MAYBELLINE

FIT ME！反孔特霧粉底液

Maybelline Fit Me 反孔特霧粉底液 — 霧面妝感嘅高 CP 值之選，控油效果持久✨

質地：
呢款粉底液嘅質地偏向流動性高嘅 liquid 狀，
上臉好容易推得開，唔會覺得厚重。
推勻之後好快就會變成霧面嘅 finish，
觸感偏滋潤， 不過冇乜 黏笠感，
對於偏油或者混合肌嚟講，呢種質地喺夏天用都幾舒服。

效果：
妝感係好自然嘅 matte look，
修飾毛孔嘅效果確實唔錯，皮膚睇落會平滑咗。
遮瑕力中等，對於普通嘅膚色不均或者淺色豆豆印，薄薄上一層已經遮到大部分，妝效唔會覺得好似戴咗面具咁。
控油力方面表現幾穩陣，平時返工出街大半日， T-zone 位置雖然會有一點點油光，但混合咗油脂之後，個妝反而會變成好睇嘅奶油肌妝感，唔會好容易成塊面溶晒或者出現斑駁嘅情況。

缺點：
不過呢款粉底乾得比較快，建議上妝嗰陣要分區處理，如果唔係可能會推得唔夠均勻。
另外，對於鼻翼或者皮膚本身有乾皮嘅位置，可能會有少少顯乾紋，所以妝前嘅保濕步驟一定要做足，咁樣個底妝先會更加貼服。

總結：平價好用嘅霧面底妝，油肌同混合肌嘅穩陣選擇。另一樣最大嘅優點就係佢好易買到，樓下屈臣氏都有。
Maybelline Fit Me 粉底液性價比真係幾高，可以維持到長時間嘅霧面妝感，同時修飾到毛孔。
只要做好保濕，佢係一款每日返工、去街都好岩用嘅 foundation ✨