Curél

柔潤保濕身體乳液

前排天氣開始乾，對手腳好似有啲「蛇皮」咁，睇見都嚇親人。本身我皮膚幾敏感，唔敢亂用嘢，見好多人都讚Cruel隻保濕身體乳液，就走咗去買支試下。

一用真係好似搵到寶！首先，佢完全冇香味呢點已經大加分，唔會好似其他嘢咁，一陣化學味焗住好難頂。其次，佢個質地真係好得意，睇落好似係好「水」嘅乳液，一推開就變到好輕薄，好似瞬間俾皮膚吸咗入去咁，完全冇平時用身體乳嗰種黐立立、唔舒服嘅感覺。估唔到咁輕盈嘅質地，保濕力可以咁持久，第二朝起身摸落對腳都仲係滑捋捋，冇再因為乾而痕。

最緊要係，用咗佢之後，我手臂因為敏感而泛紅同痕嘅情況真係少咗。果然係專為敏感肌而設，溫和得嚟又真正做到保濕，以後轉季都唔使驚啦！一定會再回購！

#身體保養