找產品
日本藥妝 推薦好用產品
486 件
Rin好用推薦：多謝 @cosmo 肌研 邀請試用 皮膚狀況如下 夏季：T位油，U位中性 冬季：T位偏油，U位中性／偏乾 鼻翼毛孔極大，兩頰近鼻翼毛孔較大 鼻易紅有粉刺黑頭問題 黑眼圈嚴重，有少許色斑 無諗過肌研「物理」防曬都可以做到輕薄水潤嘅感覺，好多物理防曬都會有厚重感 而肌研雖然擠出黎個時我都擔心會好難推同泛白， 結果都無，真係好surprise 呢下，因為好好推同完全無泛白兼亮白左小小， 而我就係比較乾（濕度47%）嘅時候用，亦唔會有好緊嘅感覺，無出油（冷氣房） 濕度高嘅時候用，大概9個鐘到收工就是T位有啲油，但都係無出晒野浮起晒咁 防曬力我覺得係應付到現時天氣，夏天要遲下試，暫時未知會唔會焗而生暗瘡/油脂粒 因為我自己都易爆瘡同生粒粒 乾個日 用完即刻出門，因為未有化妝所以唔知會唔會起碎粒，但我睇呢個膚感應該就唔會 可當妝前一試 4個鐘後，有小小乾，但係天氣乾加冷氣房 所以我覺得正常我會繼續試用到夏天同試上妝用，如果真係唔爆瘡同夠貼，我會推薦買！ 質感舒服，味道淡淡地清香 唔泛白，少許提亮，但無調色功能 比起多數物理防曬水潤，好多都做到好乾😂 而且用作妝前比起好多大牌平！（後補心得）
<看全文>Meowcat好用推薦： 感恩@cosme邀請參與今次肌研全新推出嘅水潤物理防曬保濕霜！ 介紹一下我肌膚系乾皮膚，顴骨位 有少許既雀斑🤣系8/3收到產品後第二日開始使用。 第一次試用全新肌研水潤物理性防曬保濕霜 質地上臉好輕薄透氣，零負擔，不黏笠🫰🏻亦冇泛白，可以提亮膚色，更比一般嘅物理防曬更水潤，有雙重保濕成份💦妝前打底，妝感好貼服，吾會起擦膠碎同卡粉⭐️ 味道淡淡香味🌸 有時假日吾想化妝，直接塗全新肌研水潤物理性防曬保濕霜，塗唇膏，直接就可以出街🥰 性價比極高，推介比小資女同學生😘 肌研產品通過過敏性測試、無添加酒精、礦物油、香、色素、防腐劑 仲有專利沙漠防興因子 Ectoin ，增強皮膚抵抗 UV 光和乾燥氣候的能力 可以安心使用❤️
<看全文>
🌸好用推薦：多謝@cosme 邀請我試用ADDICTION晴藝星閃眼影THE EYESHADOW SPARKLE，佢嘅包裝好符合日本人嘅簡潔美學，攜帶方便。好多日本潮流彩妝雜誌都有推介或者介紹過呢隻牌子嘅眼影， 因為佢由質地以致顏色都有好多唔同嘅選擇，可以配搭唔同需要嘅妝容。 我今次試用嘅顏色係019 SP Red Jujube，係帶有細閃粉嘅單色眼影。 試上手嘅顏色係咁樣嘅：Red Jujube照直翻譯應該係紅棗嘅顏色，平時如果聽都係棗紅色嘅眼影，我多數都唔會主動去買，因為感覺上好似好容易會化到眼腫腫咁。 但係呢一隻顏色完全唔同，佢嘅顯色度好高，輕輕薄搽一陣層，睇落反而似蜜桃色，帶着粼粼嘅閃光，係睇落好溫柔嘅顏色，適合一般嘅日常妝容： 疊加搽多幾層，出嚟嘅顏色就係棕紅色，有啲似枯玫瑰色，配合閃粉嘅光芒，顯得高貴，適合化晚妝或者隆重嘅場合。搽落眼完全唔會顯得眼腫： 呢隻眼影嘅粉質細膩，完全冇飛粉。用化妝掃或者手指上妝都可以。眼影粉緊貼肌膚，而且妝效持久易甩色，即使出咗汗或者有面油都唔會甩妝。 細細一盒嘅單色眼影就做到兩種唔同嘅效果，輕易打造有層次感嘅眼
