滋潤肌膚 推薦好用產品

lingbb好用推薦： - 我買過專櫃最貴嘅防曬。係數一數二好貴但成份好好嘅防曬 - 質地係白色乳液狀，延展性高，好易推開，極快滲透皮膚唔會泛白，透薄輕盈，往後上妝都無影響。 - 價格高在一枝防曬有埋護膚成分包括保濕同抗衰老成分，一路防曬一路美白減斑 - 使用一段時間後，皮膚整體有亮白到，非常驚喜亦覺得值回票價，白返就暫時唔用住，等黑咗先再用返一段時間🫣 - 為咗美白同靚必須不停發掘更多好選擇俾自己，呢枝冇令我失望 - 推薦俾所有美女👍🏻

綺羅香好用推薦：自上次用過Pola 美白精華之後，對同系列其他產品都好有興趣，就試入呢款美白防曬，質地水潤，好推唔笠，又唔會泛白，但一睇成份表，入面有危害珊瑚嘅成份，為咗想對海洋生態出一份力，唯有忍痛放棄入正裝，希望日後會出海洋友善嘅版本

mandy好用推薦：Biore Aqua Rich UV AQUA PROTECT MIST (水凝系列 -極水感防曬噴霧) 共2款， 其一為沒有香味，另一款則是限定的茉莉小蒼蘭芬香版。 Biore Aqua Rich UV AQUA PROTECT MIST 水凝系列 - 極水感防曬噴霧 SPF50 PA++++ $89.90 / 60ml (買1送1 from Mannings) Biore的防曬噴霧跟Biore其他防曬產品一樣， 比較著重防曬成分及功效，添加比較少的護膚成分。 感覺某些開架品牌的防曬噴霧蘊含多些美肌成分。 水凝系列 - 極水感防曬噴霧的優勢在於細細枝， 不佔空間，隨時帶出街也可以。 此外，極水感防曬噴霧可以均勻地噴灑， 而且非常水感，完全不會有黏笠感，全身及頭髪適用 比市面上大部分的防曬噴霧更清爽，用後也不會泛白。 SPF50 PA++++提供充足的防曬保護，戶外活動也能使用。 推介給喜歡水感清爽使用感的防曬噴霧用家使用。 含防曬成分: 桂皮酸鹽, 二乙基氨基羥基苯甲酰苯甲酸己酯, 乙基己基三嗪宗, 聚矽氧烷-15 及 2，4-雙((4-(2-乙基-己氧基)2-羥基)-苯基

mysecretgarden好用推薦： 夏天要為手腳做防曬真係幾麻煩，搽防曬乳液成日覺得黏膩，所以我就開始留意防曬噴霧。市面上大部分防曬噴霧都含有較多添加劑，直到我試到Biore呢支水感防曬噴霧，見到佢標榜係水劑配方，就決定買嚟試下。 第一次用嘅感覺真係幾驚喜，噴出嚟嘅防曬真係水咁，完全無傳統防曬嗰種厚重感。質地輕薄到幾乎感覺唔到存在，仲帶住陣陣清香，唔會好似其他防曬噴霧咁有濃烈嘅化學味。使用過程真係好方便，對手手腳腳噴幾下 。不過因為佢係水所以都係唔會好似噴霧咁噴得好大範圍，要自己用手搽勻佢。 不過防曬力度就一般啦，如果係日常或者只係出街一陣問題唔大。但係如果要在戶外長時間活動，或者陽光比較猛烈嘅時候，皮膚會有少少曬黑。 另外就係用完之後如果遇到潮濕或者出汗多嘅天氣，皮膚會覺得有少少黏膩感，雖然比起傳統防曬已經改善咗好多，但呢種黏膩感始終都存在。

Linda yan好用推薦：踏入30+更加要注重抗皺之路😢而維他命A類產品一直都係抗皺嘅明星成分🌟AHC嘅呢款面霜就加入左Retinal呢個成分。 我就使用左佢兩個星期～ 其實佢嘅保濕力唔，用左兩個星期之後覺得皮膚嘅彈性變好！同埋變得緊緻左又柔軟😍而去皺亦有改善。 另外值得一提嘅係，佢非常溫和，敏感肌的我之前都有試過A醇產品，但皮膚都係會頂唔順泛紅甩皮等等🫠但AHC嘅呢盒cream我用起身完全冇問題👍🏻 好建議敏感肌嘅你們，一開始可以2-3日用一次，等建立左肌膚耐受性再用得頻密啲😆

