韓國藥妝 推薦好用產品

葉子🍃好用推薦：洗面膏偏橙色，好香既漢方味道，容易起泡，泡沫好濃密細緻，係比較溫和唔刺激既洗面、夠乾淨保濕，鐘意洗完面都唔乾，越用越好，逐漸調理皮膚，均勻膚色、皮膚光澤度增強，想再試下其他款

lingbb好用推薦：用得后既都唔會抗拒佢既中藥味， 聲稱蘊含多種韓方草藥，能減緩各種導致肌膚老化的外在因素，保持肌膚健康。 擠出黎係好杰身嘅膏狀，帶有濃郁既人參味，用豆仔份量加水出黎既泡沫就唔係話好細膩同豐盈，尚算可以。用後無刺激敏感！我覺得個優點係佢既味，清潔能力等等都無太大特別。佢價錢較高，所以未必會買了

傻傻小貓好用推薦：都幾顯色，不過有少少飛粉，淺色啲嘅閃粉可以用來畫臥蠶，幾實用

Noel好用推薦：只能說，韓國的美妝市場競爭非常激烈，看看 Missha 的方形眼影就知道。相片排列由新至舊，能夠看出 ？Missha 不遺餘力地改善產品💗👍 💜 紫盒：Glitter Prism [Metal] #04 非常緊貼潮流的花岡岩造型眼影，燈棕色底色，配上滿滿的綠色及銀色閃粉，非常搶眼。

Noelle S好用推薦：三四月差唔多日日天陰陰落雨，混合偏乾皮膚轉季面頰泛紅敏感，係萬記見Dr Jart+ 綠色丸made in Korea特價就買黎試試。每片連膠膜獨立包裝，有韌性既薄棉紙，比較易吸收唔笠，偏清爽型保濕，可以減輕敏感泛紅，已回購。

Noel好用推薦：因為喜歡 💙藍藥丸面膜的補水效果，所以就順便購入 💚綠色藥丸面膜試試！使用過幾盒，感覺ok，能夠做到補水，潤澤。 面膜質材很薄，面膜紙非常柔軟，能貼服面部皮膚。而大小也剛剛好，下巴的面膜紙不會太多👍雖然面膜紙薄，但是吸付精華液的能力優秀，即使冬天乾燥，敷上15分鐘還很濕潤❗ 唯一美中不足，係綠色藥丸面膜的氣味怪怪的，真的似西藥味😅 略為扣小小分啦～

Noel好用推薦：Etude House 有心之作，雖然已經絕版了，但相信還有其他平台可以購買。而且 Hershey's 聯乘系列，就只有兩個色號，如果有喜歡的顏色就入手吧~ Hershey's Powder Rouge Tint #RR402 #아몬드초코 #AlmondChoco 我連同 Cookie and Cream Palette 一起入手，本來只因為化妝品和朱古力品牌🍫合作才會購買。用後感覺這枝唇釉顏色很合我心意，質感有點像 mousse 非常 creamy，塗到唇上很順滑👍加上雲呢拿朱古力香味，實在大加分呢❣ 需要留意，因為是霧面唇釉的關係，雖然塗完後會變很啞緻，但仍然會沾囗罩的。建議薄塗唇釉，待乾後用紙巾輕壓一下啊❗

Kura好用推薦：顏色好靚，搽上嘴唔算好乾，搽上嘴可以打造到好有氣場嘅妝容感覺，但係價錢偏貴

Kura好用推薦：補濕一步到位嘅面霜，我用咗呢款面霜有一段時間，質地好舒服，我通常會用係敷面膜前作為加強保濕打底，呢個面霜加保濕面膜個效果真係無敵，可以達到即時補水，用完皮膚會好滑，大家可以睇下面霜嘅質地好似啫喱咁好水潤，同埋有淡淡嘅香味唔算好濃，產地係韓國，價錢都算合理，我覺得夏天用係冷氣房都唔會覺得乾，同埋搽上臉皮膚都會好快吸收 @cosme

