日本藥妝 推薦好用產品

Emma W好用推薦：其能有效去除化妝品，包括防水眼妝，讓肌膚感覺清爽潔淨。倒出來係水狀，使用後不會感覺黏膩。化妝後抹2次就已經冇咩殘留物。用後肌膚顏色變得更加明亮，具有一定的提亮效果。 適合肌膚：任何，特別油性、混合性肌 成效度：4/5 質地：水狀 光澤度：3.5/5

Giselle 好用推薦：Bifesta 深層卸妝潔膚水亮白型 *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 好耐之前入手嘅產品₍ᐢ⸝⸝› ̫ ‹⸝⸝ᐢ₎我自己覺得呢款產品嘅清潔力算係幾好( ⸝⸝•ᴗ•⸝⸝ )੭⁾⁾雖然防水睫毛膏同眼線嗰啲唔算清得好乾淨，但佢可以清到持久力幾強嘅唇釉同粉底液"(⌯︎¤̴̶̷̀ω¤̴̶̷́)✧︎因為我有唇炎嘴唇唔可以接觸香料成份(꒦ິ⌑︎꒦ີ)呢款嘅低刺激無添加香料成份就令我用完都唔會敏感(✿︎´ ꒳ ` )♡︎呢款雖然係亮白型，但用完後唔覺得皮膚有變白₍ᐢ ›̥̥̥ ༝ ‹̥̥̥ ᐢ₎如果係抱著會有美白功效嘅小夥伴入手咗好大機會會失望哦(⌯︎˃̶᷄ᗝ˂̶̥᷅⌯︎)

Yuki好用推薦：想偷懶貪方便買嘅卸妝紙諗住去旅行用可以帶少d野揭蓋方式 每次拎1張好方便size都夠大 15x20cm尺寸已經足夠卸全面嘅妝卸妝紙清潔力都幾好抹3下 已經卸左8-9成抹10下已經乾淨哂 但同時皮膚擦拭後有少少紅 產品包裝寫無香料 但聞落有香味同酒精味 用落有d刺激皮膚 自己係沙漠乾肌同易敏感 用泥卸眼妝後眼皮有d紅腫 但卸面就ok冇問題 如果皮膚比較健康而且對酒精唔敏感 哩卸妝紙真係好方便 但敏感肌就慎用喇 產地：日本 購入日期：2024-07-13 購入方式：Watsons HK app 入手價錢：HKD31.68/46pcs (HKD0.69/pc) 原價：HKD59 (HKD1.28/pc) 回購：0/10 *眼皮會敏感

Miaomiao好用推薦：使用方便，抽出黎直接抹臉即可，一張大概手掌攤開既呎吋。卸妝徹底，淡妝既話一張就足夠清潔乾淨。聞落有輕微酒精味，不過唔覺得有刺激性。抹後感覺水潤，通常翻到屋企用卸妝紙落妝就唔理塊面，食埋飯先沖涼洗臉搽cream。 同款有各種顏色各種功能，大部份都試用過，分別不大😂

Fng好用推薦：這個 MAQUILLAGE dramatic Skin sensor base EX 可以當素顏霜用，可提亮肌膚🌟，一秒偽素顏就出門，它夠輕透，質地非常水潤，塗在臉上很好推💞，又有少少遮瑕力兼SPF 50+。 或者薄薄塗上一層，然後等一兩分鐘之後，再上粉底，沒違和感，妝效非常自然，又有提亮效果，而且裏面還有養膚成分，透氣唔會焗到生粒粒，夏天勁啱用，值得推介🫶。 佢仲有個tone up version係淡紫色底，如果係想退黃調嘅sis可以考慮嗰個。

