轉季護膚 推薦好用產品

Emily Leung好用推薦：敏感肌洗面奶First Aid Beauty✨ 擠出來的是乳白色膏狀，沒有流動性，無添加香料。加水在掌心搓揉後，因為不是皂基，所以起泡能力一般，但是打圈按摩後洗的非常乾淨。 洗面乳是弱酸性，因為裡面有蘆薈成分，成分天然，特別溫和。我打完水光之後用來潔面，都不會覺得刺激，洗完臉白白嫩嗯，也不會覺得乾和緊繃。 官網說這款洗面乳是可以卸除隔離霜和BB霜的，我一般用了防曬或者遮瑕的話，還是會先用卸妝乳卸一下再用這個清潔。 我個人感覺哦，和香奈兒的山茶花有的一拼，但是更溫和，對敏感肌非常友好，而且性價比太高了。

agnessstang好用推薦：同FAB其他產品一樣 所有膚質都可以用 濕疹/敏感肌都ok 有蘆薈成分 係比較溫和嘅cleanser 唔算係起好多泡🫧 但潔淨力不錯 洗完塊臉都唔會覺得乾💧 官方係話可以卸妝 不過我都係會卸咗妝先再用洗面奶🤣

Hamiii好用推薦：算係入手過最好既hand cream之一， 玫瑰味好出，滋潤度幾好😌 每次洗完手補一次，可以last到幾個鐘👍🏻 做promote都會再入手 正價就… 有d貴🤣

Noel好用推薦：Canvas 會員禮物❣她們家的玫瑰系列都是值得推介的好物，花香淡雅自然，不造作～ 手霜很好推，用量也很省，塗到手上易吸收，還有點防水效果，表現勝過價位品牌👍

Heychauchau 好用推薦：這個潔面乳標榜是以溫和為主打，而且建議使用對象是中性至乾性肌。我本身肌膚是混合性偏乾，常常會處於缺水狀態，有些清潔力較強的洗面產品，用完後會覺得皮膚很乾很緊繃，而這個潔面乳不止沒有濃郁的香精味，使用後皮膚感覺到有水潤感，不緊繃，同時配合洗臉機使用，能夠有效清潔臉上妝容和髒污。有別於其他洗面乳會乳化，CLARINS溫和洗面乳碰水後可以產生綿密泡沫，可以仔細洗淨每一寸肌膚。由於配方是加入有機金龍膽根及檸檬香蜂草萃取，潔淨同時能夠維持肌膚的水潤度，因此不用擔心會過度清潔，適合那些追求溫和、中性/乾性肌膚，想要潔淨同時保留肌膚水潤度的人，會是作為我會回購的洗面乳的候選名單之一。

Kura好用推薦：呢款洗臉膏真係非常適合秋冬季節用，用完皮膚會變到好滑嫩，但又可以清潔走日常油污，令到皮膚變得好乾淨，用完皮膚會覺得好清爽，但又唔會覺得乾緊，呢款洗面膏加水可以起到好綿密嘅泡泡，味道非常好聞，價錢非常實惠，用黎做日常清潔一流，我通常用黎清潔防曬日常妝容都清潔得非常乾淨，推薦俾所有肌膚性質嘅朋友，產地係法國 @cosme

YYeman好用推薦：Curel化妝水｜敏感肌嘅「定心丸」！💊 一句講晒： 轉季爛面必備！唔係最平，但係最穩陣！✨ 質地： 清爽版似精華水，極潤版帶少少黏性，推開即刻化水！ 效果： ✅ 即時鎮靜 - 面紅面痕拍兩下，5分鐘降紅！ ✅ 隱形保護膜 - 補水之餘幫你築起「保濕牆」！ ✅ 百搭神器 - 同任何精華都唔打架，底妝更貼服！ 真心話： 皮膚好時覺得佢平凡，皮膚差時先知佢係救命草！🌿 回購指數： ★★★★☆ （扣一分因為價格年年悄悄升...） ～姊妹貼士～ 記住要按壓吸收，唔好慳！泵半下無用㗎！