Kpl6be6好用推薦：啫喱質感夠哂清爽～上面後保濕感幾好～但如果想再滋潤啲就要後結續加面霜之類去補一補至得～

zetalhc好用推薦：敷完之後可以鎮靜曬後嘅泛紅同埋舒緩皮膚敏感，覺得有為皮膚做到即時保濕嘅效果

格仔餅公主好用推薦：一粒粒的的式式用起黎方便同衛生，入邊岩岩好搽哂成塊面既量，覺得拎去長途旅行用都係一個方便既保養product

Emma W好用推薦：又到年末啦，又係時候要盤點下，邊款護膚品係「我最喜愛」護膚品。 潤燥再生精華面膜通常能有效滋潤和修復肌膚。能夠深層滋潤肌膚，讓肌膚感覺柔滑和充滿水分。特別對於乾燥或受損的肌膚有很好的修復效果，能改善肌膚的整體狀態，例如做完深層清潔後，立即敷返個保水面膜，效果會更上一層樓。 一片潤燥再生精華面膜能盛載3星期分量潤燥再生精華，注入高效人參活膚精萃，能即時修復肌膚保濕屏障，煥活肌膚活力。另外，面膜仲可以當作曬後S.O.S護理。當肌膚會變得乾燥、泛紅，敷上面膜後能鎮定肌膚，達到降溫效果。 面膜的精華液質地輕盈，用後感覺清爽，敷完過左10分鐘內，精華已經吸收曬，加上唔會太油膩。第二日，依然感到面部水潤帶點光澤，唔會有崩緊的狀態。 唯一要改善的，就是面膜的貼合度。敷上面上，要好努力先貼合到，但一會兒、乾左後，又會飛左出來。 適合肌膚：任何 成效度：4/5 保濕度：4/5 吸收度：5/5 貼合度：3/5

Noel好用推薦：終於可以試用這個潤燥面膜 💛 心情超興奮，因為產品價位比較高，個人沒有購買的意欲。有幸因為購買雪花秀套裝商品，獲贈三片❣ 面膜帶有淡淡黃棕色，就像面膜已經浸泡了滿滿的皇牌潤燥精華！面膜線偏薄，能夠很貼面又不易滑落👍 而香味就和潤燥精華液相近，都是滿滿的韓方藥材味道‼️ 面膜滋潤感覺很強，但不油膩💕 面膜精華液 light weight，容易被皮膚吸收❤ 敷完面膜後，最大的感受，係精華能滲透皮膚，面部變得紅潤有精神❣

Wuxx好用推薦：一直有買開依個brand嘅產品，準確黎講係一到冬天就必然會去佢舖頭一轉。 韓國出名氣候乾燥，所以到冬天我就會去買韓國品牌嘅護膚品黎用， 因為我深信佢地一年四季都咁乾，對付乾燥天氣一定有一手。 一開始踏入輕熟肌嘅時候咩都唔識，上網左睇右睇，見到全智賢幫依個品牌做代言！ 就係咁，我認識左依個品牌同入左坑~ 依個品牌主打自然發酵護膚，成件事好天然。 佢每一件產品都帶有少少韓藥香氣，由嗅覺到用完嘅觸覺都好舒服。 而佢依個精華都好符合到輕熟肌嘅需求，可以做到保濕，收毛孔同重建肌膚回彈力，冬天用真係好有保障同安全感🥳 質地濃稠但又做到易推開同易吸收，唔需要擔心用完會黏腍。 唯一缺點係我入坑之後佢就轉左代言人！sad me~

Milo101好用推薦：🌟黃色gel狀，有少少黏黏感 🌟怕立的可以簿簿塗上 🌟用後覺得皮膚穩定，溫和，滋潤性很強

candykandy好用推薦：用完個頭冇咁容易出油，執陰可以保持到唔太油，氣味都唔錯，不過如果有多啲味簡會更好

Katrina好用推薦：用左3個幾月，頭皮出油量有明顯減少到。以往訓醒個頭就開始油，尤其後腦位置開始變笠。依家出左一日街都仲保持到乾爽感覺。配合埋同系列既護髮素頭髮有變得比較柔順，而且味道唔刺鼻，應該係原料味，聞落幾舒服。 但個人認為佢做唔到防脫髮效果，表示無感。

Lumi Kwan好用推薦：方便易用，旋轉式設計，筆頭都比較硬淨，可以做到一條調味冇嘅效果，我示範嘅係啡色，本身設有啡同黑兩色，如果成日染髮嘅人，就會嫌佢可以選擇嘅顏色太少，所以可能本身天然黑或者白色較深嘅人先會選擇佢。 佢同個妝都幾貼服，我會建議點都用眉掃掃返均勻，感覺會自然好多。買嘅時候已經有一個refill，所以相對來講性價比幾高。 對比圖: 由上而下- M.a.c , 1028, laneige