Vivian好用推薦：淡紫色較為水妝質地，延展性高，能夠明顯改善暗沉泛黃皮膚，提亮效果好，清爽不黏笠，比較適合春夏季節潮濕或炎熱天氣使用，配合滋潤型氣墊粉底妝感不錯

jhope0725好用推薦：❄️冬季護膚不能夠忽略嘅就係眼部護理，因為冬天濕度降低，乾紋容易出現，尤其是係眼部附近嘅細紋！所以冬季一定要好好滋潤雙眼~ 我起初買呢樣產品係因為佢主打去黑眼圈，減淡黑色素，不過使用大約一個月，黑眼圈未見明顯減淡。 但令我喜出望外，係佢嘅淡紋同滋潤效果！ 呢支產品係油性，所以一泵出嚟會覺得相對油膩，不過佢同眼周附近肌膚好容易結合，打圈按摩五至十個圈，就會完全吸收！吸收完之後，明顯見到眼部附近細紋即時減淡，我使用約一個月，更加覺得眼尾嘅魚尾紋略為減少咗~而且配方唔會令到皮膚容易出油脂粒，減少眼部肌膚負擔☝🏻產品雖然係油性，但係延展性相當高！ ☝🏻使用前，眼紋明顯，眼底肌膚相當乾燥，略見白色皮屑☝🏻剛剛將產品塗在眼底，會見到一層薄薄的油分☝🏻按摩大約1分鐘，油分完全吸收，眼底肌膚變得滋潤，眼紋雖然仍明顯，但略見減淡。眼底肌膚略見提亮 不過要提提，呢枝產品只係眼部精華，但靠佢都唔夠，後續仲要添加眼霜，鎖住營養。雖然使用過程黑眼圈色素冇乜變化，但係呢支產品嘅滋潤效果已經令到我覺得值得回購！係我冬季護膚步驟中，不二之選！

C-00好用推薦：小弟至少受黑眼圈困惑 一直試過好多唔同嘅產品但係幫助都唔係好大…. 呢一隻係小弟用過覺得最有幫助嘅，用咗一星期左右黑眼圈明顯淡咗、細紋都少咗。 產品本身係比較油潤啲 不過唔會黐立立 都好易吸收 個人覺得效果非常之好 我俾💯 10分推薦

Giselle 好用推薦：D.U.O 皇牌卸妝按摩膏 *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 呢款係高清潔力嘅都卸妝膏*ˊᵕˋ)੭佢嘅卸妝效果幾優秀，就算係用咗防水嘅化妝品都可以卸得好乾淨(✿︎´ ꒳ ` )♡︎卸完妝後皮膚又唔會因為太強嘅清潔力而變得又乾又緊⸜( ´ ꒳ ` )⸝♡︎另外佢每盒都有附送一個匙羹仔去挖啲膏體嚟用，非常貼心(◍︎•ᴗ•◍︎)唯一缺點就係都幾貴，有足夠經濟能力嘅小夥伴不妨入手試試₍˄·͈༝·͈˄₎◞︎ ̑̑ෆ⃛

shadow影子好用推薦：膏狀的卸妝產品，輕輕在面上按摩便能化成油狀，能夠溶解頑強妝容，並且去除面上角質層，卸妝同步滋養皮膚。

mandy好用推薦：KATE TOKYO LIP MONSTER SOUFFLE MATTE 怪獸級持色絨霧唇釉 M02 $99 （Sasa 再打88折） 一直比較少接觸KATE TOKYO，這次參與免費化妝服務，覺得KATE的化妝品也挺好用的。由於瓶身設計不是走可愛路線，平時比較少留意。KATE的化妝品全是酷酷的黑色，給人專業化妝師品牌的感覺。 怪獸級持色絨霧唇釉的唇刷非常好用，可以幫助初用者更易於掌握抽繪理想的唇型。 完妝是輕盈的霧面唇妝，比有色潤唇膏更持久， 但大吃大喝後還是會掉色，飯後還是需要補妝。 霧面唇妝較容易令雙唇變乾燥，怪獸級持色絨霧唇釉沒有這問題，使用感清爽不黏笠，而且還不顯唇紋，這給予我對KATE很不錯的印象，就是實力派。 大家可嘗試比較上一層唇色及上兩層唇色， 這視乎您喜歡鮮色一些的唇妝還是淡色一些的唇妝。總之覺得不夠顯色就上多一層好了。 色號M02是亮眼的粉橙色/珊瑚色， 最近我都在用這樣的色系作為唇色， 覺得比較易carry，又不會很誇張， 是天天都可用到的唇色，還挺顯肌膚白， 不論上班或約會都可以使用。