Kmggigi好用推薦：Curel 極致保濕化妝水 — 水潤升級，乾肌救星✨ 質地: 呢款化妝水嘅質地非常流質， 比起化妝水II稍為濃稠一點， 但依然如水般輕盈好吸收， 使用後可以即時為肌膚補充水分，感覺清爽又水潤。 效果: 相比化妝水II，極致保濕化妝水嘅滋潤度更高， 保濕效果更加顯著， 特別適合乾燥肌膚或者需要深層補水嘅日子， 使用後肌膚感覺柔嫩有彈性。 不過效果比較單一，專為皮膚補水以設。 產品設計: 值得一提係，呢款產品嘅旅行裝設計非常貼心， 方便攜帶出門或者旅行時使用， 無論日常護膚定外出護理都非常方便。 總結：高效保濕，乾燥肌膚的福音 Curel 極致保濕化妝水以流質清爽嘅質地同顯著滋潤嘅效果，為肌膚提供深層保濕， 特別適合乾肌或者需要補水嘅肌膚使用。 配合旅行裝設計，係日常同出門護膚嘅完美選擇！💧

橘子貓好用推薦：Radiant Rejuvenating Balanced 有點像lotion的化妝水，有一點點稠度，聞着有淡淡的草藥味，不會像中藥材味，可以接受。使用了一枝deluxe size sample下來，有補水感，可以保濕滋潤，暫未見其他效果。

Ellie好用推薦：質感滋潤水潤，適合乾燥皮膚及轉季嘅天氣，淡淡嘅香氣聞落去好舒服，而且好快就被皮膚吸收，持續用會感覺到皮膚變得柔軟左，膚質亦都變得平滑左不少，改善咗我一直以來乾燥嘅皮膚，亦都平衡左我肌膚嘅穩定度。👍🏻👍🏻👍🏻

Carcar好用推薦：買正貨之前用過試用裝幾日，已經俾佢深深咁吸引住😻 呢支精華係洗面後第一個step用，平時洗完面乾爭爭，一用呢個精華就好似救命神仙水咁，塊面嘅肌膚即刻變到好嫩滑。呢支精華質地好水潤，好快吸收。而且用咗咁耐都冇敏感，冇生暗瘡，敏感肌都好啱用！用咗大概兩個禮拜之後，塊面明顯有光澤咗，連朋友都睇得出分別😻推介！

pouchofdouglas好用推薦：前前後後用左幾支細細支 質地未至於完全清爽，係會有少少痴手 搽完感受不大，最多覺得有啲保濕 應該唔會回購貨裝

Kmggigi好用推薦：Curel 深層控油保濕泡沫潔面乳係一款專為油性肌膚設計嘅潔面產品 相比起同系列嘅豐盈泡沫洗面乳， 呢款潔面乳喺控油方面表現更加優秀， 專為容易出油、毛孔堵塞嘅肌膚設計， 有效清潔多餘油脂並維持肌膚水油平衡， 令面部更加清爽乾淨。 泡沫質地同樣綿滑豐盈，能輕柔包裹肌膚， 溫和去除污垢同油脂，用後肌膚感覺潔淨清爽， 但唔會出現繃緊感，保持舒適嘅潔面體驗。 潔面乳特別針對毛孔問題設計， 能有效預防黑頭同粉刺， 日常使用後，明顯感覺到毛孔更乾淨， 油脂分泌減少，肌膚變得更平滑健康。

Wendy好用推薦：Cruel 呢支洗面奶適合敏感肌膚使用 泡泡好綿密 好溫和 夏天使用可以控油而且用後吾會感到好繃緊 會再購

WSum So 好用推薦：The ordinary出名用最基本，減少不必要嘅添加成份去製造產品。 今次我想同大家講吓呢個玫瑰油。玫瑰水好多人都會用，但其實玫瑰油都係好不錯嘅補濕選擇！而且我都用左3-4枝！真心推薦比大家呢個性價比極高嘅油！ 我建議大家可以係晚間用，可以加落cream到溝埋一齊再上面！吸收好好，而且溝埋一齊用可以減低油膩感！ 如果皮膚太乾但又需要化妝都可以加1-2滴落妝前乳到，幫助皮膚係化妝時更有水份，減低乾燥感。

Hamiii好用推薦：玫瑰味唔算好重，但足夠保濕👍🏻 呢一支拎左黎按面用😌 年紀開始大，買左部按摩美容棒🤫 用呢支油滴幾滴搽上下巴淋巴位， 再用支按摩棒碌下碌下， 聞住玫瑰精油味，精神好紓緩， 精華油吸收得好快，塊面可以持續滋潤之餘仲可以順手瘦面🤫 正丫😆😆