<看全文>kammy好用推薦：以前化妝 會用好多唔同嘅色放係隻眼到 🙈 到近年 一係唔化 一化就用單式眼影 好多時 要搵到 一隻岩自己用嘅眼影好難 單式 無其他色可做修飾 可以令到隻眼好腫 可以令隻眼化左 好似無化💁🏻♀️💁🏻♀️ 而今次我用嘅ADDICTION TOKYO THE EYESHADOW SPARKLE 010SP睛藝星閃眼影 包裝簡潔嘅設計 而眼影摸落滑身 顯色度唔錯 之餘 無論用手/掃上到眼都有唔錯嘅效果 佢嘅閃粉唔算好大粒 所以上到眼 會覺得好自然同埋會令人覺得Bing Bing 嘅感覺🙆🏻♀️ 佢嘅價錢唔算好貴💰140 我成日用手指不斷來回抹來抹去 🙈 又用左好多次🙈🙈🙈 但都覺得好似新開嘅時候甘多 💁🏻♀️ #karlee90s #addition #眼影 # 化妝品 #makeup #cosmestore #eyeshadow #單色眼影 #hkig #ighk #bloggerstyle #beauty #beautybloggers
<看全文>
橘子貓好用推薦：Blurring Powder #Mimosa Pearl 多謝@cosme & Sofina 送贈的試用，抽中的是含羞草花限量套裝。 先讚一讚蜜粉的包裝，粉撲尺寸貼合粉盒，內蓋出粉孔大小剛好，設計均有考慮到是便攜裝，不會因搖晃而輕易漏粉。蜜粉是象牙白色帶輕微細閃，撲上臉柔焦效果不俗，有效修餘毛孔，也不會過份死白和重粉感。可能有女生會抗拒定妝粉帶閃，不過這款蜜粉的細閃並不誇張，用到臉上是像做完運動微微出汗水光反射陽光的效果，意外地顯得皮膚有透明感。 整個限定套裝妝感自然通透，尺寸亦輕便易攜，好適合戶外運動、旅遊時使用。 如果對定妝粉在控油和遮瑕度方面要求更高的妹子，可以留意同系列Primavista Ange的蜜粉，心水推薦。
<看全文>Yeeting 好用推薦：好開心，前幾日收到Primavista柔光美肌蜜粉試用，同大家開心share 一下。 依家流行偽素顏，夏天影相唔想再用濾鏡？ 唔知大家有冇試過用大約1小時嘅時間化妝，但外出不夠半小時就已經脫妝？ 夏天臉部經常出油，加上出入冷氣地方，臉部肌膚容易水份流失，加速出油速度。 所以要選控油嘅化妝產品。 粉質輕盈自然同好細滑，而且好清爽，完全唔痴笠。輕輕一下，已經輕易遮蓋我粗大毛孔。我配合埋Primavista 持久防曬調色底霜 一齊用，發覺真喺少咗出油同卡粉嘅問題 美肌蜜粉有5種色調選擇： Beige 毛孔和膚色不均肌膚 Lavender 暗啞肌膚 Fairy pink 面青肌膚，調光膚色 Melon 修飾泛紅位置 Lucent 自然遮蓋毛孔和膚色不均 我用嘅喺Beige 色系，我建議配合埋Primavista 持久防曬調色底霜一齊用，加強效果。
<看全文>
