日本藥妝 推薦好用產品

Jovian好用推薦： 其實冇諗過會有咁大分別。 之前皮膚暗啞、毛孔粗，仲有少少敏感泛紅， 係屯門VCity萬寧美容顧問推介 呢兩個星期，我只係好簡單—— 每日用呢支spa treatment B5精華。 質地清爽一d都唔笠 冇加其他複雜步驟，專心補水同修復。 慢慢見到毛孔細咗，膚色冇咁暗， 連原本啲泛紅都穩定咗。 原來有時唔洗好複雜， 用啱一樣嘢，已經可以慢慢變好🤍 變好咗之後上網查下呢支B5 背景 原來係日本係有5000間醫美中心用 唔怪之得效果咁顯注

Nikki wong好用推薦：我皮膚本身比較容易敏感，泛紅，缺水，用咗Spa treatment一星期之後，即刻有明顯改善，冇因為缺水而泛紅同出油，毛孔細緻咗，上妝又貼咗，非常讚！👍🏻👍🏻👍🏻

LingLing好用推薦：講真我一向都係用開 KissMe 隻睫毛膏，真係捽都捽唔甩嗰種，落雨流汗都完全唔郁，穩到爆。但就係因為佢太持久，以前卸妝卸到眼紅紅，成日都要搽幾次眼唇卸，捽幾捽先甩得晒，搞到眼皮都痕痕哋、仲甩埋幾條睫毛。 直到有次喺藥妝店見到 KissMe 自家出嘅眼睫毛專用卸妝液，諗住反正都係同一個牌子，試下都無妨。點知⋯⋯一試成主顧，真係改變咗我對卸睫毛嘅痛苦回憶！ 佢係用刷頭設計，好似透明睫毛膏咁樣，一掃就可以塗勻成排睫毛，完全唔會入眼、亦唔會刺激。等大概 30 秒～1 分鐘，再用棉花輕輕抹走，啲睫毛膏就自己「溶」咗咁樣，滑一滑就甩晒，完全唔使大力捽，仲可以順便清埋眼線位～ 我最鍾意係佢卸得乾淨之餘，又唔會焗眼或者搞到油笠笠，清爽又舒服，連戴con都無問題。用完眼都冇痕、冇紅腫，真心對眼敏感啲嘅人都啱用。 依家我每次化濃妝、或者夾得好翹嘅睫毛，一定都會用返呢支卸妝液。特別係趕住洗面又唔想整傷眼嘅時候，佢就幫我慳返唔少時間。 總結：溫和、有效、唔刺激又唔焗眼，卸妝新手或者重度睫毛膏使用者都值得試一試～我自己已經回購咗第二支啦，放工後要輕鬆落妝，佢真係功不可沒！

YiN好用推薦：一定係史上最強睫毛卸妝產品，冇之一。香港咁熱咁潮濕，冇可能唔用防水睫毛膏。我本身都用開kissme嘅防水睫毛膏，有時去睇live我仲會喺底用超強嘅睫毛底霜，將啲睫毛定到好似鐵線咁硬。到要卸妝嘅時候就知有幾痛苦，用眼唇卸妝液敷幾耐都摸到啲睫毛係硬嘅，唔小心入眼又唔舒服，未遇到呢枝之前我通常抹到冇色就放棄，由得啲睫毛硬硬地。佢入面就係一枝冇刷頭有坑嘅棒，啲卸睫毛液卡喺啲坑度，當平時搽睫毛咁刷上啲睫毛度，基本上你一眨眼啲黑色已經印哂落下面，用棉花一抹就乾淨，有時未夠的話重覆多一次呢個動作就一定卸到。 建議大家習慣掃完一次抹乾淨枝棒先放返入去，如果唔係好快成枝都會變黑。

Emily Leung好用推薦：適合敏感肌孕婦無添加納米卸妝油！卸妝強 今天要推薦一款我最近超愛用的卸妝油——FANCL 卸妝油！用過不少卸妝產品，但這款真的是太溫和又高效，特別適合敏感肌，孕媽也可以放心使用 它的配方超級溫和，沒有香料、酒精和防腐劑，非常適合敏感肌的小夥伴。它不僅能輕鬆卸掉眼妝、唇妝，甚至是防水睫毛膏那種比較頑固的彩妝也能秒卸，而且用完臉一點也不緊繃，超滋潤的！ 首先我的膚質是混合偏油，換季會變敏感肌！我的使用感受如下： 卸妝能力：⭐⭐⭐⭐ 日常妝容完全可以卸的乾乾淨淨，但防水彩妝卸的不太乾淨，畢竟防水產品還是要用眼唇卸妝液。 溫和程度：⭐⭐⭐⭐⭐ 成分安全無刺激感，之所以會一直回購我還是信賴它的無添加，並且溫和。用了也不會悶痘。 缺點： 會長閉口！所以一定要乳化洗乾淨！

Yuki Chow好用推薦：FANCL 呢個品牌大家都耳熟能詳，特別係MCO 納米卸粧液，標榜不含防腐劑 、香料、人工色素、酒精、敏感肌和孕婦均可使用。 納米技術因分子細，能深入毛孔迅速溶解並浮起防水睫毛膏、不脫色唇膏及高清底粧。 獨有保濕潔淨配方，卸粧後皮膚依然水潤不緊繃。 使用方法都好簡單，按壓約 2-3 下於乾爽的手心，輕輕打圈按摩全臉（包括眼唇）約 15 秒，直至妝容浮起，再用清水沖洗乾淨。 無需乳化步驟，遇水即自動納米化，沖洗輕鬆且不殘留油感。 但亦建議隨後使用潔面產品，進行二次清潔以達到最佳護膚效果。

