日本藥妝 推薦好用產品

Blueblueblue好用推薦：OHANA MAHAALO 護髮油含有8種天然植物油，有抗熱成份。 我會係吹頭髮用護髮油去保護頭髮。 頭髮香香的～

Ceccinmydin好用推薦：呢支洗面係平時AHA洗臉乳嘅acne版本，除咗AHA果酸成分之外，仲加入左抗暗瘡成分，去角質之餘幫助控制暗瘡生長，適合油皮或者有暗瘡嘅皮膚 用後感：氣味上唔太鍾意，有浸人工檸檬味，效果同同系列差唔多，暫時未見到有改善暗瘡效果 適用膚質：油肌/暗瘡肌

Fng好用推薦：喺日本旅遊時買，色號係102號，中間四格係眼影，左右兩邊長方形係胭脂，兩格胭脂都有好細嘅金色閃粉， 佢哋望落去好似差唔多顏色，其實右手邊嗰格上臉係有底色，橙橙地，而左手邊嗰格上臉係冇咩底色，比較透明感。 而中間四格眼影，除咗 右下格啡色係 matte finish之外， 其餘三格都係珠光或者有閃粉， 成盤色tone都係珊瑚橙色調， 適合黃皮亞洲人，顏色配搭統一 連貫， 粉質幼滑， 由於每格 色調 都差不多， 妝容有限制，唔係好多變化。

Fng好用推薦：買咗04號色，上面係米色，下面係襯金啡色，中性色調，粉質非常幼細， 好順滑， 兩隻都係有細細嘅銀色閃粉。

Fng好用推薦：color 20# mint on the rocks， 兩格都有細閃粉 ，珠光感，粉質地細滑， 顏色綠偏光，有少少幻彩感覺， 妝效持久。

Poyobb好用推薦：Millefee 雷諾瓦名畫系列6色眼影盤🖼️ 04號色，撐傘的女人 留意返包裝日文🇯🇵，產地中國🇨🇳 點解會買💕 日本行藥妝個時，比佢個包裝吸引到😻真心係見過最靚既外盒。雖然係紙質，但印有舉世名畫，與眼影盤顏色風格相符。 效果💕 6隻顏色配色度好靚，3格閃粉，3格啞色，可任意面配搭。粉質未去到好幼細，但呢個價錢OK啦。顏色配搭日常易用，沒有廢色👍🏻大地色及粉色係絕大部份香港女仔都用到，不會失手既眼影盤 用cosme 開架牌子眼影作作較🤍 上色度:Fujiko>Millefee>Canmake 幼細度:Fujiko>Millefee=Canmake 閃爍度:Millefee=Fujiko>Canmake 最鐘意佢藍光閃粉，令眼部睇落好皮膚透亮😍 6隻顏色都用得着🎨細細盒已經有6隻顏色，即使霧面眼妝，閃粉眼妝都可打做，方便帶去旅行 大家簡開架眼影盤多個選擇喇～ 建議💕 外盒係紙做，用既時候小心啲，避免弄污。 因為有少少飛粉，建議用眼影掃上會較均勻😉

TsuenMa好用推薦：韓國Anua 70%魚腥草舒緩保濕乳液 💰一支有200 mL，零售價大概係$150左右，性價比嚟講，算係中規中矩。 🧪產品成份：蘊含高濃度70%魚腥草配方，直接代替部分純淨水，確保成份更新鮮，功效更明顯，為肌膚持續營造水份，打造水潤、柔滑肌 🧴產品質地：一唧出嚟就係乳白色嘅cream狀，成個感覺都係偏Rich啲，會比較適合喺秋冬季節，天氣比較乾燥嘅時候用。如果係濕度較高嘅話，應該會覺得佢太Heavy，太杰撻撻。 ❎錯誤示範：因為天氣乾燥，用多左爽膚水保濕，有冇等佢乾晒嘅情況下，再查呢支cream，就出現呢啲白膠漿形狀嘅物體。 ❎雖然只要捽多幾次，就可以令皮膚吸收返，但係以朝早趕時間嚟講，都真係好唔方便，係一個痛點，有啲扣分。💦到最重要嘅保濕度：我會覺得係唔錯，但因為始終係太 Heavy，有時候直接用佢做完護膚之後就想上床瞓，都會覺得太立。 💦可能如果係對於真係乾皮嘅寶寶嚟講會比較適合，對我呢種混合型皮膚，都係有點太潤。不過佢勝在成份搭救，都尚算有一定嘅吸引度。 ❄️總括嚟講：如果係秋冬季節嘅護膚，要做重點保濕，呢枝都係一個唔錯嘅選擇。 #冬季護膚 #做好保濕迎接冬天

TT好用推薦：本人混油皮膚，感覺這款粉餅比較乾，乾肌使用可能會有點難上妝，亦比較適合夏天使用。色號 light orcher，是最白的色號，但本身偏冷肌，這色號還是有點偏黃。SPF50+ PA4+ 防曬度高，方便補妝和補防曬。遮瑕度不錯，妝效呈啞光奶油的感覺，是CP值不俗的日系開架粉餅。

