Lucido-L

輕柔亮澤美髮油 Hair Treatment Oil

剪咗頭髮之後，夏天嘅時候少咗用髮尾油，而家換季，吹頭後髮尾容易翹起毛燥，要每次洗頭後用返髮尾油。

呢款髮尾油，只要用返適當嘅份量，同埋只係用佢髮尾，就唔算超笠，可以接受。記得千祈唔好用喺頭髮根部。唧出嚟嘅時候，有甜甜地嘅香味，頭髮吸收之後香味就會消失。

Lucido-L輕柔補修精華護髮油含有蠶絲油同摩洛哥堅果油，以佢嘅售價，雖然摩洛哥份量未必太多，但以成份睇都算合格。裡面有矽靈同二甲矽油，能夠平滑髮尾，減少毛燥情況，效果合格。

雖然用完唔會話頭髮變得好靚，但性價比高，一支可以用到一年，值得💜