找產品
日本藥妝 推薦好用產品
1,230 件
維他他好用推薦：Biore出咗支新嘅噴霧式卸妝，幾新穎嘅卸妝方法，試試佢 呢支卸妝噴霧，每次卸妝大概都要噴10下以上，先會足夠可以卸乾淨全面嘅妝容，清潔力非常強勁，簡單易用，比起卸妝油會稀少少，但係比起卸妝水又會強勁少少，卸妝效果非常不錯，好乾淨，卸普通防曬一定冇問題，其實連眼妝胭脂呢啲都可以清潔得一乾二淨，重點係洗完之後，塊面一啲都唔乾燥，呢一點幾好，價錢大概$100一支，有120毫升，貴唔貴就見仁見智，但係效果真係幾好，會推薦俾朋友使用 #火熱新品
<看全文>Ming好用推薦：#火熱新品 最近見到各大媒體都有報道呢支卸妝油，好多用家都認同卸妝能力好高，性價比非常高。 用咗之後呢支卸妝油嘅卸妝能力真係好好，無論係直接噴喺面上面又好，或者噴喺棉花上面抹又好，都可以輕鬆卸妝，有啲好難卸嘅睫毛液，眼線亦都好容易卸到，而且唔需要係咁捽塊面，卸完之後塊面唔會好繃緊，雖然都要再洗多次面，但係唔會咁乾燥，都試過喺沖涼嘅時候用，可以同一時間卸妝洗面都冇問題。就呢個牌子嚟講，呢款嘅卸妝油卸妝能力已經有好大嘅進步。。
<看全文>
Kelvin好用推薦：Shu uemura武士刀眉筆 02灰棕色 灰棕色略帶紅調棕色，自然顏色不會過深，黃皮膚/髮色自然黑色啡色都啱用，呢支應該最多人啱用 05深灰 呢隻顏色同市面上其他眉筆嘅灰色唔同，偏向亞麻綠色調，如果鍾意粗獷或者注重眉妝嘅女仔會鍾意 筆芯軟硬度適中 ，出黎顏色均勻唔cake，由描繪，勾畫到野生眉，都好幼細 用鈍咗眉筆記得去返專門店可以免費削返武士刀形狀～ $230/4g除返開其實唔貴，質素高！ 提返新手呢支眉筆一定要喺上完粉底液或者防曬，有油性成份嘅底妝下，先會上到色㗎⭐️ 我自己鐘意畫完眉上返眉gel ，就keep到全日😀
<看全文>Bendict好用推薦： 植村秀呢支眉筆係我用過咁多眉筆之中最好用 呢啲眉筆材質比較硬 可以畫到根根分明 特別眉尾 眉筆夠硬畫出眉尾好靚 持久度亦都十分高 非常推薦 因為開架嘅眉筆都成一百蚊一支 相比之下植村秀呢一支眉筆 唔算貴 如果用掘咗支眉筆 可以去任何植村秀專門店 叫ba姐姐刨返 淨係呢個服務已經抵曬 不過由於支尾筆係油溶性 素顏係用唔到😹
<看全文>
ying好用推薦：✨ ALBION 健康化妝水 SKIN CONDITIONER ESSENTIAL 日本國民化妝水・每10秒賣出一支 濕敷之神・皮膚穩定神器 ✅ 濕敷之神 呢個係ALBION健康水最出名嘅用法！ 用化妝棉濕敷3-5分鐘， 皮膚即刻： ▸ 退紅、鎮靜 ▸ 保濕水潤 ▸ 毛孔變細 ▸ 暗瘡/暗粒會「謝」咗 好多用家分享： 「用完之後暗瘡明顯退紅，連續用兩三日仲可以令到暗瘡消退」 ✅ 皮膚穩定神器 健康水最大嘅價值係「穩定」。 皮膚狀態唔好嘅時候， 泛紅、敏感、出油、暗粒… 濕敷幾日， 皮膚會慢慢穩定返。 有啲用家描述得好貼切： 「係我肌膚嘅『情緒安定劑』」 ✅ 透明感增加 長期用嘅話， 皮膚會： ▸ 冇咁暗沉 ▸ 有自然光澤 ▸ 由內而外透亮 ▸ 毛孔都變得更清透 呢個就係六大功效入面嘅「澄淨透亮」。 ✅ 質地清爽 乳白色水狀質地（係獨家乳化技術做成）， 清爽唔笠， 用完冰冰涼涼， 夏天用好舒服。 ✅ 可配合「先乳後水」 ALBION獨家嘅護膚順序： 先搽滲透乳 → 再拍健康水 咁樣用效果更好， 皮膚更保濕、更透亮。 🌟 我嘅總結 ALBION 健康化妝水（健水）
