化妝問題 推薦好用產品

Ressie14好用推薦：我大支細支都有。 一支係大貨裝（200ml），一支係2023年倒數月曆既內容之一（50ml）；暫時我仲用緊細嗰支。噴嘴口冇乜分別。 我化全妝會用佢，上完matte finish foundation之後就噴一次面，so far 喺咁既天氣（2月至4月）冇溶過妝、冇乾到脫皮，效果唔錯👍 我欣賞佢霧化效果，噴完個刻有水份感覺但又唔會見到有小水珠💦 快成膜。 同埋我係鍾意玫瑰金色嘅產品 🥰 所以點解帶咁多CT產品唔多唔少都係因為鍾意個包裝。

Fng好用推薦：Charlotte Tilbury Airbrush定妝噴霧， 細細枝試用裝放喺手袋勁方便，用後感👇👇 ✅ 優點： · 超強鎖妝力：高溫濕熱下實測，底妝堅挺8小時以上，口罩摩擦都唔點脫妝！ · 霧面高級感：一噴即時柔焦毛孔，變啞緻絲絨妝效，油肌救星 · 噴頭出色：水霧細密均匀，唔會射花底妝 ❌ 缺點： · 價錢進取，同級產品中偏貴 · 偏乾繃感：乾肌用後可能覺得繃緊，要加強妝前保濕 · 香味濃烈：玫瑰香較人工，敏感鼻可能頂唔順 💡 總結：香港夏天油肌／混合肌必試！控油同持久度無得輸，但乾肌同香味敏感者請試用先～

Kelvin好用推薦：M.A.C出過四款唔同嘅定妝噴霧比唔同嘅膚質用，2024年我新買咗呢支👉🏻 長效定妝噴霧 (紫噴) 紫噴主要用於化妝後，噴係成份俾無酒精成膜劑！所以敏感肌都可以用～ 呢支噴頭做到霧化效果，比基本透明黑蓋嗰支更加好。噴出嚟清新香味，好似成個妝高質咗。 我係用完蜜粉之後疊加setting spary，延長帶妝時間。噴完之後有微微嘅水光感。噴完全日真係冇乜點甩妝，定妝效果強！ 新手用setting spray請先搖勻，然後離遠面部10至20公分，以T字加X字方式均勻噴上，全面就可形成防護膜。 質地有少少笠，偏保濕，中性肌至乾性肌會較鐘意。歲未通頂岩曬無甩妝👍🏻

zzzhelen好用推薦：噴頭做到霧化，但都有小水珠出現，需要用手幫忙拍打開先快啲乾。乾後，會係面上形成一層光澤感表面。 以往夏天一出街就成面油，噴完之後，可以keep3個鐘（室外加冷氣凍既地方）先出油。不過由於我毛孔粗大，光澤面會突顯毛孔問題，所以就唔考慮回購了

Giselle 好用推薦：Canmake 棉花糖美肌粉餅 PP色 *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 呢款係好耐之前嘅限定色(●︎´ϖ`●︎)佢係主打可以化出透亮有血色感嘅底妝( ` ･ω･ ´ )所以同一般嘅粉底會用唔同色調嘅膚色好唔同，呢款嘅粉餅顏色係粉紅色₍ᐢ⸝⸝› ̫ ‹⸝⸝ᐢ₎但佢上妝之後唔會好似胭脂咁粉咁紅⸜( ´ ꒳ ` )⸝♡︎反而係真係有令你嘅膚色白咗一度嘅錯覺*ˊᵕˋ)੭至於增加血色調方面可能因為我唔係屬於皮膚偏白or青調嘅人，所以搽上臉後唔太見到有明顯增加紅潤感( ˙༥˙ ) ❤︎ ❤︎ 另外佢呢款係有添加好細微嘅閃粉，我自己覺得係燈光下啲閃粉反光嗰陣更凸顯出肌膚嘅透亮感(◍︎•ᴗ•◍︎)持妝效果算係中規中矩，我混合偏乾嘅膚質係用咗散粉同定妝噴霧大約keep到3-4個鐘就需要補妝( ･᷄-･᷅ )油肌嘅小夥伴應該要2個鐘補一次妝(꒦ິ⌑︎꒦ີ)不過佢細細盒而且入面有鏡包埋所以都算容易帶出去補妝(◍︎˃̶ᗜ˂̶◍︎)✩︎比較可惜嘅係呢隻色已經停咗產(っ◞︎‸◟︎c)而且本身canmake呢個系列嘅粉餅顏色只係得3-4隻色，好多時都搵

