用水。依種手法香港都適合，因為香港冬天比較乾燥。 因為我係乾性皮膚，所以買咗乳液同Aq absolute treatment hydration lotion 3化妝水入邊最滋潤，但其實用落都唔太稠，倒出嚟都係水狀，似精華水款，拍上面之後好似留有精華嘅，可以再等佢吸收。化妝水有雪前白樺樹汁+白花油麻藤莖萃取精華，同時包裝係好高貴，超有質感！水聞起上嚟都好舒適，成個感覺都好享受☺️ 用咗兩星期，我皮膚係保持穩定咗，而且好有水潤感，每日起身皮膚都冇咗嗰種冬天乾燥同埋捱夜嘅暗黃感，皮膚有一種透亮感，我覺得佢有佢嘅價值💕

Fng好用推薦： NUXE 玫瑰潔面泡沫🌹 我係熟齡混合偏乾肌，春夏天最怕洗完面乾到繃緊。 質地：一按出泡，泡沫綿密軟滑，唔使自己搓。淡淡玫瑰花香，洗面都有儀式感 🌸 用後感：洗完清爽唔乾，偏乾肌都唔繃緊。溫和唔刺激，敏感泛紅時期用都冇問題。透亮感有少少提升，膚色望落乾淨咗。 春夏天用：清爽唔立，冷氣房洗完都唔會乾，懶人恩物 ✅ 注意：清潔力偏溫和，防水眼線/濃妝要另外卸。有香料，極度敏感者建議先試。 性價比：約$170，開架價錢，敏感肌友好，會回購～ 💡 早晚都用得，朝早醒神，夜晚放鬆 😊 #NUXE #玫瑰潔面泡沫 #RoseFoamingCleanser #敏感肌潔面 #溫和潔面 #泡沫潔面 #懶人潔面 #保濕潔面 #玫瑰護膚 #法國藥妝 #敏感肌友好 #混合肌護膚 #香港潮濕天氣護膚 #平價潔面推介 #洗面奶推薦 #潔面泡沫 #nuxe香港 #火熱新品

Also melon好用推薦：面霜質地介乎gel同cream之間，未算係最輕盈，保濕度就中規中矩，但有一浸香料味嘅檸檬味，而且搽咗上面之後留喺面部嘅時間都比較長，唔太適合敏感皮膚使用。如果年輕皮膚或者油性皮膚，冬天用嘅話搽埋其他保濕精華就夠。 呢個牌子比較多學生用，如果用到其他牌子，呢個牌子就麻麻哋，只可以話係學生入門級平價之選，或者你真係最基本簡單護膚都適合用嘅。

AngelFung好用推薦：中規中矩嘅一款面霜，冇乜特別，質地少少稠，如果之後要化妝就稍厚咗啲，但如果瞓前搽又保濕效果一般~