Rosa好用推薦：質地容易推和吸收 但氣味比較難接受 不過不失 沒有特別明顯效果

apocalypsticc好用推薦：雖然呢個面霜真係好好用，幾日已經見效果、皮膚明顯光澤咗同緊緻咗，好補水，但佢有一個好嚴重嘅問題：就係會甩妝！佢打響旗號係底霜，但係無論我試唔同牌子嘅粉底，找出源頭原來就係佢，佢係好似一層薄膜咁，但係上完蜜粉之後已經會連底妝甩出嚟，用紙巾輕輕印一下個底妝就印走咗。佢嘅補水能力真係好好，但建議夜晚用，日間如果洗完面要上妝，千祈唔可以用呢！ …雖然日間用佢有呢個問題，但係由於佢嘅保濕同修復能力強勁，我夜晚係會照用的 😆

ccbunny45好用推薦：我習慣每天使用這款乳液，超級補水! 鎖水效果亦很好！ 加埋價值相宜，日本買更加抵！

Verna好用推薦：這款乳液是水凝保濕系列，含有多種天然成份，它的主要成份包括維他命C衍生物、米糠發酵液和視黃醇衍生物，適合乾燥和初老肌，而且它不含香料、色素、酒精、礦物油和防腐劑，所以敏感肌也可以用 它的包裝都是Muji一向的簡約風，簡簡單單的 乳液的顏色是白色，我覺得它的質地有點厚重，不過都容易吸收，搽了它之後，皮膚變得很滑很滋潤，觸感沒有黏笠感

Kala好用推薦：我試用OLAY新生高效緊緻護膚霜，質地柔滑，易推開，塗後肌膚即時水潤有彈性。選用50g裝，適合乾性肌，保濕力強，不黏膩。用了兩週，細紋略減，膚質更平滑。價格親民，性價比高，但香味稍濃，敏感肌要先試用。整體滿意，值得一試。

Chan1123好用推薦：每年秋冬必買產品，已經用緊第三樽，夠潤又唔會笠。上妝之後唔會卡粉。

natanatalie好用推薦：大推的乳液 用過同系列化妝水，有啲笠，但呢款乳液我大愛呀！乳液感覺好輕盈，一啲都無成膜感，而且感覺𣊬間吸收，滲透力都幾強，用完佢化妝會貼好多。

Candy Ng好用推薦：Dr.Wu 係我其中一個性價比高的品牌。 它成份係令人安心使用，即使係敏感性皮膚時，都可以安心使用😊😊😊 乳液上臉沒有負擔，而且容易吸收💗

Kelvin好用推薦：見到電視廣告黃敏奕代言，呢個專係比敏感皮膚用嘅日本牌子。賣咗佢哋最基礎嘅速效保濕噴霧。 我係洗完臉之後就會即刻用這款噴霧，當日常toner來用。之前夏天我多數用avene ，但呢排轉咗用依款速效保濕噴霧。佢嘅噴嘴設計，噴出來的霧狀非常均勻，當我噴上面時，明顯感受到花水好輕身。好似可以深入肌膚，而不是礦泉水嗰種噴霧咁樣停係表面，我嘅面部皮膚用完都好舒適。 依款噴霧有12重天然保濕因子，仲有蘆薈萃取物同益生菌，成分能夠平衡肌膚嘅微生態，減少炎症同過敏反應。秋冬嘅時候，我嘅皮膚好容易敏感同泛紅，可以令肌膚提供急救補水，緩解緊繃同埋不適感。用完係真係會即時感到舒服同埋補水。#火熱新品

Paris merci 好用推薦：Atorrege+噴霧冇添加10大致敏成分，完全無香料、無色素、防腐劑等。另外添加了舒敏修復成分，包括甘草酸二鉀、金縷梅萃取、五重氨基酸同埋洋甘菊萃取，對於肌膚過敏皮膚或者濕疹皮膚都有用。 用佢作為妝前保濕噴霧，底妝都會更貼服，感覺好自然，冇咁厚重，連妝後都可以噴，咁一來，妝容就會更加持久，啱啱好。比其他噴霧更好。 我會擺一支喺冷氣房，噴上面皮膚即時充滿水潤嘅感覺#火熱新品💕

