找產品
日本藥妝 推薦好用產品
1,145 件
Emily Leung好用推薦：cezanne腮红01！人生第一塊鐵皮腮紅 顏色非常實用，有點緞光感，很貼膚！ 平時通勤隨便掃兩下就可以出門，所以鐵皮的最快！ 雖然看起來淡淡的，但持妝度還可以！ 說是玫瑰色，其實我覺得更像杏粉色！雖然很淡但是還蠻提氣色的！ 平價好用的產品，會一直回購！
<看全文>Chloeincosme好用推薦：🤍 顯色度：4/5！Cezanne呢隻胭脂上面效果自然，唔會一撻色，輕輕掃兩下就顯氣色，重手咗都唔會變馬嬲pat pat，超適合淡妝同日常用！ 🤍 透明感：5/5！真心要讚✨ 一上臉即刻有種通透感，好似皮膚自己透出嚟嘅紅潤，冇粉感亦唔顯毛孔，睇落年輕又精神！ 🤍 持久度：4/5！朝早搽完，到中午都仲keep到，冇消失亦冇變暗沉。如果冇點捽塊面，基本大半日都唔使點補。 🤍 CP值：5/5！開價價錢但質素很好！學生黨同小資女必掃！ 總結： 如果你追求自然透亮、偽素顏好氣色，Cezanne呢隻胭脂絕對係平價寶藏！持久同透明感都做得好好，性價比超高，盲入都唔會點出錯～
<看全文>
Rachel Hui好用推薦：學生時期知道INTEGRATE這個品牌，是去台灣/日本旅行就會買。知道是SHESEIDO的小資女市場的副品牌。產品包裝簡單可愛😍，CP值高。 最近一次去台灣看到這個粉餅做推廣，還聯乘牛奶妹，買一盒送牛奶妹摺疊粉刷。 用起來有驚喜。本身是敏感肌加乾皮，有點怕用乾粉類底妝產品。但這盒，高防曬之餘，還不會抽乾皮膚水份、不脫皮！直接上臉也不會有乾裂，遮瑕度不錯。日常外出補妝、補防曬很方便。 缺點就是它的海綿很粗糙，我都另外用粉刷。
<看全文>Cici Wong好用推薦：平時有用開呢個牌子嘅粉底液，見到好多人話佢嘅粉餅都好好用，所以今次去日本旅行特登買來嘗試。 我平時好少用粉餅，因為我係乾性肌，好驚用粉餅會好乾，但用完佢之後完全冇呢個感覺，特別適合夏天使用。佢嘅遮瑕度都唔差，我平時會先用遮瑕膏，然後再輕輕用粉撲上底妝。佢嘅粉感唔會好重，妝感幾自然，微微出油之後會更加好睇，出街全日都冇乜甩。佢個粉撲都算柔軟，不過我多數用即棄粉撲，感覺衛生啲。個包裝都好可愛，入邊係心形，細細盒，帶出街補妝都方便。會考慮回購！
<看全文>
Poyobb好用推薦：點解會買💕 開架出名有份量多又唔太貴嘅日本牌子，其實用過好多專櫃牌子嘅碎粉都冇乜特別突出感覺，反而想用返啲多人推薦嘅Chacott碎粉 質地💕 我揀嘅係761色號，屬於自然膚色，大部份香港女仔揀呢隻色都冇錯。冇添加閃粉，不含滑石粉 使用感💕 膚色嘅碎粉，粉質未去到最細，比Laura mercier粗身dd ，但上面有填補毛孔功能。最鐘意係皮膚差、即係爆暗粒嘅時候用，有遮蓋毛孔作用，好似開咗磨皮功能一樣😍 而且唔會反光，只有少許保留底妝既光澤感。上面之後有少許薄霧，粉感明顯🤭 掃碎粉上面後皮膚非常乾爽，即使30幾度嘅，夏天都好乾爽，碎粉吸油力強，香港天氣非常適合。即使全日，持妝度都保留得好好，只有鼻翼微微浮粉。我鍾意留返係當日長時間戶外活動用佢 建議💕 唔好全打開曬成塊貼紙，剪開少少岩岩好倒出嚟。雖然可以加錢配粉撲，我覺得無必要用粉撲，唔太好用。用撲粉粉感重，反而建議用平頭粉底掃，掃兩次全面定妝效果更佳🤭 建議妝前保濕及底霜用保濕款，全面就唔會太乾。761完妝感高級，比透明更優秀。面部有瑕疵一定鍾意🩷 推薦比適合嘅你💕 十分推薦比油性皮膚，或者炎熱又焗既夏天日子混合性皮膚都