維他他好用推薦：同大家分享下我用呢支「Stem Lift Emulsion」幹細胞緊緻乳液嘅心得啦！ 真係堅得！佢話就話係乳液，但質地輕身到呢，一搽上面「咻」一聲就吸收晒，好似冇搽過咁爽，完全唔會黏立立，油肌同混合肌嘅朋友實鍾意！新升級個納米膠囊技術真係有料到，啲成分好似隊咗入肌底咁，感覺好補水。 我用咗個幾月，最明顯係覺得塊面冇之前咁「淋bing bing」，線條firm咗同緊緻咗少少，尤其係下巴位，冇咁容易腫腫哋。朝早起身膚色都光澤咗，唔會灰灰沉沉。個配方話可以刺激膠原蛋白，對抗地心吸力，感覺唔係吹水，堅係做到提拉同支撑！ 百搭唔搓泥，妝前用都超貼服。一百支裝都幾抵用。整體嚟講，係一支誠意十足嘅抗老乳液，會繼續回購！推薦給想對抗下垂同補濕嘅你！ Dermacept 嘅產品都係有少少貴，但係功效都真係唔錯，所以都值得一試

Nicole 好用推薦：質地是豐盈的白色乳狀，看似濃郁，但在掌心溫熱後輕按上臉，吸收度意外地好，不會浮油或黏膩。 在冬季，它能提供深層而持久的滋潤，立刻舒緩肌膚乾燥緊繃的不適感，讓臉部維持整日的柔軟潤澤。持續使用下來，不僅乾燥引起的小細紋被撫平，更感受到肌膚的緊緻彈力有提升，輪廓線看起來更清晰。 #保濕

jhope0725好用推薦：❄️冬季護膚，不得不提嘅當然係面膜！ 雖然網上已經討論咗呢個網紅產品好耐，不過我都係近期冬季先至入手~ 起初見佢主打美白、收毛孔功效，有少少擔心冬天用會唔會保濕力度不足，不過用完有驚喜！👆🏼袋入面嘅精華超多，我第一袋用到最後都係用唔晒👆🏼面膜材質抓緊到皮膚 精華液相當濃厚，而且滲透度好足夠，用咗一次，敷10分鐘後，已經即時感受到皮膚補水度有所增加，用後洗面都明顯感受到皮膚彈潤度增加。👆🏼面膜設計亦都算貼面，能夠將面膜嘅精華盡量吸收到皮膚入面，而且面膜冇多餘香氣，感覺純粹，將功力集中喺護膚之上。 👆🏼使用面膜後即時效果 美中不足係，連續使用兩星期，都冇話好明顯見到毛孔有所改變或者皮膚有明顯提亮膚色作用。可能呢款美白產品嘅功效未必係我身上好發揮得到。不過爾冬季咁乾燥嘅環境，呢款面膜保濕度仍然相當好，呢方面值得推介！

Hellobeauty 好用推薦：「 #火熱新品 」Quality 1st Derma Laser Shot X Super VC100 局部護理精華面膜。 呢個品牌嘅面膜一直受好評，而我自己都一直用開呢個品牌嘅金色包裝嘅精華面膜。 昨日，我就發現同一色系，金色包裝的Quality 1st Derma Laser Shot X Super VC100 局部護理精華面膜。我就即刻買咗嚟試下。 我用咗之後,發現呢隻面膜質地好透薄貼服,面膜大細適中,可輕鬆貼合在意的部位，並有虛線可依需求撕開分用, 避免成塊面膜的小缺點（鼻翼位未能完全貼服）。 而且每片精華嘅份量係剛剛好,唔會多餘滴出,可以敷完之後唔會覺得有太多精華導致塊面有黐笠感； 所以非常適合早上返工前使用,唔需要在花時間處理面上多餘嘅精華,就可以直接進行下一部護膚程序及化妝 最後,佢嘅最大賣點係只需要2分鐘就可以達到效果,所以佢成為我回購之選。 #針對毛孔、粗糙和暗沉等肌膚問題 #敏感肌適用

Meoww好用推薦：前排系ig 睇到kol 講緊呢個系列，滲透力媲美1064波長Laser😍 超微細分子直達真皮層1.5mm😍 快用完一支，真系驚艷到！質地好輕盈，是凝露狀，上臉之後吸收快、不黏笠，特別適合夏天這種悶熱嘅季節！ 平時番工通宵又熬夜😭 脸色真的很容易暗沉冇光澤架😭早晚堅持用，皮膚狀態穩定透亮細膩，泛紅減退，看起來休息足夠，氣血很足的樣子！原本最困擾的法令紋和卡粉問題都緩解了，皮膚變得有 彈性，素顏出門都比以前更有自信！

Meowcat好用推薦：前排系ig 睇到kol 講緊呢個系列，滲透力媲美1064波長Laser😍 超微細分子直達真皮層1.5mm😍 快用完一支，真系驚艷到！質地好輕盈，是凝露狀，上臉之後吸收快、不黏笠，特別適合夏天這種悶熱嘅季節！ 平時番工通宵又熬夜😭 脸色真的很容易暗沉冇光澤架😭早晚堅持用，皮膚狀態穩定透亮細膩，泛紅減退，看起來休息足夠，氣血很足的樣子！原本最困擾的法令紋和卡粉問題都緩解了，皮膚變得有 彈性，素颜出門都比以前更有自信！

