找產品
韓國藥妝 推薦好用產品
595 件
Poyobb好用推薦：冬季護膚❄️ 面膜質地較厚，透明稠身gel狀加入咗少少粒粒喺裏面，我混合性皮膚只會作普通面膜敷10分鐘，冇試過敷過夜。熱天敷咗兩次都會起暗粒，太潤喇。但而家冬天好乾燥、濕度好低嘅時候就啱啱好，滋潤感十足。敷完之後，用水輕輕會乾淨冇殘留，敷完之後化妝係幾貼，而且味道都幾香。 我敷完之後塊面係幾飽滿，又有滑溜感。最鍾意搽上面之後用手慢慢按摩，依種質地按摩面部係啱啱好，可以乾性皮膚，或者冬天都可以買嚟用。
<看全文>Paris merci 好用推薦：Laneige睡眠面膜，原來除咗藍色版本出咗好多新款，依款係膠原彈滑睡眠面膜，面膜質地較厚，透明潔身gel狀加有少少粒粒喺裏面，容易推開。雖然佢係潔身少少，但係又唔會焗住塊面唔舒服，即使敷住全晚都唔會好痕。睡眠面膜始終都要小心唔好周圍郁，如果唔係就會整到枕頭都係😛 入邊嘅香味幾舒服，膠原彈滑睡眠面膜，完全晚面部係比較飽滿有光澤，比經典補水面膜更加有感覺，冬天係比較啱用，嗰個保濕度係啱啱好，而且聞住呢浸味道瞓覺係好舒服💕
<看全文>
Jasmine Yuen好用推薦： 1. 深度保濕：使用噴霧後，肌膚會感覺非常滋潤和水潤，能夠有效地提供深度保濕，減輕因乾燥而引起的不適感。 2. 舒緩肌膚：Innisfree 綠茶保濕噴霧含有豐富的綠茶萃取物，能夠幫助舒緩肌膚，例如曬太陽後使用可減少紅腫和刺激，使肌膚更加舒適和柔軟。 3. 提升肌膚亮度：綠茶成份具有抗氧化的功效，能夠有效地清除肌膚中的自由基，提升肌膚的亮度和光澤。 *返工時坐冷氣房，得閑噴下都覺得好提神👍🏻
<看全文>Lumi Kwan好用推薦：佢比起紅茶噴霧，噴嘴噴出嚟嘅噴霧更幼細，但係保濕效能一般，噴完之後半小時，都會覺得皮膚有啲乾，如果講CP值，我覺得紅茶噴霧比較好。
<看全文>
Zoe 好用推薦：They let me gently exfoliate and my calm skin down real easily, which makes them perfect before makeup. Only downside is that targeted compresses for bad sensitivity aren’t that effective. Still, its pretty alright
<看全文>lingbb好用推薦：- 偏綠色嘅爽膚棉，入手原因係比較適合敏感時使用 - 化妝棉一邊比較滑身，一邊比較多紋，多紋用黎去鼻嘅角質，皮膚較敏感就會用滑果面 - 淡淡草本香氣，一點點微微清涼 - 成份有7種積雪草，另外添加水楊酸，可以幫助收毛孔、溶解皮脂、疏通毛孔。 - 呢款相比zero版，呢款可直接敷面、或直接去角質面部清潔兩用， - 咁多款爽膚棉我比較鐘意用溫和版去角質，Cica款局部濕敷降敏效果一般般
<看全文>
