滋潤肌膚 推薦好用產品

mandy好用推薦：Avene Hydrance Aqua Cream in gel 高效保濕水漾乳霜 (舊版) $242 / 50ml (新版參考價) 高效保濕水漾乳霜的質地為啫喱狀的面霜， 主要功效為保濕鎖水。 附上勺子，非常user-friendly，確保乾淨衛生。 由於質感非常水感輕盈，保濕力不錯， 而且完全不會有黏膩感或厚重感， 我喜歡在早上使用，因為不會影響後續上底妝。 成分方面，以保濕成分最多，其次是抗氧化及抗衰老成分。 使用後基本上不太有使用面霜的感覺, 因為使用感實在太清爽了，非常建議油性肌/混合肌嘗試。 含保濕成分: 丁二醇, 角鯊烷, 甘油, 矽靈, 氫化椰油甘油酯類, 卵燐脂, 戊二醇, 牛油果, 丙二醇, 硫酸鹽軟骨素 及 玻尿酸鈉 抗氧化成分: 角鯊烷, 牛油果, 玻尿酸鈉, 維他命E 及 維他命E醣苷 抗衰老成分: 角鯊烷, 甘油, 牛油果, 玻尿酸鈉 及 維他命E 油性滋潤成分: 卵燐脂 及 牛油果 鎮靜消炎成分: 牛油果, 玻尿酸鈉 及 維他命E 美白成分: 維他命E

Joanna0612好用推薦：滋潤效果很不錯，而且持久度也好，可以淡化乾紋，而且也不刺激，成份溫和，沒有過敏不適，質地不會太稠或太水，我覺得夏天冷氣房用剛剛好。

yykk88好用推薦：呢一支玫瑰保濕水，店員話係可以用喺妝前妝後嘅，所以我化妝前就會噴一噴佢，噴兩至三下已經可以足夠全面使用，佢個噴頭噴出嚟嘅保濕水好細物，而且有玫瑰香味，我都會比較喜歡有香味嘅化妝水，所以我都有回購過啊～佢嘅保濕效果都尚算唔錯，如果可以出再細啲支裝就可以方便帶出街即時用～

km好用推薦：佢嘅噴頭好好 噴出嚟嘅水好細密 完全係霧咁樣 唔係一粒粒嘅水珠 呢樣嘢係我最欣賞佢嘅位 另外嗰啲香氣都好自然 唔係好假嗰隻玫瑰香 效果方面都幾好 個樽係玻璃 好有質感 唔係塑膠

Yin_sharing好用推薦：我用咗旅行試用套裝，第一步用滲透乳會感覺油份有啲重，但按摩係皮膚嘅感覺十分舒服，有軟化到皮膚死皮，滋潤效果唔錯👍🏻 不過之後真係最好跟佢建議用返化妝水印按，帶走多餘油份，個水油平衡效果會好好多，如果單用佢對我皮膚會太油。

Veritas好用推薦：無論任何天氣，都想肌膚呈現出飽滿、充滿光澤的狀態，點樣先可以做到？ ALBION「先乳後水」，使用ALBION專用化妝棉塗抹平衡滲透乳，為肌膚締造理想的滋潤平衡，再使用皇牌健康化妝水，成就健康無憂美肌。

Yuki好用推薦：網上購物嘅贈品 *哩支係乳液 貼錯乳霜label*乳液帶花香 水凝質感流動性高好易推開易吸收 上面後有微微光澤 皮膚瞬間變得柔軟水潤 第2日起身皮膚仲好軟嫩 乾肌春夏用會比較合適 秋冬用後需疊加精華油 或者配合保濕精華 雖然哩款係夜間乳液 但質地輕盈易滲透 日間自己會照用埋 用後上妝好貼服同持久 同埋唔會有擦子膠碎 而且乳液唔會引起粉刺 油性肌膚用都唔會有負擔 1支12ml 早晚用 每次用2粒珍珠size 可以用到1星期