<看全文>Sarah好用推薦：ALBION 健康水係我用過的Albion第一個產品 質地：完全唔係果種黏笠笠嘅化妝水，係清爽嘅水狀，倒落化妝棉上一推就吸收，唔會留低一層油光，夏天用都零負擔。 氣味：有種獨特嘅「藥草味」，帶點薏仁同薄荷嘅清涼感，一敷落面，涼涼地嘅，晒後或皮膚泛紅時用，即刻有種被鎮靜咗嘅感覺，好療癒 但有人會覺得係酒精味？我個人就還好 親身實測先乳後水真的好用 尤其冬天 先用滲透乳擠在化妝棉輕輕擦面，再用健康水浸濕化妝棉輕拍全臉。 用咗一排，最明顯係出油量減少，T位唔會一到晏就油光滿面，毛孔睇落都收斂咗，而且冬天乾紋都隱身！！！ 如果生痘痘我會選急救濕敷法 生理期前爆暗瘡、熬夜後泛紅、或者晒完面火辣辣，用浸滿健康水嘅棉片敷3-5分鐘， 暗瘡位第二日腫脹感會退好多，收口快咗唔會留印 呢個真係急救神器！ 膚質穩定度：以前生理期必爆嘅閉口同暗瘡，而家明顯少咗好多，皮膚唔再話時時鬧脾氣 出油與毛孔：毛孔睇落都唔再咁粗，皮膚變得滑溜咗。 膚色提亮：暗沉嘅膚色有改善，皮膚睇落更通透，唔再係死氣沉沉嘅蠟黃感。 會一直回購！
<看全文>
jhope0725好用推薦：Canmake 嘅眼影買過好多次，不過當中都係最喜歡呢款好似梳乎厘質地嘅眼影系列！ 最欣賞係佢嘅產品質地。我覺得佢同眼影膏非常接近，又似眼影霜咁，摸落好滑好幼好易推，帶輕柔感、同時用少少已經非常顯色！有點兒出乎意料，開架品牌可以做到咁高質素嘅效果，甚至可以媲美尊貴嘅眼影霜呢！  而且由於佢嘅質地似膏狀，同眼睛嘅貼合都好高，唔會好容易飛粉，搞到成個妝容花晒。另外由於皮膚有體溫，好容易將眼影融為一體，唔需要用眼影掃來回掃都可以好柔和！淨用手指都blend到，去旅行就最方便~帶少d工具都ok 圖中使用嘅係02號色號~ 呢盒眼影嘅持久度亦都非常唔錯，相信都係由於產品質地透薄，唔需要用好多層都已經顯色，所以冇咁容易出現眼影粉堆積嘅情況。化完妝後五至6小時都可以維持到妝容效果不變。 一盒配色齊全，有齊光影、主色調同陰影顏色，深淺顏色配搭相當明顯。眼底臥蠶、眼眉加深輪廓都做到晒。 尤其是係眼尾嘅陰影顏色，我特別喜歡，因為小麥色肌膚就係要透過眼尾加深顏色，拉遠眼嘅距離同埋突顯眼部輪廓！心水造型容易Get ！ 不過盒中冇附帶鏡子，如果要帶出街補妝嘅朋友就要留意了~
<看全文>Sanna Cher好用推薦：使用產品色號7，是顯色度高，不算容易延伸，調色方面有點漫畫感的橘色眼影盤，頗為特別。每次塗抹眼影盤，定必使用全部顏色。 底色為橫1左2，只要塗抹一次已甚有效果，可以先散粉再上。眼線陰影使用橫2左1，顏色跟底色相碰後，不會顯得太漫畫感，是頗獨一無二的風格。 使用橫1左1，珠光色劃在眼窩上，淡化邊緣，甚有效果。另外，建議使用橫2右2化濃化粗眼線，令妝容更為完整。完妝照片，是比偽素顏再顯色的眼影盤。
<看全文>
Ceccinmydin好用推薦：作為頭髮毛躁，日日用直髮夾嘅人，髮尾油係日常必備 呢支髮油係輕盈唔厚重嘅油，推開唔會黏笠，好快吸收，用量算慳，一支可以用3個月左右😍 平時我係洗完頭，頭髮半乾就用硬幣份量搽髮尾，聞落有啲淡香，香味天然舒服，唔會太油膩 用咗之後，頭髮滑咗好多，減少打結、毛躁，同吹頭嘅熱傷害，吹完頭會更有光澤感，髮尾冇咁易開叉，第二朝起身髮尾都keep到唔會乾
<看全文>Kitty 好用推薦：摩洛哥髮油真係堅好用！我本身頭髮好毛躁，尤其係染燙後成日打結。用左呢支油，濕髮時搽，吹頭後即刻順滑咗好多，光澤感提升，摸落去軟淋淋！ 最驚喜係佢吸收得好快，唔會黐立立，仲有陣陣香味，好舒服。修復力唔錯，堅持使用，髮尾開叉都有改善。雖然價錢唔算平，但每次用量少，一支都用好耐。真心推薦俾頭髮受損嘅朋友！
<看全文>
Rin好用推薦：皮膚狀況如下： 夏季：T位油，U位中性 冬季：T位偏油，U位中性／偏乾 鼻翼毛孔極大，兩頰近鼻翼毛孔較大 鼻易紅有粉刺黑頭問題 黑眼圈嚴重，有少許色斑 色號：黃一白 Lancôme用PO 01 先前香港日本都搶購一空，終於等到有貨 期待心情下用發現與我想像中有落差 質地：貼膚，不會浮起，易推開/印開 顏色：上臉會變白 但問題來了，就是完妝後並沒有看到提亮效果 我嘗試了4-5次（基本上都是用lancome/JSM氣墊） 妝前用：會溶了底妝 妝後用：沒看到提亮效果 我會繼續多用其他產品試試看，可能是因為底妝太白故效果不明顯