Ice好用推薦：個色幾靚，搽上嘴係嗰種唇泥嘅感覺，好易推開，好顯色。就算食飯飲嘢，high甩咗都係會有少少色起上邊，有啲染唇。不過注意如果唇紋比較多，又或者個嘴會甩皮乾嘅話唔係幾適合用呢支，佢會顯得你啲唇紋更加明顯，更加乾。

YY好用推薦：身為shu uemura 既fans ，佢地既潔顏油一定長期備用。 依隻綠茶味係我用得最多既卸妝產品，見圖得返好少就我真係成日用！依支賣點淨化PM2.5懸浮微粒，抗氧化。同時做到落妝、洗面、護膚，3合1功效，落完妝不用再用洗面膏😛 超好用，容易乳化及清洗，摸落去卸妝油質素高，唔係平價貨質素，唔會刺激皮膚，卸得乾淨之餘保持到皮膚濕潤度🧚🏻 由於我係混合肌，我習慣再用洗要膏二次清潔，依然feel到皮膚嫩滑有彈性。不過唔知係咪真係抗氧化同對抗空污PM2.5😂 雖然市面有唔同價位嘅落妝產品，但護膚step係由清潔開始。落妝係第一步🔔一支有護膚功效嘅落妝產品會令到你皮膚最基本打好個底，相反太強清潔力嘅會破壞皮膚穩定，所以由識化妝開始到而家都長期必備呢支潔顏油 其實佢仲有好多款，粉色、紫色仲有其他，遲啲寫埋試用感。

poonpoon好用推薦：植村秀卸妝油出咗10幾年，日系皇牌卸妝產品，可以話係卸妝油始祖，口碑好。我已回購無數次，上圖已空樽🤣 綠茶款有少少綠茶味，唔難聞🍵一次要用5泵先夠力，清潔力好，kiss me 眼線卸得幾乾淨，加水容易乳化，沖水就清潔完，用完可以唔需要再過用洗面膏。其他顏色都試過，用落感覺差唔多，但都卸得乾淨嘅。 佢係好輕盈既卸妝油，上面冇負擔，唔會好似眼唇卸妝油咁會刺眼。植村秀卸妝油出係礦物油底，我乾肌用完好滋潤，有時我會直接當佢洗面奶咁用，皮膚冇咁乾燥，好柔軟。

TY好用推薦：溫和，清潔力唔錯。圖係 kate 怪獸唇膏同 dejav 眼線筆，捽幾下已經卸到八九成，乳化埋就完全乾淨晒，卸妝效果好好，平時全面捽都唔會澀眼，清洗後唔會覺得乾，價錢仲唔貴。

Karman28好用推薦：呢支真係回購左好多好多次，覺得卸妝卸得非常乾淨，仲要有時捽捽下，可以捽埋閉塞毛孔入面既走米出黎。 佢要用水乳化，覺得用完係面完全無殘留，非常清爽。 屋企一定會有一支係度做後備，驚其他牌子既卸妝油唔岩自己用。 而且價錢十分實惠，十分推薦！！

poonpoon好用推薦：戀愛嘅季節一定要妝容變得更加溫柔，除咗粉粉嫩嫩嘅胭脂，仲有三文魚色嘅眼影之外，一定唔少得一支淺棕色睫毛液。 Majolica majorca 睫毛液出名超多纖維，而且有多種顏色選擇，黑色、深棕色、淺棕色，而且仲有分防水，溫水可卸。 浪漫既季節必選淺棕色，妝容加倍溫柔🌹就算只係搽一層，已經非常長翹，沒有曱甴腳。就算全日都冇甩過。本身的刷形掃頭已經可以令睫毛好纖長，不需要特別技巧。 可惜嘅係只有台灣、日本先有得賣，記得去旅行要團貨。 甜美嘅笑容，加上無敵溫柔嘅妝容，夢幻甜美感up up up💕

