日本藥妝 推薦好用產品

LorraineTsung好用推薦：天使粉餅係年年都唔同包裝～(但年年都好靚😍) 2020款開始由舊有既3個版本改左做2個版本 分為”GR專櫃版”同”藥妝版”👈🏻 我自己分別有2018,2019,2020同2021版!!! . 我買既2020同2021都係GR版👆🏻 保濕都會好啲定妝無咁乾👈🏻 但無論係邊個版本都係得一個色號！ . 粉質都好細緻柔滑上臉會有好輕微既遮瑕效果 定妝能力同控油能力我覺得都維持到 雖然會有一定既妝感但唔會面具好假死白既感覺👍🏻 不過唔建議油皮使用❌

inkitsung好用推薦：外觀大於內在，年年都會唔同限定款~ 所以都會唔少人會買嚟珍藏~ 佢本身蜜粉又有分藥妝店版本同專櫃版本~ 個人覺得專櫃嘅會更保濕養膚~ 內在方面，粉質都算幼細，有一定遮瑕度，會感覺有啲妝感~

Emily Leung好用推薦：一句講晒：「電眼心機神器，塌睫毛救星！」 👍效果超屈機： 佢係白色帶啲黑色纖維嘅膏體，未搽睫毛膏之前用。一搽上去，啲睫毛即刻「站」起身，仲會好似偷偷幫你加長咗咁，變到好濃密！之後再補多層黑色睫毛膏，個效果真係誇張到好似戴咗假睫毛咁！ 👍持久度爆燈： 最勁係佢個「定型」能力！朝早出門到夜晚返屋企，啲睫毛都係咁翹，完全唔會打回原形。落雨流汗都頂得住，絕對唔會變「熊貓眼」。 點用先最掂： ❤️記住要 「由睫毛根部」 開始向上Z字形咁掃，咁先可以撐到最起。 ❤️千祈唔好搽太厚，等佢乾咗七八成先好上黑色睫毛膏，如果唔係容易有「蟑螂腳」。 缺點： ⚠️如果唔小心搽太多，或者未乾透就上黑色睫毛膏，會有少少結塊。 ⚠️落妝要用眼唇卸妝液，耐心敷多陣先容易卸得乾淨。 如果你係「睫毛下垂星人」，或者想個眼妝再突出啲，Kate呢支真係必入！平平哋但效果拍得住大牌，絕對係開架寶藏！

chasiutung好用推薦：Kate極致大眼睫毛底膏 透明gel狀質地加幼細黑色纖維  毛毛搽上眼睫毛會變有乳白色嘅絨毛感 乾左睫毛會定型但吾會生硬 感覺好輕 一d都吾厚重 之後搽平時用開嘅睫毛膏疊塗上去 可以做到纖長根根分明嘅豐盈效果 Kate依支眼睫毛底膏防水防汗防皮脂 好似我依種又大汗眼皮又油嘅人士都可以用 一整天睫毛依然捲翹完全無塌 而且一條纖維都無甩 👍非常好用 一直回購

Kammy1209好用推薦：去counter本身只係想買健康水，但sale話有set，加上第一次接觸先乳後水的概念，於是腦波很弱的我便入手了🫣 這個滲透乳配合同牌的化妝綿使用會有一種莫名的療癒感，但效果來說個人用完一整枝後也感覺不太出來，所以用完之後暫時沒有回購，如果將來有優惠的話會再考慮回購 🌟總結: 用來提升生活中的儀式感🧡

Jan好用推薦：第一次接觸到乳液先行概念嘅就係呢隻albion 嘅乳液，因為去買健康水ba 建議一齊用所以買咗支試吓。之後買過淺藍色樽美白乳液，但感覺效果分別唔大。 乳液無色無味，質地唔算杰身，滋潤但吸收唔算快。呢款乳液同以前用過嘅分別就係先後次序，先搽乳液後搽化妝水，初初開始會唔習慣，而且因為按建議份量用，搽完塊面會有啲濕笠笠，鐘意清爽感嘅可能會唔太鍾意或習慣。 試過跟健康水一齊用，亦試過跟其他牌子化妝水一齊用，個人覺得同健康水用嘅效果更加好，膚況穩定，少咗出暗瘡同滑啲。不過始終都唔慣乳液先行，用完就無再回購了。 題外話，買過ipsa metabolizer保濕/美白，使用感同效果差唔多，同樣價錢亦都差唔遠，個人會揀albion ，因為更加抵用🤑