<看全文>YiN好用推薦：無論睇中文定日文嘅美妝sns，最hit一定係呢枝藍色遮瑕，可以話係日本旅遊必買。我今次去日本旅行，特登去啲唔係遊客區嘅藥妝店，終於俾我買到枝黎試！包裝係正正常常遮瑕液嘅包裝，冇乜好挑剔。搽出嚟係好淡嘅藍色，有銀底嘅反光，冇閃粉。質地比一般遮瑕膏偏水偏透薄，但又未水到話可以將佢推得好遠，對於局部提亮黎講係個啱啱好嘅質地。拍開之後提亮效果係非常明顯，尤其是我膚色唔係非常白，佢嘅藍色除咗提高色階亦有中和黃氣嘅效果，上面明顯見到增加咗透明感。 試咗一排，我主要用佢黎提亮眼下三角位同鼻樑，令塊面顯得脹卜卜啲。個人覺得粉底後用個效果出啲，暫時冇話會同底妝打交嘅情況。不過我本身膚色問題，太有透明感就會顯得面色差，所以我都會用胭脂做返個血色感平衡。 整體我覺得係好用係值得入手嘅，但冇必要為咗買佢而好貴搵代購，或者為咗買佢而破壞旅行嘅行程，隨緣見到就買就好。 #火熱新品
<看全文>
Chloeincosme好用推薦：用完紅字銀底個款髮膜，即刻入手左呼聲好高既TSUBAKI髮膜試下！用咗幾次真係驚艷到，而家頭髮望落健康有光澤，摸落柔順但唔會太扁塌！ 🤍 修護力：4.5/5 珍珠蛋白同山茶花精油既功力？用完即時撫平毛躁，連最乾旱嘅髮尾睇落有光澤！ 🤍 吸收度：4.5/5 獨家AMP技術讓養分快速滲入髮絲，沖水時已經感受到頭髮變得軟滑～ 🤍 方便度：5/5 懶人恩物！啲人話搽勻後等1-2分鐘就可以沖洗，效果依然係到！ 🤍 光澤感：4.5/5 頭髮即時有種水光感，香味持久！ 總結： 喜歡！ TSUBAKI髮膜可以做到令乾旱嘅頭髮即時復活，而家我染完頭都唔怕摸落似草😂 推薦俾所有電染愛好者同受損髮質嘅你！
<看全文>chewyfruit好用推薦：🌟護髮困難戶救星髮膜！真係可以養好髮質！ 我本身已經髮質乾旱受損， 仲超級鍾意電染，仲要鍾意啲特別傷髮質嘅顏色！！ 每次想轉顏色，髮型師都叫我好好養下頭髮先。 返屋企做咗一輪功課，俾網上呼聲極高嘅 👉TSUBAKI髮膜👈種草咗！ 買返屋企用咗幾次真係驚艷到～ 係真真正正可以養好髮質，用一次順滑好耐！！ ✅AMP膨潤成分同雙重氨基酸 可以擴張CMC通道，等頭髮更快更好吸收養分！ ✅珍珠蛋白 + 穀氨酸 + 蜂王漿，再加甘油 + 山茶花精油 滿滿嘅修護受損成分，毛躁髮質被溫柔撫平！ 頭髮順滑又有光澤✨！ 而且營養分子細到可以直接滲入頭髮， 養分真係實實在在被頭髮「食」進去！ 佢真係好方便，搽完可以直接沖水💦，真係嚇親我～ 對懶人黨嚟講太友好啦！ 喺屋企輕鬆就可以做到高級saloon級護理！ 香味亦都好舒服，護完髮真係會忍唔住猛咁聞自己～ 成個美女氛圍感即刻出晒嚟hhh🤣🤣 重點嚟啦！佢真係可以救返啲乾旱頭髮～ 之前梳頭唔係甩就係斷，而家一梳到尾， 完全唔會打結或者斷開～ 我呢個又電又染又漂嘅人，終於感受到咩叫「枯髮回春」！ 姊妹們快啲去試下！真係超好用啊啊啊！👏🏻
<看全文>
Chloeincosme好用推薦：因為發現眼角同法令紋開始有細紋，加上轉季皮膚乾到脫皮，所以買咗 肌研呢枝緊緻塑顏精華。質地係清爽透明乳液狀，推開後吸收得幾快，完全冇傳統抗老產品嘅油膩感～ 🤍 抗皺效果：4/5 用咗半枝，眼周細紋有淺化，尤其上妝後冇再卡粉，法令紋都冇咁明顯！ 🤍 保濕力：4/5 保濕力秋天算足夠，冷氣房瞓醒皮膚都唔會繃緊 🤍 緊緻感受：3.5/5 朝早起身塊面浮腫情況有改善，下巴線條睇落精神咗，不過效果唔會好持久。 查左一查，呢枝精華如果係日頭使用，用後必須加強防曬🧐 總結： 呢支抗皺精華係個穩陣嘅入門選擇！特別適合剛開始抗老、怕油膩又容易敏感嘅肌膚。雖然唔會即時變V面，但保持到皮膚水潤同彈性，以開價品來講已經交足功課～會繼續用落去觀察效果！