Kuma醬好用推薦：Sabon 的Patchouli Lavender Vanilla 廣藿香薰衣草香草香味是一個既高貴又療癒的香味，是Sabon最經典亦是獨一無二的香味。 揉合廣藿香、薰衣草、香蘭三種氣息，以獨特廣藿香喚醒感官，紫色薰衣草淡雅花香鎮靜放鬆心情，香蘭調和平衡，提振精神。 我覺得我以後都會購入呢隻香味嘅產品，請千萬不要停產啊！ 這個香氛雙重修護亮肌美髮油，可塗抹在皮膚和頭髮上，香港比較潮濕，很少機會可以塗在皮膚上，但我每天都會用來做頭髮護理，質感輕盈的護膚油能迅速被吸收，具瞬間滋養的功效，香味也後持久。 產品最大的缺點是瓶身的噴嘴不好噴油，不但油體難噴出，份量難控制，噴完後，噴嘴和瓶身滿是油，如果容器不改進，我下次未必再購入這個護膚油的產品了。

lovemon222好用推薦：我使用的是茉莉味，味道不會香精的味道，有別於平時聞到的茉莉味道，它帶有一點點香草的感覺。質地方面，流動性很強，有一點點像水劑，不會黏膩。冬天皮膚太乾燥，我平時是配合身體乳全身使用，按壓兩下已經很足夠，圖片可見，塗抹均勻後，皮膚光澤度很高，吸收很快。 因為護膚油可以供頭髮使用，個人用過兩次，覺得還是使用頭髮專用的護髮油會比較好，由於它油份比較多，潤澤度是有的，但若然份量控制不好，容易令頭髮過油。

YYeman好用推薦：曼秀雷敦薄荷潤唇膏真係我每個冬天都唔可以冇嘅唇部救星！一到冬季，雙唇乾到繃緊、甩皮甚至爆拆，唔搽潤唇膏真係唔掂。而呢支薄荷潤唇膏就成為咗我冬季護膚 routine 裡面，隨身必帶嘅神器！ 保濕同修復效果相當唔錯： · 膏體軟硬適中，一搽上嘴就有陣清涼薄荷味，好醒神！而且涼涼哋嘅感覺，可以即時舒緩乾燥帶來嘅不適。 · 佢嘅保濕力好持久，唔係假潤嗰種。冬天出街前厚搽一層，可以維持幾個鐘唔覺唇部繃緊，就算戴口罩都唔會覺得黐立立或者好悶。 · 對於輕微爆拆同甩皮，佢嘅修復效果都幾明顯。我試過臨睡前厚敷，第二朝起身死皮會軟化，輕輕一抹就甩，唇部變得柔軟好多，冇再扯住痛。 冬季護唇心得： · 我會習慣喺搽唇膏或者唇釉前，薄薄打底一層，等幾分鐘吸收咗先上妝，咁樣可以減少唇紋，又唔會影響妝效。 · 如果唇部狀態特別差（例如嚴重爆拆），我會先濕敷再用佢厚敷，當作唇膜咁用，急救效果會更加好！ · 不過要注意，如果唇部有傷口，薄荷成份可能會帶來少少刺痛感，建議等傷口好返少少先用。 總括來講，曼秀雷敦薄荷潤唇膏係我冬季性價比極高嘅選擇！清涼感喺凍冰冰嘅天氣用特別舒服，而且保濕同修復能力都交足功課，細細

Kmggigi好用推薦：嘴唇皮膚狀況: 嘴唇偏乾，比較易甩皮，上唇色偏暗沉 講到潤唇膏，稱這支曼秀雷敦為經典始祖也不為過！ 春夏季雖然濕度較高，但日常唇部護理仍不可忽視 平時我就習慣用曼秀雷敦潤唇膏維持夏季唇部健康狀態🥳 潤唇膏質地輕盈水潤，無色透明但使用後會帶有自然透明感， 同時散發淡淡薄荷香氣，會有清涼嘅感覺 上唇後有即時保濕效果，同時亦不會過度滋潤或黏膩， 非常適合春夏季節使用。 另外因為質地透明，能有效撫平唇紋，作為妝前打底效果一流👏🏻 產品效果: 唇部明顯乾燥，唇紋較為明顯 上唇後，肉眼可見唇部狀態有明顯改善，唇紋顯著減淡

