naturie

日本薏仁保濕水凝霜

夏天護膚唔想太厚重，呢款薏仁水凝霜真係幫到手。佢質地好似啫喱咁，一搽上面即刻變水感，吸收得快又唔黏。對於我呢啲混合偏油肌嚟講，夜晚搽厚少少可以當sleeping mask，朝早又可以當妝前保濕打底，性價比高得嚟又夠大罐，真係唔怕用。冇香料冇刺激，基本上敏感肌都可以試。不過佢保濕力唔算超強，如果你係乾肌或者轉天氣時用，可能就未必夠力～我自己會喺秋冬加返面霜先夠鎖水。不過炎夏用嚟降溫+補水，真係非常啱用，用完塊面有種透亮感。CP值極高，特價入手更加冇得輸！