Suki好用推薦：Muji 敏感肌爽膚水（清爽型）是我日常護膚中非常喜歡的一款產品！它的質地輕盈清爽，完全沒有黏膩感，尤其是在夏天使用時，感覺特別舒適。💧 這款爽膚水成分非常簡單，沒有添加香料、酒精或刺激性的成分，所以對於敏感肌來說非常友好。不管是日常用於保濕，還是搭配化妝棉濕敷，都能讓肌膚即時補水，感覺柔軟又穩定。✨ 我特別喜歡它的高性價比，容量大又平價，可以毫不心疼地用來濕敷或分裝成補水噴霧，隨時隨地為肌膚補充水分！而且清爽型特別適合油性或混合肌膚，在保濕的同時不會讓皮膚感覺負擔，真的是一款四季皆宜的好物。

Hamiii好用推薦：夏天用既濕敷toner 妝前用一用 上妝更服貼 性價比高 如果皮膚無咩特別需求 用呢支都幾抵用

Ice好用推薦：唔建議購買。  試過買呢支同埋同同品牌嘅其他洗頭水用，都係起mannings 或者屈臣氏買，用咗半支都冇就開始頭痕，同埋好多頭皮屑甩落嚟。 可能唔啱我用啊，我用清爽呢一支，佢的確洗完之後嗰下好蓬鬆，好有空氣感好靚，係我想要嘅效果，但係都的確好快就出油。講緊我平時夜晚黑洗完頭去到第二日可能8、9點個頭先開始油，我用完佢之後可能三四點已經好油。 而且一開始用嘅時候仲以為係咁啱身體唔好又或者其他原因，過咗一段時間再買多支嚟用，都係咁嘅情況。同朋友出街朋友甚至問我點解你個頭皮咁紅好似生咗一粒粒嘢咁。真係好痕。 而家仲有半支洗頭水，都唔知可以點算好？

Giselle 好用推薦：Essential Purify 鎖水淨化系列 - 速乾空氣感洗髮露 *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* Essential呢個牌子算係平價洗頭水牌子入面其中一個比較出名嘅( •̀∀︎•́ )✧︎呢隻係佢呢幾年推出嘅一個新嘅系列，主打係增加頭髮嘅空氣感，令到平時洗完頭吹頭髮嘅時間可以減少( ˶ˆ꒳ˆ˵ ) 我自己覺得洗完頭之後頭髮係有變得蓬鬆咗( ˘͈ ᵕ ˘͈ )但係吹頭嘅時間都好似同以前差唔多，唔會話特別少咗好多時間₍ᐢ ›̥̥̥ ༝ ‹̥̥̥ ᐢ₎可能係因為我頭髮比較長嘅關係，所以對於佢標榜嘅速乾效果冇乜感覺(´._.｀)

Jeniel好用推薦：用左雪肌精 ESSENTIAL SOUFFLE 水潤乳液好耐多年，主要用係轉季時份，皮膚開始唔穩定，佢有助穩定肌膚！  佢既質地好特別！輕盈似空氣感乳霜，推開嗰下已經快速化開，吸收速度超快，完全零黏膩，用完皮膚係霧面乾爽感，但摸落去依然水潤軟滑。 轉季變左敏感肌既我用完都冇刺癢感，轉季T位出油減少之餘兩頰又夠潤，妝前用仲令粉底特別貼服！ 整體嚟講，呢支乳液適合怕黏膩又需要穩定保濕嘅混合肌，轉季用啱啱好，會回購！ 質地清爽度： ★★★★★ 吸收速度： ★★★★★ 保濕鎖水力： ★★★★☆-0.5 轉季穩定性： ★★★★☆ #水潤

Tszki好用推薦：乳液質地滑溜且水潤，推開後如同融化般滲透至角質層，留下如梳乎厘（舒芙蕾）般的柔軟觸感，不會有一般高保濕產品的厚重黏感。長期使用能調節肌膚水油平衡，提升肌膚透明感並淡化暗沉，讓膚質顯得更細緻透亮。雪肌精經典系列通常含有酒精以提升滲透感，敏感肌或對酒精不適者建議先在局部測試。