<看全文>Fng好用推薦：肌研HA SUPREME緊緻塑顏精華｜混合偏乾肌嘅「平民抗老」驚喜 肌研呢支精華（二百頭嘅價位）sell平民價錢、貴婦功效 配方 •5種透明質酸：由表面到底層層補水，仲有得捉水 •膠原蛋白+煙酰胺：一個撐起彈力，一個提亮膚色 •無香料酒精：抵讚！敏感肌都玩得 同OLAY新生高效系列比，肌研呢支補水更落力；同The Ordinary buffet系列比，佢就溫和同有效好多！ 夏日使用： 1. 全臉一泵已經夠，唔好貪心唔係會黐立立 2. 搓熱手心先按上臉，吸收快一倍！ 3. 敷面膜前打底用，效果即刻升級 用後感： 第一次用嗰陣覺得質地幾得意，係清爽透明乳液，推開後吸收得幾快，冇平時抗老精華嘅油膩感。用咗兩星期，最明顯係朝早起身塊面冇咁浮腫，下巴線條好似sharp咗少少（可能係心理作用？）。不過要讚係保濕力夠曬，冷氣房瞓醒都唔會乾到繃緊！ 溫馨提示： ✨記住頸都要搽，唔係塊面緊緻條頸出賣年齡 ✨如果想效果更好，可以搭配按摩 ✨朝早用完一定要塗防曬 總結： 一支抵玩又多功能嘅入門抗老精華！特別適合剛開始抗老、又怕產品太潤嘅混合肌姊妹。雖然唔會用完變V面，但作為日常保養，keep住皮
<看全文>
Emily Leung好用推薦：日本 花王SOFINA iP 面霜 真實使用感受～ 膚質：油皮 不愧是日本賣到💥的面霜，確實有點東西！ 換季的時候皮膚特別容易乾燥，這款面霜簡直是救星～ 💗 質地：剛好介於水潤和厚重之間，有輕微的拉絲感，非常好推開，延展性很棒！上臉吸收速度很好，滋潤但不黏膩，保濕力很強。 💗 氣味：味道很治癒！個人感覺有點像小時候吃的泡泡糖，甜甜的但不會膩，用的時候心情都會變好～ 💗 使用感受：剛塗上臉，會有一點點精油感，但完全不會厚重悶痘，反而很快就被皮膚吃進去，第二天起床，皮膚像喝飽了水一樣Q彈細膩，化妝也不容易卡粉。 💗 使用小技巧：這款面霜本身滋潤度很高，不需要疊塗太多護膚品～ 洗完臉→化妝水→直接用它，稍微厚塗一點，第二天醒來皮膚會超級水嫩！ 價格很香，對於學生黨也很友好～強烈推薦！ 
<看全文>Kelvin好用推薦：本身唔鍾意用好黏嘅面霜，即使春夏秋冬都唔鍾意，今次用Sofina ip 角質層修護滋潤晚霜，本身睇落都幾咁豐盈，用落之後質地容易推開，吸收後會有一層保濕感覺喺表面。 皮膚水潤，瞓醒第二朝都覺得皮膚有水份補充到，感覺皮膚更加細緻。而且佢又可以修補皮皮膚細胞嘅能力，不過我嘅皮膚就冇話特別泛紅或者甩皮，當正常使用就唔錯👍🏻
<看全文>
TsuenMa好用推薦：CANMAKE TOKYO 睫毛液 Quick Lash Curler 本身對睫毛液又愛又恨，因為好容易一眨眼就沾左啲色係眼袋個個位，如果一卒又唔容易抹得甩，變度一撻撻勁核突🤢 所以我買睫毛液產品嘅時候，都會着重佢係咪好快乾得到，減低出事嘅機會。 但係快乾嘅睫毛液都有需要留意嘅地方，要避免吾好長時間將產品暴露喺空氣之中，之後會凝固左用吾到，所以用完之後記得要即刻執返佢入樽入邊，以防乾咗之後就會打撠好難用🤧 💟色號選擇：多色，由classic black 、 brown、grey 到red都有。讓你係吾同場合、妝容上面都可以有合適嘅配搭。 💟刷型擦頭：可以做到睫毛根根分明，吾會有曱甴腳/撠住一嚿嚿嘅情況。 💟持久度不錯：基本上都可以hold到全日，甚少會有甩色嘅情況。 ☪️用後感：呢款產品可以令到眼睫毛變得細長，成個眼睛精靈咗、放大咗。唔同嘅顏色選擇，可以配搭頭髮顏色嘅變化，可塑性好高。防染暈嘅程度都好唔錯，唔會搞到眼底黑鼆鼆。所以總括而言，係好值得入手嘅一件product。
