日本眼影 推薦好用產品

綺羅香好用推薦：近日想出門時先發現，我手頭上嘅眼影都偏向秋冬系，反而無乜啱春夏嘅顏色，於是就去咗化妝品店諗住平平地買幾盒，記得細妹以前幾推薦canmake 梳乎厘眼影，見出新霧面版本，就揀咗M04珊瑚粉色 霧面版嘅梳乎厘眼影全盒得左上格係亮片，蜜桃底色配亮片比較疏，不過勝在夠幼細，疊加兩層係陽光照射之下非常閃，右邊嘅粉紅色同珊瑚橙帶有非常輕微緞光，飽和度較低，要疊加三層左右先比較顯色，左下朱古力啡堅霧面兼高顯色，上一層已經好夠 眼影盒後面自然附有canmake 一貫嘅貼心教學，不過如果怕失手，我反而建議眼部打底之後，淨係上粉紅色或者珊瑚橙淺淺一層做打底色，然後用朱古力啡增強眼尾，最後用亮片打亮眼中，眼頭同埋卧蠶，簡簡單單完成一個眼妝 梳乎厘眼影粉質非常順滑，超出我對開架眼影嘅期待，用手不斷來回捽都唔會飛粉，上眼皮貼服，亮片都唔會飛到成塊臉都係，我比較鍾意附帶棉棒，尤其係幼嘅一邊，啱啱好上眼尾同卧蠶，棉頭唔會痴實眼影粉，確保全部眼影粉都可以上哂皮膚度，期待日後會出更多顏色

星海之夢好用推薦：之前見佢做推廣嘅時候就買咗M04色系，作為新手好容易就可以跟住佢後面嘅建議做到相似嘅效果，m04色系偏向活潑嘅感覺，美中不足嘅地方就係好容易甩粉，整體感覺都唔錯。之後又買咗m01色系， 大致上同m04色係使用效果同缺點都差唔多，都幾推薦化妝預算唔高但又係新手嘅人去買呢一款。

Emily Leung好用推薦：Excel Sr03真是神一樣的眼影盤 怎麼做到盤面看起來寡淡無聊但是塗在眼睛上這麼有神采的… 不得不承認日系做這種珠光濕潤感真的有一套。整盤都是珠光色，妙就妙在，它的珠光細到類似於緞光粉質又足夠軟糯。所以成功避開了大珠光會造成的腫脹感，兩塊深色還能幫忙自然消一下腫。 配色是日系盤一貫堅持的清淡，妝感看起來清透溫柔，很顯眼睛神采。整盤是中性大地色，不暖不冷，勝在不挑人，單眼皮雙眼皮都能用！ sr03 就是為通勤而生的盤子！主打不出錯+不費事 對於新手來說不用動腦研究配色，不需要厲害的手法 甚至不用刷子，手指 or 自帶的海綿棒都能搞定！

auntiemuscle好用推薦：大推excel呢盒眼影 呢盒cx05(推出之前一路私心想買cx04因為鐘意綠色）同埋之前做左color test我係岩autumn啞我就試下呢個tone晚眼影😀 雖然佢價格比其他開架高少少 但絕對性價比高 眼影粉好滑 唔飛粉 想透薄啲就用掃上 想實啲顯色啲就用掃疊/印上去 同埋好多日系都透明感重 響我呢啲「小麥肌？」就唔係好顯色同埋冇妝感 佢左上第一格都唔會顯腫（當然唔好搽到上眼窩） 反而覺得有啲元氣 鐘意佢右上同左下格閃 有啲偏光 chrome 啡色果格佢係啞色有少少光 做眼線我嫌佢唔夠色 但疊眼線上面做過度色就好靚岩岩好 個啡係少少偏藕色 同埋！keep到全日冇溶！

YYeman好用推薦：Lunasol 四色眼影 02 係佢哋嘅經典色號，叫「Beige Beige」，成日被譽為「大地色眼影嘅教科書」。 優點： · 粉質極細：日系眼影嗰種濕潤軟糯感，用手指上色已經好貼膚，唔飛粉。 · 光澤高級：唔係歐美系嘅大閃片，而係細緻嘅絲緞光澤，望落皮膚有自然通透嘅立體感。 · 配色穩陣：四個色由米白、淡金、淺啡到深朱古力色，點畫都唔會出錯。新手都唔怕變「熊貓眼」。 · 層次感好：由淺到深一層層疊加，唔會話一嘢落太重手，好易暈染出眼窩深邃度。 缺點： · 顯色度偏低：鍾意歐美濃妝嘅朋友可能會嫌太淡，要來回疊幾層先夠色。 · 持妝度一般：油眼或夏天用，唔用眼影底霜嘅話，半日左右個光澤會變淡，深色位會有少少積線。 · 性價比普通：以開架價錢嚟講，Lunasol 定位中高價，但包裝同粉質對得住個價。 總結： 適合追求自然氣質、日常返工返學用嘅朋友。特別係偏愛偽素顏、清淡眼妝嘅人，會好鍾意佢嗰種「唔覺化咗妝，但對眼有精神咗」嘅效果。如果鍾意顯色或玩 colour，呢盤就未必啱你。 💡 小貼士：用指腹上中間兩格光澤色再掃開，比用掃更顯色；最深色用扁掃畫近睫毛根部，可以自然代替眼線。