YY好用推薦：MJ持久鬈長激場睫毛液 學生年代睇YouTube開始興起，已經撤出香港市場多年😿去親日本旅行一定買返3-4枝，啡色黑色都買。 平價好用，質量好。超多纖維，好易刷到好纖長嘅睫毛 我唔會夾眼睫毛，過份捲撓style唔適合我， 淨係鐘意用纖長mascara，mj睫毛液刷完2層就好夠。我會刷完之後會用眉刷刷返順啲睫毛，咁就好靚。之後再噴setting spray撤回都冇甩，乾得幾快。 出咗全日街有少少溶，用Shu uemura潔顏油都落得好乾淨。到2024仲係我心目中既top one睫毛液 🥇

chewyfruit好用推薦：盛田屋豆腐面膜：係真．補水定係得個「噱頭」？ 各位姊妹，相信你哋對呢個樽似乳酪、聲稱用豆腐做嘅面膜唔會陌生！話說我當年去日本都跟風入咗貨，用咗一排，而家同你老實分享下用後感！ 第一印象：睇見都想食咗佢！ 一打開個罐，嘩！真係好似一碗新鮮嘅豆腐乳酪或者豆腐布甸咁，質地超級Creamy同軟滑！個味道係好清淡天然嘅豆乳香，冇乜人工香料味，聞落好舒服治愈。 上臉感覺：軟滑似搽緊豆腐 敷上塊面嘅感覺好正，好柔滑，好似將一啖好濃稠嘅乳酪搽上塊面咁。涼涼地，好舒服，唔會有任何拮拮下或者痕嘅感覺，超級溫和！敷緊嘅時候，你會覺得自己成塊面都係食物。 效果：沖完水即刻「啜手」？ 到咗最關鍵嘅沖水時刻！一沖完水，我即刻摸下塊面—— 第一個感覺係：滑！ 真係幾滑溜，係摸落去好柔軟嘅那種滑。個膚色睇落去有光澤咗少少，好似飲飽水咁，有種「嘭」起咗嘅感覺。 但老實講，深入啲睇： 佢嘅「補水」感覺，係比較表面嘅。對於極度乾燥、爆拆嘅皮膚，佢嘅滋潤度可能未必夠力，維持唔到好耐。佢更加似一隻即時提升水潤感同柔軟度嘅「急救型」面膜。 優點同缺點，不吐不快： ✅ 優點： · 極度溫和： 成分天然，敏感肌用都好安心

Sakura醬好用推薦：「玉興豆腐面膜」真係轉季救星！ 最近正式開始換季，塊面狀態好唔穩定，一時油光滿面，一時又乾到繃緊，搞到唔知用咩護膚品好。終於的起心肝試咗呢盒風吹得好大嘅豆腐面膜，一用真係驚為天人！ ⭐️質地同氣味： 一打開就聞到陣好天然、好治愈嘅豆乳香味，唔係嗰種人工香料味。質地真係好似豆腐花咁，軟滑到不得了，搽上臉係一種享受，好舒服。 ⭐️轉季護膚體驗： 每到轉季，我塊面兩頰同額頭都會好敏感，又紅又癢。但係用呢隻面膜，完全冇刺痛感，好感動！敷上臉嗰陣，感覺好涼爽，好快就舒緩到換季帶來嘅泛紅同唔舒服。敷完15-20分鐘後，你會明顯見到塊面冇咁紅，同埋好似飲飽水咁，充滿光澤。 ⭐️滋潤度滿分： 佢嘅滋潤效果真係要俾滿分！唔係嗰種「假潤」黐立立嘅感覺，而係真正俾皮膚吸收咗水分，摸落去又滑又嫩。最驚喜係第二朝起身，塊面依然保持到水潤狀態，上妝都特別貼服，完全冇再因為換季而出現爆拆或者卡粉嘅情況。 ⭐️總結： 如果你同我一樣，每次轉季都係一種煩惱，皮膚又乾又敏感，呢盒「豆腐面膜」真係值得一試。無論係氣味、質地定係滋潤保濕效果，都做得好好，絕對係換季必備嘅護膚神器！ #換季#轉季#滋潤肌膚

