CEZANNE

Toneup eye shadow

作為開價品牌其中一個王者，呢款產品實在好抵買，由日本購入，折實港元$40都唔使！

呢一盒眼影，粉質算細，唔多飛粉

配色非常適合日常使用，一盒當中已經有齊光影顏色，主色調，同埋陰影顏色。不過光影嘅顏色飽和度相對低，查出嚟似透明加閃粉，而唔係有底色嘅粉色。 對比起某啲品牌，三色或四色眼影都係差唔多深淺度，呢盒眼影就略勝一籌，三種顏色嘅深淺度非常明顯，一盒已經足以打造成個眼妝，臥蠶、眼尾輪廓都做到 。
對於我呢種黃皮膚，特別喜歡佢嘅陰影顏色，非常能夠突出眼尾 形狀，有助拉遠眼距、達至放大雙眼嘅效果！而且產品出咗好多顏色，適合唔同妝容，平平哋入手，買多幾款顏色都唔肉痛 ！
產品size亦都非常迷你，出街、去旅行補妝都非常方便！

不過提提，產品入面冇附帶鏡子，出去補妝要留意呢~

至於持久度方面，就同佢價錢掛鉤了~ 大約三4小時後，眼皮就會開始出油，閃粉會 堆積 ，不過以呢個價錢，我覺得產品質素已經係相當之高 呢