Tiffany好用推薦：產品算得上係平，$30左右有交易 顯色比想像中更持久，平價之選 順帶一提，比粉餅好用多

jaye好用推薦：係德國買既開架品牌，價錢好抵，敏感皮膚都可以一試，粉質尚算可以，少少飛粉，不過顯色度都高，顏色可以疊加，霧面色唔會顯毛孔。

LorraineTsung好用推薦：Elegance唇釉試色💄 屬於鏡面感既唇釉完全係日系玻璃唇💋 上咀感覺滋潤舒服唔會乾👌🏻 會有輕微染唇效果同成膜但係唔會好難落妝👍🏻 我呢支係10號色(好似係2022秋冬限定)

inkitsung好用推薦：#火熱新品 秋冬新色10號柿橙色，秋冬中帶來一絲絲溫暖～ 而且唇釉顯色高又滑，上咀後迅速成膜，水潤感十足！

GinGin好用推薦：起泡型洗面膏，質地好保濕，而且用完唔會繃緊，T字位亦洗得好乾淨，已經買左超過5支了

羅小白好用推薦：用完之後塊面唔會好乾爭，用緊嗰陣有浸淡淡嘅豆乳味，用完之後個人都幾放鬆，同埋都洗得幾乾淨，同埋用緊嗰陣塊面都冇刺痛嘅感覺，成份都幾溫和，再加埋性價比，有興趣嘅話可以一戰

Blueblueblue好用推薦：搽呢支打底透明指甲油打底，後續搽顏色指甲油會平滑得多。 CP值高。

貓餅好用推薦：價錢親民，細細支，搽指甲油前的基礎，都幾快乾，味道不大，還可以。

kkayinn好用推薦：夏天響日本嘅藥妝店買入呢支美白防曬霜，冬天終於可以用啦！如果平日唔需要化妝只係想提亮肌膚同埋做到防曬，淨係搽呢個都已經足夠，佢係紫色因此有提亮膚色嘅功能，而且效果比較滋潤，會有輕微量肌效果。但係如果油性肌膚嘅話可能需要用蜜粉定妝。總體嚟講特價嘅時候值得買入，最鍾意佢有一陣淡淡嘅香味，有少少似柚子味，我覺得好清新。☺️

Viannie好用推薦：淡紫色防曬霜，質地清爽容易推開，有即時提亮去黃效果，唔會好黏笠，適合夏天使用。

Milo101好用推薦：粉餅粉質細滑，最方便是一盒有齊深淺兩色，深色可以用來打陰影，修飾輪廓，去旅行用好方便

KeniceSin好用推薦：呢盒粉餅有兩個用途，一係做定妝(粉餅)，二係打暗影。粉質細滑，粉餅上臉有少少似打左 highlight同有透亮感，係少少珠光感嗰種，暗影色好自然，唔會超深色勁明顯。

Cosmeemee好用推薦：#底妝升級好物 Canmake 棉花糖肌持久底霜 係我用過較為平價嘅妝前打底～ 性價比頗高，適合學生用🤣 🔽使用心得如下🔽 🕒使用時間：使用三個月，間中使用 💆🏻‍♀️個人皮膚狀況：混合乾性肌膚 使用產品後沒有任何過敏反應 1️⃣顏色自然不泛白，質地輕盈易吸收 剛剛搽上底霜會偏白，待幾分鐘後底霜後就會回復自然膚色。呢款底霜完全冇厚重嘅感覺，易推開易吸收 2️⃣有效持妝、控油、收毛孔 用後再上妝會令妝容更清爽，冇咁容易溶妝和浮粉，加上有收毛孔及亮白效果，令妝容更有光澤 3️⃣用後偏乾，建議局部使用 呢款產品始終有控油功效，用後會有少少乾，建議使用之前做好保濕，和局部使用，例如T字位置 4️⃣沒有防曬及調色功能不顯著 相比起其他防曬調色底霜，呢款嘅效果主要係收毛孔同提亮膚色，但如果要局部調色和防曬，就要額外再上其他產品 🙌總結評分🙌 產品質地：♥️♥️♥️♥️🤍 保濕功效：♥️♥️♥️🤍🤍 平滑肌膚：♥️♥️♥️♥️🤍 推薦程度：♥️♥️♥️🤍🤍