Zelooo好用推薦：這個系列的金色和紅色都十分好用，味道是淡淡花香，不會過份濃郁，尤其適合秋冬比較乾燥的天氣，清潔力也足夠，洗完頭髮會順滑，再配上同牌子護髮素更加好用。

sammiimelda好用推薦：呢個牌子嘅洗髮同埋護髮已經回購咗無限次～ 我自己覺得CP值 10分高 無論係紅色定係金色，我都覺得頭髮係有保濕同埋修護嘅感覺 價錢又係適中 會繼續使用👍🏼

Barbie pink好用推薦：已經回購第六瓶了，從上年日本一出用到現在，明顯地，蘋果肌提升左，最開心嘅表情紋淺咗，配合 Elixir Wrinkle cream 一齊使用，完全糸100 分perfect match😊，未用過嘅真係要快啲試吓。效果超出預期。

SYJU好用推薦：一個月前在銅鑼灣做了hifu後行過松本清由專櫃小姐介紹入手了，我每晚睡前都揸及跟盒內指示圖去按摩，很喜歡它的味道很舒服，由於這V面霜是比較潤的所以很容易推，用了一個月感覺真的緊緻了, 但唔知效果維持幾耐我會再觀察

YolandaAuYeung好用推薦：Excel化妝品一向靠譜，打底霜、粉底、乾粉、蜜粉、眼影、眼線筆通通用過了，每樣也十分岀色！第一次試用它的唇膏，果然沒有令我失望！ 唇膏質地幼滑貼服，塗上唇後沒有起皮，而且還帶岀水潤感，光澤感大增，令咀仔十分sexy，誘發岀一股知性美！ 圖中使用色系: GB07 #此生摯愛唇彩

橘子貓好用推薦：#GB06 紅棕色，熱賣斷貨色。唇膏光澤感強，挺滋潤。外型也跟一般開架不同，黑金金屬包裝更有質感。

lingbb好用推薦： - 當時購入係性價比高，外型好靚就試下 - 當放得太耐（中間68 色）質地變得好杰身，塗嘅時候黏住好難推開，所以開左建議盡快用 - 55 色新買，雖然質地比起用開都偏厚但係塗上甲滑身易塗 - 咁多隻色最鐘意107， 番茄紅唔會紅得太誇張又顯得好精神，夏天冬天拜年用都冇問題 - 呢個牌子嘅指甲油唔算快乾，所以需要啲啲耐性

橘子貓好用推薦：Ducato指甲油樽身設計可愛，像個瘦南瓜般，吸引人買。 指甲油質地偏流動，不厚，比較水狀。甲油掃都易用，兩下就可以掃好一層甲油。不過由於指甲油較薄身，好易塗不均勻，有點考驗塗甲的技術。顯色度較低，要最少塗三層才有樽身顯示的顏色。好在甲油還算快乾，塗三層也不會費時。 最大優點是持久度，我腳甲單塗Ducato，沒有加塗底油、面油，塗了三天也依舊沒有甩色崩缺，就像最初塗上。如顏色合適，會考慮再購入。 #122 柿子色（暗橘色）帶金閃的，顯白，不似正紅色張揚，活潑適合夏天。 #BA照

葉子🍃好用推薦：倒係化妝棉上面，敷係指甲面等幾秒，再抹走指甲油，好簡單輕鬆就卸除到指甲油，味道都刺鼻，但用完好快消散，唔會成隻手都一陣味，同佢用完唔會令指甲變色，比較溫和，清除力又足夠，價錢不貴，因為卸除力足夠，一支可以用好久