<看全文>Desse好用推薦：Canmake 速捲持久睫毛液（Quick Lash Curler） 一款多功能睫毛膏，主打三合一設計（底膏、上層或單獨用），適合日常自然妝容，刷頭細緻易上手，適合亞洲眼型👀 質地輕盈油潤，塗抹時唔會結塊或暈染，梳形刷貼合睫毛根部，輕掃幾下就根根分明，捲翹自然，感覺柔軟唔沉重😙 捲度可維持大半日，即使出汗或下雨都防水防油，唔會掉屑或溶妝 早上用當底膏配其他睫毛膏，晚上卸妝簡單，用咗睫毛睇落濃密啲，眼睛更有神 大約用咗兩星期，覺得溫和無刺激，敏感眼都OK 留意位呢🥸 睫毛增長效果一般，需要多層塗，但整體性價比高，平價之選😍
<看全文>
mysecretgarden好用推薦：之前成日覺得，要用閃粉先至可以令到對眼望落大啲，點知其實太多珠光，反而會令內雙眼皮睇落更腫，有時仲會好似「油淋淋」咁。轉用呢盒霧面眼影之後，先至發現原來啞緻嘅效果先至最啱我。佢啲低調嘅大地色，好似幫對眼「打陰影」咁，可以好自然地加深眼窩個輪廓，令對眼即刻變得立體同有神，出嚟個效果仲好自然添，返工用就啱啱好，低調得嚟又有精神。 對新手來講，佢最貼心嘅地方就係盒背有清晰指引，直接講明邊隻顏色應該查喺眼皮邊個位置，跟住佢個步驟由A掃到去D，完全唔使驚唔識配色或者落手太重，真係零難度！ 講到粉質，真係要讚一讚。摸落好柔滑，上眼好順滑，唔會一嚿嚿。佢嘅顯色度唔會話一掃就好濃，反而可以慢慢疊加，對於我哋呢啲新手嚟講就最安全，點都唔會失手畫到好似熊貓眼咁。而且質地輕薄，持久力都算幾好 ，通常朝早花完我就唔會再補夜晚返到屋企都仍然喺度，而且都冇乜甩粉。 最後不得不提嘅，就係跟盒附送個支掃！好多開架眼影跟個啲掃都係「擺設」多過實用，但係Canmake呢支雙頭掃真係好好用，鬆果頭用來上底色同暈染，扁果頭就用嚟畫眼線色，軟硬適中，拎出街補妝都好方便。 總括嚟講，如果你都係內雙或者單眼皮，又想搵一盒低調
<看全文>Kmggigi好用推薦：講到開架眼妝，就不得不提canmake🥳 以前作為化妝新手嘅我，問朋友話眼影用邊個牌子好，好多人都會推介我Canmake 因為顏色選擇多，同時性價比好高，新手試用就啱啱好 皮膚狀況: 冬天乾敏肌，夏天混合偏乾+少敏感 產品使用情況: 我嗰陣聽咗朋友講揀02 05號色，兩款都係偏大地色 啱晒新手，如果想行穩陣路線 同時間深淺啡色都齊，方便當埋眉粉咁畫 粉質都幾幼細，不過唔算好顯色 當然咁嘅價錢就唔會有好靚嘅閃粉，但新手用算係咁！
<看全文>
Emily Leung好用推薦：日本必買防曬，Canmake美人魚防曬啫喱！ 日本藥妝店很火的一款防曬！一共有五個顏色，各有不同的功效！ ⭐️ 01透明：任何膚色的人都可以使用的無色型。 ⭐️ 02白色：上臉後有提亮作用，可讓肌膚有美白效果 ⭐️ C01薄荷綠: 含有積雪草葉提取物,改善泛紅和暗沉的綠色型。 ⭐️ C02黃色款黃色的抗氧化成分，可以糾正不均勻的顏色。 ⭐️ C03薰衣草紫: 改善泛黃和暗沉的保濕成分。 ☘️防曬度：SPF50+ / PA++++ ☘️成份：含83%精華成分 ☘️質地：質地水潤易推開，成膜巨快。 🍀效果：控油能力不錯，一天下來不怎麼氧化。 我最愛是C03紫色款，可以遮盖暗沉，調節膚色！它不僅可以用於面部，還可以用於全身。洗完臉後，可以用這一款做護膚、保濕打底、防紫外線打底。質地水潤不會搓泥，不影響後續上妝！
<看全文>糯米喵好用推薦：呢一支打底係我係松本清買福袋嘅時候入面有嘅，因為見呢隻都好似好出名，所以都比較有興趣。 用完嗰吓心心眼咗，因為佢十分之保濕，冬天用係一流，自己已經回購咗一次！佢係黃色嘅膏體，會提亮到皮膚，而且搽完會好有水光感。 自己係十分之鍾意呢種保濕感好強嘅打底，上裝嘅時候都十分之貼！呢一支已經成為咗我上妝前必用嘅產品，以佢嘅價錢嚟講，性價比係好高，因為佢先$100樓下，所以長期來講自己都會繼續回購，因為真係好好用！
<看全文>