Kitty 好用推薦：Love Liner 眼線筆 -- 粉紅風暴！夏日玩妝必備，筆尖幼過針、持久到喊！💖 講真，用厭晒啲例牌黑色啡色眼線未？今次真係忍唔住要同大家分享呢支Love Liner 眼線筆！本身佢係日本開架紅牌，出名夠持久同筆尖超幼，最癲係顏色多到揀花眼👀！我今次專登破格揀咗粉紅色！冇錯，就係粉！紅！色！夏天熱辣辣，成日化黑棕真係悶到瞓著，不如玩大啲，用粉紅眼線撞出夏日元氣妝啦～✨ 重點實測：係咪真係咁神？ ✅ 1. 筆尖幼到離譜！手殘都勾到精緻線條。 講真，我呢啲成日手震嘅人最驚畫眼線！但 Love Liner 支筆尖真係幼過針咀，畫落眼瞓超順滑，零拉扯！勾眼尾尖位、填內眼線，甚至喺下眼瞓畫幾條假睫毛都冇難度，精準度💯！筆頭夠硬淨唔會散，新手都操控到～ ✅ 2. 顯色度爆燈！粉紅一畫即搶FO 買粉紅色最驚唔顯色或者似發炎… 但 Love Liner 呢支粉紅一畫就出色，仲要係好透亮嘅櫻花粉💕，唔會俗豔！質地水潤，一筆就均勻上色，唔使來回畫（來回畫易甩㗎！）。日光下睇似夏日汽水咁清爽，夜晚有燈光仲會帶少少光澤，靚到癲！ ✅ 3. 持久力真係痴線級！油眼都頂到全日 重點嚟喇

Emily Leung好用推薦：Love Liner眼線液用後感｜手殘都畫到超順滑眼線！ 近期化妝袋必備！Love Liner纖密流暢防水眼線液真係名不虛傳，絕對係手殘黨恩物！ 包裝少女心滿分！支筆身好拎，筆頭係彈力毛刷款，唔會太軟亦唔會太硬，超易控制。 點解咁好用？ 最大賣點係個毛刷筆頭，出水量啱啱好，一畫落去就好流暢，顏色濃黑，一筆就已經好顯色。完全可以畫到由幼到粗嘅唔同線條，連眼尾嗰下「小勾」都可以好輕鬆完成！ 睇下個筆尖幾幼細！喺手背畫線，線條實淨又順滑，零斷開。 持久度爆燈？ 我試過帶妝成日，又出汗又出油，條眼線都冇溶開冇暈染，真係堅防水防油！夜晚返到屋企，都仲係完好無缺，唔使做熊貓眼。 畫出嚟條眼線好sharp又順滑，仲可以好輕鬆拉長眼尾，放大雙眼效果一流！ 總括來講： ✅ 優點： 筆頭極易操控、畫出嚟線條流暢、持久防暈、顏色濃黑 ❌ 缺點： 相對開架價錢貴少少，但絕對值！ 咩人必入？ ➡️ 成日手震畫唔到直線嘅新手！ ➡️ 油眼人士，受夠咗暈妝煩惱！ ➡️ 鍾意畫精緻眼線嘅你！ 一支解決晒畫眼線嘅煩惱，真心推薦！

Fng好用推薦：Biore 水凝長效保濕防曬乳｜ 混合偏乾肌嘅「冬日透明感」防曬恩物！ 香港冬天雖然陽光無夏天咁猛烈，但紫外線依然存在，加上乾燥嘅冷風同室內暖氣，混合偏乾肌真係要揀一支夠保濕但又唔黏膩嘅防曬。Biore呢支經典嘅水凝防曬乳（約$85/50g ），今個冬天成為我嘅日常首選！ ❄️ 質地與膚感： 擠出嚟係水凝狀，流動性超高，推開嗰陣好似搽緊保濕乳液咁舒服 。最驚喜係吸收超快，零黏笠零泛白，完全打破咗我對高係數防曬（SPF50+ PA++++ ）一定厚重嘅印象。用完皮膚係水潤啞緻嘅觸感，後續上妝完全唔會搓泥 ，對於冬天想保持輕薄妝感嘅混合肌嚟講，真係一大福音！💯 💧 冬日保濕表現： 含有透明質酸同蜂王乳精華 ，保濕力比一般防曬出色。喺暖氣房坐足半日，兩頰都無出現繃緊或乾紋，T位亦無因過度保濕而出油失控。佢嘅「水感凝體技術」能夠形成保水膜，減少因日曬同暖氣抽乾而造成嘅水分流失 ，呢點對熟齡肌尤其重要。 ☀️ 防曬與日常適用度： SPF50+ PA++++ 嘅日本最高防禦系數 ，應付冬天日常通勤、行街買餸絕對足夠。去旅行、行山甚至浮潛都用佢，大概4小時補一次就無曬紅曬黑 。雖然冬天無咁大汗

Kitty 好用推薦：💁🏻‍♀️講真，香港天氣真係好濕熱，出街一陣已經成面油汗交雜！之前用開嘅防曬一流汗就變白線，仲會焗到出粒粒⋯⋯直到試咗Biore呢支水凝長效保濕防曬乳，先發現防曬都可以咁舒服！ ✨質地超驚喜 擠出嚟係淡白色嘅乳霜狀，易推開，好似搽緊保濕乳液咁！完全冇傳統防曬嗰種黏膩感，夏天用真係一流～吸收速度好快，唔會搞到頭髮黐面或者白色屑屑。 ☀️防曬效果夠穩陣 SPF50+ PA++++ 日常通勤絕對夠用！試過連續幾個鐘頭喺戶外，冇補搽都冇曬紅（當然流汗多的話建議兩小時補一次）。最重要係唔會燻眼！戴隱形眼鏡或者眼敏感嘅人可以放心用～ 🌸後續上妝冇難度 搽完皮膚有自然水潤光澤感，但唔會油光滿面。幫底妝做咗個完美打底，試過夾粉底液、氣墊粉餅都冇打架～懶人可以直接搽完撲層碎粉出街！ 🙅🏻‍♀️小缺點都要講 如果係大油皮的話，T位可能三四個鐘後會少少泛油（但要讚嘅係即使出油都唔會溶曬白條）。 總結：性價比之王！ 幾十蚊一支，抵用到爆！無論係學生黨定辦公室族都啱用～如果追求零存在感+高保濕+唔燻眼呢支真係閉眼入得過✨