Giselle 好用推薦：Kate Tokyo 護甲除光液N 230ml *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 呢支真係卸甲油真係一流(✿︎´ ꒳ ` )♡︎只要係指甲上敷幾秒後再抹走啲甲油就已經卸得超乾淨(´,,•ω•,,｀)♡︎就算係已經搽咗面油底油嘅gel甲都可以輕輕鬆鬆咁卸得乾乾淨淨(* ´ ｪ `*)♥︎不過因為佢嘅樽口真係太大，有時候想拎棉花棒去hi少少都會因為倒太多而要將多餘嘅液體倒返入樽(◞︎‸◟︎；)倒返入去好似唔太衛生，但倒咗又好浪費(꒦ິ⌑︎꒦ີ)撇除呢點之外，如果淨係睇佢嘅效果同價錢，呢支$28嘅除光液真係cp值超級高(๑ت๑)♡︎

Julianna好用推薦：認真佢係我用過嘅眼唇液入面唔算特別好 每次都要用足幾次先卸乾淨 仲不如直接用卸妝油 但就係一支幾普通嘅眼唇卸妝 新手可以入嘅 唯一優點就係比較平

Kura好用推薦：呢款眼唇卸妝液真係一流，因為我用防水眼線筆，同埋唇釉都好難卸，但用呢款卸妝液就完全無難度，用完清潔得好乾淨，同埋價錢非常平，值得繼續回購

Rainbow好用推薦：MJ 持久鬈翹激長睫毛液 MJ 睫毛液由中學已經開始用, 最大特點係有黑長纖維同梳子型既刷頭,好容易就有根根分明的效果, 但香港開架已經無得買,上次係日本旅行行過藥妝店,見好耐冇用就買黎用下 今次既體驗: -要係紙巾印走過多既纖維.否則好容易整到眼皮 - 睫毛可以Hold到一日,唔容易dup 返落黎

Karman28好用推薦：十分喜歡呢款睫毛液既刷頭，用完眼睫毛唔會一舊舊，很分明，而且很顯色，感覺睫毛長了和濃密了。 卸妝也很方便，普通的卸妝油或gel都能清潔得很乾淨，不需要特別使用卸眼妝的用品。

Kmggigi好用推薦：Homei Weekly Gel — 易上手、易卸除，輕鬆玩美甲💅 質地: 呢款Homei Weekly Gel嘅質地同普通指甲油差唔多，延展性好、容易上手。 品牌仲有推出配套嘅Peel Off Serum Base， 用咗之後可以輕鬆撕除甲油，完全唔傷甲， 對經常轉款嘅人嚟講真係非常方便。 款式: 色號選擇非常豐富， 我用嘅係貓眼系列，磁吸效果靚又有層次感。 不過要注意，磁石棒需要另外購買， 想打造閃亮貓眼效果就要準備好工具。 效果: 塗抹時顏色均勻順滑，雖然色澤偏淺色系， 但通常上一至兩層已經夠飽和。 照燈固化後效果光滑細緻，有專業美甲店既視感！ 唯一缺點係持久度唔算高——大約3至4日就會開始脫落，未必做到官方講嘅「weekly」效果。 不過相對優點係，完全唔傷指甲！ 對於平時用普通指甲油容易令甲面變脆、變薄嘅人，呢款真係輕鬆又安全嘅選擇。 用完三日後效果: 雖然甩咗四隻，但係指甲表面完全冇花！ 總結：輕鬆玩色，溫和不傷甲的入門gel甲 Homei Weekly Gel集易用、易卸、顏色靚於一身， 雖然持久度一般，但勝在對指甲零負擔。 適合想間中玩下美甲、又唔想太花

Suidan好用推薦：我呢色號係 NE-43 SHINY BEIGE，有好微細既閃粉，令指甲望落更美更健康。而呢支GEL甲油使用好方便，只需一支便可以做到gel甲，好合適懶人使用。