<看全文>bellahly好用推薦：之前喺@cosme 舖頭見到Chacott呢個牌子，知道佢係舞蹈員常用嘅化妝品牌。 買咗佢嘅底妝同埋定妝粉，試完之後真係返唔到轉頭。香港地咁濕咁熱，作為混合性偏油嘅朋友，夏天化妝一定要用定妝粉。 買咗兩盒，一隻係霧面（灰蓋）；另一隻係冰感（藍蓋），兩隻都有皮膚顏色。 藍蓋係比較新出嘅蜜粉，雖然佢有冰感，搽完上去之後皮膚會覺得冰冰涼涼，本身係好適合夏天用，但係我自己用完相比之下就覺得灰蓋霧面比較持久，冇咁容易溶妝；而且份量亦都大啲啲。 如果今個夏天未買定妝粉，大家記得試吓呢一隻日本牌子啦🥰
<看全文>
皮皮爱马桶好用推薦：#底妝升級好物 特意用完了2支后，来写写Sofina这款控油持妆隔离底霜。 本人夏天混合偏油肤质，主要是T区比较容易出油。 先上手看下流动性，是较稀偏流动状的液体。 用打湿的化妆蛋蘸取适量在两颊以及额头、下巴处轻轻扑开。 底霜质地偏轻薄水润，很容易推开，上脸完全不油腻，不会成膜闷痘，也没有出现假白的情况。而且紫色底妆可以有效中和偏黄肤色，令肤色看起来更加明亮和干净 。 上完底妆后，下巴以及唇周泛黄情况明显改善: 等底妆略干后再上粉底液，非常服帖，没有搓泥、浮粉的情况出现，脸色也显得红润通透。 上完粉底后的全妆效果： 此外，这款粉底液还有隔离防晒的功效，夏天如果不会去户外暴晒的情况下，通常就用这支底霜当做防晒的替代了，SPF16 PA++ 日常通勤用很合适。 要说缺点的话，因为比较轻透，所以遮瑕能力略逊一筹，痘印基本盖不住，需要后续上遮瑕，总体而言适合肌肤没有太多瑕疵的姐妹。
<看全文>Fng好用推薦：Sofina呢支皇牌控油底霜，幾乎係油皮夏日必備，但對於混合偏乾肌嚟講，用法就好講技巧🤫🤫🤫🤫！ 控油力：👍👍👍👍 (強勁！) 佢嘅控油效果真係名不虛傳，主打塗抹喺T字位同毛孔粗大位置，的確能極有效延遲出油時間，皮膚整日保持啞緻，唔會油光滿面。呢點對於香港夏天來講，確實吸引。 質地與潤色： 係輕盈嘅粉白色乳液，推開後有輕微潤色效果，能修飾毛孔同少少提亮膚色。但對於偏黃調肌，呢種提亮可能會有少少灰白感，未必完全融合膚色。 混合偏乾肌要注意：❌ (全臉使用大伏) 如果貪心全臉使用，兩頰偏乾部位絕對會「出事」！好易出現屑狀乾紋、甚至繃緊唔舒服，反而令底妝更唔貼服😵💫。只可以嚴格局部使用在易出油位置。 總結： 一支效果強勁但必須「精準使用」的控油產品。非常適合混合肌在炎夏時，只集中在T字區、鼻翼等易出油部位使用，能有效解決溶妝問題。但絕對不建議全臉塗抹，否則乾燥部位會愈用愈乾。係你化妝枱上嘅局部救兵，而非全線防禦的底霜！
<看全文>