royu3好用推薦：為UZU Eye Opening Liner 的前身，是到目前為止我心中No.1 眼線液🌟當中最常回購的是啡黑色及淺啡色。首先，8角形微閃的筆桿設計超有質感，美感滿分💯而且手感良好，握筆時不滑手，方便繪畫細緻的眼線👍🏻 其次，它與有世界第一化妝筆之稱的「熊野筆」合作開發。雖然筆頭看上去非常尖細，毛量竟是一般眼線筆的1.4倍(#ﾟДﾟ) ，且用上4種優質毛料，使筆頭觸感非常細軟；難怪使用時特別順滑，輕易就能繪畫出理想的線條與弧度⭕️成分方面，眼線液內含有滋潤睫毛的美容成分，而且標榜可防水、防油、防暈染達24小時，卻不會造成色素沉澱👍🏻用水沖擦也完全沒有問題⭕️用紙巾來回磨擦了幾下，也沒有化開⭕️它無論是用料、設計，還是功能都非常優秀！幸好在改版前囤了好幾枝(˶‾᷄ ⁻̫ ‾᷅˵) 即使推出了新版本，Mote Liner依久是我心中最愛呢！ #出遊不能沒有它
<看全文>natanatalie好用推薦： 買左黑色嘅我絕對會比呢支眼線液100分！💯 本身係油眼，用開嘅眼線液好易會溶會甩，但呢一支持妝效果好好，除左本身好易畫，好出色之外，最重要係防水防油效果好出眾！❤️ 我可以去出租廚房玩足一日，因為我最中意煮野食，但對住油煙火氣十足嘅爐頭，煮完兩個餸，眼線睫毛液都會甩光光！用左呢支防水眼線液，能夠做到防水防油持久不染暈！到時星期六日就可以約埋一大班志同道合嘅朋友，煮足十個菜，大合照時依然有對精靈大眼！👀💕
<看全文>
Nat好用推薦：好開心可以抽到試用法之羽KAMINOWA的全套生髮養髮產品，感謝@cosme! 今次試用的產品包括養髮液、生髮素、有機防脫洗髮露及護髮素。踏入30歲之後，新陳代謝減慢，頭髮生長速度開始跟唔上脫髮速度。本身我額頭比較高，近幾年髮線越來越後，額角就更加高，頭髮明顯比以前稀薄好多，所以近幾年亦嘗試了不少市面上的防脫生髮產品。 今次收到試用品之後，使用了大概一個月時間。 先講一下使用感覺（個人習慣每晚都會洗頭護髮，中性頭皮，中至乾旱髮質，不易出油）。有機防脫洗髮露： 香味方面，比較清新，氣味不濃烈，洗發後在頭上只有一點淡淡的留香。倒洗髮露在手心加水後，都算容易搓到起泡。洗髮效果乾淨，頭皮清爽。在香港炎熱又潮濕的夏天，第二日到下午時間頭皮都乾爽，晚上時間就會有少少笠，以防脫洗髮露來講，潔淨度都滿意。 護髮素： 香味和洗髮露一樣。洗髮後，稍微擰乾頭髮水份，搽上護髮素等幾分鐘後沖洗乾淨。吹頭之後，髮尾都有少少旱，我習慣使用髮尾油，所以護髮效果可以接受。始終是防脫護髮素，不要期望可以大大改善乾旱問題。 養髮液：早晚使用各1次，吹頭後直接用在頭皮上，利用指腹傾傾按摩至完全吸收。我基本上只使用在髮線、
<看全文>🌸好用推薦：多謝@cosme 畀機會我試用養法之羽KAMINOWA嘅全套生髮養髮產品！今次試用嘅產品包括養髮液、生髮素、有機防脫洗髮露及護髮素。 隨住年齡增長，同埋長期要捱夜工作，生活壓力越來越大，我留意到我自己嘅額角嘅頭髮開始稀薄，有山羊角禿嘅趨勢。之前都試過用其他唔同嘅防脫髮洗髮水之類嘅產品，但幫助都不大。今次收到試用產品之後，我用咗大概六星期。 我講一講我個人嘅髮質先。我係長頭髮嘅，頭髮質地比較細軟。