Kura好用推薦：我好鍾意用呢款平靚正嘅妝前打底，我用嘅顏色係01號色係自然色，搽上臉會有少少提亮膚色嘅效果，冬天用都唔會覺得乾，夏天用控油效果都算ok，可以保持到底妝天氣非常熱都唔會好快溶，用完呢款妝前打底霜再用粉底液底妝會更加貼服，都有撫平毛孔嘅效果，同埋價錢好親民，係平價妝前打底霜嘅戰鬥機，我平時趕時間單用呢款妝前打底霜加防曬都可以打造到天生好皮膚嘅妝感，整體妝感都非常乾淨通透，canmake出品信心保證，大家都值得一試 #妝前打底 @cosme

Wenwen03好用推薦：一直想搵一支性價比高既指甲底油，我選指甲油既標準好簡單，淡粉色系列就得啦，唔好比小朋友發現我塗左指甲油😂😂。。 左選右選，最後選左Canmake Tokyo 既Foundation Colors FC01色試下先。 油掃好用，好易推開指甲油，好少塗指甲油的新手的我都carry到🤩🤩 。第一次上色是淡粉色（唔記得影😅😅），等左2-3分鐘好快乾，之後第二次上色即刻顯色，有點像櫻桃紅色，晶瑩通透的效果我好鐘意呀😍😍，不過都會有一道指甲油有既味道，不是臭到攻鼻，但對味道敏感既朋友就要留意啦。 以下是效果圖（塗了2次+面油，室內白光）

葉子🍃好用推薦：刷頭易用，質地透薄，可以按需要疊搽，唔會覺得太厚，基底色方便工作，唔會太顯眼，但又夠自然

橘子貓好用推薦：一向知道Fasio睫毛膏很有口碑，日本通關後旅遊Shopping，在一系列睫毛膏之中藍色包裝最順眼，就選購了一枝。 這款是自然捲翹纖長防水，四項之中有三項半達標： 自然✅ 自然眼睫毛妝效，不會誇張，塗了像是天生眼睫毛就那麼長。 捲翹✅ 基本上卷曲度可以維持一整天，難得我不用mascara base打底，眼睫毛也不會塌下。 纖長✅ 自然增長睫毛，不同濃密型，就算塗上3、4層也一點都不會令睫毛變曱甴腳。 防水⭕️ 上妝半天就有點溶妝，睫毛膏會暈到眼下有明顯黑色，雖然未去到一撻撻那般誇張。 整體睫毛膏表現是不錯的，可能我是油眼皮，防水防暈效果未如理想，不過也可以用mascara base去補救。還是值得推薦。 #火熱新品

zetalhc好用推薦：用嘅時候唔會起一粒粒膠，可以令到睫毛跳跳分明，個人覺得性價比幾高。而且防水防汗，唔會甩色，但係用普通卸妝油都可以好乾淨清除。

Paris merci 好用推薦：Cream 唔係一般般嘅水凝霜，佢係六合一嘅全效美肌修護啫喱，可以代替化妝水精華面霜面膜等等。質地唔會淨係補水嘅水凝霜薄薄地搽一層就極速吸收晒。用完之後你會感覺面部留有精華嘅滋潤感，佢嘅膚感幾好，搽完皮膚好軟糯。 冬天有點兒保濕度略嫌不足，要額外加基底液或者精華油。但我對呢一罐修護啫喱整體感覺唔錯，用完瞓醒第二日皮膚有光澤。而且$240/80g，就算其他普通保濕面霜都差唔多價錢，佢仲要六合一功效💕

YiN好用推薦：呢款herbal gel主打滋養潤澤、調整肌理、改善暗沈、撫平粗糙、緊致肌膚、展現光澤。係香味唔算特別濃嘅gel狀產品，搽落係有補濕感嘅，唔會黏膩，皮膚會帶自然光澤，第一印象係幾唔錯。可惜我本身混乾肌，入秋之後乾嘅部位用佢有啲唔夠潤，又要加其他產品，就達唔到all-in-one gel懶人護膚嘅目的。 本身打算用嚟佢做家用美容機導入，但唔知係咪因為佢係親膚油劑，導電效果唔係咁好，厚搽都唔得。 佢本身係一件低刺激唔錯嘅產品，但喺我身上就達唔到想要嘅效果，用完試用包就唔打算買貨裝了。