Kathy Wai好用推薦：Freeplus保濕修護乳液嘅用後感真係要同大家開心share！作為一個長期同敏感肌打交道嘅人，搵到佢真係好似執到寶咁。首先，佢成分簡單乾淨，冇香料、酒精、色素，成個使用過程都係「零負擔」，完全唔驚會刺面或者泛紅。 質地方面，我要比個like！乳液係稀身嘅奶白色，推開嗰陣好似化咗水咁，吸收速度超快，幾乎係「咻」一聲就入咗皮膚度，唔會留低任何油膩感或黏笠嘅膜，後續上防曬或化妝都好貼服，絕對係香港呢種又濕又焗天氣嘅恩物。 保濕效果令我幾滿意。朝早用咗之後，直到下晝皮膚都依然係柔軟水潤嘅狀態，唔會覺得繃緊，亦都冇因為出油而令到個面「立痴痴」。修復力方面，佢算係默默耕耘型。我試過轉季時皮膚有啲唔聽話，局部有少少乾燥同痕癢，連續幾晚厚敷少少喺位位度，第二朝起身見到啲微小嘅泛紅同脫皮真係鎮靜咗好多，皮膚屏障感覺被修補緊，摸上去係飽滿嘅柔滑，而唔係假滑。 總括嚟講，Freeplus呢支乳液係一支溫和、穩陣嘅基本功課。未必有即時驚艷效果，但長用會覺得皮膚狀態變穩定，保濕同維穩做得好好。對於敏感肌、或者追求簡約有效護膚嘅人嚟講，絕對係值得回購嘅安心之選！
<看全文>橘子貓好用推薦：Moist Care Emulsion 1 超水感的gel cream，流動性好高，一抹就化成水狀，好適合偏油肌秋冬用，有滋潤感但沒有太多負擔，好適合年輕肌膚、只有鎖水需求的人使用。
<看全文>
Also melon好用推薦：Decorte嘅化妝水facial lotion ，質地非常柔軟，感覺包含咗好多精華喺入邊，搽上面之後好。用decorte skincare依條line要乳後水嘅方法，同跟返官方做法，乳液同埋化妝水都要倒落化妝棉度先，咁樣用嘅話皮膚唔會油膩，保濕到啱啱好適合，真係吸收得好好。而且皮膚變得好細緻，好似日本女仔嘅皮膚一樣。試過唔用化妝棉，搽完水乳之後皮膚變得好油膩🥲 Dercorte AQ系列感覺適合秋冬使用，用完皮膚穩定有光澤，毛孔好細緻
<看全文>Fng好用推薦：DECORTE AQ光彩亮白化妝水｜ 貴婦級透光感！ ✨ 質地與吸收度 呢支白檀化妝水擁有輕潤精華質地，倒出來似稀釋蜜糖，推開後卻瞬間化水滲透！上臉後有種被絲綢包裹嘅柔滑感，拍三下就完全吸收，後續護膚品吸收速度都明顯加快～ 🌟 亮白與保濕效果 連續使用兩星期，鼻翼同嘴角暗沉真係有改善，皮膚透出自然光澤感，似自帶補光燈咁！最驚喜係保濕力持久，冷氣房吹足8小時都冇繃緊，兩頰依然保持軟嫩觸感～ 💔 美中不足 · 價格令人倒吸涼氣，滴一滴都心痛 · 香味較濃郁，白檀香未必人人鍾意 · 要配合化妝棉使用，直接用手會浪費珍貴成分 🆚 同級化妝水比較 · VS Albion健康水：健康水主打調理；AQ美白保濕二合一 · VS CPB光采柔膚水：兩者都走貴婦路線，CPB更潤澤；AQ更重透亮感 · VS 雪肌精化妝水：雪肌精清爽但較刺激；AQ溫和又有效 💡 使用小貼士 1. 省水敷法：化妝棉浸透後撕開薄敷重點部位 2. 掌心溫熱：先搓熱手心再按壓上臉，吸收力升級 3. 妝前急救：趕時間可用作5分鐘水膜 4. 分期投資：趁日本百貨公司福袋季節入手最划算 光澤度：★★★★★（5/5，素顏
<看全文>
