日本藥妝 推薦好用產品

Nicole 好用推薦：卸除的很乾凈，溶解速度快，不用反覆擦，卸完後的指甲還是有滋潤光澤。

Noel好用推薦：購買指甲油時順帶買了它的卸甲水，的確很速效，單色指甲油一抹即卸，閃粉及閃片指甲油就要多點時間，可以接受👌 但我未有 finish 這枝，就轉贈了，因為： 1️⃣ 氣味很大，我是鼻敏感人士 2️⃣ 雖然清潔力強，但用後指甲都漂白了

takemyokane好用推薦：這款top coat輕鬆塗抹即可形成飽滿亮澤的啫喱效果，乾得比預期快，塗兩層更顯飽和。缺點是持久度一般，不過Canmake價錢反映質素。

bibubibu好用推薦：呢款面油同一般嘅top Coat唔同 佢即使唔需要照燈 都可以做到gel甲嗰一種啫喱咁嘅晶凝通透效果 揸上去用疊加嘅手法就可以build up到甲油嘅厚度 而且刷頭就夠細 容易使用 配合返普通嘅指甲油都做到類似gel甲效果 乾透速度算快 會有指甲油嘅化學味道 但尚可接受 持久程度視乎有冇查到出界 可以維持一星期時間

Kura好用推薦：係我嘅平靚正粉底液嘅首選，份量唔需要用太多就已經可以搽曬全臉，遮瑕度適中，可以遮到細微嘅瑕疵，我用完呢款粉底液之後膚色有明顯嘅提亮，輕鬆打造到透薄自然嘅妝感，大家可以睇返我嘅對比圖，未用之前膚色較暗沉，用完做到即時提亮，唔會覺得好油，夏天用都唔會話溶妝，我用嘅色號係BR-C，搽上臉係好水潤嘅感覺，我係乾性肌膚都啱用，價錢好平，推薦俾想試新粉底液嘅朋友，產地係日本，信心水準有保證 @cosme

格仔餅公主好用推薦：一搽就貼合到落皮膚度，有少少潤感覺唔會好乾，夏天用又唔會覺得特別焗，唔使再用遮瑕加少少碎粉定妝已經完妝出得街

莓莓好用推薦：Senka皇牌保濕洗顏泡泡（Perfect Whip）測評 包裝質感： 藍色管身配白色字體，簡潔乾淨，開口大小適中，好易唧出適當份量。 質地與氣味： 膏體厚實帶珍珠白，有淡淡花香（唔會俗氣）。加水後起泡度極高，用起泡網一捽就出大量豐厚、綿密、有彈性嘅泡沫，倒轉手掌都唔會跌。 使用感受： 泡沫上臉滑溜，大大減少手指同皮膚嘅磨擦。沖水後清爽唔繃緊，感覺洗得好乾淨，但同時有一層好薄嘅保濕膜，唔會乾到「猛猛緊」。毛孔望落更細緻，面油完全消失。 成分專業分析： · 主清潔：肉豆蔻酸、氫氧化鉀（皂基配方），去油力強，適合油肌、混合肌。 · 保濕舒緩：甘油、桑白皮萃取、水解絲蛋白，減少潔後乾燥。 · 注意：乾肌、敏感肌或角質薄嘅人，長期用可能過度清潔，建議一星期用2-3次，或只晚上用。 適合邊啲人？ · ✅ 中至油性、混合性肌膚 · ✅ 夏天易出油、想要清爽潔面感 · ✅ 追求高性價比（開架價錢，專櫃起泡能力） · ❌ 乾性、敏感、濕疹、玫瑰痤瘡皮膚（皂基太刺激） 總結評分（10分滿分）： · 起泡力：9/10 · 清潔力：8.5/10 · 保濕感：6.5/10（對油肌夠，對乾肌唔夠