Jeniel好用推薦：見寫「水潤」，一定要提起： Curel的 Moisture Cream 因為天氣忽凍忽熱，我塊敏感混合肌就開始作反，又乾又泛紅😭 好彩用開Curel呢罐皇牌面霜用黎命。佢專為敏感肌設計，無香料無色素，用落零刺激～ 質地係輕盈嘅乳霜狀，推開嗰下好似化水咁，超級水潤！吸收得快，完全唔會黐立立或者留低油膜感～ 保濕力一啲都唔弱，就算開住暖氣瞓覺，朝早起身塊面都仲係潤嘅，鼻翼同額頭冇再甩皮卡粉✨ 我最鍾意佢夠溫和但又有修復力，用咗幾日，面頰嘅泛紅同緊繃感明顯減退，皮膚狀態穩定返好多。如果遇到極乾日子，我會直接厚敷一層當睡眠面膜，第二朝皮膚即刻飽滿返，上妝都貼服啲！ 總括嚟講，呢罐面霜係敏感肌同乾燥肌嘅冬日恩物，溫和、保濕、穩定，一支搞掂晒👍 會無限回購！ 保濕度： ★★★★★ 溫和度： ★★★★★ 吸收速度： ★★★★★ 修復穩定： ★★★★☆ #敏感肌救星 #冬季必備 #Curel面霜 #水潤

Lindabb好用推薦：Curel深層高效保濕面霜使用心得 身為一個注重 護膚，尤其係 冬天 皮膚會變得極度乾燥敏感嘅人，每年一到 冬季 就要展開一場保濕大作戰。今次想同大家分享我喺 冬季護膚 流程中，不可或缺嘅好幫手——Curel深層高效保濕面霜。 1. 質地與使用感： 面霜嘅質地係白色乳霜狀，望落有啲厚度，但非常好推開，一接觸皮膚就好快化開，吸收速度驚人。塗上臉完全唔會覺得油膩或黐立立，反而係一種被溫柔包裹住嘅滋潤感。對於 冬天 寒風吹到塊面繃緊、甚至脫皮嘅狀況，佢能夠即刻提供舒緩。 2. 保濕續航力： 呢一點真係要大力讚！冬季 嘅乾燥天氣，好多保濕產品可能到下午就已經覺得打回原形。但Curel呢罐面霜嘅鎖水能力非常出色，搽完之後一整天都能感受到皮膚保持住水潤軟嫩嘅狀態，完全抵禦到室內暖氣同室外冷風嘅雙重夾擊。作為 冬季護膚 最後一步嘅鎖水產品，表現非常稱職。 3. 溫和性與效果： 產品標榜適合敏感肌，我用落真係覺得好溫和，無香料無酒精，完全唔刺激。經過一整個 冬天 嘅使用，皮膚嘅穩定度提升咗好多，以往 冬季護膚 最煩惱嘅泛紅同乾燥痕癢問題，今年真係大大減少。皮膚角質層好似被修護好，摸上去更飽滿光

Kitty 好用推薦：KissMe睫毛膏真係眼妝救星！我本身睫毛比較短，平時用開其他牌子好易塌落嚟，但呢支刷頭設計好貼心，可以精準勾到每根睫毛，一刷上去即刻有纖長+濃密效果，仲唔會結塊𠵱！最驚喜係持久度超班，我成日眨眼又出油，但撐足成日都冇暈開，放工對眼依然好有神～卸妝方面都算容易，用支溫和嘅眼唇卸妝液敷多陣就ok，完全唔會扯甩睫毛。我呢隻係特別版，乾燥玫瑰色，刷上去顯得眼神好溫柔，幫眼妝加分不少，而家化日常眼妝一定揀佢，就算想加強妝感疊擦兩層都依然自然，真心推薦畀鍾意偽素顏或者韓系妝容嘅姊妹！

YYeman好用推薦：Kissme防水纖長睫毛膏實測！香港悶熱天都頂得順 講真！呢支真係睫毛膏界嘅長跑冠軍🏃 我帶住佢經歷30℃+潮濕天 落雨流汗都完全冇化開～ 刷頭係微弧形設計 連眼頭眼尾啲短毛都刷到 膏體偏乾身 唔會一抽就結塊 新手都可以刷出根根分明效果✨ 纖長效果確實夠誇張 薄薄刷兩層已經變太陽花 想要自然妝感刷一層就夠 重點係完全零熊貓眼！！！ 不過佢個防水功能太強勢 落妝要用專門眼唇卸 敷足10秒先卸得乾淨 （試過偷懶用卸妝水 搓到眼皮痛都未卸曬😭） 持久度：★★★★★ 纖長效果：★★★★☆ 易卸度：★★☆☆☆ 性價比：★★★★☆ 總結：海邊/婚禮/流淚場合必備神器 日常用建議買棕色版更柔和～

ying好用推薦：🌿 HADA LABO 肌研 H.A. Supreme Cica 舒緩修護精華 積雪草修護・敏感肌救星 肌の静かさ｜讓肌膚安靜下來 🌟 我嘅總結 HADA LABO H.A. Supreme Cica 舒緩修護精華 🌿 積雪草成分，舒緩退紅 💧 4種透明質酸，深層保濕 ✨ 質地透薄，好吸收唔黐 🛡️ 無酒精無香料，敏感肌友好 💰 開架價錢，性價比極高 皮膚泛紅、乾燥繃緊嘅時候 用佢就會feel到「皮膚靜下來」嘅感覺 如果你係： ✔️ 敏感肌／容易泛紅 ✔️ 想搵一支溫和修護精華 ✔️ 想要高性價比開架好物 乾到爆 用少少 就水份UPUPUP🥰 呢支值得一試 回購意願：★★★★★ （用完一定會再買） #hadalabo #肌研 #HASupreme #Cica舒緩修護精華 #積雪草 #敏感肌救星 #退紅鎮靜 #開架好物 #性價比高 #精華疊加法 #肌の静かさ #skincare #hkbeauty #會回購 #精華部門