Kelvin好用推薦：Hair recipe 主打天然成份，已經試過石榴、生薑款式。呢款係綠茶x柚子，適合油性頭皮使用。 佢係透明嘅流質，起到好多泡泡，起泡之後會有涼浸浸嘅薄荷味，有一浸男士洗頭水味。 我早晚洗一次頭，非常清爽。雖然佢話有保濕效果就唔太覺，但我好啱用。乾爽得來冇起頭皮。對比我平時用開去頭皮洗頭水，清爽程度差唔多，但我相信hair recipe嘅護髮成份更好，但呢支就夏天用較啱。 男士皮膚👦🏻我面部唔易生暗瘡，但尤其而家長期高溫，夏天真係好易出頭瘡🥵。如果用超強油性洗頭水會有頭皮碎，食之髮譜可以幫到我喺夏日穩定頭皮膚狀態，乾爽得來無好頭皮。 Mannings $99一枝，少貴，但效果對得起價錢。前日買2送1已經買左奇異果味🥝試完再寫評價
<看全文>YolandaAuYeung好用推薦：📝用後感 試用兩週後，頭油油膩扁塌及頭皮暗粒問題大大改善，頭髮變得豐盈清爽，髮質也漸漸變得水潤亮澤，潤澤感UP!! 原來先淨化頭皮，後補充養分就係養育健康頭皮和頭髮嘅關鍵！
<看全文>
Fng好用推薦：CANMAKE 蜜粉餅 Abloom｜ 日系透明感定妝 🌸 產品定位：微珠光透明感蜜粉 粉質解析：蠶絲粉體 + 珍珠微粒 ✨ 核心優勢： · 光學柔焦術：微米級粉體填平毛孔，珠光粒子創造「透明空氣感」而非單純霧面 · 智能控油：吸收多餘皮脂卻保留肌膚自然光澤，混合肌實測T區持妝6小時 · 極致便攜：薄型粉盒僅1.5cm厚，內附鏡面絨粉撲 ⚠️ 注意事項： · 珠光特性：強光下明顯，油肌可能顯毛孔 · 遮瑕力弱：主打定妝非修飾，瑕疵肌需先遮瑕 · 粉撲限制：絨毛粉撲取粉較弱，建議搭配刷具 💡 上妝手法： 1. 日系透明感：圓頭刷打圈取粉，全臉輕掃 2. 油肌定妝：粉撲對折按壓T區 3. 補妝技巧：先用吸油紙，再輕拍蜜粉 🌈 色號選擇指南： # 01 提供最強的提亮和去黃效果； # 02 則主打紅潤好氣色； # 03 則更強調自然的膚色平衡和柔和感，適合大多數膚色（特別是暖調肌） 🌦️ 香港氣候實測： ✅ 雨季潮濕：控油力足夠，不易結塊 ✅ 冷氣房：保濕度中等，乾肌需加強妝前 ✅ 口罩摩擦：每4小時需補妝 總結：百元價位的「日雜光感定妝神器」！適合追求自然透明妝效的混合
<看全文>Rin好用推薦：平價好物（於日本購入） 適合小資女孩，可以稍微的提亮膚色，平日出門可用，粉質於這個價格上已經算很不錯了，雖然還是看得出粉感 保濕還是要做好，因為有可能會結塊 毛孔遮瑕等方面沒有太大作用，不算太顯毛孔 偏白，黃皮黑皮要慎選 化妝後使用感覺他和妝感不太融合
<看全文>
Fng好用推薦：ELIXIR 膠原緊緻V面霜 ✨ 🌟 第一印象：日系抗老嘅「V臉神器」 作為資生堂旗下專注膠原蛋白研究40年嘅品牌，ELIXIR呢支「膠原緊緻V面霜」（簡稱V霜）喺網絡上嘅口碑真係好勁！🔥 今次終於親身試用，一打開包裝，見到附送嘅小挖棒同詳細嘅按摩手法說明書，就知呢個品牌好有誠意～💖 官方定價 HK$720 / 50g，價錢唔算平，但網上唔少用家話一支可以用到5個月左右，計落都算「貴買平用」！ ✨ 質地與觸感：豐潤如奶油，好推唔黏笠 一挖出嚟，係淡黃色嘅豐潤乳霜質地，好似軟滑嘅奶霜咁。雖然睇落好「厚實」，但接觸皮膚體溫後會慢慢融化成絲滑嘅質感，延展性極高，一粒珍珠大小就夠搽勻全臉！好多用家都讚佢「滋潤但唔油膩」，吸收後唔會黐立立，就算我哋混合偏乾肌用都覺得好舒服。有少數極乾肌用家表示冬天用啱啱好，但油肌可能要試咗先。 🌸 香氣與成分：高級花香，護膚同時放鬆 佢帶有怡麗絲爾標誌性嘅優雅花香，唔係人工香精味，而係一種好療癒、好放鬆嘅自然香氣，成個護膚過程都充滿儀式感～😌 成分方面，佢用咗資生堂獨家嘅「Total V Technology」提升緊緻技術，配合能夠活化肌膚中5大膠原蛋白嘅複