Evoo好用推薦：自購*Ducato 弱爪專用指甲強化液 (透明）（nail hardener 7ml $72 狀況：卸完美甲後，指甲變好薄好軟 5⭐️為最高評價 >味道：⭐️⭐️⭐️⭐️一般指甲油化學味道，但唔算好大浸又好濃烈，可以接受 >乾的速度：⭐️⭐️⭐️⭐️都算快乾，塗完十隻手指已乾一半（乾的速度與一般指甲油相同） >硬度：⭐️⭐️⭐️因為指甲太薄，所以厚塗一層都係可以整彎指甲，但整體感覺有幫助令指甲增加硬度 >>值得注意係，塗一層已經可以撫平凹凸不平的指甲，睇落似nail coat 咁可以改善卸甲後指甲不光滑的情況！！！（很滿意⭐️⭐️⭐️⭐️⭐️） 整體感覺：4星⭐️半，建議如果想改善指甲軟&裂的情況，可配搭不同品牌的指緣油～

Viannie好用推薦：最近啲指甲唔知做咩好似酥皮咁，一層層分離又好易斷，變得好薄🥲 日本旅行買咗黎試下，呢款強化甲油可以當底油/強化/面油使用，顏色全透明，搽完會好似上咗光油咁，快乾易搽，同埋佢真係會令到指甲硬啲，冇咁易反，推薦！

LenaC好用推薦：#大人感妝容 🥰 要顯得 #能幹 #烔烔有神 #得體 我會推薦簡單不花巧既妝容 疫情下大家都帶口罩 眼神尤為重要 我會推介以下「秒出門」四寶(Sofina隔離底霜 、benefit 眼線筆、睫毛夾、FASIO 睫毛膏 ) 10分鐘內搞點快靚正😇😇😇 Sofina - Primavista Ange 水潤瓷效妝前隔離乳 UV SPF16 PA++ 25g (滋潤型) 擠適量既稀薄乳液 輕輕塗抹 雖說是妝前打底用 但佢本身帶少少珠光顏色 可以修飾膚色不均 打造勻透好皮膚既感覺 仲添加咗保濕成分 而且具防曬度SPF16 PA++ 護膚 修飾 防曬 一次過完成Benefit They're Real精細銳目持久眼線筆 呢款防水眼線筆質感柔滑 而佢既特製0.1mm錐形筆尖超精細且順滑 可以輕鬆畫出極精細眼線 色澤濃黑 唔易暈染 唔結塊 新手都可以輕鬆駕馭☺️ 睫毛夾 （aeon $12店 / sasa 有售） 小巧玲瓏 方便攜帶出門 隨時可以再夾再捲 而且適合我眼窩 好容易就位 每一條睫毛都照顧到 效果一啲都不遜於大牌子 持久度亦相當唔錯 夾一夾望落精神好多❤️ #小心機FASIO Po

Cici Wong好用推薦：人生第一枝primer，幾個朋友都介紹我用，比較適合乾肌，不過建議都係要做好妝前保濕，如果淨係用佢，始終會有啲乾，我有時會溝少少cream先搽上面。 佢有淡淡嘅珠光，但唔會好明顯，唔使擔心太誇張，用完明顯白亮咗，亦無同我d粉底打交。有時太懶或者皮膚狀態好嘅時候，會淨係用呢支primer，最多上少少遮瑕，已經有唔錯修飾效果 用量唔洗太多就足夠成塊面，我用咗大半年，最近回購第二枝，cp值高。如果油肌人，可以試控油version

YolandaAuYeung好用推薦：一向用開紅色瓶身的，發現新産品，所以貪生忘舊了😅。香味隨和治癒，但效果並不及前者般絲滑易梳。

brenda好用推薦：洗完頭後很乾，很難梳，一點都唔柔順

Miaomiao好用推薦：頭髮屬於易出油，細軟易塌。次次洗頭吹頭都甩好多頭髮，中間既分間線明顯。 50惠既養潤豐盈洗髮露加埋都過10枝左右，用完之後沖涼去水位明顯見到掉髮少左，屋企吸塵都見到少左掉髮。缺點係用完既髮質會偏笠，特別係夏天，出全日街既下晝d頭髮會笠到撻埋一束束咁，髮根位置會有油味。 試過轉用各種防掉髮洗頭水，雖然控油好d但係防脫效果冇50惠咁好。亦有轉用過50惠藍色話清爽d個款，洗既時候多左薄荷感覺但係一樣咁笠。

FishYu好用推薦：斷斷續續都用左5枝以上，用完真係甩少左頭髮。之前電爛左把頭髮，用呢套滋潤型既頭髮水加護髮素，覺得有逐漸修復緊。不過滋潤既代價係去油表現麻麻，洗完頭髮會比較塌，夏天既時候會易有頭油味。