Fng好用推薦：肌研HA SUPREME 舒緩修護精華｜ 熟齡混合肌嘅「內乾外油」救星！ 香港冬天又濕又凍，仲要喺室內同室外之間進進出出，搞到塊面「內乾外油」仲間中泛紅！肌研呢支舒緩修護精華，今個冬天成為咗我嘅急救法寶～ ❄️ 冬日質地觸感： 質地係濃密化水嘅透明凝露，推開時有種「爆水」感，吸收後皮膚係水潤啞緻，完全無黏膩。對比夏天用，冬天嘅吸收速度明顯更快，好似皮膚好渴咁瞬間飲飽水！ ✨ 針對熟齡混合肌痛點： · 兩頰爆拆急救：暖氣抽乾後薄塗一層，5分鐘即時舒緩緊繃，後續上面霜都無搓泥 · T位油水平衡：無加重出油情況，鼻翼位無因過度保濕而生粒粒 · 泛紅鎮靜：凍風吹到塊面紅卜卜，厚敷10分鐘當mask用，退紅效果明顯 💡 冬日獨家用法： 1. 「暖氣房三明治」：化妝水 → 精華薄塗 → 噴溫泉水 → 面霜，鎖水效果x2 2. 「口罩肌急救」：戴口罩前重點塗鼻樑同顴骨位，減少摩擦敏感 3. 「妝前冰敷」：擠多一泵放雪櫃，上妝前用來鎮靜毛孔 🌟 成分解構點評： • 4重玻尿酸：大中小分子補足不同層次，真係做到「飲飽水」 • 甘草酸二鉀：對抗冬日温差引起的微敏感，溫和到笑 • 無酒精香料：暖

布吶吶好用推薦：Canmake 花漾瑰麗胭脂（Glow Fleur Cheeks）嘅實測，重點講吓 色號 02 Sweet Apricot（甜杏橘）。 整體評價： 呢款係Canmake經典人氣系列，包裝細巧可愛。02號係一款 帶細緻珠光嘅元氣橘粉色，非常適合追求自然透亮、日常好氣色嘅女生。 詳細測評 1. 顏色與質地 · 色調： 02 Sweet Apricot 係一隻 蜜桃橘混合淡粉紅，顏色柔和，唔會過份鮮豔。上臉後顯出自然紅潤感，似由內透出嘅好氣色。 · 珠光： 帶有非常細膩嘅珠光粒子，唔係大閃片，所以唔會凸顯毛孔。光澤係 自然水光感，適合打造日系透明妝效。 · 粉質： 壓粉實淨，唔易飛粉。顯色度屬 中等偏淡，新手唔怕手重，可以慢慢疊加。 2. 上妝效果 · 自然度： ★★★★★ 顏色融合度好，好似天生好氣色，適合淡妝或偽素顏。 · 光澤感： ★★★★☆ 珠光低調，提亮蘋果肌效果自然，皮膚睇落更通透。 · 持久度： ★★★☆☆ 日常室內大約維持4-6小時，出油或多汗需要補妝。建議先上膏狀胭脂打底，再疊加會更持久。 3. 適合膚色與場合 · 膚色： 特別適合 偏白至自然

Yeonjung好用推薦：【Canmake花瓣胭脂01測評】✨淺夏人嘅夢中情胭！白裏透粉嘅清透感，一上臉即刻戀愛！ 💗 Canmake花瓣胭脂01 粉紅淺膚 呢盒花瓣胭脂真係無數淡妝同學生黨嘅心頭好！01號呢隻粉紅淺膚色，真係專為我哋亞洲膚色而設，尤其係啲皮膚偏白或者追求自然好氣色嘅女仔，一試就會愛上！ 🌟 混刷效果：嫩到出水！ 將五個顏色輕輕打圈混合再掃上面珠墩，效果真係驚艷！唔會一撻誇張嘅紅色，而係似皮膚自然透出嘅淡淡紅暈，好似剛剛跑完步或者微微害羞嗰陣嘅膚色，真係「偽素顏」神器！質地帶住好細膩嘅微閃，唔會顯毛孔，反而有種柔焦效果。 💎 細閃光澤：心機透亮感 最正係佢嗰種低調嘅光澤！日光或者燈光下，面珠墩微微轉動嗰陣，就會透出好自然嘅通透光感，好似皮膚自己識發光咁！唔會好似掃咗好濃嘅閃粉，而係一種好精緻嘅「皮膚光澤」，睇落個人精神又乾淨。 🌸 單色使用：一盒多玩！ 除咗混刷，每個顏色單獨用都好好睇！ · 左上淺粉：可以當眼影打底，溫柔又自然。 · 中間主色：單獨掃蘋果肌，效果更加顯色。 · 右下粉白蝴蝶結色：真係要重點讚！✨呢格帶微微珠光嘅淡粉色，可以用嚟提亮眼下、眉心或者鼻樑，當係柔和版光影都得，

shinchan好用推薦：以宜家天氣 (春天) 嚟講，我嘅肌膚係混合偏油。眼皮即使定咗妝都仲會出啲油，所以眼部彩妝要用持久同抗油水嘅。 我一路有化開淡妝，但從來都冇研究過畫眼線嘅秘技，因為手殘🤣直到最近開始想學化靚嘅眼妝，第一次挑戰就膽粗粗買咗呢枝眼線液。好多YouTuber同身邊嘅朋友都推介，所以即使眼線液難用都想嘗試。我買嘅係Kiss Me Heroine Make 纖細眼線液 (03 深啡黑色)。佢係一隻深啡帶黑嘅顏色嚟，正如色號所形容🤣買佢嘅原因係因為黑色會太兇惡，啡色又太普通。呢枝眼線液好順滑，完全冇斷墨，筆頭好尖好幼，可以好精準咁畫到一條幼嘅眼線出嚟。持久又抗油，非常推薦🫶🏻我朝早7:30畫好條眼線 (冇定到妝)，放工後食完飯去咗飲酒，到夜晚11:30先返到屋企。眼影已經甩晒，唯獨係條眼線仲留咗喺度！好癲，大推！下面幅圖可以見到雙眼皮皺摺位堆積咗嘅眼影粉，雖然條眼線有少少甩，但正常社交距離都仲清晰可見！因為第一次畫想試吓佢有幾持久，所以冇定到妝。之後/夏天我會再努力定妝，等佢可以更持久🤣價錢: 10/10 持久: 10/10 抗油: 10/10 回購: 100/10💕