從來冇試過燙髮或者染髮，但係平時洗完頭都會甩到一地係頭髮。頭髮唔算容易出油，髮尾比較乾旱，算係中性髮質。 我平時習慣每日洗頭。今次試用嘅洗髮露同護髮素使用透明樽身，包裝簡約易用。因為佢係無矽洗髮及護髮產品，所以泡泡偏綿密。洗髮乳同護髮素都係冇香味嘅，感覺十分天然、溫和。同平時洗頭一樣，我會輕輕按摩頭皮，希望藉此可以促進血液循環，達到強韌髮根同防脫髮嘅效果。試用之後感覺清爽，完全冇痕癢、頭皮乾旱或過敏嘅現象。洗完頭之後睇一睇去水位，感覺真係冇甩咁多頭髮。 呢個係我使用之前影嘅額角頭髮：以下係使用兩星期後：覺得額角開始長出BB毛，生髮效果顯著，而且感覺到洗頭、梳頭、吹頭後真係甩少咗頭髮。
<看全文>
elaine好用推薦：『清爽綠茶香氣洗頭水～🥰 』 謝謝 @cosme 送出綠茶x柚子淨油保濕水感洗髮露 + 頭皮頭髮精華髮膜 作試用 自己本身屬於乾性頭皮 有時唔夠水份就會出油 一有油就好似搞到頭好笠咁 所以要搵啲去油又保濕嘅洗頭水 我自己用咗以上兩款產品一星期 分享下感受先 精華髮膜可參考我嘅另一篇文章 洗頭水一泵已經夠成個長髮用 一唧出嚟已經聞到好有酒店高級香氣嘅感覺 我自己就好鍾意呢種香味 因為男仔女仔都會鍾意呢種味道 唔會太Girly 而呢隻洗髮露嘅泡沫綿密 好容易就起到泡啦 洗完後頭皮仲有清涼感覺～ 如果加埋精華發膜用嘅話就事半功倍啦！
<看全文>ChingLam好用推薦：多謝@cosme 今次抽中我試用Hair Recipe嘅洗頭水&髮膜。 今次依支綠茶+柚子精華洗頭水適合油性頭皮 乾枯髮適用睇睇我一整日嘅出油情況～ 因為頭皮易出油，加上天氣太熱，出左街一日個頭已經好油。 依支洗頭水入面加咗薄荷，洗完頭之後覺得涼浸浸好舒服！味道都好香，洗嗰陣聞到抹茶味，洗完聞到有水果味😂 喺手心加水捽開佢，其實就已經起到好多泡。加強清潔嘅效果。 睇下我洗完頭嘅頭頂～～ 頭髮超蓬鬆，超乾淨～ 仲要feel到涼浸浸 所以成個夏天用佢，應該都會好舒服😌 下年夏天我會再回購！
<看全文>
Ko好用推薦：最近係日本買左Canmake呢盒花花胭脂12號色。其實花花胭脂我差唔多六七年前就開始用。最近係日本買左呢盒佢嘅顏色偏橙啡，帶細細嘅閃粉，好適合日常使用。唔單止可以用嚟打喺臉頰上，仲可以當眼影使用，用嚟增加眼妝嘅立體感，顏色好自然，重點係可以match番胭脂嘅色tone同埋可以淨係帶一盒出去補妝。佢附咗一支掃，非常好用唔會吉，可以輕鬆地將胭脂均勻地塗抹係臉上。而且最驚喜係佢嘅價格，係日本買超級便宜嘅。而家個個都去日本想自己買揾人幫手都好方便xD。 圖1 用左個半月，日日用，未凹 圖2黃光燈下 圖3日光下
<看全文>Kpl6be6好用推薦：色澤充滿少女感～搽於面頰可提升氣息之餘亦令肌膚有白裏透紅感覺～同時可用作提亮/眼影使用～用嚟打造甜美溫柔風妝容話咁易！輕巧可愛～帶出街補妝都非常方便❤️❤️
<看全文>
