日本洗面乳 推薦好用產品

Suki好用推薦： 最近專櫃送咗shu uemura 植村秀的Ultime8∞ 山茶花潔面泡，本來對這款產品期待蠻高的，但實際使用後感覺有點複雜，用嚟洗面感覺比較偏乾。清潔力還算可以，洗完臉後肌膚不會緊繃，但也沒有特別保濕的效果，整體來說比較普通。對於我這種偏乾性的膚質來說，可能需要再搭配一款保濕性更強的潔面產品。

brenda好用推薦：他有黃色和橙色包裝兩款，這支黃色的是適合敏感肌用比較溫和，味道有淡淡的柚子香味好舒服，用後感都良好，清楚乾淨唔會崩緊會再回購

莓莓好用推薦：Senka皇牌保濕洗顏泡泡（Perfect Whip）測評 包裝質感： 藍色管身配白色字體，簡潔乾淨，開口大小適中，好易唧出適當份量。 質地與氣味： 膏體厚實帶珍珠白，有淡淡花香（唔會俗氣）。加水後起泡度極高，用起泡網一捽就出大量豐厚、綿密、有彈性嘅泡沫，倒轉手掌都唔會跌。 使用感受： 泡沫上臉滑溜，大大減少手指同皮膚嘅磨擦。沖水後清爽唔繃緊，感覺洗得好乾淨，但同時有一層好薄嘅保濕膜，唔會乾到「猛猛緊」。毛孔望落更細緻，面油完全消失。 成分專業分析： · 主清潔：肉豆蔻酸、氫氧化鉀（皂基配方），去油力強，適合油肌、混合肌。 · 保濕舒緩：甘油、桑白皮萃取、水解絲蛋白，減少潔後乾燥。 · 注意：乾肌、敏感肌或角質薄嘅人，長期用可能過度清潔，建議一星期用2-3次，或只晚上用。 適合邊啲人？ · ✅ 中至油性、混合性肌膚 · ✅ 夏天易出油、想要清爽潔面感 · ✅ 追求高性價比（開架價錢，專櫃起泡能力） · ❌ 乾性、敏感、濕疹、玫瑰痤瘡皮膚（皂基太刺激） 總結評分（10分滿分）： · 起泡力：9/10 · 清潔力：8.5/10 · 保濕感：6.5/10（對油肌夠，對乾肌唔夠

Sakura醬好用推薦：SENKA專科呢支保濕洗面奶（藍色），可以話係香港開架護膚界嘅「老朋友」啦。由資生堂出嘅，主打平靚正，相信唔少人浴室都會有佢一席之地！ ⭐️質地 擠出嚟係好似乳酪嘅質地，加少少水就可以搓到超多幼細泡沫。我用咗起泡網，泡沫好豐盈！ ⭐️泡沫 啲泡好實淨，唔會搓兩下就冇晒。喺塊面度打圈按摩，完全冇摩擦感，好柔軟、好舒服，洗得仲好乾淨。 ⭐️清潔力 鼻翼同下巴呢啲容易有黑頭、暗粒嘅地方，洗完之後又滑又嫩，乾淨得嚟又有水潤感，完全唔會繃緊！平時出街返工嘅面油、汗水同少少防曬，佢都搞得掂，洗完塊面係會有「啜」一聲嗰種乾淨感覺。不過如果你化緊妝，就一定要落妝先好洗。 ⭐️保濕力 都做到基本保濕嘅，洗完唔會即刻覺得好「掹」。但係天氣好乾，或者你本身係乾性皮膚嘅話，沖完涼記住快啲搽返爽膚水同面霜鎖水，咁就穩陣啲。 邊個啱用？ 最啱中性、混合性、油性皮膚嘅人日常用。乾皮朋友可以夏天用，或者夜晚用。超級敏感肌就自己睇路啦。 ✨【溫和潔淨】+【水油平衡】✨ 呢支洗面奶真係打破咗我對平價潔面嘅想像——清潔力夠晒，但係洗完一啲都唔「掹」面！真係唔輸嗰啲幾百蚊嘅大牌子潔面，洗落個感覺甚至更加舒服！

Ceccinmydin好用推薦：呢支洗面係平時AHA洗臉乳嘅acne版本，除咗AHA果酸成分之外，仲加入左抗暗瘡成分，去角質之餘幫助控制暗瘡生長，適合油皮或者有暗瘡嘅皮膚 用後感：氣味上唔太鍾意，有浸人工檸檬味，效果同同系列差唔多，暫時未見到有改善暗瘡效果 適用膚質：油肌/暗瘡肌

Verna好用推薦：這支潔面乳是我在逛個人護理店時買的，我見到它的價錢親民，而且這品牌的產品質素又不錯，就買來試試 我沒有用起泡網來幫助起泡，但它也很容易起泡，泡沫豐盈，用它來洗面很舒服，洗完面後，皮膚很乾淨，也沒有繃繃緊的感覺 整體感覺良好，但沒有很驚豔的感覺，差不多質素的潔面乳有很多選擇，所以用完之後，我未必會回購，反而想試試其他品牌的產品

Lalaleia 好用推薦：普通一支潔面乳，清潔力OK，用完冇話會特別乾，但亦無話皮膚會潤滑，勝在價錢親民。

Tszki好用推薦：Biore溫和水嫩洗面乳 這支算是我冬天比較常用的，平常在用習慣到沒什麼感覺，一比下來才發現，質地是白色膏狀，它真的蠻容易就可以搓出豐盈泡泡，洗完後是很舒爽又很保濕的感覺，香味有種小清新，敏感肌可以使用_

