Curél

深層高效保濕面霜

Curel用過好多產品，面霜就第一次用。Cosme喺尖沙咀開咗旗艦店，小禮物抽到面霜，面霜連續三年攞到日本COSME第一，仲經常喺推薦榜上，口碑真係好好。

坦白如果係敏感皮膚嚟講就會覺得好好用，如果係普通肌膚就用起來就覺得一般，冇乜特別明顯嘅效果。但我冬天嘴邊好容易紅同甩皮，用完佢就會好舒服。

首先，個罐子好細好輕，隨時可以帶去旅行方便又唔重。面霜本身係一款保濕滋潤嘅面霜，質地唔算清爽，但都唔油膩，所以好容易吸收。用過之後，皮膚會有淡淡嘅水潤感，不過喺冷氣地方半日皮膚仍然保持滋潤又唔油，所以保濕效果其實係OK嘅。聞落去都冇乜特別濃郁嘅香味，好舒服😌