<看全文>Paris merci 好用推薦：今年冬天新買嘅面霜，佢嘅質地唔油膩，同事密度好高，非常之耐用，每次用黃豆大小我都已經好足夠用。即使我用咗全個冬天都好似用咗一半份，每晚都可以跟住包裝盒上面嘅手勢去按摩，推開之後係啞光嘅，即使質地好厚都冇令皮膚出暗粒。雖然佢係行Cosme 或者日本藥妝舖都買到嘅開價牌子，但係因為佢有專利成份，真係可以做到毛孔細緻同埋緊致皮膚嘅效果。一開始都係買佢嘅retional 去紋精華，好用先買埋佢嘅面霜。面霜好温和，冇retional既刺激感！我會直接用多少少喺條頸度，當頸紋霜用。 冬天用會較適合，或者你係成熟肌膚，或者夏天開冷氣晚上都啱用💕
<看全文>
Fng好用推薦：Essential 光感水潤 頭水用後感｜夏日之選 ✨ 質地與使用感 呢支Glow & Moist版本係透明凝露質地，推開即起泡，泡沫細密似棉花糖！洗個陣有淡淡花果香，唔會濃到焗親，沖水後頭髮柔順，證明佢真係夠溫和～ 🌟 清潔與保濕效果 主打皮膚用保濕成分，用完頭皮真係有呼吸感！髮尾唔會打結，吹乾後有自然光澤感，第二朝起身都唔會變油頭～ 香港夏天用真係爽，尤其係出汗後個種黏膩感即刻消失！ ⚠️ 注意事項 · 如果你係電染受損髮質，可能要加支護髮素補補水 · 想要豐盈效果嘅話，呢支比較貼服，可能唔係你杯茶 · 千祈唔好貪心唧太多，一個銀幣分量已經夠晒用 🆚 同級洗頭水比較 · VS TSUBAKI金色：TSUBAKI更潤澤，適合乾燥髮； essential 呢支清爽得嚟夠保濕 · VS Merit綠色：兩者都清爽，但Merit去油力太強，乾肌用可能繃緊 · VS LUX無矽油：LUX較乾澀， essential 保濕度贏幾條街！ 💡 使用小貼士 1. 先用溫水沖濕頭髮 2. 唧適量洗頭水係掌心搓泡 3. 用指腹按摩頭皮2分鐘（千祈唔好用指甲抓！） 4. 徹底沖洗乾淨 5
<看全文>Kayyan22好用推薦：#火熱新品 自己係乾燥+漂染髮質，但見new jeans代言所以好奇想試下 呢款既味道偏清新，較少甜味，似某種瓜既味，我自己就對呢種味感覺普普通通 而吱出尼佢係透明既，清潔度都唔錯，起泡力好勁 4分1包已經夠起泡 洗出尼既頭髮會偏柔軟，幾舒服，相信普通髮質/無漂染髮質使用會更好
<看全文>
Chloeincosme好用推薦：Curel 保濕潤唇膏 🤍 係日本藥妝店睇到話專為敏感乾燥唇部設計，一試愛上！ #轉季 及 #換季 必備 🤍 保濕修護：5/5 成分簡單溫和，冇香料色素，唇部脫皮時厚敷過夜，第二朝死皮自動脫落，即時回復柔軟～ 🤍 質地吸收：4.5/5 偏乳液狀膏體，推開化水唔油膩，吸收後有層薄薄保護膜，唔會黐頭髮～ 🤍 溫和度：5/5 試過唇炎發作期間用都零刺激，仲有舒緩效果，真正做到「修護型潤唇膏」～ 🤍 妝前打底：4/5 薄搽一層等吸收再上唇膏，有效防止卡紋，但又唔會過潤影響啞光唇膏顯色～ 總結： Curel呢支潤唇膏絕對係敏感唇恩物！修護力強得嚟質地舒服，已經取代咗我常用嘅潤唇產品～會無限回購！推薦比經常唇乾、敏感，甚至受唇炎困擾嘅你！