ppig714好用推薦：因為用過神經醯胺200覺得好好用，所以買埋呢款乳液試下。 呢款質地輕薄，唔笠，夏天用幾正，冬天用會唔夠滋潤。

wingshan1124好用推薦：剛上面時比起想像中笠少少，但係可以接受到嘅程度，隔多幾分鐘就吸收得到，保濕度可。

kameari好用推薦：這系列裡效果沒那麼明顯的一枝，有時皮膚想長痘痘或是泛紅時會用，感覺有少少保濕水潤感，不會油，抑制痘痘效果普通大概是看每個人不同。

Fng好用推薦：08 紅棕色，百搭顏色， 好滋潤 ，唔多持久，一食嘢就冇咗一大半色。

Yoyo Sin好用推薦：香味舒服 滋潤程度都可以 易搽好推 但不太能減淡唇紋 冬天都夠用的

Angie好用推薦：幾鍾意佢唔會有奇怪嘅香味，搽上嘴都幾滋潤，個嘴少咗甩皮，特價嘅話都會入定貨

Lydia好用推薦：KANEBO Skin Conductor 平衡潤妍保濕乳霜 — 穩定水油平衡嘅溫和之選✨ 質地： 呢款保濕乳霜嘅質地雖然叫 Cream 但推開之後好似水感精華咁，上臉之後好快吸收，唔算好笠 對於我呢種混油肌嚟講，最驚搽完嘢之後塊臉好似焗住咁 但呢支用落幾清爽，夏天用都唔大負擔。 效果： 新品所以用咗唔耐 最大感受係皮膚嘅水油平衡做得幾好。 平時 塊面易出油，而家出油量冇特別多咗，但 U-zone乾燥位置又冇甩皮(都可能因為近排天氣潮濕)。 對於暗瘡印同爆粒粒嘅情況， 佢唔係嗰種一用即刻消炎or袪印嘅產品，但勝在夠穩定，有暗瘡嘅時候用佢唔會覺得刺激。 不過，如果係追求深層修復或者強效去印， 呢支嘅力度就略嫌溫和咗啲。 佢比較似係幫你打好個底， 令皮膚維持喺一個健康嘅狀態， 而唔係特效藥咁嘅類型。 總結：溫和穩定型乳霜，適合皮膚比較唔穩定、 容易出油又怕黏笠嘅人。 雖然對付深色暗瘡印功效一般， 但作為每日嘅保濕同埋平衡膚況， 佢表現得幾稱職✨ #火熱新品

Cici Wong好用推薦：多謝cosme送嘅fasio多功能彩妝膏，我都係第一次知道有呢種產品，佢可以當係唇膏胭脂或者眼影，不過我好少會用係眼，始終都係鍾意用粉狀嘅眼影比較容易掌握。 佢嘅顯色度中等，都容易控制，我多數會用手指上色，呢個設計都幾特別。

Wuxx好用推薦：原本諗住上黎學下嘢，因為佢真係好難用。。。 買嘅時候係入秋，天氣開始有啲乾燥嘅時候，所以我就又開始幫塊面搵新衫着。 見有唔少台灣人YouTuber都讚佢好用、易用、保濕、持妝。。。之類，總之我快就入左手。 我係連佢品牌嘅防曬一齊買嘅。 正如我話，我唔希望有成份打交嘅情況出現，通常我都係用番同一品牌嘅產品，但結果無我想像咁好。 粉底液初上面頭一個鐘真係幾靚，好似佢個名一樣水感，透光。 之後幾個鐘就開始奇怪了，佢開始好似一塊大海棉咁慢慢吸，一路吸，吸乾到你要即刻落妝去唞氣🫤 我以為係粉撲問題，唔係。 我以為掃上會好啲，唔係。 我以為佢枝防曬唔夠保濕，唔係。 我以為天氣太乾，唔係。總之佢點都會吸。 我甚至乎見到有油肌嘅人話佢乾，仲叫人做足保濕先好用(無錯係油肌) 我真係從來無試過咁驚惶失措 我甚至買左好多其他產品去輔助佢，等我可以順利用完佢，點知🫠。。。 如果有人成功用到佢嘅話麻煩分享下，好想解開依個難題📝

Connie Kwan好用推薦：這枝粉底液水感很重，質感幼滑，不厚重。塗完後，臉色會白少少但看上去像是天生皮膚好，有偽素顏的感覺。但遮遐度不高，夏天用容易脫妝浮粉。由於很有水感，有一定保濕力，我覺得較適合冬天用

維他他好用推薦：Three 呢支化妝水係買嘢送嘅，試用裝嚟嘅，得10毫升，一打開個樽蓋，聞到滿滿嘅精油味道，超級香，超級好聞，味道非常放鬆，好似係泰國做緊relax嗰啲精油味道，但係佢係化妝水嚟㗎喎，真係一路護膚，都可以享受到Spa嘅氣味。 講返護膚品功效，佢保濕能力都唔差，入便可能加咗少少油，所以其實都幾滋潤，而且香氣好好聞，真係非常加分，呢支嘢正貨都唔平，不過會想試，因為佢真係好好聞，一路搽一路好enjoy，好舒服

Hazel好用推薦：剛剛開黎用大概一星期，質地好似比較稀嘅乳液狀，清爽易吸收，有少少保濕感，但暫時唔覺有美白效果，但使用感良好。

wingshan1124好用推薦：敏感肌適用，用完沒有不適泛紅，聽講可以去到豆印，但用完一段時間都覺得效果一般而已

keinice好用推薦：容易使用，是屬於輕薄的中度遮瑕膏，最喜歡他的蝦肉色，可以輕鬆遮掉黑眼圈。

Verna好用推薦：我之前用過防曬噴霧，但未用過BB噴霧，所以逛街時見到，就貪新鮮買的 它用上面時，的確有點冰涼的感覺，而且很透薄，也可以遮蓋毛孔和均勻膚色，妝感不錯 可惜的是，我以為這BB噴霧可以直接噴上面用，但我看官網介紹，才知道原來它要先噴在粉撲，然後才拍上面，這樣我覺得比我直接用BB霜麻煩，而且也有點難拿揑噴在粉撲上的份量，所以我應該不會回購了 #火熱新品