Angie好用推薦：粉質好幼滑，上面嘅即時效果唔錯，不過持妝度唔夠，過幾個鐘就會變到好似面具咁，面頰位置會一撻撻浮粉😟

Zoe好用推薦：一直用開植村秀嘅小方瓶 但由於冬天怕乾 所以試下轉用佢地粉底霜 意外地混油肌 秋冬天都好啱用 首先絕對唔會乾 亦都唔會斑駁甩皮 遮瑕力中等 瑕疵肌可以薄上兩浸 再加遮瑕膏都無問題 大半日後出油皮膚都好靚 會有種水光感 鍾意光澤粉底嘅 絕對推薦 下個冬天都會再回購

wintonggg好用推薦：還可以，粉質都幾滋潤，好帖服，不過個設計唔太好，要用手/刮刀整粉底液出來有D唔衛生，同埋都有D浮粉

Gtam 好用推薦：柔光素肌定妝粉餅的控油能力非常出色🔥可以有效地吸收面部多餘的油脂，讓肌膚保持清爽🌬️乾爽的狀態，並且能夠長時間保持妝容的完美狀態😻 除了控油🌝效果，柔光素肌定妝粉餅還有其他優點。首先是它的質地細膩🧏🏻‍♀️非常容易上妝💆🏼‍♀️只需要輕輕一掃，就可以均勻地覆蓋整個面部，讓肌膚看起來更加光滑、細緻。其次，這款粉餅還具有遮瑕能力👍🏻可以有效地遮蓋面部的瑕疵和暗沉🌗，讓妝容更加完美。

YYeman好用推薦：Innisfree 櫻花亮肌素顏霜測評 平時出門唔想化妝，想搵啲輕薄、可以提亮面色但又唔使點化妝嘅嘢。見到呢個素顏霜包裝粉粉嫩嫩，仲話有櫻花成分，就忍唔住入手試吓啦！ 用後感分享： 質地同氣味： 一開樽就聞到好清新嘅櫻花香，唔會好濃，好舒服～ 質地係乳霜狀，推開好水潤，完全唔黏立立，吸收得幾快。 效果方面： · 提亮： 真係有即時提亮效果！唔係死白嗰種，係透出自然光澤感，好似皮膚自己咁好氣色。 · 修飾： 可以柔和一啲暗沉同泛紅，但遮瑕力唔算強（畢竟係素顏霜）。如果唔係好大瑕疵，單用已經夠精神。 · 保濕： 唔算好滋潤，但普通乾肌夏天用都OK。如果係極乾肌，可能之前要做好保濕打底。 適合咩人用： · 想快速出門、追求自然偽素顏嘅你 · 油性/混合肌（清爽唔黏） · 學生黨/上班族（平價、方便） · 需要提亮膚色、但唔想化全妝嘅日子 小缺點： · 大油皮可能到下午會少少出油，要印一印油。 · 如果皮膚狀態唔好（例如爆痘），修飾效果會比較有限。 溫馨提示： 1. 用量： 建議少少哋用，貪多反而會太白或者唔自然。 2. 用法： 可以當妝前打底，或者單用之後撲層碎粉定妝

yanmmnn好用推薦：用普通通冇咩好講 只可以對得上呢個價錢 不會再回購 加多少少錢仲有啲更加好嘅 產品

popocarcar好用推薦：油肌嘅我，夏天化完妝出門口前一定會噴定妝噴霧。 我覺得新版同舊版分別唔大，依然都可以令個妝keep 長時間。 #火熱新品

agnessstang好用推薦：去韓國做個人色彩測試嘅時候老師用呢款定妝噴霧 所以自己買咗嚟用 非常細緻嘅噴霧 定妝效果唔錯 全日十幾個鐘+夏天都keep到成個妝係完整 有少少味道但可以接受 相比起黑色瓶身嗰款【ALL NIGHTER 持久定妝噴霧】 呢款加入咗維他命C同仙人掌花萃🌵 所以多咗少少保濕成分💧

