ettusais

魔束捲翹睫毛底膏

多謝Cosme今次嘅試用！ettusais 今次有三個產品可以試用，全部都係貨裝 ，又好啱我呢個日日都要化妝嘅人，真係好開心呀。

呢個係魔束捲翹睫毛底膏，佢係我最大愛嘅 齒梳設計！我鍾意佢嘅原因係因為佢唔會用耐咗 就會搽上眼變咗曱甴腳，同埋都比較容易使用，你好似梳頭咁樣就可以將啲睫毛膏搽上睫毛度 。第一次用佢唔會有過多嘅睫毛膏或者有結塊嘅情況出現，掃上眼都效果好自然做到根根分明。 咁我本身嘅睫毛都唔係話非常長，但係先用睫毛夾夾翹咗睫毛後再將睫毛梳喺根部嘅位，向上梳就好容易可以上喇～
可以見到大半日，我啲睫毛嘅方向其實都完全冇變過，佢嘅維持度真係好高 ！我覺得新手如果再慢慢重複掃多兩浸，應該都可以輕鬆做到一個太陽花效果 ，當然咁就可能會難啲卸咗佢，咁就記得用返眼部專用卸妝產品啦～
但係官方有提及到其實用40度左右溫水嘅棉花係可以卸除嘅，所以如果你只係搽一浸，想要自然效果，咁你就可以用溫水就卸咗佢 。
我覺得呢支睫毛底膏真係冇挑剔嘅地方 ！絕對可以入手～