Sakura醬好用推薦：SENKA專科呢支保濕洗面奶（藍色），可以話係香港開架護膚界嘅「老朋友」啦。由資生堂出嘅，主打平靚正，相信唔少人浴室都會有佢一席之地！ ⭐️質地 擠出嚟係好似乳酪嘅質地，加少少水就可以搓到超多幼細泡沫。我用咗起泡網，泡沫好豐盈！ ⭐️泡沫 啲泡好實淨，唔會搓兩下就冇晒。喺塊面度打圈按摩，完全冇摩擦感，好柔軟、好舒服，洗得仲好乾淨。 ⭐️清潔力 鼻翼同下巴呢啲容易有黑頭、暗粒嘅地方，洗完之後又滑又嫩，乾淨得嚟又有水潤感，完全唔會繃緊！平時出街返工嘅面油、汗水同少少防曬，佢都搞得掂，洗完塊面係會有「啜」一聲嗰種乾淨感覺。不過如果你化緊妝，就一定要落妝先好洗。 ⭐️保濕力 都做到基本保濕嘅，洗完唔會即刻覺得好「掹」。但係天氣好乾，或者你本身係乾性皮膚嘅話，沖完涼記住快啲搽返爽膚水同面霜鎖水，咁就穩陣啲。 邊個啱用？ 最啱中性、混合性、油性皮膚嘅人日常用。乾皮朋友可以夏天用，或者夜晚用。超級敏感肌就自己睇路啦。 ✨【溫和潔淨】+【水油平衡】✨ 呢支洗面奶真係打破咗我對平價潔面嘅想像——清潔力夠晒，但係洗完一啲都唔「掹」面！真係唔輸嗰啲幾百蚊嘅大牌子潔面，洗落個感覺甚至更加舒服！

Noel好用推薦：試過黃色經典包裝的，後來出了不同味道和功效，更有夜用版本！因為喜歡🥝 奇異果，亦知道奇異果含大量 Vitamin C，就買了一盒試試❗一打開就有醒神的果香，但我不能肯定它是奇異果味🤔 使用感也差不多，能滋潤皮膚，有濕敷化妝水的感覺，但沒有多大美白效果。後來表妹到訪，用了幾天很喜歡，我就讓她帶走了，年輕妹妹用它應該比較有感吧？！

Kirby好用推薦：🌼用後感 一拎出嚟同之前用開既面膜唔同，唔係吸左好多精華。所以基本上唔洗計時，面膜好快就會乾。通常係朝早敷完再摺埋擦下面當清潔。正常護膚程序後再上妝，感覺上有比較貼服。 ✅整體黎講有保濕作用，但唔算高。亦睇唔到美白效果。

chasiutung好用推薦：Senka專科滋潤面膜 吾知係太潤定點 敷完大過敏 敷嘅時候已經好痕 敷完超黏笠 洗完面個膚感都好吾舒服 第二朝塊面起好多粒粒 皮膚泛紅 同埋好乾 明明係保濕面膜 我又無敷過耐 皮膚反而變乾？ 不會回購 不會回購 不會回購 ❌

iliya 好用推薦：呢款面膜嘅精華液係多啲，不過就唔係太吸收，有種黏笠嘅感覺🫠🫠🫠

Circlecyy20好用推薦：不論係出門前當粉底用 或是拎出街用黎補妝都唔錯 唯一係個妝厚會略為厚 所以唔好咁重手

Puffysheep好用推薦：見到網上面啲人推介 因為佢價錢都平 遮瑕度一般 如果塊面冇咩瑕疵嘅話都啱用

Cosmeemee好用推薦：#底妝升級好物 Canmake 棉花糖肌持久底霜 係我用過較為平價嘅妝前打底～ 性價比頗高，適合學生用🤣 🔽使用心得如下🔽 🕒使用時間：使用三個月，間中使用 💆🏻‍♀️個人皮膚狀況：混合乾性肌膚 使用產品後沒有任何過敏反應 1️⃣顏色自然不泛白，質地輕盈易吸收 剛剛搽上底霜會偏白，待幾分鐘後底霜後就會回復自然膚色。呢款底霜完全冇厚重嘅感覺，易推開易吸收 2️⃣有效持妝、控油、收毛孔 用後再上妝會令妝容更清爽，冇咁容易溶妝和浮粉，加上有收毛孔及亮白效果，令妝容更有光澤 3️⃣用後偏乾，建議局部使用 呢款產品始終有控油功效，用後會有少少乾，建議使用之前做好保濕，和局部使用，例如T字位置 4️⃣沒有防曬及調色功能不顯著 相比起其他防曬調色底霜，呢款嘅效果主要係收毛孔同提亮膚色，但如果要局部調色和防曬，就要額外再上其他產品 🙌總結評分🙌 產品質地：♥️♥️♥️♥️🤍 保濕功效：♥️♥️♥️🤍🤍 平滑肌膚：♥️♥️♥️♥️🤍 推薦程度：♥️♥️♥️🤍🤍