格仔餅公主好用推薦：同佢普通隻定妝無咩特格大分別，雖然加左維他命C，可能用起黎當做左小小保養咁掛，overall用完佢係定到個妝耐左既

keinice好用推薦：Urban Decay 的Setting Spray都是牌子Skindinavia製造的，定妝效果一向非常好，但在香港比較難買到Skindinavia，所以UD會是很好的代替品,，只是價錢比較貴。 防水防汗，香港的夏天絕對適合，減少了溶妝的不方便和增加了妝容的持久度。但氣味有點似稀釋了的定型噴霧，不過很快就會散去。 這一款特別可以保持粉底本身的妝感效果，但又可以很好的定妝。 使用時要距離大概半米使用 ，噴霧會更加均勻地覆蓋在面上。

Chloeincosme好用推薦：Lancome呢枝粉底液終於就黎用晒，新版已入手，今次講住舊版先！ 色號：b-01, 適合黃一白！ 沙漠乾肌既我對粉底要求好高：要少少控油但唔好太乾，要持妝但唔可以太重粉感。 呢枝主打油肌/ 混油肌，但我用起黎又好中意😍 佢質地輕薄水潤，上臉好容易拍開，非常貼服！即使再加定妝都稱得上妝感輕薄自然。 ♥️持久度： 9/10，12 小時冇問題，鼻翼兩側會甩（正常）。 ♥️控油度：7/10，香港天氣都足夠 ♥️保濕度：6/10，妝前做好保濕就可以！（呢枝粉底要用非油類保濕！用太油既妝前會一撻撻） ♥️遮瑕度：6/10， 提亮及均勻膚色為主，暗瘡印/ 雀斑等瑕疵都要另外靠遮瑕！ ♥️暗沉：超輕微，約0.5-1度（下面有相） ♥️浮粉：除鼻翼較易敏感位置外不太浮粉 暗沉情況大概係咁： 右邊係5分鐘前，左邊係新滴，色號會暗0.5-1 度，暗沉完之後右邊隻色會keep到成日！所以如果想再白粉少少比「走盞位」佢暗0.5-1 度，可以買白少少。 總括而言，我係好鍾意舊版，知佢停產果時嚇到心都離一離，好彩冇耐又出左新版😂 呢排開左枝新版用，用後感同舊感有少少唔一樣！會係另一篇講♥️

楊壯碩好用推薦： 購買其他化妝品獲贈LANCOME TEINT IDOLE ULTRA WEAR粉底液試用一包，測評如下： 使用感：5/5 ▶️質地輕盈、流動性高、延展性強，膚感透薄不油膩，好似無擦粉底，很舒服，不會悶痘 服貼度：5/5 ▶️底妝非常服貼，好像第二層皮膚，沒有面具感，不會顯得很厚重cakey ，可參考下面attached的上妝前後對比圖 遮瑕度：3/5 ▶️可以均勻膚色，但顏色較深的hyperpigmentation是遮不到的，例如色斑、黑色痘印（粉紅色淺色痘印可以遮住）等 妝效：5/5 ▶️自然啞光妝效，不會凸顯乾皮，有效將毛孔、細紋、乾紋等texture瑕疵隱形，可參考下面attached的上妝前後對比圖 控油力：4/5 ▶️控油力普通，但優點在於就算出油、輕微融妝，也不會融得特別斑駁難看，而是從啞光變得更加glowy 持久度：5/5 ▶️正常定妝的情況下可以全日持妝，持妝8小時後的狀態可以參考下圖： 綜合評分：4.5/5

