KISSME

纖細眼線液

以宜家天氣 (春天) 嚟講，我嘅肌膚係混合偏油。眼皮即使定咗妝都仲會出啲油，所以眼部彩妝要用持久同抗油水嘅。

我一路有化開淡妝，但從來都冇研究過畫眼線嘅秘技，因為手殘🤣直到最近開始想學化靚嘅眼妝，第一次挑戰就膽粗粗買咗呢枝眼線液。好多YouTuber同身邊嘅朋友都推介，所以即使眼線液難用都想嘗試。我買嘅係Kiss Me Heroine Make 纖細眼線液 (03 深啡黑色)。佢係一隻深啡帶黑嘅顏色嚟，正如色號所形容🤣買佢嘅原因係因為黑色會太兇惡，啡色又太普通。呢枝眼線液好順滑，完全冇斷墨，筆頭好尖好幼，可以好精準咁畫到一條幼嘅眼線出嚟。持久又抗油，非常推薦🫶🏻我朝早7:30畫好條眼線 (冇定到妝)，放工後食完飯去咗飲酒，到夜晚11:30先返到屋企。眼影已經甩晒，唯獨係條眼線仲留咗喺度！好癲，大推！下面幅圖可以見到雙眼皮皺摺位堆積咗嘅眼影粉，雖然條眼線有少少甩，但正常社交距離都仲清晰可見！因為第一次畫想試吓佢有幾持久，所以冇定到妝。之後/夏天我會再努力定妝，等佢可以更持久🤣價錢: 10/10
持久: 10/10
抗油: 10/10
回購: 100/10💕