Kura好用推薦：我好鍾意用呢款平靚正嘅妝前打底，我用嘅顏色係01號色係自然色，搽上臉會有少少提亮膚色嘅效果，冬天用都唔會覺得乾，夏天用控油效果都算ok，可以保持到底妝天氣非常熱都唔會好快溶，用完呢款妝前打底霜再用粉底液底妝會更加貼服，都有撫平毛孔嘅效果，同埋價錢好親民，係平價妝前打底霜嘅戰鬥機，我平時趕時間單用呢款妝前打底霜加防曬都可以打造到天生好皮膚嘅妝感，整體妝感都非常乾淨通透，canmake出品信心保證，大家都值得一試 #妝前打底 @cosme

Sanna Cher好用推薦：產品是其中一項松本清福袋內容。 色號是BR-5，屬於深色調的玫瑰粉紅，是裸色妝容的常備色。觸感方面，擁有眼線膠筆的優點，幼細而準確，不能描繪粗線條，筆芯亦不易斷。使用前後的效果，見眼線有妝容感，沒有邊界感和明顯的線條感，像是打了一層陰影，方便跟眼影色調混和。完妝的照片。

YYeman好用推薦：Kate眼線膠筆 換季實測✏️ 順滑度：一畫流暢唔卡，筆芯軟硬適中，唔會吉眼皮。 持久度：換季時節眼周易出油，但呢支撐到成日冇化開，冇變熊貓眼！ 防暈度：試過落雨微出汗，眼線依然企得穩，只有眼角少少甩色。 小貼士：畫完後等10秒定妝，再眨眼就更持久。 總結：開架價錢抗得住換季考驗，新手老手都啱用！👁️ #換季#轉季#眼妝

choichoi好用推薦：用後與粉底打架產生白色屑屑只好使用後直接撲上碎粉 , 不過這款有點顯毛孔也沒太大修飾效果

kameari好用推薦：呢個base幾好，可以防油，質地易推，唔會話好黏笠，用咗都有提升肌膚個氣息幾好嘅一款。

Yoyo Sin好用推薦：香味舒服 滋潤程度都可以 易搽好推 但不太能減淡唇紋 冬天都夠用的

Lumi Kwan好用推薦：三個牌子嘅液體眼線筆之中，只有dup係真正掃頭，three同visee都係海棉頭。 Three 海綿數頭比較容易沾污到眼影粉，而且堵塞嘅問題大約一個月就會浮現，好難控制個份量，有時未必用完一整支，已經唔能夠再用。因為之前減價買，所以局住要用兩支，變相個性價比比較低，因為未用完已經用唔到。 Dup性價比十分之高，兩支我都係喺日本買，不過發現香港松本稱都幾快手，我一番香港都已經見到了。而且色系比較特別，緊貼住日本嘅潮流，所以出啲顏色都比較容易日常用到，又唔需要擔心花太多錢買一啲特別色。持久度都十分之高，尤其或眼尾優勢位置都非常之理想。 Visee相比之下，有化開嘅情況，畫上雙眼皮嘅時候唔容易畫出，而且呢一隻beige色，dup 就更顯色好睇。

🌸好用推薦：價錢唔貴，有好多隻色可以揀，唔會暈染唔會甩色，流汗都唔怕。妝效持久，性價比高，值得回購！

NEKOI好用推薦：屬於我唔明嘅產品……因為要製冷所以係瓶裝噴霧形式，先噴上粉撲再上臉，但噴出來會整到周圍都係，總覺得唔太理想。 然後噴到粉撲上嘅份量我也搞唔明，噴咗好耐都好似唔見有幾多，可能好輕薄總之我覺得按照指示使用好似冇咩效果咁 😅 如果想喺夏天享受降溫感我會選擇將支BB Cream雪下佢……

choichoi好用推薦：香港夏天那種炎熱程度相信大家也知道不是蓋的，因此我也很留意日本出品那一眾云云可以「降 x °C」的產品，這款給你直接降 5°C耶😎！立即入手，對於每天都在陽光下走動的我沒有曬黑，潤色效果也理想不死白，最值得一讚當然是上臉時那個涼感，每次補塗也很舒適🩷 #火熱新品

maylam好用推薦：買咗一支Suqqu 107 夏葡萄 係好亮麗好有活力嘅粉紫色 好啱我呢種cool tone嘅膚色 特別顯白 略嫌唇釉有少少黏

Fng好用推薦：買咗08號色 (艷亞麻)， 啡tone顏色，適合黃皮膚使用，含有細閃粉， 容易塑造玻璃唇妝感， 薄薄塗一層 有自然妝效， 持久度就一般，一抹咀就冇曬，不是lip tint。