Kitty 好用推薦：【真心分享】Estée Lauder Double Wear 粉底液：油皮嘅“鐵打江山”！ 講真，我係油皮，尤其係夏季，個面真係可以油到煎蛋！試過無數粉底，唔係未夠晏就溶咗一達達，就係遮瑕力唔夠，塊面啲瑕疵（暗瘡印啊、毛孔啊）原形畢露。直到俾朋友推坑試咗呢支Estée Lauder Double Wear (DW) 粉底液，真係有種終於搵到你喇嘅感覺！ 先講佢嘅勁正優點： 1. 極貼膚，持久力超班！ 呢個絕對係佢嘅皇牌賣點！大夏天朝早9點上妝，落街食lunch、返工對住電腦、放工仲要同朋友打邊爐（仲要係麻辣鍋！）... 到夜晚10點返到屋企照鏡，個妝仲喺度！冇誇張，真係冇乜點溶妝，冇浮粉，冇變地圖臉。T位係有少少油光，但係係好自然嘅光澤感，唔係油淋淋嗰隻，用紙巾印一印，個妝仲係好完整。對我呢啲油皮嚟講，呢種持久力簡直係救星！ 2. 遮瑕力強到冇朋友！ 我塊面有啲陳年暗瘡印同毛孔，平時要用遮瑕膏先搞得掂。但用 DW 呢，薄薄一層已經遮到7、8成！如果你有啲好深色嘅印或者好大粒嘅暗瘡，可能都要加少少遮瑕，但整體嚟講，佢嘅遮瑕力真係數一數二咁勁，出街完全夠用，塊面即刻乾淨勻稱好多。

糯米喵好用推薦：呢枝dw係眾所周知遮瑕度極高，而且係十分之控油既粉底，亦都係我第一支用嘅粉底。當初買係因為佢遮瑕能力，但對於乾性皮膚嚟講，一定要做好妝前保濕，如果唔係會容易卡粉，尤其係法令紋，冬天亦都唔適合用。 所以買咗之後基本上都係夏天先會用到呢支粉底，佢嘅好處係會掹到皮膚好實，唔驚會脫妝，但係亦都因為咁，隨着時間會越嚟越乾，呢樣嘢應該會十分適合混油/油性皮膚使用，下面係我夏天使用嘅狀態，出街大約兩三小時就會卡粉，需要補妝。 呢枝粉底未必好適合我呢種乾性肌膚，所以我未必會回購，但我會推薦混油/油性皮膚使用，因為佢控油能力同埋遮瑕度都真係好好！

So Fun好用推薦：這個底霜已用了很多年，以前不懂化妝的時候，永遠都係用呢隻做打底，再加眼影，眼睫毛或者眉粉。 現在學了簡單化妝後，就比較少用了，因為皮膚可能因為年紀增長而比較乾，感覺這個沒有以前那麼適合自己 基本調色是做得不錯的，只是對於我現在來說太乾，或者需要在使用之前使用較滋潤的潤膚才可以，相對其他的控油做得不錯，所以對於皮膚比較油的女士應該唔錯，總括來說這個產品的價錢性價比都算幾好，年輕女士或者面油比較多的人用都不錯

Ronni好用推薦：Sofina 呢支Base係我一直會囤貨嘅item! 以前一直唔覺有咩特別～ 但上妝時間一長就好覺分別！ 佢好貼而且令到個妝last好耐！ 囤貨！ 佢係流質，每次只需要好少～ 已經好夠！仲有一樣嘢！ 就係佢有令毛孔睇落細咗嘅效果！ 左👈🏽係未上妝嘅皮膚 右👉🏽係輕輕一層嘅效果 毛孔真係睇落細咗！唔好以為少少就覺得無咩特別！ 呢少少會令成個妝睇落細緻好多！