<看全文>Emily Leung好用推薦：空樽|Curel 保濕潤唇膏 我一直覺得，扭出膏體嘅設計係最方便嘅潤唇膏包裝。 珂潤呢支潤唇膏就係扭管裝， 夠輕身易拎之餘，仲有足4.2g。 美中不足係扭得太多就扭唔返轉頭， 要用手將膏體撳返入去。 完全冇氣味， [讚] 唔油膩但保濕力夠， 頂得順南方嘅冬天。 [弱] 缺點就係黐。 無論包裝定係膏體，都好似漿糊筆咁。 搽嘅時候已經覺得唔順、有阻力， 搽完之後個嘴有啲黐立立， 每次搽完我都會不自覺用力抿嘴， 驚黐到頭髮。 整體嚟講好好用， 最後嗰啲我都用棉花棒挖清光。 未搵到性價比高過佢嘅潤唇膏之前，都會回購！
<看全文>
Jo好用推薦：Kose Softymo卸妝油真係好正 又平又好用，性價比極高 大部分時間都係賣緊$4x 喺藥妝店隨手揀咗支卸妝油 估唔到用到依家 已回購無數次👏👏 當然同其他名牌幾百蚊枝冇得比 但已經非常夠做，適合日常淡妝落妝 卸妝油質地唔會好厚重，好好推 輕輕搓幾下已經甩咗大部份妝容 眼線睫毛液亦都輕易卸除  用完之後用清水洗已經ok 塊面一啲都唔油 唔使特登用洗面乳再洗一次，好方便 大推❤️❤️❤️  
<看全文>Suki好用推薦：Softymo 速效卸妝油真係好用又平價嘅卸妝產品！質地清爽唔油膩，用喺面上好易推開，連防水妝同埋睫毛膏都可以輕鬆卸乾淨，完全唔需要反覆搓擦。最重要係用完之後皮膚唔會覺得乾燥或者繃緊，仲帶有少少滋潤感，非常舒服。 呢款卸妝油仲溫和得嚟唔刺激，用喺眼周都冇問題，敏感肌都啱用。價錢親民之餘分量又足，性價比真係超高，無論係平時用定係長期回購都好適合！ 如果想搵一款高效又溫和嘅卸妝油，絕對值得一試，清爽卸妝，乾淨又唔傷皮膚！
<看全文>
Miaomiao好用推薦：買左裸色同粉色既蜜粉，效果分別不大。閃粉比較明顯，通常帶閃粉既粉底，拍左上面都係輕微珠光，但係呢款係近睇會見到有一粒粒閃粉既狀態，適合鍾意妝感亮麗顯著既人。 控油能力高、配合埋同系列既long lasting primer可以持妝全日，特別適合夏天使用。我係混油皮，T字位出油位置覺得用呢款幾好，但係面頰同額頭位置就會有d起皮。
<看全文>FishYu好用推薦：用開呢個牌子既粉底液，想試下同系列既碎粉，所以買左set試用裝。碎粉顏色係裸色，帶閃粉。 控油能力高，持妝效果強就算戴口罩都冇乜甩妝。如果用曬同系列既粉底液+碎粉我覺得太控油會偏乾，用呢隻碎粉會揀配其他較補濕既底霜。
<看全文>
橘子貓好用推薦：SUPERIEUR Day Care Revolution Tone Up SPF50+ PA++++ 因為被很多日本KOL燒到，當初這款防曬一上市，我就去日本購入了！！！ 在日本天冷時使用，感覺非常驚豔。我使用了比官方建議的兩倍份量，令其有充足的防曬度，防曬霜提亮皮膚整整亮白了一度，然後整體妝感非常貼服，完全不會死白，恍如媽生好皮。難得試到一枝既可以正經防曬又能作妝前的防曬霜，所以我當日試用完之後，趁着還未離開日本，立馬回購了3條。可惜回到香港，因為香港天氣跟日本非常不同，又濕又熱，而且我是混油皮，這款防曬的使用感和效果大打折扣。因為出油出汗之後，皮膚會感到悶焗，甚至很容易起屑。於是我減少了使用份量至官方建議的大小，妝感和使用感就好了很多，但就沒有了在日本使用時容光煥發的效果。 如果你是偏乾肌，相信這款防曬會很適合你呢！現在，這枝防曬我會留待下次去日本等寒冷氣候的地方使用。