Poyobb好用推薦：市面上出咁多五彩繽紛嘅眼線液，其實最務實一定係用返黑、啡、灰色，百搭顏色✏️ 呢支係Kiss me Heroine Make 系列極緻持色纖細眼線。筆尖十分幼細，毛筆在十分尖細，只有超細0.1mm，即使貼住睫毛填空白位都好容易，上眼線可以描繪到好完美既弧度粗幼，非常乾脆俐落。如果新手想用眼線液買佢就練習最好。 墨水出色均勻，沒有化開 ，顯色強。市面眼好多眼線液嘅黑色同啡色相差不大，超推薦我手上呢05灰啡色，添加返眼神之餘，又帶點柔和感🫧 即使上翹形眼線or平衡延伸眼線，當天鍾意邊個造型都可以使用。一直以來用眼線筆描繪內眼線，會痕到流眼水，反而用返呢支眼線液就冇問題。 持久力強，而且係寫住super water proof。用於內眼線全日都沒有溶妝，夏天去沙灘眼妝淨係用眼線液同睫毛液，眼線液係唔會甩，唔會化開。但一用卸妝油就已經寫卸好乾淨沒有殘留。 好多開架日本品牌嘅眼線液好好，Love Liner dolly wink，但最後都係揀返Kiss me 💕

Tobimak好用推薦：呢支洗髮露帶有清新的生薑檸檬香氣，洗頭時聞落十分舒服，令人感覺自然放鬆。 使用後頭皮沒有敏感反應，佢成分溫和不刺激，清潔力恰到好處，能洗得乾淨同時保持頭髮的輕盈柔順，不會過度乾澀。👍🏻 整體而言，這款洗髮露兼顧香氣、溫和與潔淨，特別適合敏感頭皮人士。不過包裝若能改成泵裝會更方便，濕手時更易控制用量。

chewyfruit好用推薦：Hair Recipe 米糠洗髮水測評 一句話總結： 像給頭髮吃保養餐，主打「天然米糠滋養」，適合追求頭髮柔順光澤的人。 主要優點： · 修護力強： 核心成分「日本米糠精華」能有效滋養受損髮質，填補毛鱗片，洗後頭髮非常柔順、有光澤，對改善毛躁效果明顯。 · 成分安心： 無矽靈、無硫酸鹽、無Paraben防腐劑，成分溫和。 · 香味舒適： 是淡淡的天然米糠香混合花果香，清新不人工。 潛在缺點： · 清潔力溫和： 對於油性頭皮的人來說，夏天可能會覺得清潔力不夠，有出油變快的可能。 · 蓬鬆感普通： 主打柔順，因此對「細軟扁塌髮」追求的蓬鬆感效果較為一般。 適合誰？ · 乾燥、受損、毛躁髮質（尤其適合經常染燙的人）。 · 追求頭髮順滑和光澤感的人。 不適合誰？ · 大油頭或追求極致蓬鬆感的人。

chewyfruit好用推薦：Hair Recipe 米糠護髮素測評 好似幫頭髮「餵」咗碗靚飯，滋潤順滑唔黐立，同支洗頭水係絕配！ 主要好處： · 順滑度一流： 用完之後，頭髮好鬼順滑，尤其是打結嘅地方好易梳開，手感軟滑，光澤感即刻出嚟。 · 滋潤但清爽： 質地好推，吸收得快，沖水嗰陣已經feel到順滑，但係唔會好似有層嘢冚住咁，唔會黐立立或者好重。 · 香味舒服： 同洗頭水一樣，係陣淡淡嘅米糠同花香，唔會太濃，好放鬆。 要留意嘅地方： · 如果你頭髮係極度受損或者好似「草」咁乾，可能覺得滋潤度未到最頂級（可以考慮用佢隻髮膜）。 · 對於極油性頭皮嘅人，最好只搽响髮尾同頭髮中段，避免搽到頭皮。 適合邊個用？ · 日常保濕，想頭髮順滑易整理嘅人。 · 頭髮有少少毛躁、乾燥，或者經常吹頭嘅人。 · 用緊佢同系列米糠洗頭水，想效果更好嘅用家。 簡單嚟講， 佢係一支好好用、好穩陣嘅護髮素，唔會點出錯，同洗頭水一齊用效果加倍！

Kelvin好用推薦：米糠系列樽身就似一粒米既形狀，幾得意。護髮素同洗頭水一樣，味道就生薑檸檬！無硅油成分，不傷頭皮，感覺温和無刺激。 雖然我比較少用護髮素，但一個月都用2-3次。因為成日gel頭，頭髮好乾旱，要用返護髮素，令到頭髮順滑返。用完唔會令特別頭髮塌，反而有蓬鬆感，頭髮睇落有光澤。

EC好用推薦：用咗THREE呢支卸妝油一段時間，真心覺得幾驚喜！ 首先佢個味超級好聞，係好天然嘅草本加柑橘味，每次卸妝都覺得好放鬆，好似做緊香薰治療咁。質地好輕身，喺面度按摩好舒服。 最正係就算冇化妝，我有時都會忍唔住用佢按摩下面，當係深層清潔。有時真係會推咗啲油脂粒出嚟，感覺好爽！ 有化妝嘅日子，佢一次過就卸得好乾淨，連眼妝都冇問題。過水之後塊面完全唔油膩，仲要好水潤唔繃緊。因為佢寫到明可以卸完唔使再洗面，我而家真係懶咗，一步搞掂，塊面少咗摩擦刺激，反而仲穩定咗。 整體嚟講，呢支嘢令我愛上咗卸妝，又乾淨又舒服，會回購！

