LAURA MERCIER

柔光透明蜜粉

碎粉界big boss，真心平靚正！

✨ 妝感
粉質超幼細帶少少肉色，自然貼服完全冇厚重粉感，同本身個底妝融合得好好，適合鍾意霧面妝既人。柔焦效果明顯，毛孔同細紋都修飾到。平時翻工搽有提亮效果既防曬+呢款碎粉，我覺得已經見得人！

⏳持妝
對我呢個混合肌嚟講，佢嘅控油能力幾好，T字位出油速度明顯慢咗，但兩頰又唔會因為咁而覺得繃緊或者乾。正常情況下，帶妝一整日只有鼻翼有輕微脫妝。喺皮膚唔穩定既轉季天氣，佢既可避免乾紋出現，又可以有效控油脂分泌，令個妝容喺換季期間都可以保持穩定靚仔嘅狀態。

❌ 方便度
個盒面嘅正方窿太大，一倒就好易山泥傾瀉。用粉撲或者掃取粉都好難控制份量，搞到一時多一時少上妝唔均勻。