Chami好用推薦：感謝@cosme 邀請試用canmake產品🫶 基本面上需要既彩妝都cover左 ，今日就率先試用持久豐盈水潤唇膏💄今次抽中既係Muchi Puru Tint 03號色, 應該係3隻色入面最鮮色既色號。先喺手背試一試色, 係比較偏向cherry既紅色：再黎睇睇我原本既唇色係比較偏暗，而且死皮較多，平時搽唇膚前一定要搽一浸凡士林！睇到介紹呢支tint含有高保濕成份，一於挑戰唔打底，直接搽呢支唇膏！搽完的確有驚喜！佢做到潤唇膏既濕潤，又做到唇膏既顯色，而且連lip gloss 都唔使搽就自帶光澤感。ok喎！跟住落黎就試下隻色持唔持久。結果係～有啲失望🤦🏼♀️ 用紙巾輕輕炆一炆，成個唇印出哂黎。另外有個小缺點係，呢支唇膏有出冇入，擰多左係唔可以褪返入去。 雖然有少少缺點，但搽上咀個顏色，濕潤度同光澤感的確有surprise到我👍🏻 #火熱新品
<看全文>shyuyu好用推薦：這次的是03色，個人非常喜歡這個顏色！ 我皮膚有一點泛黃，唇色偏白，這顏色提亮了我臉色，也讓我看上去比較精神帶血色，可以參考我附件圖片的右上圖。 在不塗任何唇部打底（包括無色潤唇膏）狀態下，薄薄塗了一層canmake這支的03色，可以看到我附件圖片1右下的真的很顯色！ 另外亦有用到02色的，可參照圖2和3，這色很粉嫩，適合夏天使用，塗的時候感覺偏粉，可是在我唇上有點顯珊瑚色🤣不過依然很好看，也是很推薦的一隻色～ 產品介紹說這支唇膏（tint）有保濕滋潤成分，含凡士林、透明質酸、膠原蛋白、摩洛哥堅果油、蜂蜜、乳木果油等成分，塗完是真的非常水潤有光澤，而且水潤感很持久，還有點薄荷清爽的感覺～ 介紹說有效遮蓋唇紋、暗啞、防乾燥、不易脫色，我在塗完大概10分鐘之後用紙巾輕輕抿了下嘴，紙巾帶走了一點顏色，但依然留有唇膏7成左右的顏色在唇上，之後再拿杯子喝水，都沒留下唇印在杯子邊緣，點贊👍🏻 整體來說，用後感覺非常良好，也很喜歡這個產品，估計用完之後會回購～ ⚠️需要注意一點，唇膏的設計是扭出來了之後就收不回去的了，所以要注意第一次開的時候不要把唇膏扭出來太多⚠️
<看全文>
wawa好用推薦：謝謝Cosme邀請我試用 Hair Recipe 嘅生薑清茶洗髮露，上次使用過 Hair Recipe之後一直有回購，因為真係覺得頭皮健康咗，頭髮都蓬鬆咗，但又唔會毛躁，所以今次有得再試用佢哋嘅產品好開心！ 今次呢個生薑清茶洗髮露，即係話脆弱頭皮同埋細軟髮用家而設，我啲頭髮都係好細軟，成日都好塌，所以好期待今次嘅效果！今次洗髮露嘅質感同以往有少少唔同，佢係呈比較結身嘅質感，有少少豐厚感，好似平時搽喺面上面嘅精華咁。但係揉開起泡之後，佢啲泡泡好細膩，又唔會過分起泡，令頭皮好舒服，甚至連髮尾都好柔順，唔會好似其他牌子嘅洗頭水洗到好乾好毛躁❤️用完之後feel到好明顯頭皮係好清爽，但唔會乾，感覺頭皮都係好健康，髮尾都好柔滑，唔會打結；而豐盈感讀都做到，至少唔會係扁塌塌。 以下呢張係用完7日後嘅圖，平時比較少甩頭髮所以比較唔到，但明顯地蓬鬆感，即刻係細軟頭髮都會自動有豐盈感，值得一讚係feel到髮根健康強壯咗，仲要好有光澤感。誠意推介呢支產品比細軟髮嘅女仔，因為佢真係做到有個蓬鬆感，唯一令我覺得扣少少分係個味道，如果可以多啲清新生薑味就perfect!
