LAURA MERCIER

柔光透明蜜粉

蜜粉絕對係LAURA MERCIER嘅皇牌產品。專櫃品牌嚟講其實價錢又唔算貴，一盒蜜粉其實真係好襟用。

呢款蜜粉帶微黃色，冇帶任何珠光。蜜粉嘅質地非常細緻、幼滑。由於我係混合油肌，T字位容易出油，所以我覺得用粉撲上粉嘅效果比用化妝掃好，喺額頭同鼻嘅位置額外再印多幾下蜜粉，基本上都可以保持到大半日。上面之後有種自然透亮嘅霧面感，仲有少少修飾毛孔功效（見圖三before、圖四after），亦可以保持到粉底嘅原有顏色，感覺輕盈、有透明感。

香港嘅夏天實在太濕太熱，皮膚都透唔到氣咁，所以盡量都會揀啲輕身、透薄質感嘅化妝品，等妝感冇咁厚重。呢款柔光透明蜜粉，絕對係夏天透明妝感嘅好選擇。