FANCL

淨肌保濕潔面粉

Fancl淨肌保濕潔面粉用咗好多枝，雖然佢細細支，但其實每次用量都好少，一支都真係用到三個月。輕輕倒出嚟用量易控制，小小洗面粉已經可以泡到夠多泡泡，真係好方便。粉質細滑，用完之後皮膚感覺清潔，但又唔會緊繃。洗面粉長期用仲會有去角質效果，如果皮膚比較多暗粒嘅人士都比較推薦使用洗面粉代替洗面膏。

專門店有售起泡海綿球，佢哋可以整出極幼滑嘅泡泡，但係有時懶，其實用手都好容易起泡。

洗完後令皮膚感到清新，而且有一定嘅保濕效果，成分相對天然，一年四季、任何皮膚都適合使用，對我嘅皮膚完全冇過敏情況。Fancl產品冇添加防腐劑，記得跟返建議喺三個月內用完！