<看全文>Josephine Lau好用推薦：本人頭皮中性偏油，髮質細軟易塌。 這次的生薑x清茶洗髮露10分適合本人使用。 一支出來的洗發露會有點像是溶化掉的軟糖🤣很容易產生泡沫，真正洗發時的泡沫比圖上的更綿密。味道方面，個人感覺很像chew軟糖的波子汽水味，個人很喜歡，很好聞。 洗完頭後感覺良好，不會覺得頭皮繃緊，但是洗得很乾淨，梳頭是幾乎沒有什麼脫髮。 最令人驚喜的是吹頭時掉髮減少了很多，非常開心。 下圖是剛吹好的頭髮。本人是超級毛燥軟塔的髮質，以前天天頂着扁塌又爆炸的頭上班。 下圖是使用幾天後一早起床的頭髮現況。 真的改善了，非常驚喜意外。 總結一下這次的洗髮露真的很適合脆弱，頭皮及細軟頭髮的用家。 成份天然，使用後感覺頭髮強韌了不少，味道好聞，很享受在洗髮時的過程，使得很乾淨而不覺得繃緊，不會覺得很油，非常清爽，梳頭是及吹頭時掉髮減少了。第二天起床後也不會覺得頭皮很油。 使用幾天後，感覺頭髮柔順了一點，頭頂也蓬鬆了一點點，非常希望日後繼續使用可以改善更多。 之前曾使用同品牌其他的洗髮露，是次這款最適合我，已想不到這麼有效，一定會回購，CP值極高。
<看全文>
Kura好用推薦：呢款胭脂膏真係非常適合化妝新手用，薄搽厚搽都完全唔會失手，同埋顏色出色，超級靚色，用完有種粉嫩仙氣嘅妝感，同埋呢款胭脂膏嘅質地唔乾，我有時會當唇膏一齊搽，一物多用，非常適合新手，唔需要買咁對樣嘢 #新手 @cosme
<看全文>Chami好用推薦：多謝@cosme 抽中我試用一系列canmake產品❤️ 用左差唔多一星期 今日想寫下呢篇夢幻胭脂膏既心得 收到呢盒胭脂膏之前，其實我自己都有一盒，不過自己購入個盒係17號焦糖楓葉色，同埋係冇珠光既。今次收到呢盒係最新限定22號蜜柑雪葩色帶珠光，比起蜜柑，我覺得實物顏色更貼近南瓜色，而且實物比官網圖片係深色少少🤏🏻 平時都有買開canmake產品，主要係性價比高，但胭脂膏都仲係有啲失望既。其實canmake既胭脂膏顏色係好靚，令人有衝動想包色，但用後發現最大缺點唔持久，同埋拍上面冇普通胭脂咁均勻。 用法：用手指沾上胭脂，逐啲逐啲拍上面。每次我都只會沾少少，寧願拍多幾次。 用後感：係幾顯色（當下），同埋呢隻橙色好夏天好有活力既感覺，加埋珠光幾靚。胭脂膏好似啫哩膏既質地，好容易推。但係！首先要好有心機沾少量胭脂慢慢拍同推開，如果就咁點2-3點上面推開，妝感會有啲唔自然，覺得顏色唔夠均勻，需要慢慢拍慢慢堆疊。變相需要用既時間多左，冇普通胭脂粉掃開咁方便。另外，可能質地太水潤，真係hi一hi都好易甩妝。平時搭車戴口罩返到公司除口罩，啲胭脂膏已經甩得7788，加上定妝粉/噴霧先會last
<看全文>
Gtam 好用推薦：Elegance 定妝蜜粉餅真的是一款讓人驚艷的化妝品❤️它的細粉質地非常👌，能夠輕易地融入肌膚，妝容看起來更加自然、細緻，而且不會造成厚重感或浮粉現象，讓你的肌膚看起來更加🌟光滑、柔軟。 此外，Elegance 定妝蜜粉餅的控油效果也非常出色，能夠有效地吸收肌膚上的油脂，讓你的妝容更加持久，不易脫妝。它能夠減少肌膚的油光，讓你的肌膚看起來更加清爽、乾淨，讓你一整天都能保持完美的妝容。 此外，Elegance 定妝蜜粉餅的外觀設計也非常👍，精美的包裝和可愛的盒子讓人一看就愛不釋手。它還有多種不同的色號可以選擇，能夠適應不同膚色和妝容需求。 總之，Elegance 定妝蜜粉餅是一款非常值得推薦的化妝品，它的細粉質地和出色的控油效果能夠讓你的妝容更加自然、持久、細緻，而且它的外觀設計也非常可愛，讓你愛不釋手。如果你正在尋找一款能夠幫助你打造完美妝容的優秀化妝品，那麼 Elegance 定妝蜜粉餅絕對值得一試！💁♀️