莓莓好用推薦：Chacott For Professionals 碎粉 788 嘅使用心得分享來啦～✨ 作為一個日日同化妝打交道嘅愛美之人，我真係要同大家大力推薦呢盒「神仙碎粉」！👏🏻 ✨ 第一印象： 一打開盒，見到啲粉末超幼細、好似煙霧咁飄起嚟～😍 粉質真係細緻到冇得彈！摸上手嘅觸感好絲滑，完全冇厚重嘅粉感，即刻加分！ 💁🏻♀️ 上臉體驗： 我用化妝掃輕輕掃上臉，瞬間感受到啲粉「融化」喺皮膚上面～ 好似一層薄紗咁，零粉感但又能好好噁定妝！✨ 尤其係T字位同鼻翼，容易出油嘅地方，輕輕按壓多層都唔會結塊或厚重，依然保持通透感～ 真係好適合我哋香港濕熱天氣！☀️ 🌟 重點效果： · 控油力超讚：朝早上妝，到下午都只有微微光澤，冇油光滿面～ 好似自帶柔焦濾鏡！📸 · 持久度滿分：就算戴口罩，都唔會輕易蹭到粉底，妝容保持得好好！ · 自然透亮：唔會死白或者有面具感，皮膚睇起嚟自然有光澤，好似本身皮膚就咁好～💖 🥰 小貼士： 如果你係乾肌，可以局部用喺易出油位；油肌嘅朋友就可以大膽全臉掃上～ 記得用鬆粉掃輕力上妝，效果會更薄透自然哦！ 總括來講，Chacott 788 真係一款平價但高質嘅碎粉
<看全文>zetalhc好用推薦：用過覺得最好用嘅蜜粉，就算係去跳舞比賽幾個鐘頭都唔會脫妝，防水防汗同控油嘅能力都非常好
<看全文>
旻珊好用推薦：感謝@cosme邀請體驗 ADDICTION TOKYO THE LIP GLOSS 柔光幻影唇彩 這次@cosme邀請體驗 唇彩色號Gold 001 剛開始我打開包裝，其實看到金色有點擔心上上去是如何，但真的好多東西要試才知道！ 心得：覺得是不錯的唇彩，主要亮粉細緻，它做得到且又可以跟任何價位唇彩做搭配，也不會跟其他唇彩打架！ 亮粉細緻，做到一抹上去滿滿細小的亮粉！其實擦上去完全是有視覺效果的，能完全唇部凹陷處整個填滿，看起來唇紋完全不明顯。 有唇紋煩惱的人或許可以去@cosme店面看看產品！ 未上任何唇彩 圖二單上Gold001唇彩 看似透明，但含了很細小的珠光，看起來唇部的確是保水感，幾乎看不太清楚唇紋！圖三 （專櫃唇膏堆疊） 第一層裸色小香霧面唇膏 第二層ADDICTION gold 001 顏色感覺是很沉穩也不搶色 變成知性妝會畫的唇 圖四（開價唇膏堆疊 第一層Kate怪獸唇膏G02色 第二層ADDICTION gold01 容易展現濕潤高級感的唇 不管是平價或專櫃的唇彩一起做堆疊，效果看起來都很棒，主要他們唇彩含了很細很細的亮粉，所以看起來細緻好多，高級感整個提升
<看全文>Emilyyy好用推薦：色號：004 Pink Mood 主打： 1. 可單獨使用，亦可與唇膏疊加，打造不同色調 2. 長效水潤保濕，滋潤呵護雙唇 3. 質地輕盈不黏笠 自己的嘴唇在冬天偏乾，有時候會起死皮，上唇妝前一定要做唇部打底和去死皮。 004 Pink Mood是很漂亮的珊瑚粉，淡淡的很適合日常，就算素顏用也很合適。 上嘴的質地很喜歡，雖說是光澤唇彩，但不會過於黏膩，上唇薄薄的，就算雙唇碰在一起也不會牽絲，是算清爽和輕盈型的唇彩，感覺舒適。 保濕度也很滿意，塗一層已經能撫平唇紋，也不會挑起死皮，光澤也很漂亮，有玻璃唇效果。 唇彩顏色本來沒有很深，加上是光澤型關係，擦上嘴不會有很明顯的上色效果，感覺是以原來的唇色為基底再稍稍添加點顏色，就算再疊加一層，顏色也沒有太大改變，但好的點是就算再疊加一層也不黏膩。塗第一層 塗第二層 吃東西後唇彩的已經掉光，但滋潤度有在，想要有玻璃唇效果再次補塗就好。總的來說，比起唇彩感覺更像帶點顏色的脣蜜和潤唇膏，適合日常和素顏塗，滋潤度很好，如果想要多點顏色，建議疊塗其他唇彩，也可以考慮入手深色一點的其他色號。
<看全文>
