IPSA

生肌水源素

因為想去斑，所以呢排用左好多美白去斑產品，試過好幾個品牌都無效，可能太刺激，唔單止淡唔到斑，仲搞到成塊面又紅又黑黑暗暗咁。停晒d美白幾日未見有好轉額頭仲出左好多粒粒。後來我突然醒悟，要轉用返d溫和保濕既product, 無意中見到呢支流金水口碑幾好，話保濕之餘仲可以穩定皮膚，就買黎試下。

我夜晚用化妝棉濕敷塊面幾分鐘，感覺好舒服，完全無刺痛或者任何不適，幾保濕滋潤但唔會笠，我鐘意呢個感覺，因為我最怕笠。第2朝皮膚已經望落無咁紅。
用左2日已經感受到皮膚好轉，無左果種暗暗黑黑既感覺，望落仲白d添。估唔到咁快見效。

希望用多1排連d粒粒都消埋就perfect 。