lingbb好用推薦：- beige beige01係經典通勤大地色，無論包裝定內涵都非常精緻。閃亮鏡面包裝非常有質感，眼影質地很細緻，上起來都相當服貼，持妝度去到夜晚都係完整 - 屬走低調溫暖的氣質路線 - 左上米金色嘅珠光可同膚色融合，滲出好靚嘅光澤度，唔會飛粉 - 右上溫暖米金色＆左下暖駝色都屬淡低調眼影，冇明顯的亮片卻帶有細緻低調的珠光光澤感 - 右下眼線色係溫暖咖啡金色，深色裡帶有比較明顯金色亮粉 - 呢種淡雅的米色還是較適合偏白膚色嘅人，有氣質感，一般場合都相當實用，出錯率低！推薦！

KDing好用推薦：岩岩一開始上妝個妝效好靚 閃令令 但係過多幾個鐘之後 d閃粉就好快甩曬

Blueblueblue好用推薦：好多地方都有設開架櫃，十分容易買到。 閃粉幾大粒，跌到眼肚到都有。

mysecretgarden好用推薦：之前成日覺得，要用閃粉先至可以令到對眼望落大啲，點知其實太多珠光，反而會令內雙眼皮睇落更腫，有時仲會好似「油淋淋」咁。轉用呢盒霧面眼影之後，先至發現原來啞緻嘅效果先至最啱我。佢啲低調嘅大地色，好似幫對眼「打陰影」咁，可以好自然地加深眼窩個輪廓，令對眼即刻變得立體同有神，出嚟個效果仲好自然添，返工用就啱啱好，低調得嚟又有精神。 對新手來講，佢最貼心嘅地方就係盒背有清晰指引，直接講明邊隻顏色應該查喺眼皮邊個位置，跟住佢個步驟由A掃到去D，完全唔使驚唔識配色或者落手太重，真係零難度！ 講到粉質，真係要讚一讚。摸落好柔滑，上眼好順滑，唔會一嚿嚿。佢嘅顯色度唔會話一掃就好濃，反而可以慢慢疊加，對於我哋呢啲新手嚟講就最安全，點都唔會失手畫到好似熊貓眼咁。而且質地輕薄，持久力都算幾好 ，通常朝早花完我就唔會再補夜晚返到屋企都仍然喺度，而且都冇乜甩粉。 最後不得不提嘅，就係跟盒附送個支掃！好多開架眼影跟個啲掃都係「擺設」多過實用，但係Canmake呢支雙頭掃真係好好用，鬆果頭用來上底色同暈染，扁果頭就用嚟畫眼線色，軟硬適中，拎出街補妝都好方便。 總括嚟講，如果你都係內雙或者單眼皮，又想搵一盒低調

Kmggigi好用推薦：講到開架眼妝，就不得不提canmake🥳 以前作為化妝新手嘅我，問朋友話眼影用邊個牌子好，好多人都會推介我Canmake 因為顏色選擇多，同時性價比好高，新手試用就啱啱好 皮膚狀況: 冬天乾敏肌，夏天混合偏乾+少敏感 產品使用情況: 我嗰陣聽咗朋友講揀02 05號色，兩款都係偏大地色 啱晒新手，如果想行穩陣路線 同時間深淺啡色都齊，方便當埋眉粉咁畫 粉質都幾幼細，不過唔算好顯色 當然咁嘅價錢就唔會有好靚嘅閃粉，但新手用算係咁！