莓莓好用推薦：Torriden 5D微分子玻尿酸潤唇膏真實用後感！ 1. 包裝同質地：「軟管裝，冇咁易斷，乾淨好多」 佢唔係傳統扭嗰種唇膏，而係軟管斜咀，好似搽hand cream咁唧出嚟。 好處：唔會一扭就斷、用幾多唧幾多、掂唔到手指就搽（直接斜咀上嘴都順滑）。 質地係透明啫喱狀，望落好似好厚，但一推開就變水潤，完全唔黏！ 用紙巾抿一抿都唔會冇晒，呢點幾驚喜。 2. 味道同成份：「冇味冇味，嘴唇易敏感啱用」 完全冇香味、冇味，冇薄荷涼感、冇人工甜味。 成份同佢哋塊面膜一樣係5D玻尿酸，再加神經醯胺、B5，簡單講就係純保濕修復。 冇羊毛脂（好多人對呢樣敏感）、冇刺激嘢，成日嘴唇脫皮、會刺痛嘅人可以用。 3. 實際用後感：「薄薄一層就夠，死皮乖過隻狗」 · 啱啱搽：好似有層水膜包住個嘴，唔係豬油光，係自然少少令身 · 半個鐘後：個嘴仲係潤嘅，唔會好快乾返 · 瞓覺前厚敷：第二朝起身用暖水輕力捽，死皮自己軟咗落嚟，唔流血、唔撕皮 · 上唇膏前打底：等一分鐘吸收再上霧面唇膏，唔會卡一條條線、唔會一撻撻 4. 優點和缺點 👍優點 ✅完全唔黏頭髮 ✅冇味冇香料，低敏 ✅妝前用唔會整壞唇膏質地
<看全文>橘子貓好用推薦：Solid In Lip Essence 風很大的護唇膏。 品名雖然寫是唇部精華，但擠出來的膏體跟一般護唇膏沒太大分別。宣傳以植物油：荷荷巴油、橄欖油等作賣點，但主要仍是礦物油脂（凡士林）作基底，添加了神經酰胺，整體質地會相對薄一點點，但塗上嘴卻又油膩又黏稠。 產品封閉性不充足，保濕度又不夠高，短時間內不充以舒緩唇部缺水乾紋，長時間使用感又難受。就算忍着敷久一點時間，抹後產品後唇部很快又會變乾。 很一般的產品，不推薦。
<看全文>
Yty好用推薦：呢支保濕精華外型簡約美觀，樽蓋設計係旋轉式，非常之方便使用，有淡淡嘅清新香味聞落去好舒服，用咗兩支覺得皮膚飲飽水後「透明感」顯著提升，日頭化妝前用佢明顯幫到底妝更貼服，晚上可以單用呢支保濕精華，亦可以按需要可以另外再他功能性產品，性價比極高，會keep住用 #【提升肌膚透明感的護膚品】 #「透明感」 #保濕
<看全文>Kelvin好用推薦：呢款LANEIGE水庫補濕微質酸精華係乳白色半透明啫喱，帶有微香。作為一枝補濕精華黎講，表現中規中矩，價錢都幾親民，近幾年LANEIGE換咗包裝，感覺高級啲。 精華比較適合春夏季使用，用完之後冇乜黏膩感，水潤度得以提升。純保濕功能，正因為佢係比較薄身嘅補水精華，用上去即時可以舒緩到潔面後嘅緊繃感。精華入邊裡面有透明質酸，可以幫助提升皮膚嘅彈性。 因為質地算好輕薄，如果需要強效保濕可以選擇其他產品會更好。滋潤感亦唔會好持久，尤其係如果天氣特別乾燥，可能會有點不夠，搭配啲滋潤嘅面霜會好啲。 推介人士💁🏻♂️學生黨、混合性皮膚至油性皮膚
<看全文>
Fng好用推薦：Innisfree火山岩泥洗面膏用後感｜毛孔大掃除 ✨ 質地同使用感 呢支洗面膏係灰白色泥狀質地，加少少水就好容易起泡，泡沫都算綿密！聞落有陣陣礦物泥嘅自然味道，沖水個刻感覺好清爽，但就唔會好似用緊砂紙磨面咁拮肉～ 🌟 清潔力大檢閱 用咗一星期之後，鼻翼嘅黑頭有減少些許，尤其係夏天出油多個陣！