Emily Leung好用推薦：同大家介紹一款超級好用嘅卸妝油 🇯🇵品牌：Three 清潔效果：真係一流，之前用過唔同嘅外國品牌，成日都會澀眼，但呢款完全冇呢個問題，連眼唇部位都用得，用完一啲都唔乾澀，完全冇任何味道，質地輕盈柔滑。我洗完臉到而家已經過咗20分鐘，塊面都冇繃緊嘅感覺，而且唔含矽油。 購買渠道：應該係喺韓國機場免稅店買嘅，價錢大概唔使200蚊，確實嘅價錢就唔係好記得啦。 使用體驗：其實我本來對呢啲樸素嘅產品冇乜興趣，可能係年紀大咗，越嚟越鍾意簡單嘅嘢。當我打開呢個包裝嘅時候，一瞬間就愛上咗，簡約大方，就好似呢支卸妝油咁，可以令你回歸最本質、最原始嘅狀態。擠出嚟係油，但搽上塊面搓嘅時候完全唔覺得油膩。 推薦指數：🌟🌟🌟🌟🌟

Hellobeauty 好用推薦：Ettusais SKINCARE POWDER (PRESSED) SHEER BEIGE 美肌護膚蜜粉餅 自然色 自我上次分享過, 購買了不適合某日本品牌的蜜粉餅後，一直搵，結果我遇上Ettusais SKINCARE POWDER (PRESSED) SHEER BEIGE 美肌護膚蜜粉餅 自然色，雖然它沒有精緻設計的包裝，但它可以發揮精緻妝容的效果。 吸引之處: 1. "磨皮效果"低門檻之選, 熱門蜜粉產品賣點, 必定係有"磨皮效果"；呢個產品呢方面好出色, 即時修飾毛孔及遮蓋瑕疵, 絕對是性價比高產品; 2.有透明亮澤粉末, 有燈光照射情況下, 有輕微閃閃效果， 上瞼後, 沒有明顯亮澤粉粒問題；同時做到提亮膚色效果, 因此, 日常妝容, 我特別喜歡用它重點塗T字位，有效除油光之外, 又可以提亮, 可以唔需要另外使用其他提亮膚色產品; 3. 柔滑密貼粉末，易推, 推一層, 已即見效果; 4. 它是自然膚色系, 接近膚色, 所以沒有因為色系太白, 而突顯臉上暇疵; 5. 有防曬功效 SPF35・PA+++ , 市面上蜜粉產品少有; 6. 糅合補濕成分, 全日可以貼服

natanatalie好用推薦：方便帶出街的油肌夏天恩物❤️ 剛上臉時，粉質非常細緻，像一層輕薄的薄紗，能即時柔焦毛孔和小瑕疵。最讓我驚喜的是它的控油力——在香港這種潮濕炎熱的天氣下，妝容能保持清爽好幾個小時，不會很快出現油光。即使出油了，妝感也不會立刻崩壞，而是帶點自然光澤。😚 補妝的時候，它不會堆疊得厚重，反而能重新帶回乾淨的妝感。唯一的小缺點是遮瑕力有限，如果本身有明顯痘印或泛紅，還是需要先用遮瑕產品。但作為日常定妝和控油，它真的很輕盈、方便，粉盒小巧，放在袋子裡隨時補妝也不覺得麻煩。😜 整體來說，對油性肌膚來講，它是一款能兼顧清爽、自然和便攜的蜜粉餅，用起來有一種「素顏升級版」的自在感。🥰

Emily Leung好用推薦：Atorrege AD+ 深層潔膚啫喱用後感 之前塊面敏感又生粒粒，睇人介紹話呢個日本品牌專為敏感肌設計，性質溫和又能深層清潔，雖然價錢有啲貴，但為塊面都係買嚟試下！ 佢係透明嘅啫喱狀，推開好水感，好容易起泡。基本上係冇乜特別氣味，好淡好淡嘅原料味，唔似有加香精，用落好安心。 我每日早晚用，擠黃豆咁大份量就已經夠全面。加少少水搓兩下，好快就起出嚟啲泡沫，雖然唔係話超級豐富嗰種，但係好細密。之後用打圈方式按摩塊面大概30秒，尤其係鼻翼同下巴呢啲位，最後用清水過乾淨。 用後感覺： · 乾淨得嚟唔繃緊！ 呢點真係要讚，洗完塊面係感覺好清爽，但一啲都冇扯住嘅感覺，摸落去仲係滑溜嘅。 · 敏感肌恩物，我用咗之後冇再因為潔面而泛紅或者痕癢，性質真係好溫和。 · 對改善粒粒有幫助，持續用咗一排，覺得額頭同下巴嘅閉口粉刺有少咗，皮膚睇落平滑咗。 · 洗得走油脂但唔會過乾，就算而家夏天用，T字位出油情況有改善，但面頰又唔會乾到甩皮。 缺點： · 價錢偏貴，相比開架潔面產品，呢支真係唔平。 · 起泡量唔算多，如果你鍾意好豐盈泡沫嗰種感覺，可能會覺得有啲唔夠。 · 對於好濃嘅妝，可能就要卸妝先