<看全文>Micwy好用推薦：前排開始咗去做gym，由於唔想化妝、又想有啲防曬輕微調色所以去咗朗豪坊@cosmestore度睇睇。好鐘意果度同其他藥妝店唔同，有產品排行推介 😌 就跟住買咗Elixir呢支櫻花色底霜配另一牌子素顏碎粉。 防曬度SPF50+ PA++++ 呢啲基本啦，我最鐘意都係佢都係質地夠潤、唔駛揸太多嘢、一抹完化妝水就搽得。仲有啲珍珠令令地效果，做到即時提亮。防曬底霜+碎粉效果 如果平時都無咩點化妝可以試下 （因為兩樣產品都係可以唔駛用卸妝） 佢好似聲稱有啲護膚成份，我無太大感覺。我自己主要用嚟運動時有啲輕微偽素顏感（亦無試過用佢後再上底妝）；so far爆汗後都無咩甩到、所以對我嚟講我係滿意 🫶🏻
<看全文>
Emily Leung好用推薦：日本Naturie薏仁保濕水凝霜，換季救星 最近天氣乾燥，相信同我一樣，好多人都覺得塊面繃緊、乾到痕，甚至會有啲甩皮。喺咁嘅天氣底下，搽乜嘢面霜都好似即刻俾塊面「食咗」，搞到需要不停補搽，想搵件清爽又夠力嘅保濕霜真係好頭痕。 Naturie呢款薏仁水凝霜，喺香港同台灣嘅美容網站上都幾有人氣。佢真係又平價好用！ 🫧質地與觸感：透明嘅啫喱（果凍）質地，非常Q彈。 🫧推開感受：一抹開就即刻化成水狀，延展性極高，上臉吸收速度快，感覺好輕盈。 🫧膚感：搽完後唔會黐立立，呈現啞光感，清爽唔厚重，好多油性同混合性肌膚嘅用家都好鍾意呢種觸感。 🫧氣味：產品本身無添加香料。所以係冇乜特別氣味，對於唔鍾意香味或者容易敏感嘅人嚟講，呢點係個優點。 👍使用感受與多用途 1.日常保濕：可以當作日霜或晚霜使用，質地清爽，夏天或潮濕天氣用尤其舒服。 2.妝前打底：化妝前薄搽一層，有助後續上妝更貼服。 3.睡眠面膜：夜晚可以厚敷一層當作晚安面膜，第二朝起身塊面會覺得好水潤同柔軟。 4全身保濕：因為係大碗裝（180g），平價大碗，用嚟搽身體都唔會肉赤。 🌸保濕力度評價 • 優點：瞬間補水效果出色，能為皮膚帶來
<看全文>chewyfruit好用推薦：推薦個好嘢！ 呢個薏仁啫喱面霜，當面膜用，真係一個大大的👍讚。 個人用法： 臨瞓前，搽到勁厚一層，一個鐘之後洗咗都OK，唔洗直接瞓覺都OK，反正佢係面霜🤷♀️。 或者朝早起身就咁搽薄薄一層，刷個牙，去個廁所咁就吸收晒，然後洗面再繼續做其他護膚步驟。 同埋，嗯哼哼，我想講，如果你有酒粕，搽一層酒粕再搽一層呢個，夾埋一齊用更加正👍。完美解決咗酒粕，或者其他美白面膜唔夠水潤嘅缺點。 總之，真係好水潤，就咁用補水效果都係即時見效，而且同油皮大哥們都好夾，用咗都唔會出油。然而我，我呢種大乾皮，搽完厚厚一層之後，係肉眼見到佢吸收～～白滑滑～ 主要係超大一樽，180g㗎，真係抵到爛！
<看全文>