Milo101好用推薦：呢支夜間修護乳液，質地不錯，水潤具流動性的乳白色乳液，塗上時容易吸收同時夠滋潤，亦都唔會有黏立感。 效果方面，最明顯就係皮膚會有一個潤澤光亮感，特別夜晚用完第二朝會有明亮修護的感覺。即使經過一晚開冷氣睡眠，第二朝都唔會乾！有穩定的滋潤效能，同時唔黏立無負擔，達到一個親膚平衡。

kkkelda好用推薦：好開心收到@Cosme 抽中可以去試用香港本地品牌《YHKcare》的抗敏滋潤保濕霜系列，三枝分別係密羅木抗敏滋潤保濕霜、亞麻籽抗敏滋潤保濕霜以及苦橙花抗敏滋潤保濕霜☺️ 亞麻籽抗敏滋潤保濕霜同密羅木抗敏滋潤保濕霜呢兩枝都係無香味既保濕霜，好岩對香料或者味道好敏感嘅Sis去選擇！ 個包裝非常貼心，做左真空包裝設計而且無樽蓋好岩我呢d成日唔見野嘅人，另外唧完佢唔會有面霜痴住係樽管到，非常sweet!! 唧出泥係白色霜狀，唔厚身！用手指可以好快推開，之後茶上面好快吸收哂！用完都唔會覺得黐立立😍朝早我當佢係日霜用完佢化妝無同我任何化妝品打交，無出現起擦子膠碎，非常好👍🏻夜晚我當佢係晚霜，用既份量比日頭多小小，第二日起身都唔會覺得成面油吸收唔到d護膚品，反而d皮膚有光澤感出現。 用哂三枝其實最睇唔到密羅木抗敏滋潤保濕霜呢枝既效果，始終如果要減淡紋路、提升肌膚緊致度係需要比較長時間，但如果你當佢一枝好簡單嘅面霜去用係絕對唔需要驚唔好用！我最大既感覺係我手指上嘅倒刺少左😂每次搽面霜我都會唧多少少份量查埋喺隻手度，feel到隻手無之前咁乾同咁易生倒刺，一枝$200都唔洗既面霜，抵買！ 完全冇

Jane1111好用推薦：首先多謝 cosme 抽中我，可以試用YHKcare 「抗敏滋潤保濕霜系列」。由於本人為敏感肌膚質，所以十分期待使用次系列後，皮膚會否有改善。 YHKcare係本地品牌，佢地以天然無添加成份舒緩敏感，亦可以強化肌膚屏障。今次試用嘅抗敏滋潤保濕霜有三隻味，包括密羅木抗敏滋潤保濕霜、亞麻籽抗敏滋潤保濕霜同埋苦橙花抗敏滋潤保濕霜。 我會係呢個post主要討論密羅木抗敏滋潤保濕霜。 外觀： 產品係以真空包裝設計，俾我嘅感覺十分衛生，避免入便保濕霜受到污染，十分抵讚。 觸感： 唧出黎嘅保濕霜係雪白色，搽上臉好快吸收，唔會覺得太黐𥹉𥹉，非常舒服 味道及效果：我十分推薦密羅木抗敏滋潤保濕霜俾追求肌膚年輕嘅女士，原因就係佢無味，而且可以提升肌膚緊緻度。街上好多買到嘅面霜都好重香精味，但呢隻保濕霜成份好天然，所以完全唔會有香精味。 總括而言，呢三支面霜都好唔錯。如果想睇埋其他味嘅用後感，要麻煩大家click返相關產品頁面了～～

Candy Ng好用推薦：Dr.Wu 係我其中一個性價比高的品牌。 它成份係令人安心使用，即使係敏感性皮膚時，都可以安心使用😊😊😊 乳液上臉沒有負擔，而且容易吸收💗

格仔餅公主好用推薦：敏感皮膚都好啱用，冇多餘嘅香味之餘，基本保濕做到足，如果皮膚泛紅佢都可以幫手退咁啲，性價比高嘅product

Yin_sharing好用推薦：回購咗應該超過5支，妝前用完，上妝真係會貼服咗好多，超好用！上臉係好水潤，有滋潤感個又唔會好焗好油。如果皮膚好乾甚至有脱皮，我會用佢當厚敷面膜，然後按摩一下，臉上嘅死皮慢慢按走，皮膚會滑好多，之後個妝會更易上。性價比超高！

Misscharlot好用推薦：我呢支係新包裝。呢支已經無限回購咗好多次。係我嘅化妝老師好耐之前話俾我聽上妝前查吓塊面按摩一下做個底，然之後就會好貼服。所以尤其是冬天嘅時候一定會揸吓塊面先再上妝，非常之好。