而且毛孔睇落乾淨咗，冇平時咁多粒粒突顯出嚟～ 💔 缺點要注意 · 兩頰會有少少繃緊，乾肌部位要快速跟上保濕 · 唔可以日日用，否則可能會清潔過度 · 膏體比較硬身，要用力先擠到出嚟😮💨 🆚 同類產品比較 · VS 契爾氏亞馬遜白泥洗面奶：契爾氏更溫和但清潔力稍弱；Innisfree去油力更強 · VS L'Oréal火山泥洗面膏：兩者清潔力差不多，但Innisfree性價比更高 · VS Etude House毛孔洗面膏：Etude House較潤澤；Innisfree清爽感更勝一籌 💡 使用小貼士 1. 每週用2-3次就夠，唔好貪心日日用 2. 重點按摩T字位，兩頰輕輕帶過就可以 3. 配合起泡網，泡沫更綿密又慳料 4. 洗完立即保濕，拍多幾層化妝水補水 性價比：★★★★☆
<看全文>Chloeincosme好用推薦：Innisfree既火山岩泥洗面奶都幾出名，但買完返黎唔係好岩自己乾肌用所以就比左老公🤣 呢油肌黎講，呢隻洗面奶可以幫佢延長出油既時間，而且清潔力好強！用完膚感清爽，毛孔乾淨！清潔度呢到比5分🤍🖤留意無論乾肌/ 油肌用完佢都要做好保濕☺️ 再提： 乾肌小心：對於我自己乾肌嚟講，佢真係太乾🥹會乾到甩皮😂😂🥲
<看全文>
mandy好用推薦：Sulwhasoo 雪花秀 Concentrated Ginseng Rejuvenating Ampoule 滋陰生人參煥顏高效精華液 $880/ 20ml 功效: 提亮+緊緻+抗皺+舒緩 滋陰生人參煥顏高效精華液蘊含不少美肌成分，包括：保濕成分、抗衰老成分、抗氧化成分、鎮靜消炎成分及美白等成分。 由於滋陰生人參煥顏高效精華液的質地比較水感清爽，所以我在秋冬季使用時會混合美肌油或美肌膠囊一起使用，使滋潤度可以有所提昇。延展性極佳，可以輕易在全面均勻推開。 滋陰生人參煥顏高效精華液帶明顯人蔘香味，聞慣了覺得也不會不喜歡。 使用了差不多一整瓶，覺得膚況比較使用前更穩定，而且保濕力也有進步(做肌膚測試有改進)。使用後，提亮效果明顯，肌膚更是散發自然水光光澤。抗皺方面，雖然法令紋沒有完全消失，但也保持在較淡的狀態，並沒有加深。配合由下而上的按摩手法，肌膚漸漸變得更緊緻。 滋陰生人參煥顏高效精華液是早前用生日優惠半價購入，如果是要用正價入手(1瓶只有20ml 很快就用完)，會覺得太貴了，不可能一直長期使用，看來我還是比較在乎性價比。 (Formula 1)
<看全文>Emma W好用推薦：其人參換顏精華露，感覺唔錯。一唧出嚟，有濃濃嘅人參味。質地輕盈，但偏有少少油質，適合秋冬天時使用。用左一個月左右，面部皮膚緊緻有光澤，起碼唔會洗完面後好乾燥。感覺唔錯。 適合肌膚：任何 成效度：4/5 保濕度：4/5 吸收度：4.5/5 值得推薦度：4/5
<看全文>
hellolulu好用推薦：本身屬乾敏肌，曾經有一段長時間皮膚反覆敏感發作，特別是額頭又乾又痕，甚至出現鱗片狀脫屑和紅腫，又會忍不住抓至出血，非常困擾😢 在掙扎看專科醫生之際，朋友推介belif 品牌，經BA了解情況後建議加強肌底保濕修復，推薦使用兩款皇牌產品 - Moisture Binder 精華 和Moisturizing Bomb 面霜，孤注一擲下一試便愛上了! 精華和面霜都呈乳白色，相比之下面霜較扎實但非常水潤易推! 