Blooming好用推薦：Kiehl’s 1號護唇膏，覺得都幾好用，配方好夠滋潤，又不會令我咀唇過敏，令咀唇光澤度都好靚。

Blueblueblue好用推薦：豬油膏般嘅質地。 無法修護唇紋，保濕度一般。 容量大，保裝唔易爛。

Chloeincosme好用推薦：呢排轉季，皮膚開始唔穩定，所以買左Minon 濃潤保濕化妝水出嚟用！佢係專為敏感肌設計嘅超保濕化妝水，用落真係好安心～ #轉季 #換季 必備 🤍 保濕度：5/5 質地濃潤但唔黏膩，拍上臉即刻有種皮膚「飲飽水」嘅感覺，轉季乾燥引起嘅繃緊感即時舒緩！ 🤍 溫和度：5/5 成分簡單純淨，就算皮膚泛紅敏感時期用都零刺激，仲有鎮靜效果！ 🤍 吸收度：4/5 雖然質地較稠，但輕輕按摩就好快吸收，用完皮膚軟滑水潤，後續護膚品都吸收得更好！ 🤍 持久水潤：4.5/5 保濕力可以維持到大半日，就算吹住冷氣都唔會輕易乾返，面頰保持住水潤感！ ### 總結： Minon呢支化妝水絕對係轉季救星！尤其適合乾燥敏感肌，保濕力強得嚟溫和安心～已經成為我春秋季必備，會持續回購！推薦比所有受轉季困擾嘅朋友！

mandy好用推薦：Minon 濃潤保濕化妝水 II Moist Charge Lotion II $168/ 150ml watsons or mannings $120/ 150ml hktvmall 蘊含眾多優質護膚成分，如: 保濕、抗衰老及鎮靜消炎等成分。 成分溫和，不含酒精、香料及色素，敏感肌也可安心使用。 質地有點似精華，延展性佳，保濕力很不錯， 可以即時為肌膚叉電補水。 使用感水潤保濕舒適，可以即時擊退乾燥。 我也喜歡把濃潤保濕化妝水 II倒在壓縮面膜中， 在早上敷5分鍾的化妝水面膜，可以加強保濕， 令後續上底妝可以更加貼面。 惟容量不多，性價比雖不及其他開架品牌， 但成分及使用感都很好，可說是物有所值。 再者，在開架敏感肌品牌中，價位也頗具競爭力，亦比較多優質護膚成分，推介給敏感肌及乾燥肌使用。 含保濕成分: 甘油, 丁二醇, 甲基葡萄糖20環氧乙烷, 聚乙二醇-75, 絲氨酸, 甜菜鹼, 精氨酸, PCA 鈉, 丙氨酸, 賴氨酸 HCl, PCA 椰子醯精氨酸乙酯鹽, 甘氨酸, 蘇氨酸, 纈氨酸, 組氨酸, 脯氨酸, 白氨酸, 聚季銨鹽-61, 氫化卵磷脂, 玻尿酸鈉 及 水

natanatalie好用推薦：可以在秋冬令肌膚更亮澤，但質地有點厚重，不太適合油肌，一小滴便足夠。

Kura好用推薦：我冬天好鍾意用呢款油，可以好快速令到我嘅皮膚得到修復，滋潤度足夠，但價錢偏貴

sammiimelda好用推薦：呢款護手霜主要係買俾我屋企嗰位用嘅 因為佢唔想要太重香味嘅護手霜 而且佢話呢個包裝望落去好Pro 😂 佢嘅質地係比較重身 似係膏狀 完全冇香味 延展性唔高 但因為藥用護手霜 主要都睇返係功能上面 的而且確 冬天乾裂嘅話完全係滋潤到嘅