Viannie好用推薦：感謝@cosme贈送的小禮物，稱為精華，不過在我覺得係類似gel狀面霜，有淡淡香味，上面好快吸收晒，比較適合冇咁乾燥嘅天氣用。

橘子貓好用推薦：Sofina ip Interlink Serum 專門店贈品。產品是奶白色啫喱霜狀質地，推開後很水，快吸收。如產品宣稱般是化妝水+乳液二合一，用它真的可以取代兩者，保濕度不錯。我亦能感受「均勻光澤保護膜技術」，吸收後觸摸肌膚會感受到有塗產品，但完全不黏笠。 不過，我不會考慮購入正裝。為什麼？香味太濃了，雖然只是花香味，但產品吸收後依然聞到持續的香味，我對這種氣味很敏感，久聞了有點難受。

msthea好用推薦：網上好Hit 呢個日本面霜，見到香港都有得買，價錢又唔貴就買嚟試吓啦 不過就真係好失望嘅，而且要永久back list  面霜質地好水狀，諗住夏天用搽薄啲唔緊要 不過真係只有當下有補水嘅感覺，轉個頭已經feel到塊面又乾了 最大問題係用完之後狂爆瘡… 完全覺得自己係中咗伏，直頭唔可以再繼續用落去了以5⭐️為我嘅滿分 保濕度 感覺持久度 推薦度 冇打錯，係零呀，真係一粒⭐️都比唔落手🥹

Morgan Y好用推薦：【超好用face cream 第6+次空瓶】 自從我幾年前試完一次之後完全返唔到轉頭！！！中途有fd送過一set貴啲嘅牌子(L牌) 轉用過一輪 都唔及佢好 所以都係要返返去Curél嘅懷抱 回購再回購～ 因為我係普通中性偏少少乾嘅關係 的確一開始唔會被”intensive moisture care”呢幾個字吸引 覺得好似會好痴笠笠唔舒服咁 但試完其實真係好神奇 我啲皮膚冇試過咁開心飲飽水(尤其是之前轉過一輪 發現好大分別) 覺得用呢個後 1. 少左生暗瘡 暗粒 (包括個鼻嗰啲士多啤梨位) 2. 上妝係貼妝左 唔會出現浮粉嘅情況 3. In general皮膚好左 有光澤左 我習慣夜晚搽 第二朝起身 塊面好似冇嘢咁 係乾爽feel 證明個cream所有營養都吸曬入去～ 朝早因為化妝前唔鍾意有層嘢好似會加厚左咁(?) 所以唔鍾意搽cream 但會用返同系列嘅化妝水拍一拍塊面先 感覺好似會last耐啲～ 佢唔會話好厚身 所以秋冬天最乾燥嗰幾日未必夠做😂 但春夏天用就唔會好笠 所以for香港天氣係perfect 強烈建議🫶🏻

Gabi好用推薦：踏入冬天，天氣經常反覆不定，氣溫突然急降又極度乾燥，皮膚特別容易敏感，所以極需要一款保濕度力、鎖水力高的面霜來加強皮膚屏障。 擁有敏感肌的我，時刻關注各品牌的王牌護膚產品。雖然未真正使用過，但一定有聽過Kiehl's特效保濕乳霜這個產品。由於一直使用的面霜缺貨，所以決定由今個冬天開始轉用這款王牌面霜。 這款面霜質感呈白色乳霜狀，質地輕盈順滑，非常易推，只需要一粒黃豆份量就能塗滿全臉，輕輕按摩約十秒就能在臉上均勻化開，面霜𣊬間被肌膚吸收，沒有絲毫黏膩感，滲透力不俗。 使用後滋潤舒服，持續用了三個星期都沒有泛紅過敏、脫皮、長暗粒或暗瘡的情況出現，而且保濕效果都不錯，即使長時間坐在冷氣房中，面部肌膚並沒有乾燥或繃緊等問題。我除了早晚使用作日常保養外，有時會用多一點份量或厚敷來取代面膜，都有即時保濕及深層滋潤肌膚的效果。 這款面霜無任何氣味，成份天然溫和，不含防腐劑、酒精及其他刺激成份，亦無添加香料，令我可安心使用。整體而言，我對這款面霜的質地同效果感到滿意，是我今個冬天必備之選，會再回購的。

Jcxjessie好用推薦：已經用左kiehl’s嘅 ultra facial cream 好幾年，呢個已經係我唔知第幾個空瓶！🥰 因為我本身係超級乾燥肌，所以秋冬用嘅時候覺得有少少乾，但係春天夏天用嘅時候就啱啱好！ 容易推得黎又唔黐立，而且仲唔會刺激皮膚 有時候吹得冷氣多，塊面會乾同埋泛紅，夜晚用咗佢第二朝就冇咁紅啦！