首次使用敏感位置已即時感到舒緩，加上淡淡草本香氣令人心情放鬆。連續使用兩星期左右額頭已幾乎沒有再脫屑，持續使用做好保濕，皮膚亦明顯比較穩定，很高興這一年多已沒有復發了🥲 兩款皇牌產品亦成為了我一年四季的必備好物😍👍 面霜對乾肌一年四季合用，有時皮膚有輕微敏感發作，會在睡覺前厚敷這款面霜當睡眠面膜，第二天醒來皮膚會比較柔軟飲飽水。早前推出了125ml jumbo size，不但CP值更高，而且是擠管設計，比罐裝使用起來更方便衛生! 已大手入貨🤭🤭 同系列精華和面霜均另有清爽型，較適合混合性肌膚～
<看全文>sarahhhh好用推薦：之前一直有用開belif既斗篷草炸彈霜，一直都好鐘意～ 覺得夠保濕，搽完唔會笠！同埋味道好香，好舒服。 而呢款紫芹配方既炸彈霜係第一次用，覺得佢既質地會比斗篷草既厚啲，都會比斗篷草既保濕，不過我覺得就冇斗篷草個款用完咁爽，比較適合秋冬用，夏天既話都係用返斗篷草個款比較適合我～
<看全文>
shadow影子好用推薦：去韓國旅行嗰陣時買嘅，鍾意佢顯色度很高，可以打造雅致嘅唇色，輕鬆打造性格妝容，超適合秋冬天使用。詢問度很高喔。
<看全文>yykk88好用推薦：#夏季戀愛感妝容 雖然係戴住口罩，但同男朋友約會個陣唔少得會有去沙灘、去餐廳食野無戴口罩既情況出現，所以我夏季依然會用唇膏（同埋買左唔好浪費嘛haha!）～ 之前睇facebook廣告就睇中左Clio既唇膏顏色，於是就係佢到一買買左4支！自己中意查啲自然啲既coral色！查完之後個人望落都精神左！男朋友都忍唔住錫多幾啖，仲話呢個色睇落白啲同自然💕 我有咬嘴皮同搣嘴皮既壞習慣，所以個嘴成日好乾同有嘴唇紋～用左clio既唇膏可以幫我修飾返啲唇紋，睇落無咁乾～用左靚靚唇膏就忍左手唔搣唔咬嘴皮！推介大家試下clio既唇膏，價錢都好相宜 非常適合我呢啲小資女成日換色🥰先至一次過買4支！ 總括而言：| (• ◡•)| 質 地：♥︎♥︎♥︎♥︎♡︎ 價 格：♥︎♥︎♥︎♥︎♥︎ 保濕度：♥︎♥︎♥︎♥︎♡︎ 顯色度：♥︎♥︎♥︎♥︎♡︎ 持久度：♥︎♥︎♥︎♥︎♡︎ 推薦度：♥︎♥︎♥︎♥︎♡︎
<看全文>
Kitty 好用推薦：講真，Innisfree 支眉筆真係開架入面嘅平靚正之選，好多人都係回購再回購㗎！佢最正係雙頭設計，有筆有刷，畫完眉頭一梳，個妝效即刻自然晒，唔會一嚿嚿咁。 支筆嘅筆芯係扁扁地嘅，輕輕一畫就上到色，又順滑，對於想快速畫返條眉出街嘅人嚟講，真係好方便。顏色又唔會話一畫就好深色，可以慢慢疊加，唔怕失手變蠟筆小新😂。 不過都要講句公道話🤫，佢有個死穴，就係唔係好持久！如果你係好易出油出汗嘅體質，個眉尾好有可能撐唔到半日就消失咗一截。所以呢，大熱天時或者要去運動，就真係要加多層眉毛雨衣先穩陣。 總括嚟講，如果你係新手想學畫眉、預算唔多，或者只係求其畫下出街買個餸，佢絕對係高CP值之選！但對持久度有要求嘅油肌姐妹，就要諗清楚，或者搭多件防水產品啦！
<看全文>zetalhc好用推薦：性價比好高，十分推介俾學生！個人覺得呢支眉筆算容易控制，而家畫兩三下已經好顯色，最緊要係附送嘅刷頭好好用，可以令到眉型更加自然！
<看全文>