ying好用推薦：🌸 CANMAKE 夢幻胭脂膏 勁靚✨ 有珠光效果 自然透亮好氣色 勁靚！有珠光效果，用完之後塊面係自然透亮嘅好氣色 ✅ 勁靚 呢個係第一印象！ 上臉之後個妝效真係好靚。 唔係誇張嗰種， 而係「你皮膚好好」嗰種靚。 自然、透亮、有精神。 ✅ 有珠光效果 呢個係佢嘅靈魂！ 入面有珍珠微閃， 上臉之後唔係大閃片， 而係好細緻嘅光澤。 望落去好似皮膚自己識發光咁。 每個角度都有微微嘅光✨ ✅ 質地柔軟易推 膏狀質地，但好soft， 用手指輕輕點已經上到色。 唔會拉扯皮膚， 新手都搞得掂。 ✅ 自然透亮好氣色 上臉之後係由內而外透出嘅紅潤， 唔係「撻咗一撻」嘅感覺。 好似運動完之後嘅自然好氣色， 或者係天生皮膚就 🌟 我嘅總結 CANMAKE 夢幻胭脂膏 勁靚 ✨ 有珠光效果 ✨ 自然透亮好氣色 ✨ 上臉之後， 每個角度都有細緻嘅微閃， 望落好似皮膚自己發光。 唔係誇張嗰種， 而係「你皮膚好好」嗰種靚。 質地柔軟易推， 用手指上就得， 新手都搞得掂。 疊擦唔厚重， 可濃可淡。 開架價錢， 但效果對得住甚至超越價錢。 日本開架人氣王， 唔係無原因。 如果你係： ✔️ 想要自然
<看全文>YYeman好用推薦：Canmake 胭脂膏測評｜日本開架「斬男神器」？平價但係咪好用？ 🔸 產品全名 Canmake Cream Cheek（俗稱「胭脂膏」或「水潤胭脂膏」） 💰 價位 約 HKD 60-85（視色號而定，萬寧/莎莎/藥妝店有售） ✨ 優點總結 1. 質地水潤貼服 膏體好推，似雪芭質地，用手指/海綿拍開就同皮膚融合，唔會「浮粉」或結塊。乾皮同混合肌友好，有自然「由內透出嚟」嘅紅潤感。 2. 顏色選擇多，日系自然 色調多數係粉嫩、蜜桃、淡橘系，顯色度適中，唔會一撻紅，新手都唔易失手。推薦熱門色：#CL05（透亮粉紅）、#16（煉瓦橘，秋冬必備）。 3. 多用途玩法 官方話可以胭脂、唇膏、眼影三用，不過唇部會比較乾（建議做胭脂為主）。細細盒帶出街補妝好方便。 4. 價錢親民 百蚊有找，性價比高，學生黨或化妝新手入門練手一流。 ⚠️ 要注意位 1. 持久度中規中矩 夏天出汗出油多嘅話，大約撐到4-5個鐘會淡咗（油皮建議掃層碎粉定妝）。 2. 油肌可能唔太貼 如果面油多，膏體可能「融得快」，建議先控油打底，或者選粉狀胭脂更穩陣。 3. 用量難控制
<看全文>
Chloeincosme好用推薦：睇相見我未用完已經囤多枝就知我好鍾意bifesta呢枝保濕卸妝水♥️ 其實以往一直用開紅水，用到好悶就轉新野試試。Bifesta卸妝產品口碑不嬲好好，所以就揀咗佢，用完覺得試過返唔到轉頭😂 用法簡單，倒濕成張卸妝棉→ 輕力抹走面部妝容。 以下係示範圖，隻手上左粉底+眉筆（1）+ 眼線液（2），只係輕輕力抹走一下，連眼線液都輕鬆抹走😂，卸妝力真係好夠！ 另外，用完膚感唔錯，唔會太過緊繃，佢簡介寫明無須過水，不過我嘅習慣係照過水再用洗面奶，基本上佢冇令我皮膚差左。 聞落無香料味，擦拭完乾敏肌既我都冇紅冇過敏感情況，的確係溫和唔刺激。 佢叫保濕型，的確係做到保護肌膚果隻保濕（但卸妝水又唔好要求佢用完塊好滋潤，係冇可能的😂），最緊要係做到佢既本份：溫和卸妝無負擔！ 價錢方面，一個字：平！ 總結： 95/100分。5 分扣左係個樽頭噴力太大🤣成日唔小心射走左🤣 #卸妝
<看全文>Kayyan22好用推薦：已經用幾年既卸妝水～呢枝bifesta卸妝水我已經使用左好耐，我最中意就係保濕型呢枝！bifesta卸妝水既流動性十分高，就算單用都好適合。我自己最中意就係配搭住卸妝棉使用，因為可以帶走埋全日落嚟既灰塵～
<看全文>
Fng好用推薦：Hada Labo 雪芭冰感霜 ❄️ 優點： · 瞬降3℃冰感：一推即化水降溫，香港夏天戶外返屋企厚敷5分鐘，即刻鎮靜泛紅同燥熱感 · 滲透力驚人：含多重玻尿酸，補水唔浮面，熟齡偏乾肌用後毛孔即時飽滿，唔會悶出粒粒 · 百元價位王者：同價位（$150以下）保濕霜中，唯一做到「降溫+深層補水」，性價比贏盡Curel、NIVEA水感凝霜 ⚠️ 缺點： · 保濕續航力短：冷氣房瞓覺的話，半夜會覺得乾，要疊加保濕精華 · 功效單一：純補水降溫，無抗老/美白成分，熟齡肌要額外搭抗老產品 · 酒精促滲：敏感肌可能輕微刺痛，極敏感者不建議試用 🌞 香港夏天表現： 混合偏乾肌日間薄塗一層夠爽又保濕，晚間要厚敷先夠力。出汗後無化白汗，降溫效果實測比Biore冰感防曬更持久！ 💡 總結： 百元級降溫補水神器！適合香港夏天追求瞬間降溫同深層補水的熟齡混合肌，但極乾肌同抗老需求者要疊加其他產品～❄️ #HadaLabo #夏日降霜 #開架保濕