<看全文>Tobimak好用推薦：我呢個E大餅係1號色，妝效係屬於啞光，適合自然偏白既女仔用❤️。 佢控油、定妝方面都冇得彈，而且入面仲帶一個粉卜，方便帶出街補妝。平時化妝我都係用佢，因為佢拍上臉上非常透薄，而且一啲都唔死白。🥰 黎緊就歲末啦，我十分推薦買呢個E大餅送俾人做禮物。身為一個港女，送嘅禮物當然要好用得黎顏值都一定要高😂而E大餅真係無論放響邊度都好似裝飾咁靚，送俾人一定唔會失禮☺️
<看全文>
JZ好用推薦：防曬系數較高的廣譜防曬，質地水潤輕薄，適合日常通勤使用。延展性高，但要用夠量才能達到包裝標注的防曬值喔！對我來講，這款防曬最大的優點是它的使用感十分水感輕盈，完全不會油膩厚重，因我是混合偏油性膚質，所以喜歡膚感透薄的護膚品及化妝品。 缺點的話，我認為大概只有它在防水防汗方面表現一般，不是專門為戶外運動設計的那種防曬。如果你預計是會大量出汗或接觸水的場合，最好還是用專門有標注waterproof的運動防曬比較安全。吸收成膜後會從白色變成完全透明，給肌膚留下淡淡光澤，不會泛白，影相也不會有white cast👍👍👍 #火熱新品 #火熱新品 #火熱新品
<看全文>mandy好用推薦：Kose SEKKISEI SKINCARE UV DEFENSE ESSENCE GEL 雪肌精亮白水感防曬精華霜 SPF50 PA++++ $150/ 90g 雪肌精亮白水感防曬精華霜的質地水感輕盈， 透氣舒適，非常好推，一D都唔笠唔焗束， 很適合在夏天使用，特別推介油性肌或 不喜歡黏膩感的人士必入。 雪肌精亮白水感防曬精華霜臉部和全身都可使用， 而防曬保護方面達最高級別SPF50 PA++++， 即使是戶外活動都適合使用，但要記得補擦。 蘊含防曬成分為主，也有一些養膚成分， 如: 保濕、抗氧化及美白等成分。 價位方面算是挺便宜了，大容量90g可以用很久耶， 價位只$150，性價比很高，很抵買。 含防曬成分: 氧化鋅, 2，4-雙((4-(2-乙基-己氧基)2-羥基)-苯基)6-(4-甲氧基苯基)-1,3,5-三嗪, 水楊酸鹽, 聚矽氧烷-15 及 二乙基氨基羥基苯甲酰苯甲酸己酯 保濕成分: 矽靈, 雙丙甘醇, 桃金娘果萃取, 丁二醇 及 角鯊烷 控油成分: 矽石 抗氧化成分：川穀籽萃取, 維他命E, 角鯊烷 抗衰老成分：川穀籽萃取, 維他命E 及 角鯊烷 鎮靜消炎成分:
<看全文>
bibubibu好用推薦：一向都知道呢款粉餅喺開架彩妝嚟講好受歡迎 sofina成日都會推出好多期間限定嘅外殼 粉紅色外殼好有少女心  我揀咗一個比較自然嘅顏色 佢上面唔算太修飾毛孔 都有明顯嘅妝感 持久力尚可 唔算甩得勁 當然用紙巾抹汗嘅時候都會見到佢有甩 氧化程度一般 以佢嘅價錢嚟講，佢表現都算唔錯 不過唔知點解我冇跌過佢落地 佢自己就無啦啦碎咗
<看全文>格仔餅公主好用推薦：用佢好少浮粉，超趕時間出門都會簡佢，可能佢同我皮膚好夾，所以我keep住有再買用完一位又一盒。如果冬天用佢之前噴一噴保濕噴霧之後就好貼唔會話好乾。薄薄地都夠力遮到眼圈同痘印，但紅卜卜既痘印最好用返遮瑕膏會無咁明顯。 個價錢都唔貴所以大力推薦比返學黨啦同埋貪靚又要慳錢既靚女。
<看全文>
TY好用推薦：粉粒好細好滑，薄薄上一層會有霧面效果，持妝度好好，夏天返全日工都 keep 到。 一直買開763透明色，上完會比原本粉底輕微白少少。 佢個粉撲柔軟幾好用，但因為要另外買，同埋用粉撲比較厚，我自己鍾意倒落蓋用掃上就夠晒薄。