choichoi好用推薦：來自這個知名韓牌的眉產品令我不斷回購，原因是它的持久度及防暈染度也高，但是價格不會太離地而且遇到「水貨」也就更便宜，屬性價比高

GinGin好用推薦：有香味嘅洗面膏，但唔確定係綠茶味，都幾保濕，又夠多泡，洗得幾乾淨，依個價錢都可以接受

Yin_sharing好用推薦：用咗幾支，唔使用好多就可起到綿密泡泡，洗完臉好清爽乾淨，又唔會有好乾嘅緊繃感。清潔力夠又幾溫和，氣味都舒服。

KDing好用推薦：噴霧都算幼細呢個算係去完gym Room之後想簡單保濕會帶過去噴嘅product

Hamiii好用推薦：行山當保濕噴霧用 可以輕輕紓緩到曬紅左既皮膚 溫和唔刺激，小朋友用都無咩問題

Hazel好用推薦：前排皮膚敏感所以買黎試吓，雖然有啲乾亦都有泛白情況，但冇令我泛紅或者敏感，而且防曬系數高，尼個夏天都會繼續用佢°

connielo好用推薦：已經用完條屍都唔見埋 但真心好用所以分享 質地清爽 不油膩 沒有顏色 不過我覺得用完面色都會有輕微提亮因為膏體係白色嘅(想有明顯少少既提亮膚色效果可以選擇橙色嗰款) 本人用好多防曬之後都要加碎粉壓油光 不過呢隻防曬唔洗 好似係皮膚上面有層膜咁 推薦✔️

Lilian Ching好用推薦：超推這款！！ 一開始是在專門店買東西時收到試用裝，那時剛好皮膚狀態不太好，一使用後便驚為天人 那陣子我的皮膚不知為何變得突然有點粗糙(不是敏感)，比較難吸收護膚品 使用了這款精華幾日後，皮膚竟變回柔軟水潤的狀態 後來查一下成份，原來裡面有維生素B3和B5，好像有增加皮膚彈性的功效， 雖然這款主打美白，但我最有感的是皮膚變柔軟。 質地是我喜歡的透明水狀精華，擦上臉也不會有油膩感，很好吸收。 本身皮膚很容易出油，夏天只擦爽膚水跟這瓶就夠了，如要上妝的話就會加上清爽的乳液。 氣味是淡淡的柑橘味，不喜歡強烈香料味的人應該都較容易接受。

suetying好用推薦：是次有活動 主題是關於美白 我就立刻想起這支美白精華 我要自打嘴巴一下 一開頭用我是對它沒有太大興趣 但最近再用它 用的次數由一開始一週一、兩次 轉為每晚都會用它 才發現到它的驚人之處 一直以為自己是一個皮膚白的人 直至 有一日我照鏡時 發現自己的懶惰令我皮膚已不是像從前般 膚色開始不均了 我就想起這支精華… 這支美白精華 是打開就聞到淡淡的橘子味道 我很喜歡它的味道 質地不是太黏的精華 大約30秒就會完全吸收 就算是上妝前用 它的質地也不會跟之後的底*’‘打交’‘ 不過我較喜歡在晚間睡前用 感覺連續用完之後 皮膚有種均勻左既感覺 如果係岩岩曬黑後用 每晚用係會慢慢有美白的效果 （需要晚晚用同份量盡量用多d)先會有效果 … 整體黎講 又係一個對皮膚無負擔既一種美白護膚品 我都好推介比各位想美白的sis #抗黑美白對策 #抗黑美白對策

Desse好用推薦：Play Color Eyes 4色眼影盤 Kisses 🛑先講！化妝新手雷區🛑 原因： 極 顯 色！ Play Color Eyes 4色眼影盤 Kisses是韓國品牌 Etude House嘅一款 #眼影 盤 包裝好似一粒kisses嘅朱古力🍫 連眼影都有朱古力味嫁💓 💡顏色方面 我手上嘅金色Kisses 眼影盤有4種唔同感覺嘅橙金色🧅 可以輕鬆混搭出日常同派對妝容 如果懶少少. 我有時淨上右邊隻橙啡色就算🤣 有漸層得嚟又有少少閃粉.. 隻色都幾消腫 💡質地方面 眼影的質地比較幼細…非常顯色💓 珠光或閃粉就比較大粒.. 但整體嚟講比較易飛粉 🔔小小tips🔔 係上眼影前.. 先喺下眼皮先上一層碎粉 就算飛粉.. 都可以輕鬆印走 值得留意嘅係…. 🏮閃粉狀態唔持久 帶有閃粉嘅顏顆粒比較大.. 都幾容易掉粉.. 最好配搭吓閃粉液用 🏮包裝盒比較大 包裝盒雖然好靚… 但size比較大 一般嘅化妝袋裝唔落😥 帶出街用比較唔方便 🧏🏻‍♀️🧏🏻‍♀️🧏🏻‍♀️總結吓 Play Color Eyes 4色眼影盤 Kisses係一款適合日常妝容嘅眼影盤 特別適合鐘意化妝用同一色調