Emily Leung好用推薦：混油皮本人在這個夏天遇到的新寶藏面霜 偶然發現了肌研極潤的這個寶藏面霜！價格也很友好，便宜大碗怎麼用也不心疼！ 🌟打開之後，有一個小勺，我對這種設計特別愛，不用擔心指甲縫里吃面霜的情況 🌟再來看面霜，質地就真的像是雪葩、冰沙一樣，有種肌膚吃冰淇淋的趕腳！很像綿綿冰那種，不愧是叫雪葩霜 🌟然後聞起來是那種淡淡的清香，不是那種低劣香精味，聞起來就很安心 🌟試用了一下，使用感受也是相當驚艷，首先它是那種一抹化水的，抹上很快就吸收了！把水都喝進了皮膚里啦～補水保濕效果是很顯著的，對於混油皮來說，也很清爽，如果晚上用第二天完全不會變成大油田，也不會滋潤度不夠～ 而且用完是那種啞光肌，上妝前用也不會搓泥，夏天能擁有啞光肌！整體來說還是很推薦油皮混油皮夏天來用的，推薦肌研雪葩霜，真的不錯！

KaKi321好用推薦：今次已經係多次回購呢款面霜，前排因為打算再試吓其他產品，於是就停用咗呢款保濕面霜。結果，就開始爆返好多暗瘡。 肌研Hada Labo 極潤保濕清爽水分露（$99–係Waston購入） 使用方法好簡單，我習慣先噴左保濕水，等保濕水完全吸收之後，先至再搽肌研嘅水分露。 水分露嘅質地清爽，唔會痴黐立立。我本身好怕搽完面霜之後，塊面會好容易出油。呢一款水分露完全唔會有呢個問題，揸塊面之後感覺係舒服。 另外，我額頭一直都好容易出暗瘡，但係搽完佢之後真係會少咗好多。感覺到佢真係有符合返產品描述嗰度講嘅，舒緩及修復受損肌膚，提高肌膚穩定性。

維他他好用推薦：呢支toner有埋精華成份，搽完好保濕，質地容易吸收，用完之後好清爽，價錢都唔算太貴，belif d野都幾好用

shadow影子好用推薦：化妝水嚟講質地算比較杰，可以在皮膚上輕輕推開，化成水珠，質地非常滋潤，而且保濕持久力比較高。

Kitty 好用推薦：成日係冷氣房塊面乾到好似沙漠咁，仲有啲緊繃繃嘅感覺😖！呢支Canvas玫瑰保湿露水清爽保濕～夏天一試就愛上，一定要同大家分享下！✨ ✨外觀同質地： 支露水用磨砂玻璃噴霧瓶裝住，睇落好高級又少女心！一打開就聞到陣好清新嘅玫瑰花香，唔會俗氣，好似置身喺玫瑰花園咁～質地係偏水狀，流動性好高，噴頭噴出水霧幾細，上面好快吸收，完全唔黏立立，夏天用都超舒服！ 💦使用感受： 我通常早晚洗完面之後對住塊面噴幾下，輕拍抹全面同頸。係office都留一支，只要覺得塊面乾就噴幾下，一上臉即刻感受到清爽水潤感，好似幫塊面飲咗杯水咁～用咗幾日之後，明顯覺得皮膚冇之前咁乾，上粉底更加貼服，冇再浮粉！而且成分溫和，我敏感肌用都完全冇問題～👍 🌹效果總結： - 保濕度：即刻同持久補水都做得好好。 - 清爽度：吸收快，唔會黐笠笠。 - 性價比：本身專櫃買不算平同埋都幾快用完一支。 - 推薦指數：會回購！ 總括來講，Canvas呢支玫瑰露水真心推薦！如果你都係乾肌或者想要支日常保濕噴霧，不妨試下佢～同埋玫瑰香味真心幾療癒💕

yykk88好用推薦：呢一支玫瑰保濕水，店員話係可以用喺妝前妝後嘅，所以我化妝前就會噴一噴佢，噴兩至三下已經可以足夠全面使用，佢個噴頭噴出嚟嘅保濕水好細物，而且有玫瑰香味，我都會比較喜歡有香味嘅化妝水，所以我都有回購過啊～佢嘅保濕效果都尚算唔錯，如果可以出再細啲支裝就可以方便帶出街即時用～