YY好用推薦：平時行街都鍾意去@Cosme睇新化妝品，見到visee超閃眼影盤，買咗pu-5紫色號🍡眼影盤係三隻顏色，全部都有閃粉 🫖白色閃粉，用於下眼頭位置，可以放大眼睛 💜紫色閃粉，上咗皮膚比淺色d，用喺眼c位好適合 🎆紫紅色，依隻係偏實色，但都有少少閃粉。紫得帶一點紅色調， 建議用於上眼中至尾段，加深眼部輪廓 偏深色關係，建議用眼影掃慢慢疊加，避免顏色不均勻情況。 由於依盒眼影盤屬於大粒嘅閃粉，建議先用concealer/膏狀eyeshadow打底，會更持久。另外再加一層淡淡嘅祼色shadow打底，令到成個漸變效果更佳。 呢盒眼影啱晒新年，bling bling閃住去拜年，新一年大紅大紫🧧 #火熱新品

Angie好用推薦：幾鍾意佢唔會有奇怪嘅香味，搽上嘴都幾滋潤，個嘴少咗甩皮，特價嘅話都會入定貨

Emily Leung好用推薦：IPSA美白淨斑精華：淡斑界嘅隱形高手！✨ IPSA嘅流金水同自律乳我好早就用過，對佢哋「因應膚質配對」嘅概念好有信心。見到我塊面有啲舊嘅暗瘡印同曬斑，成日覺得塊面唔夠乾淨，就決心試吓佢哋呢支皇牌美白精華！ 💦 質地同使用感（好感度極高！） · 質地： 係奶白色嘅乳液狀，一推開就化開，好似絲絨咁滑！ · 吸收度： 吸收得超級快，完全唔使點按摩就已經入咗皮膚，用完個面係啞緻乾爽，一啲都唔黏，後續搽咩都得。 · 氣味： 有陣好高級、好清淡嘅花香味，好舒服，唔會俗氣。 🌟 效果分享 · 淡斑效果： 用咗大概三個星期，我發現鼻樑側邊嗰幾粒淺層嘅曬斑，明顯淡咗！唔使遮瑕膏都唔係好顯眼，呢個效果真係令我驚艷！ · 去印速度： 下巴啲暗瘡印係我最大煩惱，平時要成個月先退。用咗呢支精華，暗瘡印嘅紅色褪得快咗好多，大概兩星期就淡咗七七八八，塊面睇落乾淨勻淨好多。 · 整體膚色： 佢唔係嗰種「死白」，而係令成塊面透亮咗、有光澤，冇咗之前啲黃氣同灰暗感。成日俾人話「你塊面好似光咗咁喎！」。 · 溫和度： 我皮膚有少少敏感，但用呢支精華期間完全冇泛紅或者刺痛，非常溫和。

Viannie好用推薦：喜歡IPSA的護膚產品都是無色無味，呢支美白精華質地係透明水狀，每次使用一pump分量塗滿全面，吸收都幾快。 使用大約3個月膚色比之前通透咗，改善黃氣方便效果唔錯，不過如果係想要重點淡斑效果就唔太推薦，因效果較慢，色斑只有眼下果粒明顯淡色咗，其他冇太大明顯分別。

Ceccinmydin好用推薦：呢支洗面係平時AHA洗臉乳嘅acne版本，除咗AHA果酸成分之外，仲加入左抗暗瘡成分，去角質之餘幫助控制暗瘡生長，適合油皮或者有暗瘡嘅皮膚 用後感：氣味上唔太鍾意，有浸人工檸檬味，效果同同系列差唔多，暫時未見到有改善暗瘡效果 適用膚質：油肌/暗瘡肌

Verna好用推薦：這支潔面乳是我在逛個人護理店時買的，我見到它的價錢親民，而且這品牌的產品質素又不錯，就買來試試 我沒有用起泡網來幫助起泡，但它也很容易起泡，泡沫豐盈，用它來洗面很舒服，洗完面後，皮膚很乾淨，也沒有繃繃緊的感覺 整體感覺良好，但沒有很驚豔的感覺，差不多質素的潔面乳有很多選擇，所以用完之後，我未必會回購，反而想試試其他品牌的產品

Lalaleia 好用推薦：普通一支潔面乳，清潔力OK，用完冇話會特別乾，但亦無話皮膚會潤滑，勝在價錢親民。

Kura好用推薦：用完呢款指甲底油再搽其他有色指甲油會更加上色，令到我嘅指甲有種自然嘅光澤

choichoi好用推薦： 用後指甲自然亮麗 , 平滑指甲表面有感之後的甲油更易塗抹均勻 , 值得一讚是味道不刺鼻呢