YiN好用推薦：好耐以前已經有買paul & joe嘅底霜，已經用到見哂底。包裝充滿少女感，壓花玻璃樽，淨係擺喺度都覺得心情好好。後來發覺旅行拎出去太重，佢就冇再陪過我出去。但因為喺日本買平啲，去日本嗰陣我都係會買枝返嚟。質地好水潤，搽出嚟有保濕嘅效果。帶有一陣香味，有啲人可能會介意，但我自己係幾鐘意隻味嘅。 點解我會回購主要係因為佢本身有顏色，我揀01色會有提亮效果，佢本身又有防曬度數，膚況好嘅日子我有時會就咁搽佢再上少少碎粉就當化完個底妝，佢個提亮感我覺得真係好靚。 至於真係妝前去搽，因為我本身係混乾肌，本身化妝都唔會大溶妝，好難講得實佢有冇令我個妝keep得好咗，但一定未試過令後續底妝差咗。

chasiutung好用推薦：Paul and joe 防曬妝前乳SPF15 PA+ 配方提升至90%精華成分 加入Moisture Essence 保濕精華、四種透明質酸、保濕橙花水加強保濕功效而設最滋潤保濕的隔離霜 蜜桃色調色有點遮瑕度 質感滋潤 搽完上面有提亮同光澤感 有香氣味 瑕疵不多可以單用或加少量碎粉就可以出門 混油皮適合秋冬使用 上粉底後妝感貼服 無溶妝 吾卡粉 但不建議混油皮春夏使用 會有點笠同脫妝 使用後:

Wing好用推薦：**質地輕盈精緻**:質地好輕盈滑溜，上妝時感覺好滑順,易融入肌膚，冇厚重感。 **遮瑕效果出色**:呢支粉底液有遮瑕能力，可以均勻膚色 **自然貼服妝感**:上妝後會好自然咁融入肌膚，冇明顯粉底痕跡

mssylviaa好用推薦：已經用到第三枝power frabic，因為底妝嚟講真係唔錯。 質地🌟🌟🌟 比起Dior、Lancôme，Armani相對冇咁液體，但流動性高，好易推，同埋唔會上手就好快乾，新手都好易handle。不過相較之下，我覺得上面後感覺冇其他牌子咁薄。我自己夏天用掃上，冬天用手上。 遮瑕度🌟🌟🌟🌟 質地偏厚身，我覺得遮瑕度比其他牌子高。簡單紅印一抹都遮到，不過如果係紅腫暗瘡就要另外加遮瑕膏。 持久度🌟🌟🌟🌟🌟 早上化妝，去到夜晚先會見到明顯浮粉，持久度十分高。我通常去到下午就會輕輕用紙巾印印粉，補補碎粉。不過長時間戴口罩的話，沾粉情況都嚴重。 色號🌟🌟🌟🌟 我用3.5，黃調自然白，大部份亞洲人都啱用，有自然提亮功效。不過記得當初都曾經中伏，專櫃staff揀咗隻深一度嘅顏色俾我，結果我用咗少少就冇再用。所以最好認真去專櫃試清楚先買。

Karman28好用推薦：網上見到好多人讚，所以買左黎試。早一個月買既，應該唔係停產？ 佢本身係兩層，有層油係面，使用前要搖勻。佢個噴頭超幼細，未試過用咁幼細的噴霧，完全唔洗擔心噴出黎既水珠會整花個妝，因為真係霧咁幼細。 使用黎，妝無好似以前咁印左落口罩，十分持久。而且使用後，亦唔會覺得面部皮膚繃緊。 價錢亦很經濟，十分推薦大家購買。

　peg好用推薦：完全唔知原來佢停咗產，之前喺日本買嘅，最近先開嚟用。佢噴出嚟啲水點係超細，冇諗過佢膠樽噴出嚟竟然可以咁細，同埋佢持妝效果幾好，夏天噴咗佢有時出晒汗個妝都唔係點溶，同埋佢浸味幾好，唔係好大浸香精味。