Kitty 好用推薦：Dr.Ci：Labo零毛孔細緻精華水：夏天毛孔嘅“透心涼救星”！ 熱到溶嘅夏天，洗完面塊面仲係黐立立、焫焫焫？拎起支橙噹噹嘅樽身，搖兩搖——將化妝水倒响化妝棉度，“啪”一聲拍上塊面！嗰陣冰涼感好似成支雪櫃拎出嚟咁。嘩！一聲由頭涼到落腳趾尾！絕對係我梳妝檯上最適合夏天的化妝水！ 個涼法唔係微微風，係薄荷醇直衝腦門嘅激凍！拍上塊面嗰刻，成臉毛孔“叮”一聲豎起晒，啱啱仲焗到燶嘅面，即刻好似跳咗落泳池咁爽！ 老實人使用心得： 涼到震？敏肌小心！薄荷+酒精，爽就超爽，但薄皮/易紅塊面可能頂唔順！初試建議淨係敷T字位，避開紅卜卜位置～ 濕敷先係王道收毛孔！鼻頭啲黑洞好頑固？剪細塊化妝棉浸到滴汁，局住敷3分鐘，一拎走，滑到反光，手指摸落去仲會溜一聲！ 夏日定妝秘技：朝早護膚後，用浸透嘅化妝棉輕拍全臉，唔單止二次清潔，殘留嗰陣冰氣仲可以壓住啲油唔俾佢標，個妝熱到40度都唔溶！ 總結：Dr.Ci：Labo呢支化妝水，絕對係夏天嘅神隊友！佢似一杯加冰嘅薄荷梳打，“噸”一聲淋熄塊面嘅燥火。雖然對敏肌有啲狠，但嗰陣即凍收毛孔+持久控油嘅爽快，足以令佢成為我妝枱上無可取代嘅夏日冰器

jaye好用推薦：水狀質地，十分清爽，用個陣會有少少薄荷既涼快感，好舒服，夏天用一流！我係係夏天個陣用化妝棉配合黎朝早抹臉用，可以抹走多餘既油脂，而同時有保濕感，係幫助到清潔毛孔，真係好岩夏天用！敏感肌混合肌都可以試下！

Fng好用推薦：CANMAKE 透亮珠光胭脂粉 #P01，絕對係胭脂平價必選！ ✨ 優點： ✅ 平價高CP：百元內有交易，學生黨恩物！ ✅ 珠光細緻：#P01帶淡粉珍珠光，黃皮上臉自然提氣色，唔會顯毛孔或變金箔臉 ✅ 輕透妝感：日系透明感十足，重手都唔會變關公，適合淡妝日常 ✅ 內附掃具：附送小掃方便補妝，雖然質素普通但應急夠用 💦 持久度： ✅ 冷氣房內約4-5小時開始變淡（需補塗） ❌ 戶外出汗或戴口罩摩擦後掉色快，約2-3小時需補妝 ⚠️ 油肌建議先上啞光底妝，否則珠光易顯毛孔 🌞 香港夏天表現： ✅ 粉質算細膩，無結塊或飛粉問題 ❌ 濕度高日子易溶妝，建議定妝噴霧加固 ⚠️ 缺點： 1. 顯色度偏弱，白皮用自然，黃深膚色需疊擦3-4層 2. 附送掃具難取粉，建議自配胭脂掃 3. 大油肌夏天用可能加速出油 總結：係一支「合格嘅開架珠光胭脂」！適合預算有限、追求自然透亮妝效嘅學生同OL。香港夏天用要記得出門前加固定妝，同埋深黃皮可能要用多幾掃～💖

Kura好用推薦：呢款珠光胭脂粉係打造戀愛粉嫩妝容嘅必備單品，胭脂嘅設計就係滿滿嘅戀愛氣息，心型設計非常符合情人節嘅主題，胭脂粉質細膩，搽上臉顯色度高，飽和度高，就算夏天用都唔會容易溶妝，同埋所有顏色都超級靚，閃粉亦都好靚，整體妝感自然，有氣息，我係選擇包色，咁就可以打造到唔同主題嘅戀愛粉嫩妝容啦，超級適合約會時用 @cosme