ying好用推薦：🌸 ettusais 深邃雙色眼影 EYE EDITION COLOR PALETTE 02 Pink Brown 粉紅棕 大人系粉啡色・溫柔有氣質 日系開架眼影性價比之王✨ 🎨 02 Pink Brown 粉紅棕 左色｜絲緞光澤色 (Silk Color) → 帶細膩珠光嘅粉紅棕色 → 光澤感自然，唔會太閃 → 上眼後有通透感 右色｜啞緻羊絨色 (Cashmere Color) → 溫暖霧面嘅啡棕色 → 唔會太深，適合亞洲人膚色 → 可做眼尾加深或眼線色 💡 官方設計理念： 「絲緞色(Silk)」與「羊絨色(Cashmere)」 兩種質感組合，營造自然深邃眼妝 兩個色都帶有少許暖調 係好典型嘅「大人系」粉啡色 唔會太粉太可愛，而係溫柔有氣質 黃皮友好，唔會顯髒 💬 真實用後感 ✨ 粉質：★★★★☆ 粉質好細膩，摸落去係柔滑嘅 唔會飛粉，上眼好貼服 濕潤嘅粉末質地，唔會乾爭爭 ✨ 顯色度：★★★☆☆ 日系眼影一貫風格，顯色度中等偏自然 唔係一上就超顯色嗰種 而係可以慢慢疊加，新手都唔怕失手 想

Sanna Cher好用推薦：使用產品02色號有一段時間，主要配合日常和快捷，淡妝或韓日系的妝容，兩格顏色非常容易處理亦方便。用手抹塗眼影，見顏色為珠光乾燥粉紅淺色和深色，色調偏中性和冷色，飽和度甚高。塗上眼影前用大號眼影掃，先利用掃尖，從眼睛中間延展至眼尾，再由眼頭掃向中間。完成後，利用掃面，從中間至眼尾，將眼影大幅度輕壓在眼窩位，如何利用眼影掃面積視乎個人喜好。重覆動作三次，得到以上的效果。然後利用小號眼影掃，以輕壓的方式，由中間至眼尾，由眼頭至中間，分開兩次動作沾上眼影。重覆步驟兩次，得到以上的效果。完妝照片，是妝容運用乾燥粉紅作為主色的效果。

Bubu好用推薦：Canmake 眼影05色性價比高，幾十蚊一粒有排用，平時用嚟打亮眼頭同臥蠶一流！

Kura好用推薦：人生必買嘅開價品牌眼影，呢款單色眼影帶去旅行最啱，閃粉唔會好誇張，顯色飽和度高，搽上眼非常靚，同埋完全唔會飛粉，價錢非常吸引，係非常值得一試嘅開價眼影 #夏天 @cosme #開價眼影

Fng好用推薦：PU101 淺粉紫色，細膩清透， 閃到爆 ，唔飛粉 ，夠顯色，持久度尚可。

Yannie好用推薦：這個眼影是咖啡色調, 質地平滑, 塗上眼後感覺挺自然, 使妝容更漂亮。

Ruby Chi好用推薦：包裝好靚，顏色都好靚，而且質地好好，好滑 已經考慮緊買埋其他色

L好用推薦：喺松本清買，$80，顏色百搭，粉質順滑，持久到尚算唔錯，顏色清透自然，可以買來練下手。

Sccan好用推薦：日本眼影盤大多係珠光同閃粉，內雙眼皮嘅我就真係唔太岩用，Visée 新推出嘅4色柔霧眼影，5個色號都偏冷帶灰感的色調，我揀左PK-4，粉得黎又偏冷酷，有齊打底色米色、灰啡色，主打色紫啡、棗紅色，可以用廣告推介嘅「Z」咁mix黎搽，整體顏色非常配合秋冬，可甜可咸又有深邃感的個性眼妝 色號：PK-4 Dusty Pink 柔和煙燻粉 效果：透明感十足，色彩柔和不浮誇，日常通勤都合適，持久度正常 質地：粉質細滑，易推，不卡粉不飛粉 缺點：色調偏冷帶灰感，不適合黃皮；保持透明感所以顯色度不高，想深色啲要重手啲 #平價彩妝

Fng好用推薦：05 小小偏紅調嘅啡色，質感順滑，點少少上眼皮， blend得好均勻，十分持久，夠貼眼妝， 唔會起摺痕。

choichoi好用推薦：灰色跟帶點煙燻紫色，不會污糟的感覺，很清透，粉壓得滿實，且貼服度合格 #火熱新品

mandy好用推薦：Addiction Eyeshadow @$150 睛藝啞緻眼影 #001M First Look 象牙白色的眼影，非常百搭好用，可以打亮淚溝遮蓋黑眼圈、遮蓋法令紋使法令紋消失不見及提亮唇周，令唇部望荷更嘟更豐盈。