WinWin好用推薦：一年四季都啱用嘅百搭眼影，大地色系用於平日嘅妝容，非常好看！！！

mavis好用推薦：質地非常厚，搽少少已經足夠，千祈唔可以貪心！試過一次用多咗，個頭笠到不得了！

Circlecyy20好用推薦：質地較濃厚 但用在頭髮很易吸收單次使用已有明顯效果 頭髮吹頭前使用 吹頭會有光澤 Cp值高

Kitty 好用推薦：今年夏天真係悶熱到癡線，出街唔使5分鐘已經成面油，個妝溶到好似地圖咁。之前見好多人推蘭芝呢隻Neo綠色氣墊，話專為油皮同混合肌而設，控油力一流，宜家同大家分享下我用落嘅真實感覺啦！ 1. 包裝：真係冇得輸！ 首先，個包裝真係冇得彈！佢個綠色好靚，有種好清新嘅感覺，質感幾好，簡約得嚟又夠潮。 2. 質地同妝感： 撲上臉嘅第一下，感覺好清爽，完全冇黐笠笠嘅感覺。粉質算幾幼細，拍勻之後係個種半霧面嘅妝效，唔會好似戴住個面具咁假，光澤度係從皮膚裡面透出嚟咁，幾自然！ 遮瑕度方面，我比中等偏上啦！我面頰有啲泛紅同暗瘡印，基本上拍一層已經遮到七七八八，如果瑕疵多嘅位置，可以局部再輕輕按多一層，都唔會覺得好厚粉。 3. 控油同持妝度：呢個係重點！ 作為一個大油皮，我最關心就係呢點！ - 頭4個鐘：真係冇得頂！個面保持到乾爽，喺冷氣房入面個妝完全冇變，好似自己本身皮膚咁好。 - 出街6個鐘後：T字位開始有少少出油，但唔係個種油光滿面嘅恐怖情況，而係變成一種好自然嘅光澤。最好嘅係，佢唔會點溶妝，只係用紙巾輕輕印走面油，個妝仲係好完整，冇斑駁！ - 成日返工放工：到夜晚睇，鼻翼兩側有少少

_.0406._好用推薦：雖然我係混合（偏乾）嘅皮膚 但因為比較多痘印 想遮瑕能力好啲就買左呢款 用左一年 不斷回購 佢嘅遮瑕能力的確唔錯 基本上一層已經可以覆蓋到啲印 唔洗再特別上遮瑕 出街真係好方便～而且佢唔算好乾 之前買其他牌子嘅cushion都會浮粉浮得有啲嚴重 但佢唔會有呢個問題（就算食開A酸+冬天環境下 只要做夠保濕都冇問題！）而且出完汗佢個妝對我黎講會更加服貼同好睇🤣氧化速度都唔算好快 持妝度都好好 粉撲上嘅窿窿都可以令用量更加平均 遮瑕：🌟🌟🌟🌟（4/5） 持妝度：🌟🌟🌟（帶口罩都係會甩妝有少少扣分）

Milo101好用推薦：🌟🌟保濕水有分清爽型及滋潤型，這個是滋潤型。 🌟🌟滋潤型比較濃淍，倒出來是半透明液體狀的。 🌟🌟有一陣像啫喱的香氣，個人覺得蠻好聞的。 🌟🌟塗在面上會感到水潤滋潤，即時補充皮膚面層水份，比較適合年輕肌膚作基礎保養。

Hamiii好用推薦：Toner黎講算比較杰身..但吸收速度夠快👍🏻 春夏出入冷氣房用無問題， 秋冬就唔太夠， 同牌子另一款牛奶水會好d Laneige純保濕產品一向都唔錯，呢支平平地都值得入手：）

Jasmine Yuen好用推薦： 1. 深度保濕：使用噴霧後，肌膚會感覺非常滋潤和水潤，能夠有效地提供深度保濕，減輕因乾燥而引起的不適感。 2. 舒緩肌膚：Innisfree 綠茶保濕噴霧含有豐富的綠茶萃取物，能夠幫助舒緩肌膚，例如曬太陽後使用可減少紅腫和刺激，使肌膚更加舒適和柔軟。 3. 提升肌膚亮度：綠茶成份具有抗氧化的功效，能夠有效地清除肌膚中的自由基，提升肌膚的亮度和光澤。 *返工時坐冷氣房，得閑噴下都覺得好提神👍🏻

Lumi Kwan好用推薦：佢比起紅茶噴霧，噴嘴噴出嚟嘅噴霧更幼細，但係保濕效能一般，噴完之後半小時，都會覺得皮膚有啲乾，如果講CP值，我覺得紅茶噴霧比較好。

貓餅好用推薦：啫喱狀面膜，一搽上面就覺得成塊面充滿水份，好快吸收，有淡淡的香味，朝早起身皮膚水潤有光澤，滿意

KDing好用推薦：好清爽既overnight mask 用一晚後起第皮膚好爆水 有時唔夠時間都會拎佢黎敷一陣