Also melon好用推薦：屈臣氏開架嘅敏感，皮膚牌子Atorrege ad+，專利弱酸性，佢啲產品係有少少貴，但絕大部份都非常好用。 0號深層潔膚啫喱，唯一嘅缺點係每一次都會用一個大份量。如果每天都卸防曬，一個月一支。 因為我嘅皮膚偏薄又容易敏感，暫時皮膚受損狀態用返卸妝啫喱較溫和，亦都唔會閉塞毛孔出現粒粒情況。佢比Curel 卸妝啫喱冇咁黏身，更容易清洗。直接喺面上面打圈，簡單底妝、防曬，再用清水沖洗，就已經卸妝乾淨。卸妝啫喱唔需要額外再溶化，唔會怕乳化得唔乾淨，真係完全有卸妝後閉塞毛孔。眼妝、濃妝位置用返眼唇卸妝液。如果唔太介意價錢，卸妝啫喱嚟講ad我會比滿分👍🏻👍🏻👍🏻

Kitty 好用推薦：前排去商場掃貨，見到Sofina Primavista「妝前打底」出咗新升級版！身為混油皮嘅我即刻心動，諗起舊版嗰支真係幫我捱過唔少「回南天」🥵 即刻科水買返支返屋企試，同大家分享吓試用感受先～ ✨包裝同質地✨ 樽身少女心即刻爆棚！質地同舊版差唔多，都係水潤嘅乳液狀，吸收速度幾快，唔會好似某啲控油產品咁「拮拮吓」，我敏感肌都頂得順～ ☀️上妝效果☀️ 最驚喜係佢個提亮效果！平時用開嘅控油妝前打底多數會令塊面灰白，但呢支薄薄搽一層已經有「偽素肌」嘅透亮感。試過單用佢再撲層碎粉，同事仲以為我打咗燈😂 遮毛孔方面都交到功課，鼻翼兩側啲凹凸位平滑咗好多～ 🔥持妝力實測🔥 重點嚟啦！琴日特登唔補妝去挑戰： - 8:00am：薄搢妝前打底＋氣墊粉底 - 12:00：食完lunch塊面得少少油光，用紙巾印一印即啞緻 - 3:00pm：開會焗足兩個鐘，額頭開始有少少笠，但無溶妝 - 7:00pm：放工跑住追巴士，返到屋企照鏡...嘩！T位油光明顯但粉底無斑駁，無出現「芝麻粒」真係感動到喊😭 ⚠️注意位⚠️ • 乾肌姊妹可能要加強保濕，試過皮膚狀態差時用會有少少「緊繃」 • 遮瑕度屬中等，大紅痘印

Sandy好用推薦：SOFINA Primavista 的完美昇華持妝底霜(Boost Primer for Foundation) 細細支 25ml方便攜帶 質地容易推開😃 作為底裝非常之透薄,顏色好自然👍 優點嘅防曬SP5 PA++ 塗底妝之前再用浸薄薄防曬 15分鐘內就搽曬粉底底妝眼裝就出到門 so easy 出門 而家朝頭早紫外線都好強 唔搽防曬 好容易出班點，同埋好容易曬黑

Miranda好用推薦：【質感】 先講支睫毛膏嘅質地。佢嘅膏體唔算太濕，亦唔會乾到一抽一抽，屬於中等稠度。金屬刷頭好幼細，齒距密，理論上可以做到根根分明。但實際上，因為刷頭太細，沾取嘅膏體量偏少，如果你鍾意濃密效果，可能要來回掃幾次。膏體入面有少量纖維，但唔算多，延長效果一般。好處係佢唔會一開蓋就黏到成眼係，都算乾淨。 【使用感】 金屬刷頭呢個設計有辣有唔辣。優點係佢好容易控制，尤其係處理下睫毛同眼頭眼尾呢啲死角位，真係可以掃得好精準，唔會掂到眼皮。但缺點係刷頭偏硬，如果你本身眼睛比較敏感，或者你習慣用力壓住睫毛根部掃，金屬邊位有機會拮到眼皮，有少少唔舒服。另外，因為刷頭細，要掃均全眼嘅話，時間會比普通大刷頭耐少少。佢嘅捲翹效果算合格，夾完睫毛之後掃兩層，仲可以保持到弧度，唔會即時塌。但如果你睫毛偏直偏硬，可能需要先用睫毛底膏打底。 【持久度】 持久度係呢支睫毛膏嘅最大弱點。我喺室內冷氣房返工，朝早化完妝，到晏晝三四點左右，下眼瞼已經出現輕微嘅暈染，變成灰灰黑黑咁。雖然唔係熊貓眼咁誇張，但都要用棉花棒清理。如果你容易出油或者夏天出汗，暈染情況會更明顯。防水能力一般，喊或者游水就唔使諗。不過好處係佢用暖水加卸

Chloeincosme好用推薦：🤍 刷頭設計：5/5！Canmake呢支Metalook Mascara嘅金屬刷頭真係超細心～幼細得嚟又有彈性，可以精準刷到每根睫毛，連眼頭同眼尾嘅短小睫毛都照顧到，仲好少會整污糟眼皮，手殘黨都輕易駕馭！ 🤍 妝效：4.5/5！效果自然得嚟又有驚喜～刷出嚟係而家好流行嘅「一束束」纖長效果，唔會蒼蠅腳又唔會結塊，好似本身啲睫毛就咁濃密咁，偽素顏必備！ 🤍 持久度：4/5！防汗防皮脂能力唔錯，正常出門大半日都唔會暈染，卸妝時用溫水就可以輕鬆卸除，唔會搞到變熊貓眼～ 🤍 CP值：5/5！真心好抵，喺日本買幾十蚊港紙就有交易，效果拍得住專櫃，絕對係開架中的戰鬥機！ 總結： 如果你鍾意自然纖長、根根分明嘅睫毛效果，又唔想化妝時搞到周圍都係，Canmake呢支Metalook Mascara絕對係必試之選！細刷頭精準易控，效果清新又持久，重點係價錢親民到可以囤貨～特別推薦比學生黨、淡妝愛好者同追求日常偽素顏妝容嘅你！ #轉季 岩用