Emily Leung好用推薦：Curel｜日本藥妝店最值得入手的面霜 換季必備的面霜，乾敏皮的神！👋🏻 乾敏皮最擔心的就是一到換季，臉就緊繃得跟啥似的，還動不動就刺痛泛紅，感覺皮膚屏障都快撐不住了。 這就不得不說Curel的保濕面霜，簡直是乾敏皮救星啊！它就像個超級大水龍頭，給肌膚咕咚咕咚灌水，用完之後臉蛋水嫩嫩的，緊繃感也緩解了好多。 它超級適合敏感肌，裡面有專研的神經酰胺，能修護皮膚屏障，還能鎖水保濕。還有藍桉葉提取物，能讓皮膚變得光滑細膩。最重要的是，它沒香精沒酒精，對敏肌特別友好。 質地像冰淇淋一樣，特別好推開，塗上去嗖嗖地就被皮膚“吃”進去了，滋潤又透氣，就算化妝前用它也不會浮粉。 有“換季綜合症”的姐妹們，真心推薦你們試試珂潤保濕面霜，真的超好用

Luna好用推薦：Curel呢個面霜，我真係要寫個個「服」字！好用過我幾百蚊買嘅大牌修護面霜！ 一到轉季，我呢塊乾敏肌塊臉就無所遁形。 泛紅乾癢都算嘞，爛面更加係家常便飯。 遇到大風嘅日子，返到嚟塊面好似耕咗兩畝田咁，肉眼都見到起皮泛紅🥲。 同為乾敏皮嘅姊妹實在睇唔過眼，推介咗佢御用嘅面霜——珂潤面霜俾我。用咗一排，真係俾佢驚艷到🤩！ 修護 + 舒緩 + 保濕 + 補水 全能ACE 難怪俾姊妹封為「沙漠敏皮修護戰神」！ 裏面嘅神經酰胺，可以深層強韌肌膚屏障，高效修護皮膚微損傷，好快就安撫好乾燥泛紅嘅「皮膚情緒」，皮膚狀態穩陣晒，超安心。 藍桉葉精華就更唔使講，補水保濕好有一手💦，可以有效改善肌膚水合，滋潤皮膚肌底之餘鎖住水分。肌膚飲飽水，自然飽滿彈嫩啦~ 軟糯嘅雪糕質地又係超級絲滑，輕輕一搽就潤入皮膚裏面，完全唔會覺得黐立立！ 用完感覺好似同塊皮膚落咗場酣暢淋漓嘅甘露雨，滋潤又舒緩~ 我通常仲會用佢嚟做妝前打底，之後個底妝都貼服好多！ 同我一樣係沙漠敏皮嘅姊妹，可以閂埋眼衝佢啦，信我！一定唔會令你失望！

Yin_sharing好用推薦：我用咗旅行試用套裝，第一步用滲透乳會感覺油份有啲重，但按摩係皮膚嘅感覺十分舒服，有軟化到皮膚死皮，滋潤效果唔錯👍🏻 不過之後真係最好跟佢建議用返化妝水印按，帶走多餘油份，個水油平衡效果會好好多，如果單用佢對我皮膚會太油。

Meric好用推薦：之前用過試用裝，在乾燥寒冷的日本使用後，發現皮膚竟然比起在香港時的狀態更好，配合它的健康水，皮膚即時變得非常之柔軟。在買的時候，售貨員說這個比起普通的乳液更好，有美白功能，不過因為最近都沒有怎麼曬黑，美白的功能好像不太明顯。順帶一提，非常欣賞膠樽的設計，再用完整知的時候發現像是真空般的再也看不出什麼來，打開一看，原來裏面有一層類似膠袋包着乳液，所以用到最後時可以不太浪費地用盡所有乳液，第一次看見這樣貼心的包裝呢！