Ronni好用推薦：好耐之前前朋友俾過試用裝我試～ 感覺其實冇乜特別，但係質地都幾搞笑 又唔似cream 更加唔係啫喱 突然之前有一期唔知買咩面霜 加上佢好抵又大罐 就買咗返嚟試🤣 用用下不知不覺，都用到底啦 係真係無呃秤🤭 用到個罐底 而且我發覺 成個冬天我都用緊佢 係好舒服😌唔會乾 同埋唔會敏感🫶🏻🫶🏻 不過又咁啱 呢排天氣又濕又淋 就覺得佢有啲笠啦🤭🤭

Hoilly好用推薦：敏感皮膚恩物♥︎♥︎♥︎ 具即時舒緩功效，並讓乾燥、受壓皮膚和濕疹持久保濕。質感如同雪糕般幼滑，一塗一推，輕易被肌膚快速吸收，清爽又滋潤。無人造香料、色素和酒精，獲皮膚科專家認可，就算濕疹和敏感肌膚也適用。 皮膚敏感或不穩可作舒緩！性價比高！唔可以冇左佢！

葉子🍃好用推薦：白色乳膠狀，比較簿既保濕cream，有微香，搽完上臉有啲黐身，耐左都係甘，但唔係笠

Circlecyy20好用推薦：質地好水潤 夏天日比較好冬天會唔夠保濕 用起黎對去斑無特別效果

Hazel好用推薦：已經用過好多支，出奇地好用，最緊要夠保濕，乳液質地對皮膚完全冇負擔，作敏感時用唔錯，減少皮膚痕癢。

natanatalie好用推薦：感受到美白功效的平價美白產品，不會乾，有足夠滋潤度，效果令人驚艷

Circlecyy20好用推薦：雖然只是試用品 但完全體會到為何這品牌這麼貴 因為上臉質地很好 用後 肌膚不緊繃 相信用久會有明顯效果

Noel好用推薦：Addiction 的定妝噴霧，味道係 lavender x peppermint，這個香味能想像到有多療癒吧？！噴頭噴出的 mist 算中至細，但簡中霧會夾雜了兩個水滴 💦 所以用作定妝有點麻麻…… 不過嘛，個人很喜歡的一款噴霧，因為成份簡單，沒有什麼必須要卸除的成份，所以轉個玩法，用作保濕噴霧，效果更好呢❗因此我喜歡晚上使用這枝，潔面後噴3－4下，薰衣草有助放鬆身心嘛💕

格仔餅公主好用推薦：有草本嘅精油香，噴霧都好細緻，唯獨是價錢有少少貴，定妝效果都理想，用完唔易甩

Kura好用推薦：保濕效果ok，冬天用完再化妝效果都ok，但係價錢都係偏貴，因為淨係做到單一效果

Rooibos tea好用推薦：呢個網上係好多好多人推介，所以買咗一盒去試， 認真好用喎，雖然係面霜質地，但係都易吸收唔會好黏，用完皮膚好咗光滑咗，無香料亦無敏感，一盒有排用除開都唔算太貴，會再買！

kvet好用推薦：喜歡它無香味，用後唔會痴笠笠，隔一晚都唔會滿面油光，但又感覺到有滋潤住塊面。

維他他好用推薦：敏感肌朋友嘅超級恩物，無香料，保濕又親膚，保濕非常持久，好柔滑，好舒服，好用！又唔算好貴

lingbb好用推薦：質地好滑好似凝膠，沒有味道，吸收快，保濕度不錯，但退敏感泛紅未見效。 #火熱新品

Sarah好用推薦：喜歡innisfree 的積雪草產品，這枝的質地是半透明的啫喱狀，用落幾清爽唔會太厚，功效方面可降泛紅。

Jayla好用推薦：本身一直都好想試用有proxylane 嘅產品， 但由於抗衰老產品一般都比較滋潤，我係混合肌又擔心用完會焗暗瘡，所以一直觀望好耐都未買到適合嘅。 今次新出咗呢罐嘅輕盈版正好符合我嘅需要，同經典版比較，可以見到質地由原本比較紮實嘅cream改成gel狀，整體油感降低咗。我試用咗幾日都覺得搽完比經典版更快吸收，摸落皮膚仍然保持到清爽感。而實際功效嘅話可能就要等用完成罐先知喇。 #火熱新品 #逆齡護膚品分享

zetalhc好用推薦：用咗一排覺得皮膚有彈性同緊致咗，保濕鎖水效果都唔錯，幾適合油性皮膚係秋冬季節使用。