波娜好用推薦：好好用！又平！（$20一枝） 雖然細細枝 但係因為佢潤 所以咇少少都夠用～ 佢最好嘅就係潤得嚟又唔笠！ 搽完大概半分鐘後就吸收 可以掂keyboard/文件都唔會hi到周圍黏笠笠～（我之前用其他牌子會搞到啲紙有個油印） 大推 會回購

helloapap好用推薦：❌ 方便度 喺網上搜尋SOFINA呢盒粉底，會見到好多個碌碌既負評😂自己親身用過之後，的確係唔好用。個海綿碌碌既設計，令鼻翼兩側、嘴角、眼角呢啲細微位置好難精準上妝，通常我都用手指撩少少粉補角位。而且個碌根本掂唔到盒粉底既邊角位置。加埋本身啫喱狀好易痴墊，用一陣已經係肉眼可見既污糟。呢個設計真係好扣分。 ✨ 妝感 雖然上妝過程係幾伏，但係妝感自然貼服，柔焦毛孔嘅同時冇厚重粉感，睇落膚質健康又精緻，適合鍾意霧面妝既人。 ⏳ 持妝效果 Primavista系列最令我欣賞嘅，係佢嘅持妝能力。對我呢個混合肌嚟講，佢嘅控油能力幾好，T字位出油速度明顯慢咗，但兩頰又唔會因為咁而覺得繃緊或者乾。正常情況下，帶妝一整日只有鼻翼有輕微脫妝，成個妝容完整性好高，唔會暗沉或者斑駁。 特別要提嘅係，佢好適合轉季嘅時候用。喺天氣唔穩定、皮膚容易敏感或者乾癢嘅春秋兩季，佢既可以提供足夠保濕度避免乾紋出現，又可以有效控制因為溫度變化而失衡嘅油脂分泌，令個妝容喺轉季期間都可以保持穩定靚仔嘅狀態。

Emily Leung好用推薦：🥛 Laneige 牛奶柔滑細膚水真實測評 | 乾肌救星 見到好多人話呢支「牛奶水」保濕力超強，仲話可以改善粗糙肌膚。我本身係混合偏乾肌，轉季個陣塊面成日繃繃緊，所以就買嚟試下啦！ 奶白色樽身好靚，倒出嚟嘅質地真係好似牛奶咁！質地比普通化妝水濃稠少少，流動性都幾好。上臉後好快吸收，皮膚即刻有光澤感。 倒出嚟係奶白色嘅液體，有陣好清淡嘅花香味。質地比普通化妝水濃稠少少，但推開後好快吸收，唔會黏立立。 即刻效果：拍上臉個刻已經覺得好水潤，皮膚好似飲飽水咁。 持久度：試過淨係用呢支水，冷氣房都可以頂到個幾鐘唔繃緊，保濕力真係唔錯！ 改善肌膚效果： 用咗兩個星期左右，最大感覺係： · 皮膚摸落去滑溜咗 · 鼻翼兩側嘅毛孔睇落冇咁明顯 · 上妝貼服咗，冇再起皮 優點總結： ✅ 保濕力強，適合乾燥肌 ✅ 質地舒服，吸收快 ✅ 用後肌膚有光澤感 ✅ 改善肌膚粗糙效果唔錯 缺點提醒： ❌ 油性肌膚夏天用可能會覺得太潤 ❌ 香味可能唔係個個都鍾意

橘子貓好用推薦：Cream Skin Refiner 產品是純白色水狀，抹上臉會感覺有一點點稠度，吸收得挺快，皮膚有即時保水感，但隨時水分揮發吸收後，皮膚又會變回之前的狀況。雖然產品宣稱是水狀乳霜，但真心沒有感覺跟一般化妝水有特別的不同。 另一方面是味道跟Laneige家的產品一樣，有一股奶精味，對氣味比較敏感的，可能會覺得比較人工。 不會考慮購入正裝。

natanatalie好用推薦：對油性肌不太友好的韓系氣墊🥲 妝感自然不厚重，遮瑕力中等，能修飾泛紅與小痘印，但深色痘疤仍需額外遮瑕。霧面款的柔焦效果能淡化毛孔，亮白款則偏水光。💦 在香港炎熱潮濕的夏天，霧面款的控油力表現較佳，妝容可維持約 6–8 小時，之後需要用吸油面紙或粉餅補妝。亮白款因為滋潤度高，容易在戶外環境出現油光，對油性肌不太友好。🥹 妝前保濕需要適度，不可以過份保濕，我只會用化妝水，否則容易斑駁或加速出油。出油後妝容會融合成自然光澤，不算假面，但有暗沉的可能。整體適合日常通勤或短時間外出，長時間活動則需要補妝。😅 總括來說，霧面款在夏天油性肌上表現穩定，妝感自然，持妝力中等，個人認為更適合乾肌或秋冬。要達到最佳效果，妝前保濕與控油產品必不可少。🙂