<看全文>lingbb好用推薦：穩定夏日肌膚我有計！香港天氣太熱，熱到塊面紅卜卜，又好易熱到泛紅敏感，見到snow dew就覺得必須要入手，見到雪葩質地既面霜真係好開心，面霜配有一個小勺，質地係非常滑身嘅雪葩狀，非常易推，有種冰涼感覺好舒服，摸落皮膚好柔軟順滑，有即時blur毛孔效果，上面冇黏笠不適，上妝都冇問題，保濕度我覺得幾好，如果天氣太熱，皮膚局部灼熱都好適合用呢種質地既面霜厚敷，我覺得可以放埋係雪櫃用應該會更冰涼！
<看全文>
Sanna Cher好用推薦：擦塗產品時，是使用美睫妝容的最後步驟，作睫毛定妝之用。刷頭能夠梳理塗上睫毛膏的睫毛，加強分明條理的效果。 使用睫毛膏後如圖見睫毛已顯修長，但下睫毛仍見有點雜亂，可使用產品梳理。 使用產品後，上睫毛效果相同，只作鞏固。下睫毛在梳理後更整潔，條理分，，妝容感更強。 完妝照片，見睫毛方面的妝容有明顯加強，仍做到自然的妝容感。
<看全文>Kuma好用推薦： 呢支近期架妹最愛既睫毛液♪ 架妹對於透明感精緻妝容嘅執著真係無人能敵( ；´Д｀) —————— ♪ 束感效果：★ ★ ★ ★ ☆ ♪ 持久度：★ ★ ★ ★ ★ ♪ 使用難度：★ ☆ ☆ ☆ ☆ ♪ 性價比：★ ★ ★ ★ ★ —————— 對比其他開架品牌嘅束感睫毛液，感覺呢款既質地相對較為輕盈，好快乾，喺香港呢個喺頭髮狂噴hair spray出門都會秒塌既潮濕天氣都keep到全日捲翹，性價比黎講小資女生同學生都絕對可以閉眼入！♪ 睫毛夾夾翹睫毛後先用下面既梳頭整理好睫毛，然後用Z型束感梳頭時我會稍為喺睫毛根部停留1-2秒先梳上去，確保大部分睫毛液都係沾喺根部而唔係睫毛尾端（如果唔係會變曱甴腳><） 本身有用開佢地嘅mascara base，按照佢地宣傳咁講一齊使用，睫毛比較稀疏嘅我感覺會比起單用束感睫毛液效果更好～但份量要拿捏得好好，搽太多base再用呢支會變曱甴腳⋯所以手殘黨都係建議單用呢支就夠！ 留意返因為超強持久力所以只使用卸妝水係卸唔甩的！！溫水都卸唔到，只可以用卸妝油～ #火熱新品
<看全文>
Tszki好用推薦：質地水潤易推，能即時提亮膚色並修飾毛孔，可單獨使用打造「偽素顏」效果。控油效果明顯，即使在 T 字位也能長時間保持清爽，減少溶妝機會。具備 SPF50 PA+++ 的防曬系數，足以應對日常紫外線。提亮暗沉及偏黃膚色，呈現粉嫩、白皙的透明感。特別適合在香港潮濕炎熱的環境下使用。使用前可先敷面膜才用，妝容更加貼服持久！
<看全文>Chloeincosme好用推薦：呢排買左Sofina Primavista 持久控油調色底霜，唔知係咪因為買完用嘅時候皮膚狀況好差，用咗呢支底霜反而令皮膚睇落去更加差😂 我本身係乾皮膚，可能要等皮膚狀況好啲嘅時候再試真啲～ 🤍 調色效果：4/5 修正膚色能力唔錯，能均勻提亮 🤍質地： 2/5（對乾肌黎講） 偏流質既base，冇咩保濕力 🤍 控油力：4/5 明顯感受到控油效果，T位出油減少，但代價係雙頰更乾，甚至出現緊繃感～乾肌一定要做好保濕先用佢🥹 🤍 貼服度：2.5/5 （皮膚狀況差） 皮膚狀態差時使用，會卡皮屑同浮粉，妝感唔細緻，可能真係要皮膚穩定時先用得到～ 總結： Sofina呢支底霜似乎真係比較適合油肌或混合肌～乾肌同皮膚唔穩定時使用，反而會暴露更多問題～會等皮膚狀態好返再試，暫時唔會回購！建議乾肌朋友要一定要做足保濕打底先好用～ #火熱新品
<看全文>