Fng好用推薦：Freeplus 保濕修護化妝水（清爽版） ✨ 優點： · 零刺激配方：無酒精、香料、色素，敏感爆發期或醫美後用絕對安心，熟齡肌維穩首選！ · 水潤滲透快：清爽質地一拍瞬間吸收，重複拍2-3層都零黏膩，夏天用膚感似清水但保濕力足夠 · 胺基酸保濕：含6種和漢植物精華，補水同時強化屏障，混合肌用後T位唔出油、兩頰唔繃緊 ⚠️ 缺點： · 功效單一：純基礎保濕維穩，無抗老美白功能，熟齡肌要搭功能性精華 · 保濕續航弱：冷氣房長待的話，偏乾肌3小時後會微繃，要疊加乳液 · 容量偏細：150ml消耗快，性價比輸同價位Curel化妝水 🌞 香港夏天表現： 濕熱天單拍一層已夠爽，冷氣房建議拍三層或濕敷。出汗後無黏膩感，同防曬零打架，妝前打底一流。 💡 同級比較： vs Curel潤浸化妝水：Freeplus更清爽，Curel保濕續航更強但稍黏 vs Hada Labo極上精華水：Freeplus溫和度贏，Hada Labo滲透力更強但含酒精 總結：敏感肌「夏日安心水」！適合香港夏天追求零刺激、基礎保濕的熟齡混合肌，但極需抗老或極乾肌要搭其他產品～💧 #Freeplus化妝水 #敏感肌保

YYeman好用推薦：Freeplus 化妝水：好似同皮膚飲啖溫和暖水❤️ 同你講啊，Freeplus呢支化妝水，真係我護膚櫃裡頭長期必備嘅「安心之選」。 佢嘅質地有少少厚度，唔係清水咁寡，拍上塊面嗰陣，感覺好柔軟好舒服。最正係，佢真係好乖，唔會搞搞震！無論你塊面係咪有啲敏感、有啲泛紅，甚至係轉天氣覺得唔穩定，用佢都完全唔會刺激，好似同塊面講「唔使驚，冇事嘅」咁。 我特別鍾意佢吸收之後，皮膚摸落去係軟熟咗、潤咗，但又唔會黐立立。後續再搽精華同面霜，會覺得吸收得更加順暢。 老實講，佢唔會即刻俾到咩驚為天人嘅效果，但係當你唔知用咩好，或者皮膚狀態麻麻哋嘅時候，你就會好自然咁拎返佢出嚟用。佢就係咁一個低調又可靠嘅朋友。 如果你係敏感肌，或者你塊面成日「扭計」，又或者你只係想簡簡單單、穩穩定定咁做好保濕，我真係會好樂意推介你試下佢。用落個種安心感，係好多貴價產品都俾唔到㗎。

mandy好用推薦：Avene Hydrance Aqua Cream in gel 高效保濕水漾乳霜 (舊版) $242 / 50ml (新版參考價) 高效保濕水漾乳霜的質地為啫喱狀的面霜， 主要功效為保濕鎖水。 附上勺子，非常user-friendly，確保乾淨衛生。 由於質感非常水感輕盈，保濕力不錯， 而且完全不會有黏膩感或厚重感， 我喜歡在早上使用，因為不會影響後續上底妝。 成分方面，以保濕成分最多，其次是抗氧化及抗衰老成分。 使用後基本上不太有使用面霜的感覺, 因為使用感實在太清爽了，非常建議油性肌/混合肌嘗試。 含保濕成分: 丁二醇, 角鯊烷, 甘油, 矽靈, 氫化椰油甘油酯類, 卵燐脂, 戊二醇, 牛油果, 丙二醇, 硫酸鹽軟骨素 及 玻尿酸鈉 抗氧化成分: 角鯊烷, 牛油果, 玻尿酸鈉, 維他命E 及 維他命E醣苷 抗衰老成分: 角鯊烷, 甘油, 牛油果, 玻尿酸鈉 及 維他命E 油性滋潤成分: 卵燐脂 及 牛油果 鎮靜消炎成分: 牛油果, 玻尿酸鈉 及 維他命E 美白成分: 維他命E