Lingyaulingling 好用推薦：天氣越來越熱，我容易出汗， 如果化妝🪞 最緊要選質地透薄的粉底液，我自己買了： Parnell 積雪草持妝柔霧粉底液⁣ 💚 已有防曬系數SPF30, PA+++⁣ 👍🌞 💚長效水潤，質地透薄零負擔，而且遮瑕度⁣都不錯👍 ，我早上化妝完，妝容全日都keep 到， 不會暗沉⁣！因蘊含「積雪草因子」 ，能鎮靜養膚，夏天用一流！

Fng好用推薦：Grown Alchemist 🩷粉管Rich Restorative Hand Cream主打極致修護，用後果然名不虛傳～ 質地較黑管更豐潤，推開時需多兩秒按摩，但吸收後竟無浮油感！經典香草橙香溫柔治愈，留香耐過黑管。冷氣房吹足8小時仍保持柔軟，指甲緣倒刺即時撫平，乾紋明顯減淡，抗氧修護力確比黑管更強。 驚喜是雖屬「Rich」系列，但唔會悶出粒粒或汗膩感，夜晚厚敷做手膜效果最正！建議洗手後微濕時薄塗，吸收更快。唯一要注意是戶外長時間活動的話，銀管或黑管可能更清爽。 總結：粉管適合晚間/冷氣長開/極需修護的混合偏乾肌，香港夏天用絕對OK，但油性手肌慎選💥！

Also melon好用推薦：Grown alchemist 豐盈修復護手霜，這款是粉紅色包裝嘅玫瑰味加上木香味，中性味道成熟又穩重，冬天嘅感覺。 質地係軟膏，好易推開，吸收得好快，差唔多同L'Occitane一樣，唔會太油膩或者太清爽，適合作為手霜保濕度啱啱好，四季都適合用。唔會油油地，用完之後指甲邊死皮都少咗，修復效果唔錯。如果手特別容易乾，咁冬天可能會唔夠滋潤。 因為香味持久濃烈，絕對適合出街使用。

mysecretgarden好用推薦：講開卸防曬我一直都好苦惱。本身只係搽咗層防曬，但又未至於化全妝，為咗佢特登用卸妝水，又要拎化妝棉抹一輪，真係有啲麻煩。後來試咗Muji呢支溫和潔面乳液，先發現原來可以簡單咁多。 支嘢嘅質地同佢個名一樣，真係好乳液推開嗰陣好柔滑，完全唔會拉扯塊面，一開始都唔係好適應覺得滑潺潺，不過秋冬用呢就幾舒服。用完之後，塊面完全冇繃住嘅感覺，摸落去係水潤軟滑嘅。清潔力就屬於溫和派。如果我只係搽咗普通防曬，佢應該都可以洗乾淨。不過如果真係化咗妝，就未必夠力，我試過隻手度測試，真係要俾啲力先可以清潔到，比較起上嚟覺得同一個系列嘅啫喱表現就好好多。

Karman28好用推薦：真的是很溫和的潔面乳，清潔力較低，覺得完全無刺激性成份，十分適合敏感肌人士。 但一般夏天會出汗和油的，不太推薦。

Noel好用推薦：這枝 Elizabeth 8小時護手霜是特別版，白色 handcream 帶有一點藥品的味道，沒有很難聞，算是可以接受👌手霜質感 creamy，呈霜狀，不帶流動性。 雖然因為常常洗手的關係，無法確定產品標榜的8小時功效，但使用感良好，延展性佳，又不 heavy。手霜滋潤感不錯，吸收也快，會有滋潤感留在皮膚👍而且指甲邊沿位置，倒刺減少，沒有甘容易出血❗面對每天要用搓手液的日子，這枝成了我在 office的寵兒❤️ 聖誕一於回購 regular size 🥰 #冬季保養

iliya 好用推薦：呢款護手霜好long lasting，揸完之後幾個鐘都仲係好滋潤，而且帶有淡淡的嘅中藥草本味道🥰