LANCÔME

升級版嫩肌活膚精華面膜

方便度：雖然好似唔太環保，但係始終都鍾意用獨立包裝既片裝面膜，打開即用方便又衛生。

使用感：精華份量多到爆，敷左塊面半個鐘依然好juicy，係可以擰得出大量精華既狀態。面膜係啫喱狀，唔太鍾意滑溜溜既感覺，比較厚身同有少少黏笠感。敷上面之後感覺唔算好輕薄，有少少唔夠貼面同埋會跣走。敷完過左成個鐘都仲有痴笠笠既感覺，我覺得吸收一陣需要洗面清潔翻。

效果： 轉季皮膚比較敏感同繃緊，敷完有感受到水潤同亮白咗，摸落去好滑溜。特別係第二朝都keep到補濕同亮白效果，呢點幾滿意！不過唔知性價比如何，呢塊mask係買小黑瓶送既，好似唔太見到香港有貨裝可以一盒盒買。