SHISEIDO 資生堂

VITAL-PERFECTION 全效美白抗紋滋潤健膚水

主打功效：提亮、改善毛孔細緻度。

Shiseido呢個系列嘅化妝水，算係品牌長青產品之一。佢有Shiseido產品一貫嘅優雅香味，臨瞓前使用有種舒緩壓力嘅療癒感。呢款化妝水，我會將佢倒落化妝棉，再喺面上輕輕打圈，幫助軟化同帶走老角質，加強提亮肌膚嘅功效。佢嘅質地清爽，使用完冇黏笠感，補濕效果亦都尚算理想，適合夏天嘅時候使用。秋冬比較乾燥嘅時候，就略嫌補濕度唔夠了。

使用咗大概兩星期，皮膚望落亮白咗。鼻翼兩邊本身毛孔較粗大嘅位置，毛孔亦變得較為細。

唯一缺點就係以化妝水嚟講，價錢比較昂貴，適合有充足預算嘅人士。