Fng好用推薦：Addiction 晴藝啞緻眼影用後感｜ 日系高級霧面之選 ✨ 粉質與顯色度 Addiction呢款啞緻眼影嘅粉質細膩到似天鵝絨，摸上手軟糯順滑，完全唔飛粉！顯色度屬自然系中上水平，一層係日常通勤感，疊擦兩層就夠濃郁，最正係點疊都唔會結塊～ 🌟 妝效與持久度 上眼後有種高級霧面質感，似IG濾鏡嘅自然柔焦效果！試過香港夏天帶妝10小時，只有雙眼皮摺位微積線，用指尖推開就恢復原狀～而且唔會卡眼紋，對眼周乾燥人士超級友善！ 🆚 同級眼影比較 · VS Laura Mercier啞光眼影：LM更顯色但粉質較乾；Addiction贏在貼服度 · VS Celvoke霧面眼影：兩者質感似，Celvoke偏黃調；Addiction色系更廣 · VS 3CE啞光九宮格：3CE平價但粉質較粗；Addiction精緻度完勝 精緻度：★★★★★（5/5，貴得有道理！） 適合：化妝新手、淡妝愛好者、追求質感嘅日系控～ #Addiction眼影 #晴藝啞緻 #日系眼影 #火熱新品

Fng好用推薦：KATE 2026腮紅眼影盤 PK2｜ 香港春天潮濕天氣實測 KATE於2026年初推出嘅「バウンシーチークシャドウ」（Bouncy Cheek Shadow），主打眼頰合一概念，一盤即可打造眼周至面頰嘅立體妝感。PK2色號「Pink Mousse」係溫柔嘅粉紅慕絲調，非常適合日系自然妝。 四色配置：A、B色（上兩格）為柔和霧面淡色調，適合大範圍打底；C色係珠光提亮色，用於眼頭及顴骨高位；D色係較深嘅重點色，用於眼尾至面頰嘅過渡位。眼妝與腮紅可以自然連貫，避免妝容斷層。 粉質與顯色度：粉體極其細膩，用手指輕抹已均勻上色，唔飛粉，上臉後唔顯毛孔，反而有柔和柔焦感。PK2帶有少少蜜桃感，顯色度屬自然系——一層係淡淡好氣色，疊加兩層更突出，喺春天潮濕天氣下唔怕一嘢重手變「兩舊紅印」。 持久度（針對香港春天濕熱環境）：有用家喺高溫環境下實測，帶妝超過8小時後用紙巾輕拭，幾乎冇殘留脫落，無斑駁或暈染。對於春天又濕又翳嘅天氣嚟講，呢個持久度表現相當唔錯。 春天潮濕天氣使用心得：香港春天最大敵人就係濕度高加溫差大，妝容好易溶或者黐笠笠。呢盤嘅優點在於粉體輕盈，唔會因為濕氣結塊或卡粉；而且暈染

Noel好用推薦：超乎想像的韓系眼影盤👍 雖然這個是The Face Shop X Disney 限量產品，但我相信品牌質量不變，日後可以回購其他眼影盤😍 比較一般韓系眼影，這盤顯色度較高，雖然不及歐美品牌，但作為日常化妝，綽綽有餘😆 眼影係pan 入面會深色一點，手臂試色剛剛好，尤其珊瑚色👌 最驚喜既，係手臂試色由上第3 - 5，這三個閃粉色係pan到睇，好粗糙顆粒好大，但上手效果係順滑細緻 OMG❣ 顯色 🌟🌟🌟🌟🌟🌟 持久 🌟🌟🌟🌟🌟 粉質 🌟🌟🌟🌟🌟 易推 🌟🌟🌟🌟🌟 包裝 🌟🌟🌟🌟

Kpl6be6好用推薦：#夏天 妝容好物！！之前入手咗呢盒特別版"silenced serenity"～被佢雲石包裝果種清雅高級感所吸引😍😍四款色系都非常實用！粉質易推兼顯色～輕易打造立體眼眸輪廓!!

Cherrie好用推薦：集打底、眼影、眼線一身 唔使三分鐘就化到一個眼妝 非常方便易用 已經用咗好多年

iliya 好用推薦：一盒有齊底霜、眼影、眼線，而且塊鏡好大塊，非常方便攜帶出街補妝！

Chingchan好用推薦：買過單包試用過顏色查上都很好看，很自然容易推開因為每天都習慣要查點眼影顯得人精神些

Fng好用推薦：在日本旅行時在loft購買， 粉質細緻，具透明感，金色嗰格帶銀色閃粉，好清透嘅感覺， 同埋沒有飛粉情況。 可以blending到好均勻，會購買其他顏色， 值得推介!🩷

deadblue好用推薦： 呢個係我吾小心買錯既眼影盤 但用咗幾次覺得吾差 好容易上色又吾點飛粉 譬如我手上呢個橙色好顯色 不過都容易blend 開