<看全文>Kelvin好用推薦：屋企盒loose powder用完，去咗cosme買Chacott既蜜粉 。之過去過glow版本，今次買Matte版本試下😀 色號簡咗761，有少少遮瑕，佢既粉質配搭依隻色上左面似blue 咗，令成個底妝顯高質感！ 皮膚好既女仔簡透明色就ok喇～ Matte版本控油力相當好，大半日都無補妝，既使出完全日街個底妝都keel到7成。依排天氣凍左少少我就配搭返保濕base+保濕foundation，咁成個底妝唔會太乾，但又做到持妝效果😍 留意返無附送粉撲，但我習慣用碎粉掃上loose powder，所以無所謂～
<看全文>
royu3好用推薦：☀️夏天好物介紹☀️ 炎炎夏日要保持嫩白肌膚，除了曬後的護理，曬前的防禦也不可忽略！Kanebo 旗下Allie 防曬系列，由推出至今，一直都是我最愛用的身體防曬💕已回購了無數次，今年推出了最新的海洋友善配方，二話不說將它帶回家了！這枝持采UV高效防曬水凝乳EX，延續了Allie經典「EX UV高效防曬水凝乳Ｎ」的最高防曬係數SPF50+PA++++之餘，保留了品牌最大特色——防水、防汗、抗摩擦👍🏻它亦在消委會的同類防曬測試當中，被證實能抵禦高強度紫外線，加上舒適質感不易脫落，超適合戶外和水上活動👒 新舊版對比之下，包裝更簡潔，字體變成深灰黑色。 容量一樣是90g。乳白色的霜狀，比舊版濃稠一點，質感依然水潤輕盈💧伸延性超強，能輕鬆地均勻塗抹於肌膚。無色無香料，使用後不會泛白，塗抹於臉上無需擔心變成「面具人」的尷尬情況👍🏻而且內含「玻尿酸鈉」的保濕成份，長久滋潤。易敏感的乾肌表示很OK⭕️值得一讚的是，新版加入Beach Friendly配方🏖考量到部分國家、地區、海灘的法規而設，讓用家可在愛地球、保護海洋生態為前提下，達到全方位美肌的效果。 防曬與保養一枝兼備，有效為肌膚建立高度防
<看全文>Emma W好用推薦：ALLIE UV Gel UV EX ，用後輕盈感，不會感覺油膩，一搽上面，感覺好水潤，好白。塗抹均衡後，好快吸收，膚色變得白左，同有透亮感，適合日常使用。另外，佢唔會同我用緊的其他護膚品，起擦子膠粒。而作為妝前打底也非常合適，能讓妝容更加服貼。出汗時，最怕見到白色的殘留物。依款防曬唔會有依個情況出現，感覺驚喜，值得推薦。 #我的崇光感謝祭必買防曬
<看全文>
KDing好用推薦：呢枝化妝水嘅質地係偏向水油混合，倒出喺手上你會見到有少少嘅油分係浮喺面度，但搽上面又唔會覺得好笠。我幾鍾意呢一種嘅混合質地，因為多數喺夏天嘅時候，後作唔想想太厚嘅精華，但用呢支大有少少精華成份嘅化妝水，個滋潤度已經好足夠。 呢啲化妝水除咗質地都算輕盈之外，佢亦都有帶有少少香氣，但係嗰種香氣唔係令人接受唔到，佢係偏向貴婦少少高級嘅味道。 至於美白嘅功效，本來都唔係保有好大嘅期望，但係覺得用咗佢一排再配合美白精華，感覺佢係會令皮膚多少少透亮提亮嘅感覺。因為本身精華我都唔會成日用，但係會每朝用呢一支化妝水，所以覺得個效果都幾大，用一段時間係有提亮肌膚既感覺。 美白效果： 4/5 質地：輕盈 適用季節：夏天後單用，冬天要加強保濕
<看全文>Cpyg5好用推薦：多謝 @cosme 邀請試用DECORTÉ AQ 極萃光采亮白系列，今次有化妝水，乳液同埋晚霜既7日試用裝，我一包分早晚用，7日就淨係用佢地護膚～ 化妝水： -質地非常清爽，用後完全唔會笠 -容易推開，而且吸收得好快 -以化妝水來講，保濕力略嫌不足 -香味有少少濃，但花香很好聞 -有明顯提亮效果 下面係全系列使用7日既效果～ （前星期嘴唇邊既暗瘡終於謝左TὢT 留左個好深既痘印)成個系列都易吸收易推開，同一個香味用得好舒服～使用左7日後，個痘印我覺得都明顯淡左，可見美白同提亮效果不錯，至於改變膚色可能要再用耐d先會有變化～另外小小缺點係單用依個系列保濕可能唔太夠，要配合埋其他保濕護膚品~ 推薦～
<看全文>