Also melon好用推薦：洗面膏真係好平，平時做特價係會再平啲。佢少少洗面膏已經可以起到好多泡，而且清潔得好好，最鍾意卸妝之後用，真係洗得塊面好乾淨，夏天用好啱，男士都應該好鍾意呢種清爽感覺。而且味道可以接受。 溫和水潤款不過用完有少少乾燥，要搽返保濕。真係冇咩特別挑剔。

Kathy Wai好用推薦： 「Hello大家好！今日同大家做個真心評測——Sana豆乳洗面奶！成日見人講平靚正，等我用廣東話同你哋拆解下！」 （Packaging & 質地） 「包裝簡約日系風，唧出嚟係白色乳霜狀，冇乜香味（好感度加分！）。加水輕輕搓幾下，泡沫算綿密，但唔算超厚身個隻，敏感肌用都安心。」 （清潔力測試） 「日常防曬、淡妝（粉底+碎粉）可以直接洗得走，但防水眼線同唇釉就建議先卸妝。洗完面塊面唔繃緊，摸落滑捋捋，仲有少少水潤感～」 （成分重點） 「主打豆乳發酵液+大豆蛋白，溫和保濕冇酒精、冇色素。油肌夏天用夠清爽，乾肌冬天可能要快啲上保養品。」 （性價比 & 適合膚質） 「百零蚊有150g，早晚用都用成3個月！中性/混合/輕度敏感肌最開心，大油田可能覺得清潔力偏柔，建議朝早用。」 綜合評分： · 溫和度：4.8 / 5 · 保濕度：4.5 / 5 · 清潔力：3.8 / 5 · 泡沫質感：4 / 5 · CP值（性價比）：4.5 / 5 （總結） 「總括嚟講：平價基礎清潔入門之選！想穩陣唔踩雷、追求洗完唔乾嘅朋友，呢支值得長備。但追求深層去黑頭/強效控油就唔好抱太大期望啦～」

楊一二好用推薦：呢支SANA豆乳洗面乳，成分天然冇人工香精，帶淡淡豆乳味。不過清潔力偏強，就算係我油性皮膚用完都覺得皮膚好乾，要即刻搽skincare 補濕 所以就算佢價錢好平都未必會回購，會去買返d溫和洗面乳。

maylam好用推薦：洗面膏嘅質地加少少水就好易起到好多泡 用嘅時候有陣好香嘅玫瑰味 好舒服 清潔力都幾強 乾肌用嘅話可能有少少太乾 對我油肌黎講就啱啱好

Milo101好用推薦：🌟比較稀的膏狀，有清新的玫瑰花水味 🌟易搓易起泡，潔淨力不錯，不會太乾 🌟成份有法國玫瑰萃取、金盞花萃取等，會考慮回購 （ps. 官網說可作卸妝用，我只是當作洗面膏用～）

Sakura醬好用推薦：日本Rosette海泥洗面膏用後感！！ 呢支綠色管嘅洗面膏真係我用過咁多隻之中，清潔力同滋潤度最好嘅洗面膏！ 拎到手之後，支嘢嘅包裝管身揑落去軟淋淋，仲好有彈性添！ 擠出嚟嘅膏體係灰色，聞落有陣淡淡嘅泥味（證明真係海泥嚟㗎～），不過整體都算幾清新！ 將啲膏擠喺手度，加足夠嘅水，慢慢捽，就會出超多泡沫，而且仲要好細密！！！！ 我通常會重點捽個鼻哥位，一來我T字位好易出油，二來我鼻哥嘅黑頭好多。 好喇，重點嚟喇，洗完塊面之後我神奇咁發現，鼻哥上面啲黑頭同毛孔裏面嘅污糟嘢真係少咗好多！而且一摸自己塊面，奇蹟般咁滑溜，好似BB嘅皮膚咁！ 連續用咗幾日之後，塊面基本上冇乜痘痘啦！皮膚前所未有咁透亮！ 真係超級鍾意！實會再回購！！！！

zetalhc好用推薦：喺日本藥妝店購入，清潔能力同潔淨毛孔嘅能力都普普通通，但係就勝在性價比好高，長期用可能會覺得洗得唔夠乾淨會堆積角質

iliya 好用推薦：呢款潔面泡沫方便使用，一擠出嚟就係豐盈嘅泡沫，唔使再自己慢慢打起泡沫，但係用完後有繃緊嘅感覺🤦🏻‍♀️

格仔餅公主好用推薦：泡泡洗面好方便不過好快用哂一支，洗完塊面有好乾淨既感覺，建議夏天用因為佢保濕感普普通通

JimGirl好用推薦：購買原因： 幾次看到門市好似有熱烈推薦咁，就買支試試。明知打廣告成分高。但有陣時未試過，可能會有驚喜。 用後感： 一支普通嘅潔面產品。我有用foreo洗面機，起泡各樣都係無咩特別，正正常常。做到潔面產品應該做嘅工作。但用完一整支後，終於發現到佢嘅好處。用佢洗完搽乾面後，皮膚唔會又乾又緊。搽爽膚水前塊面仲可以係好neutral嘅感覺，唔會乾到好繃緊。 不回購原因： 優點只有一個，雖然係一個唔錯嘅優點，但潔面產品世界實在太大，我會想比機會其他產品。同埋其實性價比唔係太高。亦都有好多價格比佢相宜嘅代替品。

choichoi好用推薦：日本購入，以為會適合老公使用怎料連他也嫌乾，產品過分潔淨了！