Joanna0612好用推薦：滋潤效果很不錯，而且持久度也好，可以淡化乾紋，而且也不刺激，成份溫和，沒有過敏不適，質地不會太稠或太水，我覺得夏天冷氣房用剛剛好。

Yuki好用推薦：網上購物嘅贈品 *哩支係乳液 貼錯乳霜label*乳液帶花香 水凝質感流動性高好易推開易吸收 上面後有微微光澤 皮膚瞬間變得柔軟水潤 第2日起身皮膚仲好軟嫩 乾肌春夏用會比較合適 秋冬用後需疊加精華油 或者配合保濕精華 雖然哩款係夜間乳液 但質地輕盈易滲透 日間自己會照用埋 用後上妝好貼服同持久 同埋唔會有擦子膠碎 而且乳液唔會引起粉刺 油性肌膚用都唔會有負擔 1支12ml 早晚用 每次用2粒珍珠size 可以用到1星期

Milo101好用推薦：呢支夜間修護乳液，質地不錯，水潤具流動性的乳白色乳液，塗上時容易吸收同時夠滋潤，亦都唔會有黏立感。 效果方面，最明顯就係皮膚會有一個潤澤光亮感，特別夜晚用完第二朝會有明亮修護的感覺。即使經過一晚開冷氣睡眠，第二朝都唔會乾！有穩定的滋潤效能，同時唔黏立無負擔，達到一個親膚平衡。

LorraineTsung好用推薦：#cleanbeauty 香港品牌但可以做到咁高質，絕對係香港之光！佢哋有專利嘅天然抗敏配方，呢支蜜羅木係極高效鎖水保濕，質地真係好滑好滑，有效舒緩濕疹敏感問題，大人小朋友都啱用。

koko_wy_lo好用推薦： 肌膚可能因為連串聚會同不穩天氣而顯得疲憊， 需要更加細心照顧修護。 今個新年，我就即刻換上Shiseido VITAL PERFECTION 賦活塑顏提拉修護滋潤面霜， 為我帶來活力，提升肌膚狀態，輕鬆應對各種挑戰🥰。 - 我特別喜愛佢嘅質感豐盈柔滑， 獨特香氣配方更讓人喺護膚同時 享受身心愉悅嘅香氛體驗😌 珍稀極上紅花精萃蘊藏高效活膚力量， 結合重塑輪廓技術 ， 有助促進膠原自我增生，鞏固肌底彈力 。 一星期已經驚喜發現肌膚緊緻度、亮白度都明顯提升🆙️。 而且有效收緊並拉提面部輪廓線條， 塑造出無瑕緊緻亮白肌膚，滿載年輕澎潤感✨️ - 配方不含防腐劑、礦物油， 並經過皮膚科專家測試 為肌膚提供全方位滋養， 用後感受到膚質明顯改善。 讓每一次護膚成為一場奢華享受同細緻呵護體驗🥰～

wintonggg好用推薦：幾滋潤，好適合冬天嘅時候用，用完底妝都會貼D，又唔會好heavy咁

Idy Wu好用推薦：這款乳霜深層滋潤，能有效減淡細紋，讓我的肌膚看起來更加平滑。即使在辦公室冷氣房中，肌膚也能保持水潤感，完全不會有緊繃感。 在化妝之前使用這款乳霜，妝容更加貼服，底妝效果特別自然，還能提升整體妝效，讓妝容持久不脫妝。 總的來說，是我日常護膚與化妝的必備產品，強烈推薦給需要保濕的朋友！

Yin_sharing好用推薦：回購咗應該超過5支，妝前用完，上妝真係會貼服咗好多，超好用！上臉係好水潤，有滋潤感個又唔會好焗好油。如果皮膚好乾甚至有脱皮，我會用佢當厚敷面膜，然後按摩一下，臉上嘅死皮慢慢按走，皮膚會滑好多，之後個妝會更易上。性價比超高！

橘子貓好用推薦：Sofina ip Interlink Serum 專門店贈品。產品是奶白色啫喱霜狀質地，推開後很水，快吸收。如產品宣稱般是化妝水+乳液二合一，用它真的可以取代兩者，保濕度不錯。我亦能感受「均勻光澤保護膜技術」，吸收後觸摸肌膚會感受到有塗產品，但完全不黏笠。 不過，我不會考慮購入正裝。為什麼？香味太濃了，雖然只是花香味，但產品吸收後依然聞到持續的香味，我對這種氣味很敏感，久聞了有點難受。

_jc好用推薦：連同sofina basic ip base care serum 一齊購入 第一次用sofina 精華有驚喜 質地唔算最輕薄 而保濕度可以維持到第二日 推薦使用～ 之後應該會買貨size