Nature Republic

蘆薈舒緩保濕啫喱

透明啫喱狀，保濕力唔夠，但勝在大大盒超便宜，大撻大撻用都唔心痛，脫毛後用佢比用乳霜更好，吸收快，又降紅，但長用都唔會令皮膚更加好，效果短暫

又平又大罐的蘆薈啫喱，曬傷後必用，另外都推薦係脫毛後使用，因為脫毛後對皮膚會刺激，用蘆薈舒緩一下就好返好多。

保濕能力沒有想像中哪麼好, 但是有效舒緩曬傷,蜜蠟脫毛後的紅腫 都有用於頭髪上作髮膜都吸收得不錯和有好轉一點 而且比同類產品便宜又大可以以備不時之需 我個人比較喜歡玫瑰味就轉用另一個牌子了

大大盒用都好耐，但保濕能力就一般，通常都係曬完厚敷一層鎮定皮膚，或者有時皮膚唔穩定敷黎舒緩，屋企必備

好平既一款產品😂😂 每次用好多好多都唔覺得心痛😂😂 雖然叫做保濕啫喱，但保濕能力一般 用完唔會即時覺得好保水 最鐘意係放係雪櫃😝😝 夏天曬完，用黎急救啲紅左既皮膚就最正 無論面定身都搽 涼涼地好舒服 舒緩鎮定既效果幾好🤣 但用落會有啲笠，搽完一陣我都會用水到洗返佢🤣

價錢平，唔會好立，可厚敷當保濕面膜，平平哋當曬後護理都OK，但有香料，如果有曬傷或容易敏感就要小心使用。

清爽唔會黐笠笠 如果曬傷用來急救係唔錯 有陣涼浸浸嘅感覺 不過如果拎嚟當面霜咁用就一定唔夠保濕

當初挺紅的，價錢超平，主要拎黎鎮定皮膚，個人比較偏愛脫毛後拿來用

價錢平份量又多， 用多左都唔會心疼， 有少少香味。 舒緩保濕效果一般。

曬完太陽或者做完戶外運動身體必用，臉都試過搽一兩次，但因為有酒精，同埋蘆薈含量好似唔太多定點，保濕效果麻麻地，雖然平，但冇乜用，會寧願花多少少錢買支貴啲嘅，蘆薈成份高啲嘅用～

同好多蘆薈gel一樣, 平靚正! 質地清爽, 好快吸收曬! 滋潤效果一般, 夏天用好足夠冬天就可能唔夠.

即時保濕能力一流，但日常使用較黏笠，適合於非常乾燥情況，特別是於戶外活動後曬傷使用不會有其他產品使用時因曬傷而引起的疼痛，只有舒緩的感覺。

適合爆曬後茶，可以鎮靜皮膚 亦都可以係處理暗瘡後用，減少紅腫 但係因為我係混合性皮膚，T字位茶完唔係好油，但係面額過左一陣有點痴

夏天喜歡fu蘆薈gel做保濕和消炎，可惜這韓國出的蘆薈gel的人造凝膠太多，冇咩特別，只是價錢平。

第一次接觸喺2013年到，之後正式買嚟用應該喺2015年左右。 以前用過黎搽面保濕，但其實只喺啱啱搽嗰陣有效果，之後洗面洗返走就同無搽過一樣。 後來開啟左新用法，夏天有次行山太曬，條頸無搽防曬產品，返到屋企紅紅地又痛痛地，之後就用左黎厚搽，一個星期左右就無咩事，所以我覺得佢喺呢方面都有少少用。

冬天恩物～cp值很高，價格便宜但物量多，一到冬天就會搽面、手腳，幫皮膚帶點水份

Aloe 凝膠係韓國美妝店非常便宜，每個品牌出一枝🤣 Nature Republic 係蘆薈凝膠既始祖，由於大罐又便宜，就買了1罐試下👌 但係，除了價格親民外，我沒有找到很大優點了👋 成份 🌟🌟🌟 價格 🌟🌟🌟🌟🌟🌟🌟 致敏 🌟 沒有顏色添加😍 產品一打開有少少酒精味，搽上皮膚有冰涼感。不過個人

看門口之選，抵用。曬後厚敷可降紅，防甩皮，但唔夠清爽。經常用到的話建議買更純嘅蘆薈gel。

好多人推薦俾我用，話十幾二十蚊就買到，夜晚厚敷，敷完感覺好保濕，但我唔覺得有什麼特別，只係敷完一陣，好似皮膚保左水，之後都係好乾！唔覺得有特別效果！

平價蘆薈gel，夏天搽身清爽易推 但對乾性皮膚嚟講單用佢保濕效果唔明顯